المفحطين .. المقحصين

[الحياة الخالدة]

السلام عليكم و رحمة الله و بركاته

صبحكم / مساكم الله بالخير

في برنامج الثامنة على الام بي سي .. كان النقاش البارحة بعنوان : درباوية في الخليج

أترككم مع بعض الصور

[الحياة الخالدة]

http://cdn.top4top.co/i_6f9751890f0.jpeg (http://up.top4top.net/)

http://cdn.top4top.co/i_e77f72afe40.jpeg (http://up.top4top.net/)

[الحياة الخالدة]

http://cdn.top4top.co/i_bb0b3586e40.jpeg (http://up.top4top.net/)

http://cdn.top4top.co/i_92849363a70.jpeg (http://up.top4top.net/)

[الحياة الخالدة]

مثل ما شفتوا .. كل الشباب متلطمين مدري متلثمين .. ما عدا مقدم البرنامج ( اللي تلطم في نهاية البرنامج )
و الشباب أكبر واحد فيهم عمره 24-25 سنة

الصراحة بالنسبة لي كان النقاش عجيب يكشف عن تفكير هذه الفئة العمرية

سؤالي :
هل هذه الظاهرة موجودة عندنا في قطر ( بصورة أو بأخرى ) ؟؟
و التطم أو التلثم : شنهي الفكرة منه بالضبط ؟؟ هل هي كنوع من الشوو و مرتبطة بهالنوع من الهوايات ؟؟ أو هي لإخفاء الشخصية ؟؟
أو هي عشان ما تصير لهم مشاكل مع أهلهم أو في مقر عملهم ؟؟

تحياتي للجميع .. و خميسكم فلــــــة

[حرف]

عندنا وعندهم خير

[Dana’1]

هذي ثاني مره يستضيف درباويه فعلا الأمر مهم ويحتاج علاج

نعم موجودين بقطر ومره بالصدفه شفت لهم مقاطع باليوتيوب! واتوقع موجودين بالعالم كله مع اختلاف المسميات والطرق!

متلطمين هذا شي جيد يعني يستحون من افعالهم ولو ذره!

وعلى فكره درباوي عن درباوي يفرق بعض الشباب ماخذ الاسم بس على اساس عربجه وتفحيط يثبت إنه المسيطر والملك بالسواقه مايتعدى كذا

وبعضهم للإسف تمادى أكثر من التفحيط لترويج مخدرات أو حتى أفعال شاذه!


الله يحفظ شبابنا وشباب المسلمين آمين يارب العالمين

[الحياة الخالدة]

عندنا وعندهم خير

محتاجين إرشاد و توجيه .. و تفهم لأفكارهم
الله يهديهم و يصلحهم .. هذيلا رجال المستقبل

حياك الله أخوي حرف

[R 7 A L]

سؤال
هل عندنا في قطر برامج توعيه مروريه ؟

[الحياة الخالدة]

هذي ثاني مره يستضيف درباويه فعلا الأمر مهم ويحتاج علاج

نعم موجودين بقطر ومره بالصدفه شفت لهم مقاطع باليوتيوب! واتوقع موجودين بالعالم كله مع اختلاف المسميات والطرق!

متلطمين هذا شي جيد يعني يستحون من افعالهم ولو ذره!

وعلى فكره درباوي عن درباوي يفرق بعض الشباب ماخذ الاسم بس على اساس عربجه وتفحيط يثبت إنه المسيطر والملك بالسواقه مايتعدى كذا

وبعضهم للإسف تمادى أكثر من التفحيط لترويج مخدرات أو حتى أفعال شاذه!


الله يحفظ شبابنا وشباب المسلمين آمين يارب العالمين

اللهم آمين
أكيد موجودين بكل مكان .. لكن بدرجات متفاوتة
هذيلا كانوا يطالبون بوجود حلبة خاصة عشان يمارسون هوايتهم .. و كم واحد منهم كان في البداية متجمهر .. بعدين صار درباوي
أعتقد في قطر عندنا حلبة ( كأني سمعت أو قريت شي من هالقبيل )

هدفهم من هالهواية في نظرهم شي مشروع .. و يمكن يكون نوع من إثبات الذات و الرجولة في هاذي المرحلة العمرية
لكن الخوف نفس ما قلتي إنها تتطور أو ترتبط بأمور أخرى غير مشروعة

يوم سألهم المذيع عن سبب تلطمهم : ما حسيت أنهم مستحين بقدر ما كانوا ماخذينها كشيء حلو و مميز لهم
بس أنا شخصياً أعتقد أنهم يبون يتجنبون المشاكل

تسلمين يا غالية

[الحياة الخالدة]

سؤال
هل عندنا في قطر برامج توعيه مروريه ؟

والله يا رحال ما عندي فكرة
أنا أشوف في الشوارع لوحات و إرشادات
و على خبري من زمان كلش كان في برنامج في التلفزيون كان يقدمه عبدالعزيز السيد أعتقد بعنوان : الشرطة معك ( أدري خبري عتيج )
بس الحين أتوقع في برامج أنا مادري عنها .. يعني أكيد وزارة الداخلية مب غافلة عن هالناحية المهمة

حياك الله أخوي

[حرف]

سؤال
هل عندنا في قطر برامج توعيه مروريه ؟

اذكر قبل اكثر من عشرين سنه برنامج الشرطة معك

[@north_star@]

هالفئة موجودة بكل مكان تقريبا وأتوقع الارشادات والقوانين موجودة وللكن أذن من طين وأذن من عجين ضاربين بالقوانين عرض الحائط ...فغالبية الدول قامت بعمل حلبات رياضية للدراجات والسيارات لتفريغ طاقات الشباب وخاصة من هالفئات العمرية
ويبقي تطبيق القانون عليهم بيد من حديد لانهم خطر مب على أنفسهم فقط بل على المجتمع بأسره ... وما نقول الا الله يهديهم ويصلح حالهم وحال جميع المسلمين

[الحياة الخالدة]

اذكر قبل اكثر من عشرين سنه برنامج الشرطة معك

إيوة .. و هذا اللي أتكلم عنه .. من زمن الطيبين
معقولة الحين مافي أي برنامج للتوعية المرورية ؟؟
أظن في قناة الريان كم مرة يلتقون مع مسؤولين من الداخلية و المرور
بس إن برنامج مخصص ما مر علي

[ضوى]

ماعرفت كلمة درباوية الا من هالمنتدى والا عمري ماسمعت عنها

بس انا اشوف الشباب محتاجين يفرغون طاقتهم ، يعني لاز يكون لهم مكان خاص يمارسون فيه هالهواية ولازم يكون فيه تدخل من الحكومة بجميع فئاتها

[الحياة الخالدة]

هالفئة موجودة بكل مكان تقريبا وأتوقع الارشادات والقوانين موجودة وللكن أذن من طين وأذن من عجين ضاربين بالقوانين عرض الحائط ...فغالبية الدول قامت بعمل حلبات رياضية للدراجات والسيارات لتفريغ طاقات الشباب وخاصة من هالفئات العمرية
ويبقي تطبيق القانون عليهم بيد من حديد لانهم خطر مب على أنفسهم فقط بل على المجتمع بأسره ... وما نقول الا الله يهديهم ويصلح حالهم وحال جميع المسلمين

بالضبط .. موجودين .. و الإرشادات موجودة
و مب معقولة أنهم مب مقدرين درجة خطورة هالهواية
لكن لما توضع لهم حلبات مخصصة .. بيكون الخطر مقتصر عليهم .. و عالأقل الناس اللي مالهم ذنب .. ما يروحون فيها
الله يهديهم و يصلح حالهم .. لو ما سووا حساب حق نفوسهم .. ولا حق ربهم اللي عطاهم هالروح و المفروض ما يخاطرون بها
أقلها يسوون حساب حق أهاليهم : أمهم و أبوهم اللي تنكسر قلوبهم عليهم

حياك الله يالنجم الشمالي

[الحياة الخالدة]

ماعرفت كلمة درباوية الا من هالمنتدى والا عمري ماسمعت عنها

بس انا اشوف الشباب محتاجين يفرغون طاقتهم ، يعني لاز يكون لهم مكان خاص يمارسون فيه هالهواية ولازم يكون فيه تدخل من الحكومة بجميع فئاتها

وانا مثلج .. و المصطلح أصلاً مب مستخدم في قطر .. مادري شنهو المقابل له عندنا

ياليت هالطاقة تطلع في أشياء مفيدة لهم و للمجتمع يا ضوى
أو عالأقل في أمور ما تضرهم و ممكن تخسرهم حياتهم

الله يحفظهم و يخلي لج عيالج :omen2:

[معماري قطري]

أذكر في مدينة ستاكتون الأمريكية كانت ليالي الجمعة والسبت زحمة والناس يدورون وأكثرهم شباب محد يتجرأ يغلط لأن الشوارع ملغمة بالشرطة المتخفيين والحقيقيين .. لكن في نفق صغير يبدأ حرق التواير بالخش وكنا نستانس ذاك الوقت متعة مشاهدين فقط.

عندنا عينك عينك لإنفلات الأمن وضعف الرقابة

[معماري قطري]

عندنا الوضع كثير أحسن من السعودية ونتمنى منع التطعيس ووضع عقوبات رادعة وتقنينه في مكان معين وبشروط ورقابة

[BUHASSEN]

والله وزارة الداخليه مو مقصرين بس للاسف القوانين ماديه والشباب الله يهديهم في خير ونعمه ولله الحمد
فمب مشكله عنده المخلفات يدفع ويروح

انا اشوف لو يفعلون القوانين الاداريه مب بس كله فلوس مثل حجز اداري او خدمه مجتمعيه او مثلا شخص مستهتر ممكن ياثر علي زواجه

الفلوس مش دايما رادع خاصه للي مب حاس بقيمتها وماكد فيها

والله يصلح الشباب ويحفظهم من هالامور

[بوخالد911]

((( وَهُمْ يَحْسَبُونَ أَنَّهُمْ يُحْسِنُونَ صُنْعًا )))

الله يهديهم
ومع تشديد وتغليظ العقوبة ضدهم

[السكين]

أنا مع الأخ معماري أولاً وقبل التفحيط منع التطعيس .. خطر تمشي بسيارتك خطر تصور خطر تمشي على البحر خطر تتمشى .. من كلا الاتجهات قنابل موقوتة ..أرجوكم لا تقولوا مخصصة للسيارات ..لا .. الطعوس غير مخصصة للإستعراض .. ان كان ولا بد لازم تكون رياضة منظّمة بعيداً عن العشوائية والفوضى ..

أما حلبة الاستعراض انا اشوفها أيضاً لازم تكون منظمة أكثر ..بمعنى مهارات التجاوز والقيادة بين الأقماع أو الدرفت وما شابه ..أما أدخل أفرغ شحنتي وأحرق الماكينة والتواير وأشحن حماس زيادة وأطبقه بالشوارع .. فهذا شيء سلبي .. والدليل شوفوا بالليل أكثر اللي راجعين من سيلين وشوفوا سباقاتهم وتهورهم على الطريق وهم راجعين .

مجرد رأي شخصي.

[الحياة الخالدة]

أذكر في مدينة ستاكتون الأمريكية كانت ليالي الجمعة والسبت زحمة والناس يدورون وأكثرهم شباب محد يتجرأ يغلط لأن الشوارع ملغمة بالشرطة المتخفيين والحقيقيين .. لكن في نفق صغير يبدأ حرق التواير بالخش وكنا نستانس ذاك الوقت متعة مشاهدين فقط.

عندنا عينك عينك لإنفلات الأمن وضعف الرقابة


عندنا الوضع كثير أحسن من السعودية ونتمنى منع التطعيس ووضع عقوبات رادعة وتقنينه في مكان معين وبشروط ورقابة

يجوز أخوي معماري عندنا قوانين .. لكن أما أنها غير مفعلة .. أو تتطبق على ناس و ناس ( يعني تدخل فيها المحسوبية و الواسطات )

حياك الله أخوي

[الحياة الخالدة]

والله وزارة الداخليه مو مقصرين بس للاسف القوانين ماديه والشباب الله يهديهم في خير ونعمه ولله الحمد
فمب مشكله عنده المخلفات يدفع ويروح

انا اشوف لو يفعلون القوانين الاداريه مب بس كله فلوس مثل حجز اداري او خدمه مجتمعيه او مثلا شخص مستهتر ممكن ياثر علي زواجه

الفلوس مش دايما رادع خاصه للي مب حاس بقيمتها وماكد فيها

والله يصلح الشباب ويحفظهم من هالامور

صحيح أخوي .. ما دامهم جربوا العقاب بالفلوس و ما نفعت و ما زالت المخالفات مستمرة
يحتاج يطبقون وسائل ثانية للعقاب و الردع .. و تنطبق على الجميع من دون استئناء

الله يصلحهم و يهديهم

حياك الله أخوي buhassen

[الحياة الخالدة]

((( وَهُمْ يَحْسَبُونَ أَنَّهُمْ يُحْسِنُونَ صُنْعًا )))

الله يهديهم
ومع تشديد وتغليظ العقوبة ضدهم

نعم أخوي بوخالد
بعد استنفاذ كل الوسائل .. مالنا إلا ندعي لهم بالهداية و الصلاح
شكراً لمشاركتك

[معماري قطري]

يجوز أخوي معماري عندنا قوانين .. لكن أما أنها غير مفعلة .. أو تتطبق على ناس و ناس ( يعني تدخل فيها المحسوبية و الواسطات )

حياك الله أخوي

الله يحييج ويبقيج

أتوقع المشكلة في تطبيق القوانين هي قلة أفراد الشرطة ولو يتوزع هذا الواجب على كل رجال الأمن من جيش وحتى دفاع مدني وجميع منتسبي الشرطة حتى لو بدوام مدني وخارج وقت دوامه وبشروط وتدريب بسيط للتعامل مع هذي الحالات غصب بنكون بخير .. حتى الفرجان ألحين تتفاجئين بشخص يمشي عكس السير مسرع سرعة رهيبة بس علشان يتفادى مطب .. لو بالف وراه وبالحقه وباصيد رقمه انا بروحي بادخل في روح وتعال وسين وجيم .. لكن اتمنى يعطون أشخاص معينين تنطبق عليهم شروط معينة الحق في توقيف هذا الشخص بليتات خاصة في سيارته .. وشفناها تستعمل في أمريكا وألمانيا ومؤكد في دول ثانية .. يوقفه على الأقل ينصحه وينذره ويشوف تاريخ سواقته لو له حوادث وتكررت لازم يعاقب عقاب رادع.

المجتمع كله يحس إن فيه رجال قايمين على سلامة المرور فيه .. من يومين رحت طريق مسكر بحواجز وفيه كاميرا للسرعة وسرعته 80 يعني مسار واحد وشوي الا واحد وراي مقترب بطريقة خطرة .. وخر ولا بادعمك .. خففت السرعة ل 40 وكنت اقدر اسوي له مشكلة بس انا ضد اني اسوي مشكلة لجاهل بدون سند قانوني وتكليف .. ولو مكلف بانصحه .. أتمنى يبدونها بمن في سن 50 لحد 60 ومن طواقم الأمن المختلفة وينزلون العمر لحد 35 بعد نجاح الطريقة.

ولدي يسوق بتهور وادري به وانصحه ويدرس في الامارات .. نصحته عن المخالفات قال لي السيارة القطرية ما يخالفونها .. على راسها وراس راعيها ريشة .. وشوي سوى حركات تهور ودوس في الشارع ويوقفه ضابط بلباس مدني وخارج دوامه ويعطيه مخالفة ب 2000 درهم ويطلع عليه مخالفات سابقة ب 25000 درهم ويحجزون سيارته .. طلب محاكمة لأَني انا قلت له اني نصحته ولا سمع النصيحة ويحسب القوانين بسهولة يقدر يتفاداها وقلت له يطلب محاكمة .. القاضي نزل مخالفاته للنص وطلع سيارته بعد شهرين .. ووالله اني اقول له ما قصروا فيك مرور دبي وارتحت وشكرتهم من قلبي باتصالات صارت بيني وبينهم .. الأرواح أمانة في يدكم يا كبار المسؤولين ونبي بس تكليف وعدة توقيف في سياراتنا وبنعامل الناس كلهم كاخوان وعيال لنا وخلونا ننصح بس ما نبي نخالف.

[معماري قطري]

أنا مع الأخ معماري أولاً وقبل التفحيط منع التطعيس .. خطر تمشي بسيارتك خطر تصور خطر تمشي على البحر خطر تتمشى .. من كلا الاتجهات قنابل موقوتة ..أرجوكم لا تقولوا مخصصة للسيارات ..لا .. الطعوس غير مخصصة للإستعراض .. ان كان ولا بد لازم تكون رياضة منظّمة بعيداً عن العشوائية والفوضى ..

أما حلبة الاستعراض انا اشوفها أيضاً لازم تكون منظمة أكثر ..بمعنى مهارات التجاوز والقيادة بين الأقماع أو الدرفت وما شابه ..أما أدخل أفرغ شحنتي وأحرق الماكينة والتواير وأشحن حماس زيادة وأطبقه بالشوارع .. فهذا شيء سلبي .. والدليل شوفوا بالليل أكثر اللي راجعين من سيلين وشوفوا سباقاتهم وتهورهم على الطريق وهم راجعين .

مجرد رأي شخصي.

وانا مع رأيك كذلك .. فيه مهارات كثيرة .. وحلبة سواقة سريعة بعد بتكون حل جيد .. مثل حلبة الوسيل في فترات كثيرة تكون مقفلة بيبانها .. اللي يبي يسرع ويجرب سيارته يروح وبشروط معينة وتأمين معين ومبالغ رمزية.

أو عمل خط خاص للسرعة بوسائل مراقبة وأمان حديثة وبدون دخول للسيارات اللي تمشي على مهلها .. نفترض المسار اليمين 120 والوسط لسرعات أعلى وللتجاوز واليسار لسرعات مفتوحة نفس نظام ألمانيا .. تجربة أتمنى تكون محدودة في طريق معين والسرعة تتغير حسب ظروف الطريق من مركز المراقبة والكترونياً.

شوف هذا مثال على حلبة نورنبرغ في ألمانيا حتى الشاحنات الصغيرة وسيارات العائلة تدخلها


https://www.youtube.com/watch?v=Dt5LqBIoyEc

[الحياة الخالدة]

الحين و أخيراً تكلم معماري اللي نعرفه

[معماري قطري]

لازم تكون فيه بدائل قانونية ومحددة للسرعة ومهارات القيادة وحتى بتكون مفيدة للكل .. وبدل المخالفات تكون فيه كورسات سواقة للمخالف وبمبلغ أقل من المخالفة ويغطي تكلفة الكورس

[معماري قطري]

الحين و أخيراً تكلم معماري اللي نعرفه

المزاج رايق اختي اليوم الله يروق مزاج الكل

[بانغ بانغ]

اعتقد انهم مرضى نفسيين في ظل الكبت المحيط بهم

فلابد من عمل حلبات لهم لتفريغ الشحنات

ينطبق الكلام على ربعنا

[حسن]

موضوع جميل

شكرا

لك

[بومحمد911]

اولا نسأل الله لهم الهداية واعتقد هذي الفئة خطر على المجتمع وتهدد امن المجتمع وهذي نتيجة فشل بعض الآباء في تحمل مسؤولياتهم مطلوب متابعة هذي الفئة في الجانب الامني وفرض عقوبات حازمة للحد من هذه الظاهرة

[معماري قطري]

موضوع جميل

شكرا

لك

من قدك مغير الصورة وحاط صورة هالمبروك الله يحفظه

بس وشو الجميل في الموضوع؟ ووشو الشيء اللي تشوفه وما نشوفه؟

[الحياة الخالدة]

موضوع جميل

شكرا

لك

مواضيعك الأجمل

عفواً :)

[الحياة الخالدة]

إخواني :
السكين
معماري قطري
بانغ بانغ
بومحمد 911

شكراً على مشاركاتكم الطيبة
و سأرد عليكم تباعاً بإذن الله

[ya3coub]

بوووو موضوع سيارات و اكشن و شباب


المرور موب مقصرين و التوعية المرورية شغالين يويميا و بالويك اند ايضا
اقربها يوم الجمعه كان في تجمع لشباب الموستنج و من كل دول الخليج متواجدين بينما بنفس الوقت كان في فعالية انا حاضرها بكلية شمال الأطلنطي للسيارات. !!!!

و لما كلمت احد الضباط و بلغته بعدم حضورهم للكلية استغرب بأن الدعوة ما وصلتهم و اهو بيوم راحتهم الجمعه و مرتزين من بعد الصلاة لين الليل.

الله يعيطهم الف عافية بس الي صاير اكثر من مجرد توعية السبل التوعية خلاص اندثرت ولا احد صار يعطيها اي اهتمام.
هاذي ككلمة الحق لقسم التوعية المرورية فقط ولو انه بيني و بينهم مشاكل حاليا المرور بس معليه.


نجي أختي الحياة لأخواننا الدرباوية و هل هم موجودين بقطر.

اي نعم موجودين و جات فترة و وانتشرو حتى فالدوحة بينما قبل تلقونهم بمناطق معينة عن الحساسية.
من هو الدرباوي اهو الشخص الـــ"مقلوع, داشر, صيه" العبيط القوي المضحك صاحب الدتسن "عراوي بيك اب او هايلكس" عليه تعديلات معينة و بالسعودية كله حمضيات الزبدة الـــSterotype الحالة النمطية لهالفئة مثل ما اذكرو أخواني فوق تبتدي بالإستعراض و تكبر إلى الشذوذ الجنسي و الممنوعات.


الف الحمد الله انه الكل كان يستنكر وجودهم او حتى يراقبهم أذا شخص غريب او ذو هيئة معينة و سيارة معينة بطريقه مشبوهة كشباب الفريج الكل كان يراقب و يحط العين و يشوف وين رايح اي بين و ليش و الخ.


نجي للإستعراض بقطر الي موجود من ايام الوالد لما اسمع سوالفه و اشوف باليوتيوب افلام استعراض من السبعينات و الثمانينات مقابل دوار فندق الشيراتون "لا إله إلا الله" حتى من ذيج الأيام قطر كانت بخير و الإستعراض كان بمرسدسات و زدات و كروزرات"

شالي يفرق بالنهاية كله غلط بغلط.
نادي قطر للسباقات لهم شروطهم, الإتحاد القطري لرياضة السيارات تواصلت معاهم سنة 2008 كنت اعشق الرالي و ودي اسوق و اكون احد قائدي سيارات الرالي و اجرب نفسي ممكن اقبت نفسي و ممكن لا.


الدعم صار بعد فتح النادي الله يعطيهم العافية:
1) الإستعراض الحر :.... الي منتشر بالفرجان و قريبا بيزيد مع تعدل الجو و الأمطار عبارة عن تفجير تواير و يصرف على السيارة الكثي من المبالغ.

2) رياضه الشيل: ... و الي شباب قطر و الأمارات كانو من افظل الشباب بالعالم انا اقولها و متأكد و الحين ايضا شباب ا لسعودية على الكوزر ربع " المسمسى بالكبسولة"

3):.... رياضة الدرفت الي تستهويني ليلحين و اتمنى لو انهم يسون دورات بقطر نفس ما اهي موجودة بدول مجاورة.

4):.... الدراج ريس و لله الحمد فيه له دعم و جوائز قيمة و فوق و صار في تطور ملحوظ للشباب.


شالي صار من 2009 تقريبا إلى الآن او من فتح النادي إلى الآن ....

رياضة الدرفت بدت تنتشر و توني من اسبوع حضرت اخر ربع ساعه للبطولة, و انصدمت من الجمهور الي موجود طبعا أغلبهم اجانب بس معلي في جمهوووووور كبير لهالرياضة.

الإزعاج الي كان يصير بالفريج خف جدا جدا بحيث انه الحين ما ينسمع إلا باوقات الأمطار و مو بالفريج يروحون للشوارع الرئيسية و الساحات يطيبون خاطرهم و يرجعون عالسريع قبل ما الدوريات توصل.

الشيل ماله إلا بعض الأماكن المعروفه بين الشباب للتدريب و بعدين بالنادي للعرض, اخبر يوم كنت صغير اكثر من واحد انقلب و الي دعم بالفريج و كسر سيارات خلق الله لانه يدخل اللفه مسرع يحاول يرفع السيارة.

الدراج ما تكلمت فيه وايد لأنه رياضه مكلفه و اغلب الي فيها قراجات او اصحاب قراجات و بزنس الله يزيدهم و يبارك مقارنة بالخليج من اقل الدول بالدراق تسبقنا البحرين و الكويت بوااااااااااااااااااااااااااااااااااااااااااااايد

كشباب قطري من الصغر اي واحد عنده ولد تلقونه يلعب بسيارة, الجيل السابق يقعد يعاله بحضنه و اهو يسوق السيارة.

السبب الي ذكرته فوق مفهوم الــقدوة "القلاعه, الصيه الربش" بالمدارس الإبتدائية الي يتمنون يصيرون نفسه باقي الطلاب (الشخص الي عقاله على جنب, طويل اللسان و المرادد على المدرسين"
هاي المفهوم لو تغير و استنكر كل بيت هالتصرفات بيصير كلشي بخير.

قطر و الخليج عامة الشباب أغلبهم لا إله إلا الله سواقين بالخبرة و قد يكون السبب لتوفر السيارة من عمر اصغر مما يعطي خبرة اكثر بالسواقه من عمر صغير, بس في حال انه تم تخصيص الأماكن بدون وضع قيود شبه مستحيلة و معقده الأغلب بيتجه للحلبات و بيترك الشوارع الأغلب بيوعي نفسه بنفسه عن اهمية السلامة و حزام الأمان و الرول كيج و كل هالأشياء بتلقى مستوى تفكيره ارتقى من مجرد محركات و قوة و يسبق تلقاه يفكر بسلامته و حتى سلامة سيارته انتشر اخيرا بقطر شي اسمه سيفتي "برمجه سيفتي" الشي الي ممكن يزيد الآداء إلى حد ما بدون ما يأثر على اي شي ثاني بالسيارة.


الإستعراض بالطعوس, و الدرفت, و الشيل و كل هالأشياء حتى لو موجودة مو نفس لما تكون مفنتوحه حلبه نوتربنغ الي بألمانيا اي واحد ممكن يدخل و يسوق و يسابق و يسرع و الخ.
اهني حتى لو الحلبة موجودة مو اي وقت ولا حق اي احد لازم اوقات معينة.
الشخص الي يبي يشل على سبيل المثال وين بيروح يتدرب و يتعلم لين ما يتمكن, طالما الرغبه موجودة و التعديل موجود المرور كلشي امنعوه و زادت الحوادث و الكبت و الضغط زاد.

بس لو يصير في تساهل بسيط و تشديد بالي يزعج الناس و يأثر على سلامة غيره حتى لو بالسجن الناس بتصير تخاف فالبداية بس بما انه البديل موجود بيروحونله علطول.


الخيارات و توفرها و تعددها بكذا الواحد يقدر يتحكم بالنتجية النهاية حط خيارات انت تبيها للشباب يكونون فيها تغاضى عنها و شدد على الأماكن العامة و الي فيها تعداد سكاني اكثر و زحمة


السموحة احس ردي طويل. مع اني ضد الي يصير بالشوارع العامة بس مو ضد التعديل ولا ضد المسابق ولا ضد الدرفت
بشرط انه يكون بأماكن معينة. انا ضد قتل الروح بلا امان و قتل الناس الي ما يستاهلون رفيجي توفى اول العام من حادث سيارة قبل عرسه بشهر بيني و بينه 6 ايام يوم ميلاده كان 6/11 شي محزن بأنه شاب بحاله و يأتي شخص متهور مسرع يدعمه و يدخله غيبوبه لين ما الله خذ امانته الكثير منا يعرف شخص توفى بحادث سيارة على مستوى شخصي سوائا من الأهل او المعارف

خل انكون احسن دولة بقيادة السيارات حتى لو Stunt Driving القيادة البهلوانية بشرط انها تكون بأماكن مدعومة من الدولة التعديل افتحوه للمت معين القانون يوضح اكثر و اكثر و يكون في نسب قياس و محدود بأرقام للقياس الصحيح مو شخص يقيس الصوت بطبله اذنه اذا عجبه الصوت او لا او ايضا بعيونه اذا غامج او لا, احنا ارقى من هالتصرفات.
و اكثر دولة تغرم و تعاقب لمن يفعل شيء برع هالأماكن المخصصة بعد توفيرها

[الحياة الخالدة]

أنا مع الأخ معماري أولاً وقبل التفحيط منع التطعيس .. خطر تمشي بسيارتك خطر تصور خطر تمشي على البحر خطر تتمشى .. من كلا الاتجهات قنابل موقوتة ..أرجوكم لا تقولوا مخصصة للسيارات ..لا .. الطعوس غير مخصصة للإستعراض .. ان كان ولا بد لازم تكون رياضة منظّمة بعيداً عن العشوائية والفوضى ..

أما حلبة الاستعراض انا اشوفها أيضاً لازم تكون منظمة أكثر ..بمعنى مهارات التجاوز والقيادة بين الأقماع أو الدرفت وما شابه ..أما أدخل أفرغ شحنتي وأحرق الماكينة والتواير وأشحن حماس زيادة وأطبقه بالشوارع .. فهذا شيء سلبي .. والدليل شوفوا بالليل أكثر اللي راجعين من سيلين وشوفوا سباقاتهم وتهورهم على الطريق وهم راجعين .

مجرد رأي شخصي.

إي والله أخوي السكين .. التطعيس هذا خطر من كل النواحي .. و ياما راحت فيه أرواح و سيارات
بعض الشباب الله يهديهم و يصلحهم ما يحطون اعتبار لأي شي .. المهم وناستهم .. و في سبيل هالشي يجنون على أنفسهم و على غيرهم
ولا يدركون حرقة قلوب أهلهم عليهم لو صار فيهم شي

[الحياة الخالدة]

الله يحييج ويبقيج

أتوقع المشكلة في تطبيق القوانين هي قلة أفراد الشرطة ولو يتوزع هذا الواجب على كل رجال الأمن من جيش وحتى دفاع مدني وجميع منتسبي الشرطة حتى لو بدوام مدني وخارج وقت دوامه وبشروط وتدريب بسيط للتعامل مع هذي الحالات غصب بنكون بخير .. حتى الفرجان ألحين تتفاجئين بشخص يمشي عكس السير مسرع سرعة رهيبة بس علشان يتفادى مطب .. لو بالف وراه وبالحقه وباصيد رقمه انا بروحي بادخل في روح وتعال وسين وجيم .. لكن اتمنى يعطون أشخاص معينين تنطبق عليهم شروط معينة الحق في توقيف هذا الشخص بليتات خاصة في سيارته .. وشفناها تستعمل في أمريكا وألمانيا ومؤكد في دول ثانية .. يوقفه على الأقل ينصحه وينذره ويشوف تاريخ سواقته لو له حوادث وتكررت لازم يعاقب عقاب رادع.

المجتمع كله يحس إن فيه رجال قايمين على سلامة المرور فيه .. من يومين رحت طريق مسكر بحواجز وفيه كاميرا للسرعة وسرعته 80 يعني مسار واحد وشوي الا واحد وراي مقترب بطريقة خطرة .. وخر ولا بادعمك .. خففت السرعة ل 40 وكنت اقدر اسوي له مشكلة بس انا ضد اني اسوي مشكلة لجاهل بدون سند قانوني وتكليف .. ولو مكلف بانصحه .. أتمنى يبدونها بمن في سن 50 لحد 60 ومن طواقم الأمن المختلفة وينزلون العمر لحد 35 بعد نجاح الطريقة.

ولدي يسوق بتهور وادري به وانصحه ويدرس في الامارات .. نصحته عن المخالفات قال لي السيارة القطرية ما يخالفونها .. على راسها وراس راعيها ريشة .. وشوي سوى حركات تهور ودوس في الشارع ويوقفه ضابط بلباس مدني وخارج دوامه ويعطيه مخالفة ب 2000 درهم ويطلع عليه مخالفات سابقة ب 25000 درهم ويحجزون سيارته .. طلب محاكمة لأَني انا قلت له اني نصحته ولا سمع النصيحة ويحسب القوانين بسهولة يقدر يتفاداها وقلت له يطلب محاكمة .. القاضي نزل مخالفاته للنص وطلع سيارته بعد شهرين .. ووالله اني اقول له ما قصروا فيك مرور دبي وارتحت وشكرتهم من قلبي باتصالات صارت بيني وبينهم .. الأرواح أمانة في يدكم يا كبار المسؤولين ونبي بس تكليف وعدة توقيف في سياراتنا وبنعامل الناس كلهم كاخوان وعيال لنا وخلونا ننصح بس ما نبي نخالف.


لازم تكون فيه بدائل قانونية ومحددة للسرعة ومهارات القيادة وحتى بتكون مفيدة للكل .. وبدل المخالفات تكون فيه كورسات سواقة للمخالف وبمبلغ أقل من المخالفة ويغطي تكلفة الكورس

المرحب باقي أخوي معماري

الله يحفظهم عيالنا .. على كثر اللي نشوفهم داشين سلك الشرطة ما زال العدد قليل ولا يفي بالغرض
فكرة اللباس المدني أكيد ممكن تنفع وايد .. و اعتقد انها مطبقة بس مادري إذا في المرور أو غيره

العيال يحتاجون بعض الحزم و الشدة .. يعني الواحد مهما نصحهم و حذرهم ما راح يدركون هالشي .. إلا لما يتخالفون و بطريقة تحسسهم بخطورة الأشياء اللي يسوونها .. مب بس تعال ادفع فلوس و خلاص

ما شاء الله عليك .. بعد الكورسات فكرة جداً طيبة أتمنى أن يتم العمل بها

و الله يعين المسؤولين المخلصين على هالمسؤولية الكبيرة

تحياتي لك أخوي معماري

[الحياة الخالدة]

اولا نسأل الله لهم الهداية واعتقد هذي الفئة خطر على المجتمع وتهدد امن المجتمع وهذي نتيجة فشل بعض الآباء في تحمل مسؤولياتهم مطلوب متابعة هذي الفئة في الجانب الامني وفرض عقوبات حازمة للحد من هذه الظاهرة

اللهم آمين .. الله يصلحهم و يهديهم .. و يحفظهم حق أهلهم
بالفعل مسؤولية الآباء و الأمهات لا يمكننا أن ننكرها .. لكن ما يمنع إن بعض الشباب مهما شدوا عليه أهله و نبهوه ما يرتدع إلا لما يقع في المحظور

الله يهدي الجميــــــع

[العفراء]

موجودين بكل مكان لكن اللي بالسعوديه وااايد يجازفون بحياتهم حرام والله لما انشوف الفيديوهات و الحوادث اللي تصير لهم صج صج قلبي يعورني عليهم و على تفكيرهم وما ادري شو يستفيدووون من هالسوالف البطاليه و طبعا شي بالامارات مثل هالنموذج لكن حسب الفيديوهات اللي نشووفها و الحوادث المميته انا بعمري ما شفت مثل خبال الشباب السعوديين الله يحفظهم و يهديهم