الغرور والتغطرس والتسلط عند بعض الدكاترة

[abu m7md]

السلام عليكم ورحمة الله وبرركاته
كيف الحال اخواني واخواتي
بصراحه ابي اتكلم في موضوع وهو مهم جدا
لانه نابع من شخص يثق في كل اب وكل ام وكل عاقل سواء ذكر ام انثى


مب كلنا نحب نفس الشخص
ممكن انت تحبه بس انا ما احب ولا اكره لكن ما اهتم فيه
فيه اختلاف لاسباب كثيره
يمكن ماعرفه او ما احتكيت معاه في شغله او رحله او سفره

لكن يجيني شخص ويبدء هو في قلة الادب ويرفع الصوت ويفرض علي اشياء هو يدري انها ماتعجبني
هنا بكل شجاعه راح ارد عليه برد اخليه ينتبه حق نفسه



كلامي موجه حق بعض الدكاتره الي في الجامعه او الكليات
بصراحه يدخل علينا دكتور مادة يقول لنا لاتحاولون تاخذون عندي اكتب من b
أو يجي دكتور ثاني يقول روحوا للمكتبه الفلانية تحصلون عندها ملزمه جيبوها معاكم للكلية او الجامعه , زين والكتب الي موفرتها لنا الكليه او الجامعه....
ولكن ارجع على موضوع التغطرس او الغرور او التسلط
ويحط قوانيين فالصف غير عن الموجوده في النظام
مثلا التاخير 5 دقايق يعتبر l
هو يقول عندي بعد ما اسكر الباب تغتبر غياب وليس تأخير


زين يا دكتور الماده العلم الي عندك امانه تعلمنا فيها
واسلوبك بنتحمله لكن لفتره بسيطه وبعدها وين بتكون منزلتك في قلوبنا
الماده نفسها انت بنفسك تحببنا فيها وانت بنفسك تكرهنا فيها
ومرات يدخل شكله واحد من ربعه مزعله برى ويحط الحره فينا احنا
ما يصبرنا عليه غير انه نخلص من الكلية او الجامعه



المشكله اخواني الصفه هذي موجوده عند أكثر الدكاتره الخليج والعرب

فيه بعض مدرسين والدكاتره ما انسى اسلوبهم معاي في التدريس او الحوار وادعي لهم بالتوفيق


حبيت اضيف طرحي لتشاركوني ما يضايقني لعلى وعسى اجد اسلوب من منهم كانوا قبلي في هذه المحنه
اخوكم
ابومحمد

[حرف]

كلامك صحيح
بس مو بس الدكاترة حتى بعض الضباط تسلم عليه كنك ذابح حد من هله
هذا دليل على النقص في هالاشخاص ويعتبرون من حديثي النعمة حسبي الله على من كتم علم يعرفه

[abu m7md]

كلامك صحيح
بس مو بس الدكاترة حتى بعض الضباط تسلم عليه كنك ذابح حد من هله
هذا دليل على النقص في هالاشخاص ويعتبرون من حديثي النعمة حسبي الله على من كتم علم يعرفه

الضباط ممكن مكانه حساس او يخاف يستغل ..
لكن نتكلم عن دكتور وتلميذ مثل الاب والابن
لازم فيه خوف وفيه اهتمام وتحبيب
مابي افتح مجال عن الشواذ من الطلاب الي يجي مشاغب او يخرب هذا معروف ومانلومه يتصرف معاهم فالتصرف هذا


شكرا حروف على المرور

[شيخ الديرة]

المدراء بعد, وكابتن الفريق, وسايق الباص .....

المهم من الأمر ان الألتزام بأصول اللعبة, أهون بكثير من محاولة تغيير تلك الأصول التي لا تعجبنا.

قد يكون تصرف الدكتور المجحف هو تهيئة وتدريب لك لما سوف تجده عند مديرك القادم, وتكون عندها في ورطة لا تحسد عليها.

اذا يعتبر ال 5 دقائق تأخير غياب, اذن لا تتأخر اكثر من 2 دقيقة, ما أسهل منها.

التزم بما يطلبه منك هذا الدكتور, واستحمد ربك انها مسألة أشهر وتلقى دكتور غيره

[abu m7md]

المدراء بعد, وكابتن الفريق, وسايق الباص .....

المهم من الأمر ان الألتزام بأصول اللعبة, أهون بكثير من محاولة تغيير تلك الأصول التي لا تعجبنا.

قد يكون تصرف الدكتور المجحف هو تهيئة وتدريب لك لما سوف تجده عند مديرك القادم, وتكون عندها في ورطة لا تحسد عليها.

اذا يعتبر ال 5 دقائق تأخير غياب, اذن لا تتأخر اكثر من 2 دقيقة, ما أسهل منها.

التزم بما يطلبه منك هذا الدكتور, واستحمد ربك انها مسألة أشهر وتلقى دكتور غيره

مرحبا فيك اخوي شيخ الديرة
فيه ضروف تصيب الانسان لانه انسان
تجبره على التاخير او الغياب
وان كان اسلوب المحاظر مجحف ليس الى نهاية الكورس
خلنا نقول فالبداية وبعدها تتغير نظرته في التلاميذ المجتهدين وعارف انهم راح يبدعون في حياتهم
لكن اني امشي على سستم واحد واعامل المجتهد والمستهتر بنفس الاسلوب
انا ضد الشي هذا.


شاكر لك مرورك وطرحك

[مختلف جداََ]

والله أخبر دكتور مصري الله يذكره بالخير

كان يدرس رياضيات 2

كان يقول لنا دخلو الكتاب وياكم و الحاسبة بعد

اذا فاهمين المادة طلعو قوانينها من الكتاب و حلو

و اذا مب فاهمين. الكتاب ما راح ينفعكم .

[راعي الكورفت]

هذا فقط تحصله عند دكاترة العرب بينما الدكاتره الأجانب ما عندهم الغرور والتغطرس بل ستجدهم متواضعيين وخلوقيين وطيبين .


ماشاء الله تربيه وأخلاق :secret:

[ضوى]

بصراحة درست بجامعه قطر والله رزقني بأساتذة عرب قمة في الذوق والتواضع وتقدير الظروف ولله الحمد ، يمكن اخوي انت تاخيرك مبالغ فيه او متكرر ، واذا كان الدكتور طبعه متغطرس ومتكبر هذي طبع ماتغير تغيره ولازم تتأقلم معاه لانه مصيرك برقبته

[قطريه ماركه]

اي مدلعينهم اخررر دلع و عطوهم شي ما يحلمون فيه ف بلادهم
و كلمتهم دايماً ( اناااا ساااكين هنه أريب أوي في زا بيييرررل )

[ابن البيطار]

الدكاتره بشكل عام طبعا الكثير وليس الكل فيهم غرور وتعالي لا اعلم على ماذا وشعادة الدكتوراه تباع على الارصفه في بعض البلدان

[abu m7md]

والله أخبر دكتور مصري الله يذكره بالخير

كان يدرس رياضيات 2

كان يقول لنا دخلو الكتاب وياكم و الحاسبة بعد

اذا فاهمين المادة طلعو قوانينها من الكتاب و حلو

و اذا مب فاهمين. الكتاب ما راح ينفعكم .

هذي طريقه تبين انه يوصل بشكل المعلومه في ذهن الطالب بشكل صحيح, او انه نظام المادة فالطريقه هذي

انا اتكلم اخوي عن الغرور والتغطرس . يعني اهو مب امير دولة ولا قاىد ثورة , حاله حال اي مواطن عادي بعد الساعه 1 الظهر ...... فلماذا التكبر والغرور.



شاكر لك مرورك اخوي مختلف جدا

[abu m7md]

هذا فقط تحصله عند دكاترة العرب بينما الدكاتره الأجانب ما عندهم الغرور والتغطرس بل ستجدهم متواضعيين وخلوقيين وطيبين .


ماشاء الله تربيه وأخلاق :secret:


البعض منهم متكبر والبعض متواضع ومتفهم.
شاكر لك

[abu m7md]

بصراحة درست بجامعه قطر والله رزقني بأساتذة عرب قمة في الذوق والتواضع وتقدير الظروف ولله الحمد ، يمكن اخوي انت تاخيرك مبالغ فيه او متكرر ، واذا كان الدكتور طبعه متغطرس ومتكبر هذي طبع ماتغير تغيره ولازم تتأقلم معاه لانه مصيرك برقبته

انا لله الحمد ما اضر أي شخص اذا ما ضرني هو بالأول.
وشباب الكلاس وربعي يشهدون لي بالشي.
لكن كا شكل من تشوفني بتقول انت راعي مشاكل (:
ممكن من شكلي يعاملني بالاسلوب ولكن المشكله فيه ناس معانا مالهم في المشاكل يبي بس يخلص ويتوظف ويكون نفسه.
مادري شقول اخوي لكن احس انه الاستاذه هذيلا ينشالون ويجيبون مكانهم دكاتره مثقفين فالتعليم . لانه التعليم اسلوب يدخل المعلومه في راسك بسهوله مب غصب او تحفظها وتنساها بعدين.
انا تاخير مش دوم لكن هو له قوانيينه ومرات يقول انا ماهتم في قوانيين الكليه لي قوانيين الخاصه. شقصده فقوانينه الخاصه يعني !!!!!!!
شاكر لك مرورك اختي ضوى

[abu m7md]

اي مدلعينهم اخررر دلع و عطوهم شي ما يحلمون فيه ف بلادهم
و كلمتهم دايماً ( اناااا ساااكين هنه أريب أوي في زا بيييرررل )

للاسف كل الدكاتره مب مدلعينهم الا مترزلين رزاله
لي اسبوع ادور حق واحد سكن له ولاهله لين ماحصلنا له سكن
يعني مب كلهم مدلعينهم ...
وبعدين لاتحطين جمل مكسره هههههههههههههه

شاكر لج مرورج

[abu m7md]

الدكاتره بشكل عام طبعا الكثير وليس الكل فيهم غرور وتعالي لا اعلم على ماذا وشعادة الدكتوراه تباع على الارصفه في بعض البلدان

الله تباع على الارصفه .
مانبي نسئ الظن فيهم لكن نبي نقول اين اخلاق استاذ الامه نبينا محمد عليه الصلاه والسلام

[أم محمد 90]

اخوي بومحمد خلها على الله
تخرجي مفروض شهر 4/2016 , بقى لي كورس فقط والحين مضطرة أأخر التخرج بسبب اني داومت بشغل جديد ودوامي ينتهي 2 ونصف , وكنت مسجلة بمادة تبدا 2 ونصف
الدوام وافق اطلع 2 ولكن مع االاسف مكان شغلي بعيد عن الجامعه ف اتاخر غصبا عني 10 دقايق.
كلمت الدكتور بداية الكورس وشرحت له وضعي قال اسف ماقدر اسمح لج كل 5 دقايق تاخير يعتبر تاخير و كل 3 مرات تاخير يعتبر يوم غياب و 4 مرات غياب طرد من المادة !!

ف اضطريت احذفها وانا ميته قهر ......

[أم محمد 90]

اختي ضوي مو قصدي احرجج ولكن ، سنة كم درستي بجامعة قطر؟

[بوخميس]

مر علي دكتور واحد متكبر وللأسف انه قطري.

ولا باقي الدكاترة أكثرهم عسل وحسبة ربع، ولحين لي تواصل مع بعضهم.

في دكتور قطري الله يذكره بالخير (سامي المناعي) سمح لي اتأخر نص ساعة عن وحدة من المحاضرات كل أسبوع لأنه يعرف ظروف دوامي. وخذت عنده a

احنا كنا (موازي) فكنا كبار والدكاترة يدرون ان احنا مب صغار ولا جايين نلعب وندفع فلوس على دراستنا. فكانوا يعاملونا باحترام

[مختلف جداََ]

مر علي دكتور واحد متكبر وللأسف انه قطري.

ولا باقي الدكاترة أكثرهم عسل وحسبة ربع، ولحين لي تواصل مع بعضهم.

في دكتور قطري الله يذكره بالخير (سامي المناعي) سمح لي اتأخر نص ساعة عن وحدة من المحاضرات كل أسبوع لأنه يعرف ظروف دوامي. وخذت عنده a

احنا كنا (موازي) فكنا كبار والدكاترة يدرون ان احنا مب صغار ولا جايين نلعب وندفع فلوس على دراستنا. فكانوا يعاملونا باحترام

سامي المناعي
كان يدرس رياضيات ؟

[بوخميس]

سامي المناعي
كان يدرس رياضيات ؟

لا يدرس لغة عربية

[مختلف جداََ]

لا يدرس لغة عربية

اسمه كلش مب غريب علي
و موازي

والله مار علي

[بوخميس]

اسمه كلش مب غريب علي
و موازي

والله مار علي

قطري ملتحي يدرس عربي 1 و2 وبعض مقررات التخصص

[معماري قطري]

لو فيه أخلاقيات مهنة بتحصل كل طبيب دبلوماسي في علاجه واستقباله للمريض وفي كل كلامه

الأمريكان .. الطبيب يسوي علاقة معاك ويسولف ويدليك مطاعم زينة وأماكن تسلية أو علاج غير .. أيام كنت طالب كنت اتابع السكر مع طبيب وكان يسئلني عن قطر وعن أحداث في ذاك الوقت ويتكلم عن اليهود ولا كنت عارف إنه يهودي بس اكتشفت يوم رحت مكتبه وكان عطلتهم وسئلت عنه وقالوا لي عطلة اليهود اليوم .. كان يعاملني أفضل معاملة ويعالجني صح ويهتم لحالتي حتى فحص تأثير الأعصاب وفحص العين يسويه .. عندنا البعض منهم زين وخصوصاً أطباء مستشفى الأهلي مثل الدكتور الليبي محمد الريشي وهو متخصص في الغدد والسكر وكان يشتغل في بريطانيا طول عمره .. كبير في السن ومتعلم صح .. بعضهم مساكين

[معماري قطري]

ما يسمى code of ethics هذي تعليمات خاصة يحفظها المفروض أي صاحب مهنة ويطبقها في حياته على طول

[أخت الكل]

صارت لنا هالمواقف

دكاتره ما عندهم ضمير او انهم معقدين نفسيا
ولو يرجع فيني الزمن لذاك الوقت كان ما سكت عنهم

[طرف محايد]

أنا حاس بوضعك اخوي
لان فعلا في بعض دكاترة تعاملهم سيّء
والأكثر للامانة ناس تنحط ع الجرح

وانا أقول الله يوفقك لين تتخرج
وبعد ما تتخرج
وخذ مني هالنصايح بحكم التجربة

اي دكتور مهما كان سوء تعامله
لازم تتعامل معاه بأسلوبك انت
لا تخليه هو المتحكم
انت تحكم في كل شي
دكتور ما يحب حد يكثر نقاش معاه
لا تناقشه
دكتور ما يحب حد يتاخر
شد ع نفسك وتعال من وقت
هي ثلاثة شهور وبتنتهي علاقتك فيه

لازم نكون واقعيين
بصراحة انت همك الدرجة
الدرجة هي الي تحكم علاقتي بالدكتور
فركز وش يبي الدكتور بالضبط

اكثر الطلاب يفشل لانه ما يدري وش يبي الدكتور
ما يدري وش يبي في الامتحان
بعضهم ما يركز ع التعاريف
بعضهم يركز ع القضايا
ولو تخصصك قانون بتعرف قصدي

الانتقاد في هالمواضيع ماله محل من الاعراب
لانك بتتعب وانت تنتقد
ولاراح يتغير شي

أتمنى لك كل التوفيق
واعذرني ع الإسهاب

[نوفا91]

رفيجتي دكتورتها ماعرفت شلون تشبك اللاب على البروجكت ، رفيجتي قالت لها حطي الواير تعلمها ، الا الدكتوره ارفعت راسها قالت من اللي تكلمت رفيجتي قالت أنا ، قالت أنا صار لي سنيين ادرس اتجيين أنتي ياطالبه تعلميني !!!

[abu m7md]

اخوي بومحمد خلها على الله
تخرجي مفروض شهر 4/2016 , بقى لي كورس فقط والحين مضطرة أأخر التخرج بسبب اني داومت بشغل جديد ودوامي ينتهي 2 ونصف , وكنت مسجلة بمادة تبدا 2 ونصف
الدوام وافق اطلع 2 ولكن مع االاسف مكان شغلي بعيد عن الجامعه ف اتاخر غصبا عني 10 دقايق.
كلمت الدكتور بداية الكورس وشرحت له وضعي قال اسف ماقدر اسمح لج كل 5 دقايق تاخير يعتبر تاخير و كل 3 مرات تاخير يعتبر يوم غياب و 4 مرات غياب طرد من المادة !!

ف اضطريت احذفها وانا ميته قهر ......

الله يصبرج يا ام محمد
مصائب قوم عند قوما فوائدُ
هانت على مصيبتي من بعدج
فعلا لو يتم تاديب الدكاتره او تثقيفهم زود ثقفتهم.

[abu m7md]

مر علي دكتور واحد متكبر وللأسف انه قطري.

ولا باقي الدكاترة أكثرهم عسل وحسبة ربع، ولحين لي تواصل مع بعضهم.

في دكتور قطري الله يذكره بالخير (سامي المناعي) سمح لي اتأخر نص ساعة عن وحدة من المحاضرات كل أسبوع لأنه يعرف ظروف دوامي. وخذت عنده a

احنا كنا (موازي) فكنا كبار والدكاترة يدرون ان احنا مب صغار ولا جايين نلعب وندفع فلوس على دراستنا. فكانوا يعاملونا باحترام

انا قلت عرب ودكاترة الخليج حدث بلا حرج الا ماندر

[abu m7md]

لو فيه أخلاقيات مهنة بتحصل كل طبيب دبلوماسي في علاجه واستقباله للمريض وفي كل كلامه

الأمريكان .. الطبيب يسوي علاقة معاك ويسولف ويدليك مطاعم زينة وأماكن تسلية أو علاج غير .. أيام كنت طالب كنت اتابع السكر مع طبيب وكان يسئلني عن قطر وعن أحداث في ذاك الوقت ويتكلم عن اليهود ولا كنت عارف إنه يهودي بس اكتشفت يوم رحت مكتبه وكان عطلتهم وسئلت عنه وقالوا لي عطلة اليهود اليوم .. كان يعاملني أفضل معاملة ويعالجني صح ويهتم لحالتي حتى فحص تأثير الأعصاب وفحص العين يسويه .. عندنا البعض منهم زين وخصوصاً أطباء مستشفى الأهلي مثل الدكتور الليبي محمد الريشي وهو متخصص في الغدد والسكر وكان يشتغل في بريطانيا طول عمره .. كبير في السن ومتعلم صح .. بعضهم مساكين

انا أقصد دكاترة الجامعات او الكليات ( محاضرين )
ولكن كا اسلوب يعجبون لانه يحاولون يكسرون اي حاجز بينه وبين مريضه
اما دكاترة المستشفيات يحترمك لجل مصلحته وبقائه فالعلم , البعض منهم .


ما يسمى code of ethics هذي تعليمات خاصة يحفظها المفروض أي صاحب مهنة ويطبقها في حياته على طول

لمى نقول عرب نتكلم عن الاخلاق الحميدة

[abu m7md]

صارت لنا هالمواقف

دكاتره ما عندهم ضمير او انهم معقدين نفسيا
ولو يرجع فيني الزمن لذاك الوقت كان ما سكت عنهم

عدت معاج وبتعدي معانا باذن الله.

[abu m7md]

أنا حاس بوضعك اخوي
لان فعلا في بعض دكاترة تعاملهم سيّء
والأكثر للامانة ناس تنحط ع الجرح

وانا أقول الله يوفقك لين تتخرج
وبعد ما تتخرج
وخذ مني هالنصايح بحكم التجربة

اي دكتور مهما كان سوء تعامله
لازم تتعامل معاه بأسلوبك انت
لا تخليه هو المتحكم
انت تحكم في كل شي
دكتور ما يحب حد يكثر نقاش معاه
لا تناقشه
دكتور ما يحب حد يتاخر
شد ع نفسك وتعال من وقت
هي ثلاثة شهور وبتنتهي علاقتك فيه

لازم نكون واقعيين
بصراحة انت همك الدرجة
الدرجة هي الي تحكم علاقتي بالدكتور
فركز وش يبي الدكتور بالضبط

اكثر الطلاب يفشل لانه ما يدري وش يبي الدكتور
ما يدري وش يبي في الامتحان
بعضهم ما يركز ع التعاريف
بعضهم يركز ع القضايا
ولو تخصصك قانون بتعرف قصدي

الانتقاد في هالمواضيع ماله محل من الاعراب
لانك بتتعب وانت تنتقد
ولاراح يتغير شي

أتمنى لك كل التوفيق
واعذرني ع الإسهاب

ابد معذور اخوي
ونصايحك نصحوني فيها ناس شرواك وكلها مثل ماذكرت انها تصب في مصلحتي انا اولاً قبل ان تصب في مصلحة الدكتور نفسه,
حاليا انا معاه الى اخر نفس ولكن كل مايشوف مني تجاوب احسه ينقهر ويزيد الجرعه ويخيس النفس
او انه مصخره عند ربعه ويجي يطلع الحره فيني

شاكر لك مرورك

[abu m7md]

رفيجتي دكتورتها ماعرفت شلون تشبك اللاب على البروجكت ، رفيجتي قالت لها حطي الواير تعلمها ، الا الدكتوره ارفعت راسها قالت من اللي تكلمت رفيجتي قالت أنا ، قالت أنا صار لي سنيين ادرس اتجيين أنتي ياطالبه تعلميني !!!

انا فالكلاس شغال it لهم ,
اي عطل انا اصلحه اي برمجه انا اسويها اي سوفت وير انا اسويه هههههههههههههههه
لانه طلب صيانه لازم الصبح وبعض الايميلات مايردون عليها
كفاية انه للحين مكيفه خربان من له شهرين واحنا مستحملين :(
بالاخير يقول لي الدكتور انت ليش جاي تكمل دراسه هههههههههههههههههه
قلت له اسهل لكم الشرح ويطالعني بستهزاء وبسمه سخريه مع نظرة اشوي تقهرني لاني افهم لغه العيون .
ولكن باذن الله الوعد يوم التخريج .
ما اقول الا يارب سوقهم عندي اذوقهم شاي اخضر بدون سكر

[بانغ بانغ]

الله يعينك وايوفقك في دراستك

صدقني بعضهم يتصرفون بهالطريقة كنوع من فرض الشخصية يا بومحمد

اما لو اتروح له الساعات المكتبية بتلاقيه عسل .... طبعا البعض لانهم شافوا بلاوي من الطلاب

اهم شي انهم ما يظلمون في اخر التيرم

طبعا اتكلم عن وضعنا يوم درسنا من عشرين سنة ... احين مادري

اموفقين

[abu m7md]

الله يعينك وايوفقك في دراستك

صدقني بعضهم يتصرفون بهالطريقة كنوع من فرض الشخصية يا بومحمد

اما لو اتروح له الساعات المكتبية بتلاقيه عسل .... طبعا البعض لانهم شافوا بلاوي من الطلاب

اهم شي انهم ما يظلمون في اخر التيرم

طبعا اتكلم عن وضعنا يوم درسنا من عشرين سنة ... احين مادري

اموفقين

عاد تصدق انه محد يروح له بعد المحاظرة من اسلوبه الاستفزازي مع الطلاب ويتكلمون معاه وهو يمشي
يعني المفروض يوقف ويسمع لهم , ويقول خلص اختصر لا تاخذ وقتي .
هذا الي اشوفه في الدكاتره الباقين.

وما أولمهم بس مثل ماذكرت من بلاوي الطلاب , بس اسمح لي خل نتكلم عن مسمى دكتور , وين الاسلوب والتفريق بين الصالح والطالح.
شاكر لك مرورك