بماذا تنصحونني ..؟؟ [الأرشيف] - منتديات شبكة الأسهم القطرية

بنـ الدحيل ـت

24-05-2005, 06:10 PM

إخواني .. خواتي

بماذا تنصحونني أشتري الآن ..؟؟

أم أصبر ..؟؟

أم أن هناك شركة جديدة ستنزل ..؟؟

شكرا لكم جميعا

الوضع ما يطمن

24-05-2005, 06:31 PM

كم راس المال اللي عندج او ناويه تدخلين به السوق ؟؟؟

بنـ الدحيل ـت

25-05-2005, 05:23 AM

لو افترضنا عندنا :

5000 ريال

أو 10000 ريال

أو 20000 ريالا

شكرا لكم

الوضع ما يطمن

25-05-2005, 10:22 AM

في حدود 20 الف يمكن تاخذين في الشركات اللي اسعارها اقل من 50 مثلا السلام مواشي ..الخ

لكن لا تتوقعين انه ممكن تجنين ارباح سريعه من ورا هالاسهم ..

لان هالمبلغ ماراح يوفر لج كمية مناسبة من الاسهم .. اللي على اثرها اذا ارتفعت تقدرين تجنين الربح من وراها ..

والله يوفقج ..

غاوي مشاكل

25-05-2005, 07:18 PM

الوقت مناسب مايحتمل التأخير!

المسكين

26-05-2005, 12:19 AM

مرحبا اختي

الصراحه انا عن رأيي انج لوتزيدينهم شوي وتشترين

بالعقارية وانتظري عليها شوي بس وشوفي بكم بتبعين

بعدين ...

لان العقارية الصراحه لها مشاريع كبيره وضخمة والاستثمار

فيها حلو ولا عليها خوف

بس انتظري لين يستقر السهم وتوكلي على الله

والله يوفق الجميع

الأستشاري

26-05-2005, 10:19 AM

تحياتي لكم ..................

أفضل شركه للشراء للمبالغ الصغيره هي الأجاره .

سعرها مناسب , أرباحها جيده , مشاريعها التمويليه كبيره وتصنف ضمن القطاع المصرفي,وأسهمها قليله.

المواشي ليس لها أرباح والسلام أرباحها قليله كما أن أسهمها سوف تنزل بعد الأكتتاب.

مالك امـــــــــل

26-05-2005, 10:27 AM

انا انصحج بأحدى الشركات بالترتيب :
1-الناقلات
2-العقاريه
3-الاجاره
4-المواشي
5-المتحده

بس نصيحه : هل الشركات مايبيلهم استعيال يبيلهم طولت بال يعني تاخذين منهم وتنسين الشاشه اشواي لبعد الصيف

والله بيوفقج انشاء الله

يعطيج الف عافيه
:)

بوناصر-قطر

26-05-2005, 10:34 AM

انصحج بالناقلات سعرها ممتاز

استخيري اختي العزيزه اذا انتي في حيره

وبالله التوفيق

غاوي مشاكل

27-05-2005, 03:07 AM

كل شي زين...الخوف ان يطلع مع شهر سته مثل مايقولون...واحنا نخاف من كلمة يقولون..الله يعينك ..القرار صعب...

خالد علي علي

27-05-2005, 04:20 AM

ناقلات ناقلات ناقلات لايطوووفج

السهم الازرق

27-05-2005, 05:01 AM

بحسب المبلغ المراد استثماره وهو 20 الف بالكثير ..

اذا كان الاستثمار طويل جدا اقترح ناقلات ..

اقصد بطويل جدا يعني سنتين و اكثر ..

اما للاستثمار المتوسط يعني من 6 الى 9 شهور ..

أقترح تقسيم المبلغ على هالاسهم:

- السلام
- التحويليه
- المتحده
- العقاريه

مع مراعاة اختيار الوقت المناسب للشراء ..

و بالتوفيق إن شاء الله

الشراكة

27-05-2005, 08:33 AM

كل شي زين...الخوف ان يطلع مع شهر سته مثل مايقولون...واحنا نخاف من كلمة يقولون..الله يعينك ..القرار صعب...

أش قصدك :con2:

الشراكة

27-05-2005, 08:37 AM

غاوي مشاكل

27-05-2005, 12:33 PM

أهلاً بك يا بنت الدحيل أشتري على فترات متقطعة وفي فرصة واحدة للارتفاع وهو قبل دخول شهر سبعة وبعدين راح ينزل السوق في فترة الصيف أو ينشط الله أعلم بس المضمون هو في شهر تسعة وعشرة وقت الشراء والاحتفاظ بالاسهم لين وقت توزيع الارباح وبالتوفيق أن شاء الله ...

يعني تبي تقول ان الأسهم بطير وبتطلع في شهر تسعة وعشرة نتيجة الأقبال...بس انا اتفق معاك على ان يتم الشراء في فترات متقطعة....بس لاحد يحط فلوسه كلها ...خلوا عندكم احتياط لاي انتكاس!!!!

كحيلان

27-05-2005, 02:04 PM

اشتري بكل ما تملكين في العقاريه يوم الاحد فرصه لا تفوتك

الشراكة

28-05-2005, 07:17 AM

لابد أن يكون مبلغ أحتياطي للطوارىء وعدم شراء بكل المبلغ في شركة واحدة وعلى سعر واحد ، النصيحة من أخو لجميع الأخوة والاحبة يجب الشراء على مراحل متقطعة وشراء تشكيلة من واسعة من الاسهم وعمل مبلغ أحتياطي والاستخارة فوق كل لاشي وعدم التسرع في أتخاذ القرارات وأذا كنتم كاسبين في أي سهم بيعوا وأجنوا الارباح المظمونة والدعاء لكل مساهم خسران بأفراج كربته أن شاء الله ...

Millionaire Mind

28-05-2005, 08:21 AM

بنت الدحيل
على المبلغ اللي قلتيه انصحج ادشين سوق دبي وتشترين املاك سعره تقريبا سبعه اريال وشوي يعني بيطلع لج حوالي 2700 طيبين وسهم متوقع له يضرب 11 الى 13 قريبا

بنـ الدحيل ـت

31-05-2005, 02:41 PM

شكرا لكم جميعا على النصيحة

الأخ .. كيف أدخل سوق دبي ..؟؟

مضاربه

31-05-2005, 08:22 PM

انا انصحج تخلين فلوسج لين تنزل الصناعات المتوسطه ويقولون احتمال كبير انها بتنزل على بدايه السنه الجديده والله واعلم

Millionaire Mind

03-06-2005, 12:25 AM

بنت الدحيل
الطريقه الاولى عن طريق النت www.dfm.ae
اعتقد فيه فورمه اتعبينه بس موب متاكد من هالطريقه
الطريقه الثانيه اتسافرين للدبي
من الصبح الساعه ثمان اتروحين للسوق الاوراق الماليه
تفتحين حساب مستثمر في نفس اليوم وبعدين اتروحين للوسيط كلهم في جنب بعض وبعطيج حساب ...دخلين فيه افلوسج وتشترين في نفس اليوم

رجاءاً من غير ليش

03-06-2005, 04:18 AM

اعتقد الكل اجتهد في نصائحه.....لكن!!!

لازم يؤخذ بعين الاعتبار رأس المال وسعر الشركة و سرعى دوران السيولة لأنها راح تستهلك عمولات على الفاضي والمؤشر لازم يكون عن مستوى جيد للشراء..

رأس المال : 20000 رالي
الشركة حسب رأس المال :
- طويل الأجل : ناقلات - تحويله - متحدة.
- قصير الأجل: مخازن - عقاريه- اجاره. وأفضل المخازن لأتها راح توقع عقد مع القاعده الأمريكيه.

والعلم عند الله ..

Qatar69

03-06-2005, 05:49 AM

عليكم بالناقلات توقع ارتفاع قريب للسهم والعلم عند الله

المراقب

03-06-2005, 12:49 PM

ناقلات للمدى البعيد، وسعرها حاليا جيد، وربما ترتفع قليلا.

عقارية - تحويلية - كهرباء - مخازن (من 6 - 9 أشهر). أسعارها حاليا معقولة. وربما تنتفض قريبا، ولا سيما العقاربة.