الداخلية تفتح ملفات حوادث السيارات لمن يود شراء مستخدم

[شيخ الديرة]

كل يوم يمر, يزيد اعجابي بخدمات وزارة الداخلية

اليوم اكتشفت بالصدفة خدمة من مطراش على الموبايل يمكنك التحري عن تأريخ الحوادث لأي سيارة عن طريق رقم الهيكل, كما هو في الصورة


http://i.imgur.com/Q2dxDq8.jpg

http://i.imgur.com/lKAMic0.jpg

هذا على افتراض ان التصليح تم بتصريح من المرور

اذا تريد تشتري مستخدم, ضروري تعرف اذا السيارة مرت بحوادث بالسابق عن طريق مطراش, قبل ان تروح للفحص

وعليه الافضل من هنا ورايح , اللي يعلن عن بيع سيارة مستخدمة, يضع رقم الهيكل مع الأعلان, اليوم غير

شكري الجزيل لوزارة الداخلية لهذه الخدمة القيمة

[مختلف جداََ]

مافي صور يالذيب

بس الفكرة واااااااااو

[النهار]

مشكور ياخوي على هذالنقل

[H H]

بديت اؤمن ان الردود الي تنكتب في هالمنتدى لها صدى عند مختلف الوزارات.

هالاقتراح بعض الاخوه اقترحوه هنا من فتره وهذا هو يتنفذ.

[شيخ الديرة]

بديت اؤمن ان الردود الي تنكتب في هالمنتدى لها صدى عند مختلف الوزارات.

هالاقتراح بعض الاخوه اقترحوه هنا من فتره وهذا هو يتنفذ.

فعلا, هذا كان احد اقتراحاتي

[شيخ الديرة]

مافي صور يالذيب

بس الفكرة واااااااااو

الحين طلعت الصور ؟؟

[مختلف جداََ]

الحين طلعت الصور ؟؟

نعم جزاك الله خير

[رجل الجزيرة]

جزاك الله خير.

[غريب الدّار]

جزاهم وجزاك الله خير

[R 7 A L]

بديت اؤمن ان الردود الي تنكتب في هالمنتدى لها صدى عند مختلف الوزارات.

هالاقتراح بعض الاخوه اقترحوه هنا من فتره وهذا هو يتنفذ.

اتذكر اخو كان معنا اسمه aziz كان هذا اقتراحه في موضوع مشروع بيع السيارات الجديد في منطقة ام الزبار

[R 7 A L]

بديت اؤمن ان الردود الي تنكتب في هالمنتدى لها صدى عند مختلف الوزارات.

هالاقتراح بعض الاخوه اقترحوه هنا من فتره وهذا هو يتنفذ.


حياك هنا الرد رقم 2


http://www.qatarshares.com/vb/showthread.php?596341-بروة-تكشف-عن-مشروع-مدينة-المواتر-بـ-1-5-مليار-ريال&highlight=

[غير البشر]

مشكور اخوي جزاك الله خير
فكره ممتازه جدا عشان الغش مايمر مرور الكرام


اتذكر اخو كان معنا اسمه aziz كان هذا اقتراحه في موضوع مشروع بيع السيارات الجديد في منطقة ام الزبار

شفت الي انا شفته يا رحال
حاطين نوع السياره هوندا هههههههههههههه


حبيب والله يا الغالي :shy:

[السيف5]

شي جيد

يشكرون عليه

[ya3coub]

موجود من زمان بس اذا صار ببلاش شي طيب


اخبر قبل كان ب10 ريال يمكن.

برع اذا إعلان لازم رقم الشاصي و بكل سهولة يعطيك كل المعلومات.

اهي تتصل بالوكالة تعطيهم رقم الشاصي يقولك لا اسمح لنا لما اتكون انت راعي السيارة تجي عندنا و نعطيك التاريخ مو بالتلفون والبعض يطلب فلوس عليه

[ya3coub]

حياك هنا الرد رقم 2


http://www.qatarshares.com/vb/showthread.php?596341-بروة-تكشف-عن-مشروع-مدينة-المواتر-بـ-1-5-مليار-ريال&highlight=

توني اشوف الموضوع ولا سمعت عن هالمدينة


يا رب تصير صج احسن من الي بسلوى و قاصين على خلق الله.
نفس دبي فيها مكان كبير شكل مدينة و بواباتها و داخل كل انواع السيارات الكلاسيك الي في منها كم حبه فالعالم و الي موجود بكثرة مستعمل او جديد اصفار


قبلها خل يعدلون المحلات و القطع و التعديل و القراجات و العمالة الوافدة اصحاب الخبرات بالسيارات و المركبات

[معماري قطري]

توني اشوف الموضوع ولا سمعت عن هالمدينة


يا رب تصير صج احسن من الي بسلوى و قاصين على خلق الله.
نفس دبي فيها مكان كبير شكل مدينة و بواباتها و داخل كل انواع السيارات الكلاسيك الي في منها كم حبه فالعالم و الي موجود بكثرة مستعمل او جديد اصفار


قبلها خل يعدلون المحلات و القطع و التعديل و القراجات و العمالة الوافدة اصحاب الخبرات بالسيارات و المركبات

حلوة بس كلها دوارات .. مثل ما قلت يموت دوار ويعيشون عشرة بداله .. المفروض جسور واشارات لو بيخططون صح .. مدينة مثل ما يقولون زارعينها زراعة على طريق رئيسي ومسوين دوارين ورا بعض .. خربوا التخطيط من قلب

[PathFinder]

ماذا يعني بليغ ؟ هل معناه السيارة ما تسوى والشاصي مضروب. صديقي مشتري سيارة وفحصها عند الخبراء الألمان، والنتيجة فيها صبغ بدون حوادث، ولما شيكنا في مطراش 2 وجدنا عليها في حادث بليغ واحد!!

[شيخ الديرة]

نحتاج توضيح من الداخلية بماذا يعني بليغ

[aziz4z]

ماذا يعني بليغ ؟ هل معناه السيارة ما تسوى والشاصي مضروب. صديقي مشتري سيارة وفحصها عند الخبراء الألمان، والنتيجة فيها صبغ بدون حوادث، ولما شيكنا في مطراش 2 وجدنا عليها في حادث بليغ واحد!!

أعتقد أخوي , أنه ممكن الصدام انضرب بقوة , و تبدل في الوكالة , اهني الفحص مايقدر يكتشفه , نفس الشيئ في سيارتي , الصدام تبدل في الوكالة و طالع لي حادث كبير , أي كبير , كله صدام و تبدل في الوكالة

[شيخ الديرة]

أعتقد أخوي , أنه ممكن الصدام انضرب بقوة , و تبدل في الوكالة , اهني الفحص مايقدر يكتشفه , نفس الشيئ في سيارتي , الصدام تبدل في الوكالة و طالع لي حادث كبير , أي كبير , كله صدام و تبدل في الوكالة

ننتظر معارض بيع المستخدم في طبع ولصق صورة البيانات على كل سياراتهم المعروضة :victory:

والأحسن بعد يكون اجباري بتعليمات من حماية المستهلك

[شيخ الديرة]

ماذا يعني بليغ ؟ هل معناه السيارة ما تسوى والشاصي مضروب. صديقي مشتري سيارة وفحصها عند الخبراء الألمان، والنتيجة فيها صبغ بدون حوادث، ولما شيكنا في مطراش 2 وجدنا عليها في حادث بليغ واحد!!

هل لاحظت ان كلمة الألمان والألماني موجودة على يافطة اكثر من 10 محلات فحص بشارع سلوى؟؟

[شبيه الريح]

مافهمنا بليغ وبسط

سيارتي مافيها صبغ واللي فيها حكه في الصدام واخذت ورقة وكاتبين حادث بليغ

وسيارت واحد من الربع بعد فيها صدام ومكتوب له حادث بسيط

ماعرفنا لهم وهذي تسبب مشاكل

واتمنى يكون اوضح من كذا او يكون فيها تفاصيل اكثر

[PathFinder]

مافهمنا بليغ وبسط

سيارتي مافيها صبغ واللي فيها حكه في الصدام واخذت ورقة وكاتبين حادث بليغ

وسيارت واحد من الربع بعد فيها صدام ومكتوب له حادث بسيط

ماعرفنا لهم وهذي تسبب مشاكل

واتمنى يكون اوضح من كذا او يكون فيها تفاصيل اكثر

فعلا يجب التوضيح اكثر لأنه فيها ضرر للبائع عند بيع السيارة المستعملة وسيبدو انه غشاش أو يحاول الغش. برأيي الحادث البليغ هو ما يلي:
1- انقلاب السيارة
2- حادث أدى الى فتح الايرباج
3- حادث أدى الى تضرر الشاصي من الامام او الخلف
4- حادث ادى الى اصابة احد الركاب اصابة بالغة
5- حادث غرق
6 - حادث حريق

[PathFinder]

نعم اخي وذلك بسبب شهرة محل الخبراء الألمان اللي بشارع سلوى، الكل صار يسمي الألماني والألمانية. مع اني اتحدى اذا فيهم خبير أو فني ألماني واحد.

[شيخ الديرة]

نعم اخي وذلك بسبب شهرة محل الخبراء الألمان اللي بشارع سلوى، الكل صار يسمي الألماني والألمانية. مع اني اتحدى اذا فيهم خبير أو فني ألماني واحد.

كيف نعرف الأصلي من التقليد من هذة المحلات ؟؟

[شيخ الديرة]

فعلا يجب التوضيح اكثر لأنه فيها ضرر للبائع عند بيع السيارة المستعملة وسيبدو انه غشاش أو يحاول الغش. برأيي الحادث البليغ هو ما يلي:
1- انقلاب السيارة
2- حادث أدى الى فتح الايرباج
3- حادث أدى الى تضرر الشاصي من الامام او الخلف
4- حادث ادى الى اصابة احد الركاب اصابة بالغة
5- حادث غرق
6 - حادث حريق

ليست بهذه السهولة

الأفضل ان يطلبون من شركات التأمين تحديد صنف الحادث بعد ان يعاينون السيارة , لأن شركات التأمين عندهم تصنيفات دولية معترف بها ولا يختلفون عليها
أتمنى اظهار تفاصيل أكثر مثل تأريخ الحادث, مبلغ التصليح, أسم ورشة التصليح

على هذا المستوى, ما يبقى معرض يحلف كذب

[عثرة جواد]

االخدمة رؤؤعه

ماقصرو الداخلية

عساك ع القوة

[راعي الكورفت]

هذه الفكره قديمه ويمكن احنا السباقون لها في دول الخليج و في امريكا عندهم نفس الخدمه ولها موقع اسمه كارفاكس ويطلع لك تقرير كامل مفصل عن السياره خاصة لوارد امريكا وهي مفيده للسيارات المستعمله التي تأتي من امريكا وما تعرف شنو تاريخها

[شيخ الديرة]

هذه الفكره قديمه ويمكن احنا السباقون لها في دول الخليج و في امريكا عندهم نفس الخدمه ولها موقع اسمه كارفاكس ويطلع لك تقرير كامل مفصل عن السياره خاصة لوارد امريكا وهي مفيده للسيارات المستعمله التي تأتي من امريكا وما تعرف شنو تاريخها

بعد ورانا اشواط, لكن الخطوة الأولى تستحق الشكر والتشجيع.

أتمنى ان يذكر عداد الكيلومترات كل سنة عند تجديد الأستمارة بعد الكشف عليه من دائرة المرور, لأن عندك سوق أسود لتجار العدادات واعادة برمجتها.

[حمد 2002]

شكرا ..

[بونووف]

اتوقع انه ماتقدر تشيك الا على المواتر الي بأسمك فقط ..

[حرف]

عمل ممتاز تشكر عليه ادارة المرور والشكر موصل للاخ الي كتب هذا الاقتراح في المنتدى

[شيخ الديرة]

اتوقع انه ماتقدر تشيك الا على المواتر الي بأسمك فقط ..

نعم تقدر, انا جربت سياره ليست بأسمي