مساكن الخدم بالبيوت غير صالحه للسكن .. [الأرشيف]

حمد 2002

12-11-2015, 08:16 AM

السلام عليكم ورحمه الله وبركاته

مساكن الخدم بالبيوت غير صالحه للسكن ..

يمكن في بلدانهم ايعيشون بمساكن أكبر ..
ولكن الضروف حدتهم للقبول بالموجود ..

احنه اذا بنصمم غرف للدريوليه ولا للخدامات انصمم 3 في 3 وحق انفسنا .. 6 في 6 ..

لماذا نعاملمهم معامله العبيد ونطالبهم أن يعاملونا معامله الأحرار ..

انا مابرىء نفسي ومحيطي الإجتماعي فأنا واحدا من هذا المجتمع ..

الموضوع للنقاش الهادف بعيدا عن السخريه واستضراف الدم ..

غريب الدّار

12-11-2015, 08:21 AM

موضوع حساس ياحمد :)

من هالكلام وهالواقع (بعض الأحيان للأسف) صرنا نشوف القوانين اللي تنتصر لهم
ويمكن يكون حقهم لانهم بشر في النهاية

لكن العيب على اللي يعاملهم معاملة دونية او ماينصفهم

وطبعا هذا مايعني ان الظلم منتشر لا سمح للعمالة المنزلية في قطر

بالعكس

والله اني شفت ناس يعاملون الخدم كأهل البيت وفي العكس طبعا

لكن يجب علينا ان ننصفهم في كل الأحوال سواء في قوانين ولا لا

بانغ بانغ

12-11-2015, 08:29 AM

انا اليوم قاعد لك قعده بو شهاب رديت على موضوعين لك اليوم

والله راحة الخدم والسواقين في البيت ضرورية جدا من اجل العطاء والاستقلالية

انا مثلا السواقين والصبيان ( 3 افراد ) في ملحق البيت لهم غرفتين ومطبخ خاص فيهم وحوش لغسيلهم منفصل عن الحوش الرئيسي

غايه الطواش

12-11-2015, 08:51 AM

في بلادهم ماعندهم الا عشيش يسكنون فيها
اما فقطر لله الحمد
عندنا الخدم

غرفهم حجمها زين وعندهم ثلاجه وتلفزيون بغرفهم انتو مادري شلون تبونا نعامل الخدم نعطيهم ماستر روم والا نجيبهم نشتغل عنهم

اغلب اهل قطر اهل خير ورحمه الا من رحم ربي والي ماعندهم ذمه هم الي مايعاملون الخدم معامله زينه

غريب الدّار

12-11-2015, 08:52 AM

اغلب اهل قطر اهل خير ورحمه الا من رحم ربي والي ماعندهم ذمه هم الي مايعاملون الخدم معامله زينه

:nice::nice::nice::nice::nice::nice:

الحاقول

12-11-2015, 08:54 AM

غرف الخدم في البيوت القطريه تعتبر شئ خيالي بالنسبه للخدم
وجنه من الجنات كهرباء وماي وتلفزيون ومكيف واسره مريحه
اذا عرفنا ان اكثر الخدم بيوتهم من الخشب والحديد والاماكن الخربه
حدثني احد الاصدقاء بانه شاهد هندي في الهند يسكن في انبوب كبير ربما
كان من انابيب المجاري القديمه

<اضرب واشرد>

12-11-2015, 08:58 AM

لاتوجد مشكلة من ناحية النظافة أو الضيق

لكن قد يوجد تقصير في الترفيه من تلفزيون وتوفير واي فاي لتلفوناتهم .. ونسمح للدريول يزور ربعه/أهله إذا عنده أهل بقطر، مرة بالأسبوع أو كل اسبوعين، أو يقعد مع دريول الجيران إن بغى، ونفس الشيء للخادمة نخليها تجتمع كل فترة مع خدم من نفس جنسيتها

مع حسن المعاملة وعدم التعنيف والانتقاص من كرامته الإنسانية

راعي الكورفت

12-11-2015, 09:00 AM

الخدامه عندنا ساكنه في ملحق خارجي فيه سرير مريح ومكيف سنترال وعندها حمامها الخاص ومركبين لها تلفزيون مع كيبل فيه جميع القنوات الاندونيسيه عشان تتابع اخبار بلادها ومعطينها بعد dvd :)

معماري قطري

12-11-2015, 09:09 AM

في بيتنا مفضيين غرفة تحت لهم بتلفزيون وبتكرمون حمام جيد وتكييف سبلت وقريبين منا لسهولة الوصول لكل مكان .. الغرفة 4 في ستة كافية ل 3 خادمات فيها ثنتين حالياً.

بيت ابوي كذلك مع إن مسوين غرفة في الملحق لكن فضلوهم قربهم .. السواقين اثنين بنغال في غرفة صغيرة لكن كافية لسريرين وكبت وتلفزيون مع بانتري صغير ومع حمام .. ويقول لي السائق إن عيشتهم في بلادهم في بيوت شينكو وخشب.

كبر الغرفة أو صغرها مب مشكلة المهم كفايتها للعيش براحة والأهم معاملتهم معاملة طيبة .. السواق عنده اخت في قطر يزورها تقريباً اسبوعيا وفي سيارة البيت وأوقات يودي لها أغراض نعطيه يوديها.

غايه الطواش

12-11-2015, 09:55 AM

بالنسبه لبيت ابوي من جابتني امي عمره ماشردت عندنا خدامه او دريول ولي يومكم الحمدالله
صح الدريوليه لهم عرات ياخذون الليسن وعقب مايبون يشتغلون عندنا بس الشهاده لله عمرهم ماشردو

عمتي عندها شغاله من سنه 79 ولي مكم ماتسوي شي خير شر بس حاططينها ع الخدم وحتي يوم ترروح الهند يحجزون لها درجه اولي

خالتي عندها شغاله من سنه 87 ومسوين لها غرفه بروحها بحمامها تكرمون ومش مع باقي الخدم لانها كبرت بالسن و لها خصوصيتها

وعندي ناس من اهلي اللهم ياكافي تكفخ وضرب فالخدم واسوا المعامله يعني فيه جيه وفيه جيه

CH Engineer

12-11-2015, 09:59 AM

شغالتنا غرفتها 4 في4 ومعطينها باسوورد الماي فاي

3 في 3 ممتازه
والنظافة هو يستلم الغرفة نظيفه ولازم يحافظ عليها ولا تبي كفيله يغسل له الغرفة

عثرة جواد

12-11-2015, 10:06 AM

الخدم ف لخليج يعيشون بترف ورافهية

من كثر الترف خربناهم صار فيهم طمع ف كل ش لوتقصر علية بشي

يخليك ويشرد غير الملابس الي تقهرني اتشوف الخدامه كاشخة احسن من راعية البيت

جنز وتشيرت وفاله الشعر وجوال وتنهوص وعلاج ع حسابنا وكل شي ..وبيدها الخيط والمخيط

انا اشوفة قلة توعية ف فن التعامل مع العمالة ..

لاضرر والا ضرار

عسااك ع القوة

Qatari In Us

12-11-2015, 10:11 AM

خلاص انا اطالب انهم يسوون لي مكتب 6 *6 بمكان شغلي حالي حال المدير يعني بعد هو مب احسن مني .

<اضرب واشرد>

12-11-2015, 10:20 AM

عمتي عندها شغاله من سنه 79 ولي مكم

هذي لازم يعطونها الجواز

عثرة جواد

12-11-2015, 10:27 AM

هههههههههههه

حمد بن سعد

12-11-2015, 10:31 AM

اصابعك ماهي سوى ياحمد

عثرة جواد

12-11-2015, 10:32 AM

ع الطاري جاتني وحده ف الدوام اتقول خدمتها

عندها بنت دارسة وعندها دورات وتبي تشغلها

قلت لها وش جنسيتها قالت بنغلادش تخيلو عطتني

السيفي وقالت شوفي لها اي شغلة حتى لو 2000

والله خوش

حرف

12-11-2015, 10:43 AM

مثل هالموضوع ( الافتراء ) يساعد الصحف الصفراء لمهاجمة قطر

غايه الطواش

12-11-2015, 10:52 AM

ع الطاري جاتني وحده ف الدوام اتقول خدمتها

عندها بنت دارسة وعندها دورات وتبي تشغلها

قلت لها وش جنسيتها قالت بنغلادش تخيلو عطتني

السيفي وقالت شوفي لها اي شغلة حتى لو 2000

والله خوش

انا اشوف عادي الخياط عطاني سي في بنته تخيلي متخرجه من اي اي اس تخصص اي تي
قدمت لها في مكانين وعقب اسبوع قالي خذوها كيو بي مافيها شي صراحه

بصمة قطرية

12-11-2015, 12:35 PM

الحمدلله هل قطر طيبين و قلوبهم رحيمة على الخدم ..
و لو في ناس ظالمين فهاي قلة قليلة
و شايفة ناس من هالنوعية ..
ممكن يقسون في المعاملة ..
لكن من ناحية السكن ..!!
ما عمري شفت خدامة في غرفة من خشب و لا جينكو ..!!
بالعكس الخدم لهم غرفهم و بحمام خاص وانتو بكرامة ..
انت عكست الموضوع يا حمد الله يهديك ..
في بلادهم غرفهم واسعه و هني عايشين في مكان ما يصلح للعيش ..!!!!
الخدم الحمدلله مدللين و عايشين أحسن عيشة ..
مادري من وين جبت هالكلام الغريب ..
يمكن خلصت مواضيعك و أفكارك ..!!!
خذها نصيحة ..
لا تفتح مواضيع ما لها داعي خلك على الهادف و المفيد ..
كفاية إنتقاد في المواطن
فكونا شوي من هالسلبية في كل الأمور ..

لطيف الروح

12-11-2015, 03:23 PM

يا صاحب الموضوع المفروض تطرح المشكلة و الحل مع بعض لكن انا بقولك الحل

الحل : انك تخلي الدريول ينام في غرفتك الماستر 6 في 6 و انت نام في غرفته لمدة شهر

و بهذا الحل تصير قدوة لنا و تعطينا رايك

قسماً

12-11-2015, 04:34 PM

بعد ما تبي يعطونهم أرض وقرض عشان يرتاحون !!!

العقل المدمر

12-11-2015, 05:11 PM

شلون تقول سكنهم مايصلح للعيش وسكنهم جزء من سكننا اصلا !!
مادري لو انتوا معذبين الشغالة وحاطينها فالحوش تنام تحت شيرة
بس كل اللي حولي عندهم غرف للشغالات بحمامها وفمكان صاد محد يقرب صوبه

مختلف جداََ

12-11-2015, 05:49 PM

http://cdn.top4top.co/i_15b64553900.png (http://up.top4top.net/)

قسماً

12-11-2015, 06:41 PM

سبحان الله يطالبون بحقوق الخدم وراحتهم وينسون حقوق الكفيل
طيب الكفيل اشلون ياخذ حقه من الخدم اللي كل يوم يتمادون والمسكين يخسر بالآلاف ولا حد حاس فيه
سفارتهم تطالب بحقوقهم اللي مايشوفونها في بلادهم وهني يصيرون غاليين عليهم واحنا لازم نتحمل مصاريفهم
وان ماعجبهم الوضع لازم علينا نرضخ لهم ونسفرهم على حسابنا ونرجع ندفع حق واحده ثانيه ويالله مايخلص هالفلم
ليش حكومتنا ماتلزم سفاراتهم بقانون مثل ماهم حاطين شروط وقوانين ويلزمونا بها!!
ليش مايكون فيه عقد لمده معينه يلتزم فيها الخادم انه يقوم بواجباته واذا ما التزم السفاره تدفع للكفيل كل اللي خسره على الخادم اللي رفض يشتغل
جذي سفارتهم بتلزمهم يخلصون السنتين اللي في العقد واحنا نرتاح من الهم والخساير

معماري قطري

12-11-2015, 09:09 PM

انا اشوف عادي الخياط عطاني سي في بنته تخيلي متخرجه من اي اي اس تخصص اي تي
قدمت لها في مكانين وعقب اسبوع قالي خذوها كيو بي مافيها شي صراحه

وقبل انا الفقير المسكين ما خليت مكان وكله انكش ولا حد يقرا السي في لو ادري كان طلبتج تتوسطين لي .. ألحين الحمد لله الأُمور عال العال

bohilal191

12-11-2015, 09:21 PM

الحمدلله الخدم اللي عندي ماعطهم البنت هاوس هي غرفة نوم وفي نفس الوقت غرفة الكوي لأنها كبيرة ويستعملون واي فاي البيت

معماري قطري

12-11-2015, 09:23 PM

http://cdn.top4top.co/i_15b64553900.png (http://up.top4top.net/)

يعني غرفة 6 في 6 = 36 متر مربع وتكفي 6 عمال .. شفت أمريكان ينامون الضعف في هذي المساحة

السرير الكنغ سايز أكبر حجم مساحته 4 متر مربع وينامون عليه شخصين وبعضهم يرضون بسرير 190سم في 180 أو ما يسمى بالكوين سايز ومساحته 3.42 شهالعامل اللي له 6 أمتار مربعة .. المصلي في الجامع تنحسب مساحة الصلاة كمعدل 1.2 في 0.6 متر = 0.72 متر مربع ووقت الصلاة يحتاج مساحة أقل وكل واحد حسب حجمه.

في رأيي مترين مربعين كفاية ومتر مربع على فرض ممرات .. والسرير المفرد 90 سم في 180 سم = مساحة 1.62 متر مربع ليش مبحبحينها وايد مع العمال ما ادري؟

لطيف الروح

13-11-2015, 06:43 PM

aloosh

13-11-2015, 09:09 PM

الحمدلله
الخدم غرفه مكيف سبلت واي فاي اللي عندي عندهم
ما تركو اولادهم واهلهم الى البحث عن حياه افضل

بنت شرق

13-11-2015, 10:00 PM

احنا حاطين الخادمة بالخيمة إذا تبي ترفع علينا قضية

حمد بن سعد

15-11-2015, 10:52 AM

http://cdn.top4top.co/i_15b64553900.png (http://up.top4top.net/)

اشوف ماتكلمو عن الغرف الي مصممينها ادارة الاسكان للمواطن

يليت حد يقدر اينزل هالخريطه عشان اتعرفون المساحات الي في الفيلا

العنيده

15-11-2015, 11:48 AM

الحمدلله لله رب العالمين ان الشغاله لها غرفه وحمام خاص وتلفزيون وسريرها الخاص
والحمدلله لله رب العالمين انه بعد كل وحده ماتروح امي الله يحفظها ان شاء الله تجيب شركة خاصه عشان تنظف الغرفه ونهياها للي بعدها
الحق ينقال في ناس غرف الخدم عندهم من احسن ماتكون ,,