عيوب ومميزات رنج روفر فوج

[مارون كلاسيه]

السلام عليكم ورحمة الله
يا جماعة ابي اشتري سيارة وعاجبني الرنج روفر فوج بس ما عندي فكرة كلش عن السيارة والشركة فياريت اتفيدون بمميزات السيارة وعيوبها اكون شاكرة لكم

[blueZircon]

الفردان افضل وكيل بقطر لكن يختلف بدرجات على حسب شركة السياره، طبعا الفراري والمزراتي خدمتهم توب وبعدين البيئم والرنج. من ناحية خدمة مابعد البيع انا اشوفها نقطه مهمه وهي اللي تحدد شراء السياره من عدمها. الفوج موتر حلو وفخم وسواقته رهيفه. اللي يعيبه غلاء سعره وقت الشراء مقارنه بوقت البيع. اذا كنت من اللي يغيرون موااترهم لنصحك انك ماتاخذه لانه يطيح سعره بسرعه. اعتقد الحسن بيسون عليه الفوج فيس لفت خلال السنه الجايه.

[مارون كلاسيه]

جزاك الله خير اخوي
بس ايش المقصود بالفيس لفت

[مارون كلاسيه]

الفردان افضل وكيل بقطر لكن يختلف بدرجات على حسب شركة السياره، طبعا الفراري والمزراتي خدمتهم توب وبعدين البيئم والرنج. من ناحية خدمة مابعد البيع انا اشوفها نقطه مهمه وهي اللي تحدد شراء السياره من عدمها. الفوج موتر حلو وفخم وسواقته رهيفه. اللي يعيبه غلاء سعره وقت الشراء مقارنه بوقت البيع. اذا كنت من اللي يغيرون موااترهم لنصحك انك ماتاخذه لانه يطيح سعره بسرعه. اعتقد الحسن بيسون عليه الفوج فيس لفت خلال السنه الجايه.

جزاك الله خير
بس ايش المقصود بالفيس لفت

[معماري قطري]

الفيس لفت تغيير بسيط مب جذري مثل الفرق بين لكزس 2011 و 2012

[حمد بن سعد]

موتر ماعليه كلام لاكن وكالته 0% في التعامل يعرفك يحطك على راسه مايعرفك راحت عليك

[MMD]

فيس لفت , يعني تغير في شكل الصدام الأمامي والخلفي , وتغير في شكل الإسطابات الأماميه و الخلفيه ... ومافي تغير في شكل البادي الخارجي.

[مارون كلاسيه]

الله يجزاكم خير كفيتو وفيتو
الموتر عاجبني كثير بس احاتي خدمات مابعد البيع وتعامل الشركة محتارة مابينها وبين الكزس Ls570

[tawareq]

عند الصيانه مثل ما قالوا الشباب اذا تعرف حد يخلصك بسرعة واذا ما تعرف حد بتتاخر وتنطر لين يتصلون بك

[CH Engineer]

اذا بدون ضمان بيمصونك مص الحراميه

[الاسطوره]

اخوي خذها مني نصيحة انا استعملت رنجين اوتوبايقرافي واحد 2013 و الثاني 2014

الموتر ماعليه كلام ابدا والشركة ماعليها كلام دام انك تسوي صيانه عندهم والسيرفس عندهم كل 12 الف تدفع 3000 ريال الا تشيكه وحدها تدفع فيها 8الاف الا وهي تبديل الدامويل والسفايف يعني بالسنة مره تقريبا بتدفع 8000 اشوف شي عادي ومب غالي ، ثانيا انصحك بشراء رنج مستعمل من السوق لاتشتري من الشركة بتلقى لك ممشاهم 6000 ل 15 الف بسعر تحت سعر الوكالة ب 180 - 220 الف ، بصراحة انا بعت الرنج عشان اشتري اللكزس 2016 ولكن سواقة الرنج افضل وراحه اكثر بكثيررر ، انصحك بالرنج ولكن مايكون جديد خذ مستعمل بس نظيف ومب ماشي واجد ابرك لك ، واذا تبي اللكزس بعد ماعليها كلام ، والخيار لك اتمنى أكون افدتك ، موفق ان شاءالله

[العفراء]

مبرووك مقدما اخويه مارون يعطيك خيرها و يكفيك شرها و اسمح لي ما افهم بالسيارات بس داخله اسلم و ابارك

[بـن عدوان]

الرنج ممتاز اختي

بس اللهم تدفعين حق السيرفس من فترة لفترة

الفردان يقدم خدمة حلوة

بس اللي يجيك عالاسعار يعرف انها غالية

وعلى اقل شي يقولون لج القطعة محتاجة تبديل .. الخ

اذا تفكرين بالفلوس لاتاخذينها

تدفعين بالسيرفس + السعر ينزل وقت البيعة بسرعة

[monatee]

افضل خدمه سيرفس الفردان جربت عندهم بالبي ام وبالرنج

وعندنا السبورت 2015 والفوج 2016

ماعليهم كلام

[بن جعران]

الموتر حلو وانا اشوفه افضل من اللكزس بس مشكلته سعره المبالغ فيه
والاهم من هذا كله السيرفس
خذ موتر بضمان ولازم على كل تشييكه تتابع الاسعار وشنو بدلوا لك من قطع غيار

انا كنت فالتشييكه اطلع بين 3000 الى 5000 مبلغ السيرف مع بعض المواد الاستهلاكيه اللي ابدلها
وبنفس الوقت اعرف شخص فلان الفلان لانه معروف بنفس السيرفس يطلع له بين 15 الى 20 الف ويدفع ولايهتم

هذي مشكلة الشركه وعلى قولة اخوي اللي قبلي ( مايعرفونك يشفطون دراهمك)

[salmaan]

سبحان الله وبحمدة

[بومحمد911]

الرنج من احلى اشكال السيارات ويجوز يكون اجملهم

بالتوفيق

[فقط قطر]

الموتر ماعليه كلام....بس الله يجلكم هالـــــــ......... اللي يشتغلون بالوكالة مايعرفون للرنج والله

[المناعي1]

زيت محرك و فلتر الرنج ب2500 و الكزس 700 شوف الفراق...

[بو راشد 1]

قبل كم يوم مشتكي عليهم في الشركة الام.