هل انتهت موضة ( معرض الكتاب )

[العفراء]

طبعا هالفترة فترة معرض الكتاب بالشارجه

اذكر قبل كنا دوم نتحمس لمعرض الكتاب و نروح و نتشرا و ناخذ كتب

بالفتره الاخيره بدا هالطابع يقل يمكن من عند الاغلبيه لكن انا لاحظت هالشي فيني و فاللي من حواليني ،،

حتى اخر مره رحت معرض الكتاب العام خذت لي كتب للحين ما قريتها وخلصتها يمكن من كثرة الانشغالات و الدوام و الامور اللي غطت على القرايه لو حسبنا ان القراية يمكن تكون مرفهة للنفس

و بنفس الوقت ما احس ان المعارض يستجد فيها اليديد نفس الكتب ونفس ادوار النشر و حتى المؤلفيين و الروائيين احسهم مظلومين في اوساطنا الثقافيه ما احس ان شي دعاية و تغطيه و تركيز عليهم علشان جذا هم مثل المجهولين في اوساط المعارض الا لو وصلنا لعندهم و عرفوا عن انفسهم عكس الاوساط الاجنبيه دوم نسمع عن الترويج الدعائي لكتبهم و انه المؤلف الفلاني انباعت اصداراته بملايين النسخ و غير انها تتحول لاعمال سينمائيه و تزيد من شهرتها و الخ

اللي ابي اقوله ان جو ادوار الثقافه عندنا احس انه جو كئيب و محبط للقاريء و للكاتب
و معارض الكتب ما احس انها مغريه مع توفر الانترنت و توفر وسايل اقتناء الكتب مثلا يقدر اي واحد منا يختار اي كتاب من الانترنت و بيوصل اله لين باب البيت ،،، و هذا للقاريء و اما للكاتب ما اظن ان معارض الكتب تعطيه حقه من النشر و الانتشار و يمكن من اهم الاسباب كذلك ان نحن امة اقرا ما قمنا نقرا لاسباب عديده حاولت اذكر منها جزء بسيط بالموضوع فهل انا محقه لمن اقول

ان معارض الكتاب صارت موضه قديمه

[مختلف جداََ]

لا طبعاً
من وجهة نظري ما زال للكتاب الورقي رونقه الخاص .

[A-Alansari]

الناس صارت ماتحب تقرا كتب

كله على النت وانا واحد من هالناس

بس عندنا للحين في حماس حق معرض الكتاب عشان الشباب ياكلون ذرة (نفيش):tease:

[بريق الحق]

اصبحت جميع الكتب متوفرة حتى بعض الهكرز قامو ينشرون هذي الكتب الي تكوم بفلوس
اتوقع معرض الكتاب اقباله ضعيف للاسف

[العفراء]

مرااحب استاذ مختلف جدا

انا اقصد يعني هل اللي بتلقاه معرض الكتاب من كتب و اصدارات يخليك تتعنى للمعرض و الا كل شي صار متوفر بالانترنت حتى الكتب الورقيه تقدر تاخذها بالانترنت و يوصلونها لك لين البيت و هالشي جربته مع المجرودي
شو اللي بتلقاه بالمعرض و ما بتلقاه باي مكان ثاني و بسهوله تامه ؟

[بانغ بانغ]

الكتاب طبعا افضل من النت

المشكلة مافي ثقافة القراءة

اتروح المستشفى وتنطر دورك ... الاجنبي يقرأ كتب والعرب يلعب في جواله

هي ثقافة ليس الا

[مختلف جداََ]

مرااحب استاذ مختلف جدا

انا اقصد يعني هل اللي بتلقاه معرض الكتاب من كتب و اصدارات يخليك تتعنى للمعرض و الا كل شي صار متوفر بالانترنت حتى الكتب الورقيه تقدر تاخذها بالانترنت و يوصلونها لك لين البيت و هالشي جربته مع المجرودي
شو اللي بتلقاه بالمعرض و ما بتلقاه باي مكان ثاني و بسهوله تامه ؟

هلا أستاذتي

شوفي ، احساس إنك بين آلاف الكتب من كل العالم و دور النشر احساس غيييير.

ريحة الورق غيييير .

إنك تقلب في مجموعة كبيرة من المطبوعات بيدك غيييير .

يمكن أكون ( دئه أديمه ) ههههه

[H H]

انا اشوف العكس , بالعكس الاقباال بدا يتزايد وبقوه على معارض الكتب الي تقام كل سنه.
نفس ثقافة النوادي الصحيه , اشوفها الحين زادت عن قبل باضعاف , الامور طيبه والناس بدت تعرف الامور الي تفيدهم وتقبل عليها.


سجل واحد نفر عنده نظره ايجابيه للمجتمع

[شموخ دائم]

,

,

مرحبا


شكرا على الموضوع

الاجيال الجديده من الشباب ( قليل ) الي له اهتمام بالكتب
وصار اهتمامهم بالإلكترونيات والانترنت والالعاب والسوني ومافي اهتمام انه يشتري كتاب للاسف
وهذا راح ياثر على ثقافه الشخص بشكل عام

وما زال الجيل القديم يقبل على معرض الكتاب لاهتمامه بكل ماهو جديد وتجمع الكتب بمكان واحد فرصه للشراء والاطلاع على الاصدارات الجديده
وايضا التعود على الكتاب يصبح ( ادمان )


انا ملاحظ بالسنوات الاخيره قل عدد الحضور لهذا المعرض حتى في قطر
كانت الاعداد كبيره وفيه اهتمام اعلامي وبكل بيت
للاسف الان الحضور قليل

اعتقد التكنولوجيا ( سرقت ) الناس من الكتاب
حتى لما نسافر كان الاوربين بالباص والقطار نشوف كل واحد ما سك كتاب
الان نشوفه ماسك ( تلفون ) الا القليل منهم ربما تويتر والانستغرام والتواصل الاجتماعي
اخذ الناس لعالم مختلف


واضح ان العالم ( تغير ) وطبايع الناس تغيرت

ماعاد فيه ذاك ( العمق ) وحب القرأه في الكتب المتنوعه واقتطاع وقت للمطالعه بهدوء
واصبح كل شي ( سطحي ) وسريع وخفيف

احنا في وقت الانسان يقلب كل شي بسرعه ومايعرف شنو يبي ودائما مشغول
ولو نقول بشنو مشغول يكون في امور سطحيه
:shy:

كنت اخذ الاولاد للمعرض ولان هم مايبون يروحون يفضل يشوف سناب او لعبه على المعرض

اعتقد ان حان الوقت ( لتطوير المعارض ) على الشكل الالكتروني
لتجذب كل اطياف المجتمع

صوت الورقه وحنا نقلبها غير
ولما نضع اشاره بين صفحات الكتاب غير والله
حتى الكتاب على الطاوله جنب السرير او جنب الكنبه
له طعم مختلف

,

,

[الحياة الخالدة]

هل في معرض للكتاب قريب عندكم في الامارات أختي العفرا ؟؟

[العفراء]

حاليا معرض الكتاب بالشارجه يعني سمعت عنه الخميس اظن ابتدوا عزيزتي الحيااه و هذا رابط عن الخبر بجريدة الامارات اليوم

http://www.emaratalyoum.com/local-section/other/2015-11-05-1.837503



و راجعه للردود اوك

[الجـــوديّ]

بالعكس .. العفراء

الحين الجيل الشاب يقرا لانه تعلم يقرا من المدرسة

فيه رياح تنويرية بدت تهل نسايمها على مجتمعاتنا واحنا للحين مب حاسين

استغرب من بعض بنات العايلة من عمر اعدادي وطالع .. يقرون ويهتمون بالكتب الورقية

وصرنا نتبادل ونستعير من بعض

واصلا لما نكلمهم عن الكتب .. مايحملون نفس الشكوى اللي احنا نحملها .. مادري هو فروق اجيال ..

والا هم متفائلين لكثرة البدائل بالنسبة لهم منها لغة اخرى غير الام.. بالاضافة الى ظهور كتاب شباب .. يتلائمون فكرياً معاهم.


بالنسبة لي .. احمل نفس الهم العفرا .. ولكن احب اروح ازور معرض الكتاب .. اقلها تمشية تكسبني طاقة ايجابية هي طاقة الكتب.

فيه عناوين جديدة لكن يبي لنا نبحث ونفتش زين

فيه كتب جميلة تعرض بصمت وكتابها هادئون .. لم نصل اليها لانهم لم يعملوا لها ضجيج التواقيع !

[جبر ال جبر]

معرض الايباد والاجهزه الحديثه سحب منهم البساط

[بريق الحق]

بالعكس .. العفراء

الحين الجيل الشاب يقرا لانه تعلم يقرا من المدرسة

فيه رياح تنويرية بدت تهل نسايمها على مجتمعاتنا واحنا للحين مب حاسين

استغرب من بعض بنات العايلة من عمر اعدادي وطالع .. يقرون ويهتمون بالكتب الورقية

وصرنا نتبادل ونستعير من بعض

واصلا لما نكلمهم عن الكتب .. مايحملون نفس الشكوى اللي احنا نحملها .. مادري هو فروق اجيال ..

والا هم متفائلين لكثرة البدائل بالنسبة لهم منها لغة اخرى غير الام.. بالاضافة الى ظهور كتاب شباب .. يتلائمون فكرياً معاهم.


بالنسبة لي .. احمل نفس الهم العفرا .. ولكن احب اروح ازور معرض الكتاب .. اقلها تمشية تكسبني طاقة ايجابية هي طاقة الكتب.

فيه عنوناوين جديدة لكن يبي لنا نبحث ونفتش زين

فيه كتب جميلة تعرض بصمت وكتابها هادئون .. لم نصل اليها لانهم لم يعملوا لها ضجيج التواقيع !

صحيح من الطاقه الايجابيه وقمت اعيش الاجواء مع الكتاب الصراحه
قمت استغل فترة الفراغ الي فالدوام اني اقراء وجدا مستمتع وخليت الربع يتحمسون

[بوحارب]

بالنسبة لمستواي الثقافي والعلمي :cool:


مال اوووووول معرض الكتاب

ضيف اي حد مثقف في السناب ولا في تويتر وانتهى الموضوع

ابرك من القراية اللي تعور العين

عرفتي شلون إيتها العفراء


وحبيت اصبح عليكم من بلاد الغرب الفاجر

[ام امااني]

اخر مرة من شهر حضرت معرض دولي للكتاب
وما شاء الله الحضور كان كبير من الشباب والاطفال
استحسنت المبادرة وقلت الحمد ل الله الشباب واعي ويحب المطالعة والكتاب
لكن بالاخير اكتشفت ان معظمهم جايين للتنزه بحديقة المعرض واخذ الصور امام اكشاك المكتبات لوضعها ب شبكات التواصل
ول اللقاءات وعرض الازياء والاشياء للاسف
ومعظم اللي حظروا ما دخلو المعرض لكن كانوا مستانسين باللمة والتجمع
يعني صار فسحة فقط

[الجـــوديّ]

صحيح من الطاقه الايجابيه وقمت اعيش الاجواء مع الكتاب الصراحه
قمت استغل فترة الفراغ الي فالدوام اني اقراء وجدا مستمتع وخليت الربع يتحمسون



يا سلام عليك ... :app2:

شي حلو انك تأثر على اللي حواليك بطاقة ايجابية ويتحمسون واياك

الاستمتاع في القراءة ذيه.. ينصحون به حتى المرضى ويسمونه العلاج بالقراءة



ما أحب الاسلوب التهكمي اللي يغلب مواضيعنا

وحدة من حسنات المواضيع .. ان احنا نقرا اللي نكتبه ونستوعبه

يعني نكون في حالة وعي واحنا نقرا .. فخلنا نغير عاداتنا من بعد ما اناقشها هنيه ونستفيد من التجارب الناجحة

لان احتمال ان احنا نتصرف بسلبية اتجاه بعض الاشياء من غير مانحس بهالشي.





في جعبتي الكثير ... :shy:

[العفراء]

الناس صارت ماتحب تقرا كتب

كله على النت وانا واحد من هالناس

بس عندنا للحين في حماس حق معرض الكتاب عشان الشباب ياكلون ذرة (نفيش):tease:


بصراحه انا ملاحظه قبل انه وايد ايوون المعارض يتمشون او مثل ما قلت ياكلون ذره خخ

شووف تراا هالانطباع مشترك انا صرت اقرا من النت لكن بعد احب اقتني الكتب بس اللي اباه بلقاه و بشتريه من ادوار التوزيع فالانترنت فلازم معارض الكتاب اتحط اضافات تميز معارضها لان ما اشوف انها تتميز بشي كل سنه نسخه مكرره عن اللي قبل و انا عندي لهم افكار لو يحبون

[القبطان سلفر]

قديما كنت اتشوق لمعرض الكتاب لشراء الكتب التي انتظرها بشوق اما الان فالوضع مختلف لتوفرها في المكتبات والنت على شكل كتب الكترونيه قد لا اجدها في المعارض لاسباب شتى .

[العفراء]

اصبحت جميع الكتب متوفرة حتى بعض الهكرز قامو ينشرون هذي الكتب الي تكوم بفلوس
اتوقع معرض الكتاب اقباله ضعيف للاسف


مراحب اخويه برييق

صدقك النت كل شي متوفر فيه و اعتقد انه سبب رئيسي انه يخلي الشخص يمتنع او يتكاسل او ما يتحمس لمعرض الكتاب شرات اول

[بريق الحق]

يا سلام عليك ... :app2:

شي حلو انك تأثر على اللي حواليك بطاقة ايجابية ويتحمسون واياك

الاستمتاع في القراءة ذيه.. ينصحون به حتى المرضى ويسمونه العلاج بالقراءة



ما أحب الاسلوب التهكمي اللي يغلب مواضيعنا

وحدة من حسنات المواضيع .. ان احنا نقرا اللي نكتبه ونستوعبه

يعني نكون في حالة وعي واحنا نقرا .. فخلنا نغير عاداتنا من بعد ما اناقشها هنيه ونستفيد من التجارب الناجحة

لان احتمال ان احنا نتصرف بسلبية اتجاه بعض الاشياء من غير مانحس بهالشي.





في جعبتي الكثير ... :shy:

السيرة النبويه ماشبعت منها والله اعيش الاجواء وكاني معاهم وهذا يعتمد على الكتاب نفسه
بعض الكتب غير مشوقه وفالواحد يوم يقرا من البدايه يتاكل في تكملت الكتاب
وكانت عندي دورة اذكرها فالدوام الي تلقي الدورة وحدة وكانت عن احترام العادات وتقاليد كل دولة ولازم احترم واتعلم عن كل دولة وكانت دورة جميلة لكن فالنهايه خربتها جات تبي تسلم علي قلت لها بكل احترام ديني مايسمح لي مب عاداتي وتقاليدي قلت اتمنى تقرين هذا الكتيب عن الاسلام حتى اطورين نفسج يادكتورة*

[العفراء]

الكتاب طبعا افضل من النت

المشكلة مافي ثقافة القراءة

اتروح المستشفى وتنطر دورك ... الاجنبي يقرأ كتب والعرب يلعب في جواله

هي ثقافة ليس الا

انا لاحظت هالشي بصالات الانتظار بالمطار و اتفق معاهم انهم يقروون لان يمكن الواحد ايلس نص ساعه او ساعه يتريا الطياره اما بالمستشفيات او المطاعم او هالاماكن السريعه احس صعبه تقرا فيها كتب يمكن لو اتعبث بالتيلفون يكون احسن لان مش مكان قرايه

منووور اخويه بانغ بانغ

[العقل المدمر]

قبل كان معرض الكتاب من احلى المعارض بالنسبة لي
خصوصا لما كان يصير فقاعة المعارض ومن غيروا المكان ما طبيته
وكل معرض احسه اسخف من اللي قبله .. نفس الكتب ونفس المواضيع
خصوصا اني ماحب اقرا روايات احسها مضيعة للوقت وما منها فايدة
وقبل ثورة الانترنت كنا نشتري الكتب عشان ناخذ منها المعلومات
الحين قوقل ودراستنا للانقليزي سهلوا علينا وصرنا ندور عالمعلومة اللي نبيها
واذا مالقيناها فمواقع عربية لقيناها فمواقع اجنبية
وللاسف كتب هالايام كلها حشو والمعلومات فيها قليلة والنصايح كلها حفظناها من واحنا صغار
يعني اقرا 200 صفحة واستفيد من 20 صفحة بس .. صارت مضيعة الوقت اكبر من الفايدة اللي استفدتها

[العفراء]

هلا أستاذتي

شوفي ، احساس إنك بين آلاف الكتب من كل العالم و دور النشر احساس غيييير.

ريحة الورق غيييير .

إنك تقلب في مجموعة كبيرة من المطبوعات بيدك غيييير .

يمكن أكون ( دئه أديمه ) ههههه

بالعكس استاذ مختلف جدا احساسك جميل واكيد الكتب تبادلك نفس الاحساس!

ربي يحفظك الشيخ

[العفراء]

انا اشوف العكس , بالعكس الاقباال بدا يتزايد وبقوه على معارض الكتب الي تقام كل سنه.
نفس ثقافة النوادي الصحيه , اشوفها الحين زادت عن قبل باضعاف , الامور طيبه والناس بدت تعرف الامور الي تفيدهم وتقبل عليها.


سجل واحد نفر عنده نظره ايجابيه للمجتمع
حلوووه النظره الايجابيه اخويه اتش اتش

و نتمنى لو الاقبال ينقاس بالكيف مب بالكم و بنفس الوقت نتمنى

ان المعارض ما تكون نسخ متكرره عن اللي قبل لان مثل ما اشرت حاليا مع توفر الانترنت ما اظن في شي يجذب الانسان للمعارض لانه ما بيلقى فيها شي يديد

[عـ العبيدلي]

الناس الي يروحون معرض الكتاب

بعضهم مشتطين يروحون يشترون ألف كتاب بس جي حماس
ويحطونهم فالمكتب وما يقرون اله نص كتاب ..

بعضهم يروحون يتمشون ..

بعضهم ينطرون كتب معينه يشترونها ويقرونها ..

بعضهم ( نفسي ) اشتري كتب حق سنه جدام ..

والأغلب .. يروح حق الأماكن الي فيها show
كتب سخيفه وروايات تافهه هي الي تكون ماكله الجو فالمعرض
المعرض الأخير كنت اجوف الزحمه عند الأماكن
وتعال صورلي وانت تقول شعر وصور معاي .. فحتي معرض الكتاب قامة تصير فيه هالسخافات ..


\\

وبالنسبة لثقافة القرايه صعبه بصراحه حاليا لانه في وايد ملهيات عنها ..

عن نفسي اقرا لكن شوي لانه اذا بمسك كتاب عشر دقايق وبمسك الجوال نص ساعه ..

[العفراء]

مرحبا اخويه الكبير شموخ دايم يا حيا الله الاستاذ اللي نفتخر و نعتز فيه

انا اقدر اقول من خلال ردك انه القراءه كانت سابقا وسيله محببه للترفيه عن النفس

وحاليا طغت التكنلوجيا و الاجهزة الالكترونيه و حلت محل القراءه لكن يمكن انه الواحد يثقف نفسه
من خلال وسايل التكنلوجيا المسأله اظنها مسألة تعود يمكن انت تستسيغ الكتب و تتلذذ فيها اكثر و بتقليب الاوراق و بانك تحط علامه وين وصلت و هذي امور حلوه تحسس الانسان بالحميميه مع الكتب لكن بعد ما يمنع ان الجيل اللي تعود ع الوسايل الالكترونيه انهم يحسون بلذة القرايه من خلال الكتب الالكترونيه او ما شابه و اظن ان الاجيال القادمه بيتعودون ع القرايه الالكترونيه اكثر من الكتب الورقيه و انا بقولك ليش

اولا التعليم قاعد يفرض ع الطلاب شوي شوي ان تعليمهم و قرايتهم اتكون من خلال الاجهزة اللوحيه و الكمبيوترات

ثانيا ان هالاجيال عقب ما يتعودون على هالنظام اكيد بيشوفون ان تخزين الكتب و الروايات بالاجهزه اسهل بوايد من انه ياخذون الكتب معاهم بالسفر و غيره او حتى من ان الكتب بتاخذ حيز من البيت


و ما ننكر اخويه ان المعارض ما زالت تجذب الناس لكن احن تخدعنا المظاهر لان الغالبيه اتيي من باب التمشيه و علشان يقزرون اوقاتهم طبعا هاللي نلاحظه و لاحظوه بعض الاعضاء و نقدر نسال اصحاب ادوار النشر بالمعارض عن نسبة مبيعاتهم و نقيسها بمستوى الجمهور و الحضور ر متاكده بنلقى نسبة تفاااوت كبيره


طبعا روتين المعارض المتكرر و نسخ الكتب المتكرره و قلة الدعم و الاعلان للكتاب و الكاتبات تضعف من جودة المعارض حتى لو كانت بمسمياتها الدوليه و انا استدل على كلامي بالضعف الكبير و المخيف و المحبط لنسبة مبيعات الاصدارات

و عيبني بصراحه اسلوبك الحميمي مع الكتب خليتني اتذكر مقولة ان الكتاب افضل صديق للانسان

ربي يحفظك

[مختلف جداََ]

يخفضون أسعار الكتب ، و بيرجع الإقبال .

[عـ العبيدلي]

^^

سعر الكتب فالمعرض اشوفه طبيعي وارخص أو نفس جرير >> انا سويت مقارنه وكانت الكتب مثل ما قلت
يا نفس السعر أو ارخص ..

[العفراء]

بالعكس .. العفراء

الحين الجيل الشاب يقرا لانه تعلم يقرا من المدرسة

فيه رياح تنويرية بدت تهل نسايمها على مجتمعاتنا واحنا للحين مب حاسين

استغرب من بعض بنات العايلة من عمر اعدادي وطالع .. يقرون ويهتمون بالكتب الورقية


وصرنا نتبادل ونستعير من بعض

واصلا لما نكلمهم عن الكتب .. مايحملون نفس الشكوى اللي احنا نحملها .. مادري هو فروق اجيال ..

والا هم متفائلين لكثرة البدائل بالنسبة لهم منها لغة اخرى غير الام.. بالاضافة الى ظهور كتاب شباب .. يتلائمون فكرياً معاهم.


بالنسبة لي .. احمل نفس الهم العفرا .. ولكن احب اروح ازور معرض الكتاب .. اقلها تمشية تكسبني طاقة ايجابية هي طاقة الكتب.

فيه عناوين جديدة لكن يبي لنا نبحث ونفتش زين

فيه كتب جميلة تعرض بصمت وكتابها هادئون .. لم نصل اليها لانهم لم يعملوا لها ضجيج التواقيع !


مرااحب اختيه الجووودي

انا ما فهمت نقطة انه الحين الجيل الشاب يقرا لانه تعلم يقرا من المدرسه

حتى الاجيال اللي طافت تعلموا يقرون بالمدرسه و كانوا يقرووون الكتب والروايات و الخ .......

و اظن ان الاولييين كانوا يقدسون القرايه و الكتابه اكثر من الحاليين بتقولين ليش؟

تقديري للمسألة ان بتاريخ الادب العربي كانوا اللي ظاهرين قبل ادباء كبار و نجوم بالساحة و وصلوا للعالمية خص من مصر

وفاز وقتها نجيب محفوظ بجايزة نوبل للآداب صح ان الروايه لي فاز فيها كانت محل سخط و شبهه دينيه كبيره وهذا سبب ما خلاني اقرا الروايه لكن اقول ان الاوليين وصلوا للعالمية ولما ادخل واقرا عن نجيب محفوظ واللي على ايامه كانوا صدق عمااااالقة و ما تكرروا ؟ احس ان القيمة الادبيه في المجتمعات العربيه كل مالها و هي تنزل يمكن لانه مالنا ادوات تحفيزيه و تشجيعيه مثل دول الغرب ،،

اما القرايه احس الكتب تأثرت وااايد بسبة ان وسايل الترفيه مثل ما قلت بالردود اللي قبل زاادت و خلت الناس تتجه لها اكثر من قراءة الكتب و المعارض بهالوقت لازم تركز على نقطه التطور التقني و تشوف كيف الطرق علشان تستفيد منه الكترونيا بالمعارض و انا عندي وايد افكار بس منو يسمعني وحليلي :shy:

واتفق وياج ان وايد كتب حلوه ومفيدة لكن للاسف ما لقت الزخم المطلوب علشان تنتشر ،،،، ربي يحفظج يالغاليه

[معماري قطري]

انا احب الكتب الالكترونية أسهل قراءتها وخصوصاً التخصصية وأسهل ايجادها في مواقع كثيرة وتنزيلها بسهولة

[معماري قطري]

بعض الكتب القصصية والمسلية هذي يفترض تنباع في أكشاك بسيطة في اسباير وفي الكورنيش وفي المولات ومنها ما هو سياحي لقطر وتاريخي وبلغات مختلفة اتمنى وزارة الثقافة تروج لها

[ابوالكلام]

اهلا انا عن نفسي انزل الكتاب بنسخة الكترونية وايذا عجبني اطلبه طبعاً الورق الاصفر افضل ورق مريح للعين واما أوقات القراءة تحتاج مزاج وعلى حسب نوع الكتاب وفي بعض الكتب ليست للقراءة مجرد وضعها في المكتبة كمراجع واما عن الثقافة وقراءة الكتب انا اشوف بان قراءة الروايات زادت عندنا بالذات روايات العشق والغرام والرومانسية. أما كتب الفكر قراءها محدودون ولاتوجد عندنا كتب قيمة شكراً

[R 7 A L]

مع اني من زمان ماشريت كتب ولا قريت كتب
بس للحين اشوف ان فيه ناس مازالو مهتمين

[aloosh]

احنا شعب لا يقرا الى قله قليله
فا المعرض ليس عليه اقبال والكتب تغبر بالمكتبه

[بنت شرق]

ما منها فايدة قراءة الكتب الا في مجال التخصص
بعدين المعرض لايوفر فرصة للكتب الحديثة الجديدة كل العناوين قديمة يعني كل ثلاث سنين لسنتين يكفي تروح المعرض
بعدين العالم العربي قرأ الناس فيه أم لم يقروا كله واحد المهم عندهم التعليم

[<اضرب واشرد>]

ما منها فايدة قراءة الكتب الا في مجال التخصص


:eek5:


اذا انت ماتقرأ فهذي مشكلتك ،،،لكن احنا الي عندنا انتماء للقراءة والكتاب ،،،،،نبغي المكتبة الوطنية تشوف النور ،،،،هرمنا واحنا ننطرها ،،،


http://www.qatarshares.com/vb/showthread.php?602232-%E6%ED%E4%E5%C7-%ED%C7%E1%D1%C8%DA-%E6%ED%E4%E5%C7-%A1%A1%A1%A1%E6%ED%E4-%C7%E1%E3%DF%CA%C8%C9-%C7%E1%E6%D8%E4%ED%C9

[بنت شرق]

:eek5:



http://www.qatarshares.com/vb/showthread.php?602232-%E6%ED%E4%E5%C7-%ED%C7%E1%D1%C8%DA-%E6%ED%E4%E5%C7-%A1%A1%A1%A1%E6%ED%E4-%C7%E1%E3%DF%CA%C8%C9-%C7%E1%E6%D8%E4%ED%C9



تبي موقعي على التوتير علشان اتابعني بشكل ادق أخوي اضرب واشرد

لاانكر أني من محبي الكتب ، ولا اجادل أني اتوق للمكتبة ، ولا اكذب إذا قلت أنه زيارة معرض الكتاب لم تفتني قط

بس بعد كل هذا الجهد والمحبة لم نطلع بفيادة إلا إذا قريت بمجال تخصصك وهذه حقيقية ، والباقي للاطلاع والاستمتاع وممكت النت يغني عنها

[عـ العبيدلي]

تبي موقعي على التوتير علشان اتابعني بشكل ادق أخوي اضرب واشرد

لاانكر أني من محبي الكتب ، ولا اجادل أني اتوق للمكتبة ، ولا اكذب إذا قلت أنه زيارة معرض الكتاب لم تفتني قط

بس بعد كل هذا الجهد والمحبة لم نطلع بفيادة إلا إذا قريت بمجال تخصصك وهذه حقيقية ، والباقي للاطلاع والاستمتاع وممكت النت يغني عنها
صحيح هو الأهم في قراءة عن مجال التخصص .. لكن جدا ضروري قراية الكتب الثانية

اولا للثقافة العامة .. ثانيا لكسر الملل نوع واحد من الكتب يصيب الناس بالملل .. ممكن فالبداية صعبه لكن مع التعود تصير عاديه

[h9466]

الحقيقة القراءة من الكتب الورقية لها متعة بعكس الكتب الالكترونية...وانا من عشاقها وعندي مكتبة نفيسة فيها كل ما لذ وطاب من الكتب عربي على انجليزي على روسي ,,
وعندي اقتراح واتمنى منكم دعمه وهو فكرة تبادل الكتب بين الاعضاء واي عضو يستعير كتاب وبعد ان ينتهي من قراءته يذكر ملخص عن محتوى الكتاب الذي قراءه ان احب ذلك..
ما رايكم في هذا الاقتراح...؟ في انتظار دعمكم للفكرة...