لـ غـ ز #$#%$##$!#%

[<اضرب واشرد>]

لغز: خيانة أمانة

http://up.esgmarkets.com/uploads/images/esgm-04ef79a656.png

[H H]

اولاً , حامد كيف عرف ان سعيد هو السارق اذا كان هو نفسه مسافر يومها؟
لذلك اعتقد ان اجابته الثانيه خاطئه.

واذا اجابته الثانيه هي الخاطئه معناه ان اجاباته الاخرى كلها صحيحه , ومن بين هالاجابات انه كان فالرياض ليلة السرقه.
معنى هالشي ان كلام سامي عن ان حامد كان فجده ليلة السرقه كان خطأ.

واذا كانت اجابة سامي عن حامد انه كان فجده خاطئه , معنى هالشي ان باقي اجاباته صحيحه.
واذا باقي اجاباته صحيحه معناها كلامه عن ان رمزي هو السارق صحيحه.

معنى هالشي ان رمزي هو السارق.

ودام رمزي هو السارق اجل اجابة سعيد الاولى خطأ ورمزي غير بريئ!
وبكذا يتوضح ان اجابة رمزي الاولى خطأ.

وبس والله :shy:

[H H]

بعد التفكير , جا فبالي اثبات آخر ان رمزي هو السارق بس شرحه طويل و مافيني اكتبه , بكره جمعه والنوم سلطان :shy:

- - - تعديل.

بعد استبعاد الاجابات الخاطئه , طلعوا كلهم كانو مسافرين ليلة السرقة الا رمزي.

[العفراء]

سامي هو السارق

لانه قال انه ما يعرف شي عن السرقه و بنفس الوقت قال رمزي هو السارق

و اول مره اسمع عن هالمليونير عويض مكرش :weeping:

[<اضرب واشرد>]

هلا ومرحبا h h .. من وين طلعت .. شميت مع مشاركتك ريحت الفلوس وريحة أسهم مشوية ومحروقة على النفط :weeping:

أقنعتني بإجابتك، مفتاحك: "حامد كيف عرف ان سعيد هو السارق اذا كان هو نفسه مسافر يومها؟"
أنا فكرت دقايق في اللغز ماعرفت راسه من ريله، بس لفت انتباهي أن رمزي شاك في نفسه يوم قال (سامي كاذب إذا قال أنني السارق)

____________

هلا أبلة العفراء

ما أقنعتيني بجوابج

عويض مكرش هههههه


نشوف الجواب الصحيح بعد كم يوم (الجواب عندي بس ماشفته للحين)

[العفراء]

انا سويت عنه بحث بقوقل هذا عويض مكرش و لقيت اسمه ضمن المستحقين لقطعة ارض هبه من الحكومه :eek5:


شكله باع الارض و استوى مليونير



انا غيرت رايي السارق هو رمزي لانه كلامه متناقض

[معماري قطري]

بعد لغز ومكرش وسعيد وسامي

باحاول احله بدون أي مساعدات خارجية ما دام ما حليتوه للحين

[<اضرب واشرد>]

عفراء خلج من كرشة الريال وركزي في اللغز :)

هلا بوعبدالله ..وبعده فكروا في الثاني..أسهل:

http://up.esgmarkets.com/uploads/images/esgm-137d2e5acd.png

[معماري قطري]

الكل عنده معلومة وحدة غير صحيحة وهذا مفتاح الحل نعرف وشي المعلومة الغير صحيحة أو غير منطقية من كلام كل واحد ونربط المعلومات وبنعرف الحرامي

[معماري قطري]

ألغازك هذي محد بيحلها الا مخبرتنا السرية انا محتاج شوية فيول باعبي الخزان وبارجع احاول افكر

[<اضرب واشرد>]

حليت الثاني وجوابي طلع صح

[<اضرب واشرد>]

ألغازك هذي محد بيحلها الا مخبرتنا السرية انا محتاج شوية فيول باعبي الخزان وبارجع احاول افكر

الثاني سهل بس عطه 10-15 دقيقة

[العفراء]

المذنب بكل تاكيد امجد

[العفراء]

و بصورة توضيحيه

اربعه قالوا الحقيقه

خالد
تيسير
جميل
امجد


اربعه كانوا يجذبون

ثامر
ماجد
بهاء
مازن




الحين اسمحوا لي بروح اساعد اخويه عويض مكرش باسترجاع ثروووته

[<اضرب واشرد>]

المذنب بكل تاكيد امجد

أحسنتِ :nice:
ومبروك أول لغز تحلينه صح في قسم الاستراحة :eek5:

وهذا حلي:

الجمل الخاطئة: 8خالد مذنب، 7خالد مذنب 2ماجد مذنب 4كلهم أبرياء!
الجمل الصحيحة: 6خالد بريء 1خالد بريء 5ماجد بريء 3أمجد مذنب

[العفراء]

أحسنتِ :nice:
ومبروك أول لغز تحلينه في قسم الاستراحة :eek5:

وهذا حلي:

الجمل الخاطئة: 8خالد مذنب، 7خالد مذنب 2ماجد مذنب 4كلهم أبرياء!
الجمل الصحيحة: 6خالد بريء 1خالد بريء 5ماجد بريء 3أمجد مذنب

هاهاهاااا ثاني لغز احله خااالي

شي لغز مزلنه اخويه العضو تلفزيون قطر و الحل كان 2 و 3 وانا جاوبت

و باجي الالغاز رووحي اتعمد ما اجاوب صح :weeping: علشان اعطي المجال لغيري :shy:

[<اضرب واشرد>]

^^
مادري ف ذمة R7AL يقول ماحليتي شي ههههههه

_________________

معماري هذي في مجالك:

http://up.esgmarkets.com/uploads/images/esgm-5fb719d118.png

[العفراء]

بسيييط والله

المسافه بين الساريتين 7.5

[العفراء]

انا متنازله بالاجازه للجندي المحرووس نابلسي ههه

[<اضرب واشرد>]

بسيييط والله
المسافه بين الساريتين 7.5

طلع الجواب: المسافة بينهم صفر
الحين 7.5 متر متدلدل من كل صوب، 7.5+7.5=15 .. مابقى شيء للمسافة الافقية

أنا أعطي الجواب بسرعة لأني طايح على موسوعة فيها 641 لغز، زي الرز :funny: ، بوعلي ومختلف يعذبونا لأن اللغز غالي عليهم :telephone:

[العفراء]

اسمح لي والله انا عيل ما فهمت اللغز و الا جان حليته

و مب عيب ان الانسان ان ما فهم اي مسألة انه يقول ما فهمت

العيب بصراحه ان الانسان يتمادى و يصر على اجابته حتى و هو يدري انه ما كان فاهم الشرح


المخلصه لكم : العالمه الفيزيائيه

[<اضرب واشرد>]

اسمح لي والله انا عيل ما فهمت اللغز و الا جان حليته
و مب عيب ان الانسان ان ما فهم اي مسألة انه يقول ما فهمت
العيب بصراحه ان الانسان يتمادى و يصر على اجابته حتى و هو يدري انه ما كان فاهم الشرح
المخلصه لكم : العالمه الفيزيائيه

كلام سليم
<< ادمعت عينه :no::taunt:

عادي حتى أنا ما انتبهت للخدعة فيه، بس لو في امتحان كان ركزت وحليته

[العفراء]

بس زين انك حطيت الجواب لاني كنت كاتبه رد و اني اعتمدت على قاعده فيزيائيه بالحل بس زين قبل ما اعتمد الرد انت انقذتني من الفضيحه اللي كانت بتصير

الثقه بالنفس مرات تكون مصيبه

[<اضرب واشرد>]

اللغز الرابع والأخير لليوم
ونرجع الجمعة الجاية لألغاز ثانية

http://up.esgmarkets.com/uploads/images/esgm-a7986eb153.png

[العفراء]

بسييييطه والله


نحرك القطعه اللي بالنص بالمركز و نحطها تحت و بيطيحين القطعتين الافقيتين الباجيات و جذا

بنكون سوينا اربع قطع افقيه و اربع عموووديه

[العفراء]

والله شكله جوابي غلط اوكي سووا اعماركم ما شفتوا و برجع افكر اوكي ويت بليز

[العفراء]

القطعه الافقيه من الطرف ندفعها ع باقي القطع الافقيه الين يطلعون من الخط و يصير شكل التقاطع بعد ما تطيح القطعه اللي فوق على شكل زاوية تسعين

و جذا انكون شكلنا اربع قطع عموديا و اربعه افقيا

[معماري قطري]

طلع الجواب: المسافة بينهم صفر
الحين 7.5 متر متدلدل من كل صوب، 7.5+7.5=15 .. مابقى شيء للمسافة الافقية

أنا أعطي الجواب بسرعة لأني طايح على موسوعة فيها 641 لغز، زي الرز :funny: ، بوعلي ومختلف يعذبونا لأن اللغز غالي عليهم :telephone:

عاد تصدق توني اقرا وطرأ علي هذا الجواب بس اكتشفت انك قلته

الدكتورة عفرا أحسن منا

[معماري قطري]

حل اللغز اتوقع نحرك القطعة الأُفقية اليمنى أو اليسرى تحت فتكون عندنا صف عمودي من 4 قطع وصفين افقيين مجموعهم 4 قطع

[العفراء]

عاد تصدق توني اقرا وطرأ علي هذا الجواب بس اكتشفت انك قلته

الدكتورة عفرا أحسن منا


العيين ما تعلى ع الحاجب انا منكم اتعلم و استفيد و ان شاء الله اني اسوي شي مفيد بحياتي خلال الفترة اليايه

[بشائر]

حلو موضوع الألغاز ..
,
بالنسبة للغز النقود .. نحرك القطعة الأخيرة من الصف العمودي ونخليها جنب اللي فوقها فبتشكل حرف l بأربع قطع
و الصف الثاني مثله أفقي بتكون بعد 4 قطع ..

مجرد محاولة وإن شاء الله تكون صح ..

[بشائر]

مانتبهت للحرف إلا الحين ... اقصد حرف إل بالكابتل .. كلما كتبته رجع بالاسمول لتر .. مدري ليه :rolleyes2:

[العفراء]

بشاير حاولي تحلين لغز المليونير الشهير عويض مكرش :weeping:

[بشائر]

بشاير حاولي تحلين لغز المليونير الشهير عويض مكرش :weeping:

دار راسي ههههه

شوفي أتوقع سامي هو السارق ..
وإن كان خطأ .. فماغيره صلاح بدر السارق .. وسلامتكم

[العفراء]

انا اتفق وياااج اي شي انتي تقولينه صح

و ان شاءالله يعرفون السارق و يسترجع عويض مكرش ثروته

[بشائر]

انا اتفق وياااج اي شي انتي تقولينه صح

و ان شاءالله يعرفون السارق و يسترجع عويض مكرش ثروته
:
ههههه حبيبتي .. أي لازم تتفقين معاي حتى لو كانت إجابتي خطأ لأني أشوف شي ماتشوفونه :cool:

[معماري قطري]

بالنسبة للسارق بديت اشك في كل الموجودين حتى في نفسي

[بشائر]

بالنسبة للسارق بديت اشك في كل الموجودين حتى في نفسي

هههه يقول لك من كرشة عويضة تعرف سارقينه
توقعت الحرامي سامي لأنه برأ سعيد واتهم رمزي وفي الأخير قال مدري عن السرقة ! بس خلاص مايبيلها هو ماغيره

[<اضرب واشرد>]

اللغز الرابع والأخير لليوم
ونرجع الجمعة الجاية لألغاز ثانية

http://up.esgmarkets.com/uploads/images/esgm-a7986eb153.png

الحل:
مادرينا يصير نحطهم فوق بعض
ماحب حركات القرعة هذي

http://up.esgmarkets.com/uploads/images/esgm-a95f885848.png

[<اضرب واشرد>]

HH ، معماري ، العفراء ، بشاير
يعطيكم العافية ع المحاولات
وهذا حل اللغز الأول:


لغز: خيانة أمانة
http://up.esgmarkets.com/uploads/images/esgm-04ef79a656.png

http://up.esgmarkets.com/uploads/images/esgm-60305810bf.png (http://up.esgmarkets.com/)

[العفراء]

السارق هو رمزي لانه كلامه متناقض


فديتني والله شطووره

حاليا انا اعتبر الوحيدة اللي حلت 3 الغاز بهالموضوع و هذا ان دل على شي إنما يدل على اني عبقريه

و علشان اكون متواضعه انا بنسب نجاحي في معترك الحياة للغاليه بشاير

[بشائر]

ماشاء الله عليج عفاري ذكية وشطوورة ..
وياسلام على التواضع .. :)


الحل:


http://up.esgmarkets.com/uploads/images/esgm-a95f885848.png


تدري انا ماقنعتني الإجابة !
يعني حتى لو حطينا ب على أ بيتم الصف العمودي 4 قطع
والأفقي 3 قطع فشلون تساووا؟

[<اضرب واشرد>]

بشاير اللي في النص مشترك بين الصفين (الافقي والعمودي)

*
***
*

[العفراء]

انا مقتنعه باجابتي بصراحة

استاذي اضرب واشرد شو نتريا لين يوم اليمعه وايد

حط لنا لغز من اليوم لين اليمعه بنقعد انحل و بنشوف منو الشطووور فينا

[العفراء]

او كل يوم لغز الشو رايكم

[مختلف جداََ]

الغاز اضرب و اشرد كلها سهله :tease:

[معماري قطري]

*
* *
* *
*

[معماري قطري]

خربت اللغز خلاص استسلام اضرب واشرد عطنا الحل وتذكر إنه تحريك قطعة وحدة مب قطعتين ولا صف كامل

[<اضرب واشرد>]

بوعبدالله الحل ص4 :)

العفراء أبشري بنزل غيرها قبل الويكند

[معماري قطري]

والله يا اخوي شفت الحل ولا فهمته يبي لي تفهيم حبة حبة

[العفراء]

ياليت الاستاذ اضرب و اشرد يحط لنا شرح فيديو يشرح فيه
حل اللغز علشان خاطر عمي المعماري و يكون التصوير اتش دي لاني بعد ما اشوف عدل و ممنوع اني اشوف و انا قريبه من الشاشه علشان ما اييني صداع و تسلم لنا استاذ اضرب و اشرد انك صابر علينا و متحملنا طول هالفتره :weeping: و اسمحوا لي الحين على قولة امايه : قومي سويلج شي مفيد بحياتج ،،،، انا بحاول اسوي شي يفييد المجتمع من خلال دوامنا