هل تركيب المظلات للسيارات خارج المنزل مسموح به

[جي قطر]

السلام عليكم ورحمه الله وبركاته

مرفق اعلان
وعندي سؤال هل مسموح أم ماذا

[مختلف جداََ]

غير مسموح
الا بتصريح من البلدية

بس ترى أغلب البيوت مركبه بدون تصريح

[جي قطر]

يعني يعطون تصريح لمظلة السيارات ؟

[Riku3]

اي تقدر تطلع تصريح .. بيجيك موظف البلدية ويكتب تقرير عن الموقع وعقب تجيك الموافقة .

[بانغ بانغ]

صحيح لازم تصريح اما اذا لغوه موخرا

[المحتار20]

السلام عليكم اخوي لازم تصريح من البلديه من يومين ركبت طبيله برع البيت (كويك سبان)

[رجل الجزيرة]

سؤال:
ليه بعض المواطنين يطنشون؟ وإذا سألته قال: هذا فلان وهذا علان سوى كذا وسوى كذا، هذولا يستاهلون قانون قراقوش.

[MAZEN37]

بالنسبه للاخوان الي يقولك في تصريح اذا تكرم نزل صوره للتصريح نشوف

[BUHASSEN]

وممكن نعرف طريقة التقديم عن طريق app ولا لازم نحضر هناك

[بانغ بانغ]

بالنسبه للاخوان الي يقولك في تصريح اذا تكرم نزل صوره للتصريح نشوف

اخوي احنا مركبين جدام البيت في الوكرة واخذنا تصريح من البلدية في الوكرة لان يوم حفرنا للأعمدة جانا واحد من البلدية ( بيتنا قريب بيته) ونصحنا ناخذ موافقة والا بنتخالف .

اما برع منطقتنا مادري

[حسن]

اول مره اسمع ان هناك تصريح ؟؟؟
لا يوجد تصريح نهائيا هذا المتبع واذا هنا تصريح يجوز هذا يخضع لبلديته
ويعتبر مخالف
انا اعرف ان بلديات الدوحه فيها الكثير من الاختلافات يعني بلديه مثلا
الدوحه مسموح وبلديه الريان ممنوع
يعني مافي هناك قرار واضح كلن يخيط ويبيط في هذه الوزاره
واللي يقول تصريح اتمنى ان يحط صورته

[معماري قطري]

المفروض يساعدون الناس قد الإمكان .. المظلات شكل حضاري ولحماية السيارات وما تضر حد بس تنعمل صح .. مع إن اللي يسويها محتد والا على الأمان ألحين السيارة برا البيت تعتبر كنز للكثيرين

[Riku3]

اول مره اسمع ان هناك تصريح ؟؟؟
لا يوجد تصريح نهائيا هذا المتبع واذا هنا تصريح يجوز هذا يخضع لبلديته
ويعتبر مخالف
انا اعرف ان بلديات الدوحه فيها الكثير من الاختلافات يعني بلديه مثلا
الدوحه مسموح وبلديه الريان ممنوع
يعني مافي هناك قرار واضح كلن يخيط ويبيط في هذه الوزاره
واللي يقول تصريح اتمنى ان يحط صورته

95301
95302

:victory:

[حسن]

95301
95302

:victory:

شكرا ياروكي

انا اعرف انه ممنوع بس هناك من الاعضاء يقول مسموح ويوكد بالتصريح
مع العلم
ناي شخصيا رحت وقالو ليي ممنعوع ولا فياي تصريح
ولا ليش البلديه مسويه حمله وتشيل التعديات

[R 7 A L]

ما سمعت ان فيه تصريح
يمكن شي جديد

[ya3coub]

قبل في تصاريح اخبر رحت بنفسي سوولي سالفه لازم الوالد يجي كونه مالك العقار و لما رحت مرة ثانية مع الوالد بغيت ازنط الموظفه و ال.... الي بالأستقبال على سخافتهم.


يقولون مافي و ممنوع من الأصل ليش تخليني اطلع و ارد انا واحد اصف سيارتي برع البيت لأنها نازلة

و اهم مصرين بان ممنوع الواحد ما يبي يكلف على نفسه و يجي احد عقب يقول شيلها او مخالفه


و بالفريج اشكال و انواع الزين و الشين و انا اصف و اذا شفت يهال حولها هاوشتهم يقعدون يتعبثون و يحطون خرابين صوب التواير

[Thamer_Qat]

اختلف معاك تماما. صحيح الناس محتدة وسياراتها غاليه وجديده وصار البيت فيه اكثر من 5 سيارات وتوصل للعشر احيانا بس مب معناتها نبرر الفوضى في ديرتنا الجميلة ونقول ان المظلات عند البيوت مظهر حضاري!!!
تحياتي لك والحمدلله على السلامة

[ya3coub]

اختلف معاك تماما. صحيح الناس محتدة وسياراتها غاليه وجديده وصار البيت فيه اكثر من 5 سيارات وتوصل للعشر احيانا بس مب معناتها نبرر الفوضى في ديرتنا الجميلة ونقول ان المظلات عند البيوت مظهر حضاري!!!
تحياتي لك والحمدلله على السلامة

يعتمد على نوع المظلة أخوي في الي ماشاء الله روعه

احسن من الطوفة بروحها

و في الي لو مخلي الطوفة بروحها بدال الشينكو المصدي جنة بعزبه مو وسط الفريج و بيوت و اوادم


في و في أخوي

[السكين]

أنا بقولكم على اللي صار معاي ..وما اعرف لو تغير الوضع أو لا ..

جاتنا مخالفة بمبنى العمل .. وهو وجود عمدان على الانترلوك بنهاية كل موقف وقالوا لنا هذا ممنوع وأملاك دولة ..

شلناها ,,وبالمرة قلت أسأل المفتشين عن المظلات ..الجميع قرر أنه المظلة لو كانت ثابتة من جهة الحائط ومعلقة من الاخر يعني مسموح ..لأانه لو ثبتناها بعامودين بالنهاية يقولك أملاك عامة ، وممنوع تحطوا اقماع ومن حق اي سيارة توقف قدام المبنى .

هذا اللي فهمته منهم قبل سنتين هالكلام .