شراء عبر الانترنت

[بنت شرق]

السلام عليكم
بغيت اشتري غرض من النت بس ماعندي بطاقة فيزا ، كيف اقدر ادفع ببطاقة غير بطاقة الفيزا
وماعندي صندوق بريد في نفس الوقت

[سليمان احمد]

لازم بطاقة فيزا او ماستر

وهناك خيار ثاني انك تشتري بطاقات مسبقه الدفع مثل امازون وغيرها هناك شركه توفرها في قطر

وبالنسبه للبريد اذا تقصد بريد في شركة شحن لازم بدونه مايقدرون يرسلون لك الشحنه لانها مهمه جدا

وتقدر تفتح في ارامكس ويعطونك صندوق بريد في امريكا وبريطانيا وشرق اسيا وتوصلك الشحنه وتروح تستلمها

بالتوفيق

[ya3coub]

أختي بنت شرق شكلك فاهمة صندوق البريد غلط

اولا للشراء من النت

تتوجهين إلى اقرب فرع لبنك الريان

عندهم بطاقه اسمها Pay& Go خلال ربع ساعه بالكثير قيمتها اتوقع 1000 ريال خمسمية للبطاقه و خمسمية داخلها
اذا ما عغندك حساب معاهم بيعطونك وحدة جاهزة

و اذا عندج حساب بكل سهولة يبيلها يومين إلى اربعه ايام تجي باسمك.

و طريقتها انها مسبقه الدفع تعبينها بامبلغ الي تبينه و بعدها تشترين اونلاين.

البريد او الشحن يعتبر من اي موقع تبين تشترين و شنو الغرض اختي و اذا حطيتيه اهني راح نقدر نساعده اكثر و بوضوح أكثر
اذا من اي باي او هالمواقع الي محدد فيها انه مافي شحن لقطر ترسلين رسالة و اهم يجيكون الشحن و يعيدون عرض نفس السلعه مع امكانية الشحن للدوحة بالسعر الجديد.

اذا موقع رسمي ترسلين بعد ايميل و تتواصلين مهعاهم و انج تبين هالشغلة و الأغلب ما يقصرون يجيكون و يردونلي خبر و اذا وافقت احول الفلوس او اشتري اونلاين