من أنواع العزل الحراري

[سعود.]

http://youtu.be/4ZrY5s2i_2g

مقطع طويل . ومفيد

[معماري قطري]

يحليلهم كلامهم فيه القليل من الصدق والكثير من الدجل .. نظام التغليف الكامل صحيح جيد بس عندنا مشكلة الاكسترودد بوليسترين سريع الإشتعال وحمايته بطبقة بلاستر خفيفة ما تمنع نفاذ الماء .. والماء لو فيه شوائب حمضية على الاكسترودد بوليسترين السلام يتحلل وهو داخل ويسوي فجوة .. لذلك تتم حمايته بطابوقة كاملة أو حجر أو غيرهم من مواد .. الاكسترودد بوليسترين هو الأبيض وكثافته أخف.

الستيروفوم أو اللي ينعمل بطريقة غير نسيت بالضبط شسمها اللي هو الأزرق أغلى شوي وأقوى من الأبيض وفيه منه أنواع ما تشتعل وهم حاطينه تحت في مكان ممكن ينضرب وفيه قوة شوي يقاوم الأبيض هش .. لو بنركب النوع اللي ما يشتعل ما عندنا مشكلة وبشرط عمل بلاستر خاص عازل للرطوبة وهذا يتكون من خلطات خاصة وله طريقة تنفيذ خاصة وشبك بلاستيك حتى يثبت عليه البلاستر ولا يتشلخ.

طريقة الجدارين أفضل بكثير وتعطي قوة للمبنى ومقاومة لطول العمر .. وممكن نخلي كل التمديدات من خلال الغلاف الخارجي لسهولة التكسير والتصليح.

هذي الطريقة بسهولة نقدر نسويها للمباني اللي ما انعزلت بس نهتم شوي بالبلاستر أو نركب بلاط حجري بلاصق قوي وعلى شبك ممكن يكون حديد مغلفن فيعطينا قوة وثبات للبلاط وحماية للعازل من الرطوبة ومن الشمس المباشرة لأن الشمس تذوبه بعد مع مرور الوقت.

[معماري قطري]

للتجربة العملية ناخذ هذي النوعيات ونحطها ونصب عليها ماي عادي ونلاحظ درجة تحللها ونحط مع الماي شوية نقاط من حمض الكبريتيك اللي منتشر في الجو وينزل مع المطر ونشوف شيصير .. نحط نقاط عصير ليمون ونشوف شلون ينمحي من الوجود .. وهذي الأحماض تدخل من خلال البلاستر الخفيف وتخرب العازل على فترة طويلة مب سنة ولا سنتين.

الاشتعال سهل قطعة صغيرة ونولع فيها كبريت ونشوف.

[سعود.]

افا وانا حاطه عبالي انه OK

:shy::shy:

[معماري قطري]

افا وانا حاطه عبالي انه OK

:shy::shy:

هو اوكي بس فيه الأوكك منه اللي هو في التجويف .. يكون من جهة الداخل محمي ببتومين ضد الرطوبة .. وبعدين العازل وبعدين نايلون يغطي البوليسترين كحماية أو عاكس مثل القصدير وبعدين تجويف بسيط بحدود 5 سم وبعدين طابوق أو حجر أو أي جزء حامي .. التجويف ممكن ما تسويه بس لو سويته فعالية العزل تكون قوية ويسوي تهوئة ويشيل الحرارة المتكدسة داخل .. لو سوينا تجويف نسوي فتحات صغيرة من تحت وفوق في الجدار بالدريل

[معماري قطري]

افا وانا حاطه عبالي انه OK

:shy::shy:

ما تابعت للنهاية .. تابعت الفلم وطلعوا يستخدمون الشبك ويستخدمون مونة خاصة والأهم عندهم شهادة من ليد وهذا النظام يستخدمونه في أمريكا وتكلمنا عنه قبل .. يقدرون يسون فيه تشكيلات وديكورات خاصة وشوف حطيت عنه من أيام في مقاطع اليوتيوب .. في الدوحة فيه شركة تسويه بطريقة الحجر ويعطيك تشكيلات كثيرة لو تبي مر عليها في بو هامور فوق سوبر ما ركت ريجنسي نسيت اسمها عزيز يو كي يعرفها عدل وكتب عنها مرة.

في السعودية لازم يسون أرخص عندنا غاليين شوي

[سعود.]

مشكور اخوي دوم سباق للخير

[معماري قطري]

مشكور اخوي دوم سباق للخير

العفو الشيخ .. صناعة الستيروفوم سهلة وتتم في كل الدول بس صناعة نوع مطور ما يحترق شيء صعب .. أعرف واحد يشتغل في الدفاع المدني وهو مهندس باسئله عن كيفية ترخيص الموجود عندنا وأخطاره.

العجيب تقدر تقصه بسلك حديد حار حسب ما تحب وتقدر تسوي به فجوات في الخرسانة .. حق تشكيلة الدرايش عندي للقبة استخدمناه تلصقه على الخشب وترتب الحديد حوله وقبل تشكله حسب تشكيل الدريشة .. كانت منحنية وفيه كسرة للفريم تبينه من داخل مخفي ونفس الوقت يثبت من طرفين في زاوية كالكرسي ونفس الوقت الدريشة بعد التركيب هي وفريمها تكون في مستوى سطح القبة الخارجي .. كان معاي باكستاني شاطر يسمع وينفذ.