رواتب العمال بالاي تي ام خلقت ازمه

[MAZEN37]

السلام عليكم
فكرة وضع قانون يلزم الشركات بفتح حسابات للعماله لديها
اكثر من رائعه وتنظيم لسوق العمل
لكن
دائما نضع قوانين وما نغطي جوانبها واثار مترتبه عليها
من واقع تجربه امس
بغيت اسحب من اي تي ام مبلغ بسيط لاتفاجاء بعدد مهول من العمال طابور على الاي تي ام رحت مكان ثاني في مجمع هايبر ماركت نفس المشهد
الحل اولا الزام الشركات ذات العدد الكبير بطلب سيارات اي تي ام متنقله تروح اول الشهر قدام سكنهم وثانيا زيادة اعداد مكائن ال اي تي ام
واي اضافه على المقترحات اكون شاكر

[ضوى]

لاتروح الاماكن اللي يتواجدون فيها ياخوي ، روح المولات والا شارع البنوك توفر وقت

وماشاء الله الحين في كل مكان فيه ماكينة صراف ، والله يعين

[أسير الاسهم]

اي والله صادق .. نكبه ذا القانون الجديد .. ما تجي صراف آالي الا والزحممممه عمال طوابيـر

لا هذا وللحين كل الشركات ما طبقت القرار .. يقولك عدد محدود من الشركات اللي طبقت القرار .. يعني لو الكل طبقوا خلاص ما بتلقى لك ماكينة صراف فاضيه طواااابير

[شبح الصمت]

اقتراح طيب وتكون في دوريه واقفه تنظيم ويكون في نفس الحدايد على الجنب وبحركة منظمة حرف الـ t


يعطيك العافيه بس

الي في وسط الدوحة اشلون وضعهم ياخوي ونفس ما لنا حق لهم حق دام عندهم بطايق انهم يسحبون
ومساكين تحصل واحد يعلم عشره على كيفية السحب ..

[مرتبش]

المسؤولية على البنوك ةلازم يتصرفون..الدولة ماقصرت سنت القانون وكانت في مهلة طويلة للشركات والبنوك وللكل لتعديل الاوضاع..ليش ماتحركت هالبنوك ام الارباح المليارية ...شنو ناقصها عشان تحس وتتصرف وتكون فعلا شريك في بناء الوطن .

[H H]

لاتروح الاماكن اللي يتواجدون فيها ياخوي ، روح المولات والا شارع البنوك توفر وقت

وماشاء الله الحين في كل مكان فيه ماكينة صراف ، والله يعين


وين فكل مكان صراف , والله بعض الاحيان اعاني لين القى صراف :(


نحتاج من البنوك زيادة عدد الصرافات على الاقل 40% لاستيعاب الاعداد المهوله الموجوده والي بتتواجد السنوات القادمه.

[لبيبة]

السلام عليكم ورحمة الله وبركاته،

حتى في المولات شفتهم، كنت أمس في البنك أنتظر دوري وقدامي عامل بلباس العمل يسحب عند الصراف.

[A-Alansari]

يعني سؤال للي يتحلطم

هل انت احق منهم بأنك تسحب فلوسك ولا شنو

حالهم من حالك تبي انتظر مب عاجبتك الزحمه شوفلك مكان مافيه زحمه

التحندي مشكله صار في المنتدى

[الحياة الخالدة]

أووووو ذكرتوني الحين
اشوفهم أول أمس ظبة على ماكينة السحب في محطة بوهامور من الفجر
والله عبالي حالة سطو على المكينة

[R 7 A L]

هذا الي كنت اقوله ويضحكون علي
اول كان الواحد يروح حق نفسه بس
الحين بيروح الواحد لنفسه ولخدامته ويمكن لدريوله

[MAZEN37]

هم بشر وما قلنا شي انا اتكلم على تنظيم الامور
في شركات عمالها بالاف بالباص واقفين على المكاين
غير منظرهم طابور في الشارع فكر فيها من ناحيه انسانيه
واقفين في الشارع ومرات في الشمس

[حراير قطر]

الله المستعان

اتوقع بكل عمل متوفرة ماكينة الاي تي ام اسحب منها وفك نفسك

واذا تبي تشتري ادفع بالبطاقة اريح لك ...

[R 7 A L]

المفروض
ياخرونهم يومين وان يكون وقت الذهاب للمكاين في الليل

[H H]

مالنا اي افضليه على هالمساكين , مثل ماقال العضو الكريم فوق, تبي , اسحب , ماتبي , دق سلف وتوكل على الله.

الكلام انا اوجهه للبنوك بضرورة توفير مكائن صرف في كل زاويه , بحيث انها تستوعب هالعدد المهول من الناس

[شيخ الديرة]

مالنا اي افضليه على هالمساكين , مثل ماقال العضو الكريم فوق, تبي , اسحب , ماتبي , دق سلف وتوكل على الله.

الكلام انا اوجهه للبنوك بضرورة توفير مكائن صرف في كل زاويه , بحيث انها تستوعب هالعدد المهول من الناس

لكي نفكر بالحلول يجب ان نتقمص شخصية العامل ونعرف ظروفه وامكانياته

1. ليس عنده توصيل متى ما يعجبه
2. عطلته يوم واحد اذا عنده عطلة
3. اكثرهم يسحب لكي يتسوق او يحولها لبلاده
4. الطابور لأن كلهم اجو بباص واحد من نفس كمب الشركة
5. ليس بالضرورة مقتنع انه فلوسه مضمونه للشهر القادم اذا ما أخذها اليوم
6. العامل ياخذ 10 دقايق حتى يسحب لانه ما يعرف كيف يستخدم الصراف مثلنا

الأقتراحات
1. البنوك تضع مكائن صراف في أماكن يسهل للباصات من ايصال العمال وارجاعهم الى مسكنهم دون التأثير على زحمة المدن
2. تقسيم وقت الدفع الى 4 أوقات بالشهر بدل كل العمال في يوم واحد
3. تفعيل تحويل المبالغ عن طريق البطاقة عن محلات الصرافة, بدل الكاش

[BUHASSEN]

اقتراحات ممتازه اخوي شبح الديره واذا تسمحلي اضيف

انه تتوفر في الصراف لغات اخري بحسب اغلبيه العماله عشان تتسهل عليهم الامور وياخذون وقت اقل في الاستخدام مب شرط جميع اللغات بس بحسب الاغلبيه مثل النيبال والهند ...

ويعطيك العافيه

[Riku3]

ترى هم متلعوزين مساكين بعد ... قبل يستلم راتبه وهو مرتاح .. اما الحين لازم يضيع نص يوم مواصلات وسحب فلوس وبعدها مواصلات للصراف علشان يطرش الفلوس بلاده !! .. حتى اجازته صار ما يرتاح فيها .

القانون طيب لان بيحد من الشركات المخالفة .. ومشكلتك انك في منطقة قريبه من العمال او فيها عدد غير كافي من الاجهزة .. صوبنا ما نعاني منها لانها كثيرة .


الأقتراحات
1. البنوك تضع مكائن صراف في أماكن يسهل للباصات من ايصال العمال وارجاعهم الى مسكنهم دون التأثير على زحمة المدن
2. تقسيم وقت الدفع الى 4 أوقات بالشهر بدل كل العمال في يوم واحد
3. تفعيل تحويل المبالغ عن طريق البطاقة عن محلات الصرافة, بدل الكاش
الاقتراح الاخير ممتاز .. بدل ما تكون على خطوتين يخلونها مباشرة من الصراف .

انا دايم امر بهالمشكلة .. ابي مبالغ كبيرة بالدولار او اليورو او اي عملة ثانية .. لازم اروح اسحب من صراف او من البنك لو مبلغ كبير وعقب ارجع بالكاش ... لو عنده جهاز سحب كان بيسهل علي وبيسهل على نفسه ان يعرف مصدر الفلوس من حسابي الخاص بدل ما كل مره يعطوني ورقة اوقع عليها لمصدر الفلوس @_@ .

[النهار]

لاتروح الاماكن اللي يتواجدون فيها ياخوي ، روح المولات والا شارع البنوك توفر وقت

وماشاء الله الحين في كل مكان فيه ماكينة صراف ، والله يعين

مره كنت في الاند مارك الا باصين عمال منزلهم السائق علشان يسحبون من الاي تي ام
90% مايعرفون يستخدمون مكاين الصراف الالي
سحبت حق واحد الا جاء الثاني سحبت حق 6 واعتذرت حق البقيه
الحين تحصلينهم مثل الذرى صوب مكاين الصراف الاي في كل مكان

[ya3coub]

الله يسمحلنا منهم اذا بنظرة او طريقه ما قللنا من قيمتهم او حسو بهالشي.


ثانيا بنك قطر الوطني المشؤول عن اي صرافة بقطر كحل كان او الي يكون

ياريت انهم يكبرون القسم عندهم و من ضمن شروط السجل التجاري او اي محل يكون بقطر انه يكون فيه الدفع عن طريق الكرت .


شارع سلوى و الصناعية اكثر مكانين اننكب فيهم صحيح في مكاين بس ما يكفون

شارع المطار مثلا قبل في الأهلي و الدوحة و مكية اخرى الحين بس مكينة وحدة و يمكن في الثانية شغالة اذا ما شلوها

هالشي غلط الشوارع التجارية لازم فيها عدة مكاين

[المبرمج صلاح]

لكي نفكر بالحلول يجب ان نتقمص شخصية العامل ونعرف ظروفه وامكانياته

1. ليس عنده توصيل متى ما يعجبه
2. عطلته يوم واحد اذا عنده عطلة
3. اكثرهم يسحب لكي يتسوق او يحولها لبلاده
4. الطابور لأن كلهم اجو بباص واحد من نفس كمب الشركة
5. ليس بالضرورة مقتنع انه فلوسه مضمونه للشهر القادم اذا ما أخذها اليوم
6. العامل ياخذ 10 دقايق حتى يسحب لانه ما يعرف كيف يستخدم الصراف مثلنا

الأقتراحات
1. البنوك تضع مكائن صراف في أماكن يسهل للباصات من ايصال العمال وارجاعهم الى مسكنهم دون التأثير على زحمة المدن
2. تقسيم وقت الدفع الى 4 أوقات بالشهر بدل كل العمال في يوم واحد
3. تفعيل تحويل المبالغ عن طريق البطاقة عن محلات الصرافة, بدل الكاش

:victory::victory:

[بانغ بانغ]

خلك مثلي

حط لك كاش في السيارةايكفيك ليومين في الطفاية او اي مكان وفك عمرك

مثلا عندنا في الوكرة ندوده لين انلاقي مكينة فيها فلوس ... او عمال حواليها

[كاشف الغطاء]

رحت البنك أبي افتح حساب للشركة
الله وكيلكم من الزحمة اشوف سيكيورتي برع يهديهم
قرار جيد ولكن اتمنى تمديد المهلة

[معماري قطري]

أووووو ذكرتوني الحين
اشوفهم أول أمس ظبة على ماكينة السحب في محطة بوهامور من الفجر
والله عبالي حالة سطو على المكينة

بنشوف أشياء تخرع الله يستر


هم بشر وما قلنا شي انا اتكلم على تنظيم الامور
في شركات عمالها بالاف بالباص واقفين على المكاين
غير منظرهم طابور في الشارع فكر فيها من ناحيه انسانيه
واقفين في الشارع ومرات في الشمس

هم بشر غير عادي وغير طبيعي فيهم الجمال المثير والله يستر من الروائح المثيرة .. ولين جوك بعضهم بعقلية يلصق فيك حتى وانت تسحب يحاول يطل يشوف كم تسحب .. مأساة صراحة .. ما شفت الحياة الخالدة شصار فيها؟ زين ما بلغت الشرطة بس


خلك مثلي

حط لك كاش في السيارةايكفيك ليومين في الطفاية او اي مكان وفك عمرك

مثلا عندنا في الوكرة ندوده لين انلاقي مكينة فيها فلوس ... او عمال حواليها

بس يومين يا بانغ؟ خل حق 10 أيام وفوق

[معماري قطري]

انا باسحب مبلغ كبير وباخليه في صندوق عندي بعد حتى البنوك مب مضمونة هالأيام

[qatara]

ومن يلزم العماله بالعمل بالوجه الصحيح

ضمنو حقوقهم اين المقابل ضمان حقوق الكفيل


حقوق العامله كامله وفوق الكامله هل

هناك ضمان ان يودي عمله كامل مقابل كل هلحقوق

؟

[بوخالد911]

اليوم سحبت وبكل سهولة.

[مضارب دوسري]

مب مشكله
الواحد يستحمل شووي*

[حسن]

ماادري ماشوف شي تغير الوضع عادي جدا

[الحياة الخالدة]

بنشوف أشياء تخرع الله يستر

هم بشر غير عادي وغير طبيعي فيهم الجمال المثير والله يستر من الروائح المثيرة .. ولين جوك بعضهم بعقلية يلصق فيك حتى وانت تسحب يحاول يطل يشوف كم تسحب .. مأساة صراحة .. ما شفت الحياة الخالدة شصار فيها؟ زين ما بلغت الشرطة بس



هههههههههههه
لا اشدعوة .. مب صاحية أنا أدش وسطهم
أنا كنت طالعة من عقب صلاة الفجر صبحية الجمعة يبلفيت عشان أصب بترول قبل الزحمة ( خبرك محطات البترول طق و مطاقق عليها ) .. و انا مارة شفتهم عند المكينة .. حتى بنت أختي الصغيرة معاي تقول خالتي شفيهم ؟؟ قلت لها مادري .. قالت يمكن بيبوقون الفلوس من الجهاز :secret:

الله يعينهم مساكين .. محد يدري بظروفهم

[حرف]

انا مع الاقتراح الي يقول يسحبون اخر الليل

[معماري قطري]

هههههههههههه
لا اشدعوة .. مب صاحية أنا أدش وسطهم
أنا كنت طالعة من عقب صلاة الفجر صبحية الجمعة يبلفيت عشان أصب بترول قبل الزحمة ( خبرك محطات البترول طق و مطاقق عليها ) .. و انا مارة شفتهم عند المكينة .. حتى بنت أختي الصغيرة معاي تقول خالتي شفيهم ؟؟ قلت لها مادري .. قالت يمكن بيبوقون الفلوس من الجهاز :secret:

الله يعينهم مساكين .. محد يدري بظروفهم

ما شاء الله من فجر خايفين الكفيل يغير رايه .. الصغار يضحكون يحسبون هذا الجهاز يعطي أهاليهم فلوس أي وقت

[رحال الدوحه]

https://www.youtube.com/watch?v=UF27jd9HoZc

[بعيد النظر]

صراحة مستغرب ..


هذي طالعة عيونه الثنتين شهر كااااااااااااامل ..
عشان 800 ريال تصرفهم على عشى ..

ولا الشركات ماخرين عليهم راتب شهر و 2 ..
و واقف سييد فـ الشمس يبي يتطمن عشان يحول حق هله ..


وانت قاعد في موترك .. وفي 1000 اي تي ام ..
في كللللللل مكان في قطر !

[العنيده]

من حقهم يسحبون مانقدر نقول لا .. والافضل ان احنا نختار وقت ثاني او اي مكاين ثانيه تتوفر ..
زيادة عدد المكاين افضل حل عشان تغطي العدد الزايد

[airbus]

المشكلة مب بس سحب ويسوا زحمة المشكلة كل واحد يشوف كم الحساب وبعدين يدخل البطاقة مرة تانية ويسحب وبعدين يدخل البطاقة مرة تانية وبيشوف الحساب كم صار فيه ويطبع الورقة وبعدين يدخل البطاقة بيشوف كشف احساب اخر 5 عمليات يعني اقل شي بيقعد 10 دقايق كل شخص

[جنيه ذهب]

يا جماعه صلوا على النبي

انا اشوف الامر عادي جدا وهم بشر نفسنا اشفيها لو مسكت طابور ورى عامل يمكن هذا العامل بلباس العمل ماله يكون افضل مني ومنك عند الله اتقوا الله في انفسكم وتواضعوا 0

لو كان قدامك اكثر من قطري ماسكين دور على الصراف ما بتقول شيء بس لانهم عمال ضعفاء بتسويها سالفه ويمكن تقول له روح مناك شوف لك صراف ثاني ....

والله العظيم صادفني اكثر من مره نتصادف انا وعامل داخلين البنك نبي نسحب من صراف الي وربي شاهد على ما اقول اخليه قبلي يسحب اولا اجر لي ثانيا ما تدري شنو ظروفه ...

واخيرا اقوول ترى الامر عادي جدا وما يضر ....

[ضوى]

المشكلة مب بس سحب ويسوا زحمة المشكلة كل واحد يشوف كم الحساب وبعدين يدخل البطاقة مرة تانية ويسحب وبعدين يدخل البطاقة مرة تانية وبيشوف الحساب كم صار فيه ويطبع الورقة وبعدين يدخل البطاقة بيشوف كشف احساب اخر 5 عمليات يعني اقل شي بيقعد 10 دقايق كل شخص

يعني مساكين شي جديد عليهم ماقد استخدموه لازم بتصير هالبلبله ان شاء الله شوي شوي تنتظم الامور

[Laffan]

بالعكس شي عادي والمكاين متوفره في كل مكان

وزين طبقوا ذي القانون عشان العامل يحصل حقوقه, ترى فلوسه حاله من حالك وله الحق مثلك

[لبيبة]

أرجو أن يتم توفير ماكينات atm بعدد كافٍ بجانب سكن العمال،

حرام أنهم فوق عملهم وتعبهم كل يوم ينتظرون بعد بالطوابير لاستلام رواتبهم في حين كانوا يستلمونها في مكانهم وهم مرتاحين أيام الكاش.

هم بشر ولازم يرحمونهم من مشقة وتكلفة المواصلات والانتظار.