تعلموا من stc يا اوريدو

[حرف]

شركة stc للاتصلات السعودية توزع اجهزة ايفون6 للعملاء الحاصلين على البطاقة الذهبية من خلال امتلاكهم خطوط ( فاتوره )
وكذلك يعطون الي بيسافر شريحة اضافية
بالاضافة الى رخص المكالمات
وكذلك مميزات اخرى كثيرة
ليش ما انشوف اي من المميزات عند اوريدو الي بس ندفع لهم وغالين في كل شي

[aziz4z]

يارجال شركات الاتصال كلها .......
السعوديين يسمون stc , stealing the customer
الهدايا هاي لواحد أكثر واحد دافع فلوس للشركة

[بانغ بانغ]

يكفي اول اتدش بلادهم على الحدود يعطونك رصيد او كم غيغا بلاش

احسن شركة صراحة

اما المسمى المذكور اعلاه .... ماله حل هههههه

[حرف]

يارجال شركات الاتصال كلها .......
السعوديين يسمون stc , stealing the customer
الهدايا هاي لواحد أكثر واحد دافع فلوس للشركة

يا حي الله يقدر
اوريدو ندفع لها اكثر من عيالنا ولا انشوف الا الضعوي

[Riku3]

طرشوا مسج قبل لا ينزل الايفون الجديد لعملاء النخبة بلفيت حجز قبل الناس .. حجزت 2 ونزل التلفون وشريتهم من ستارلنك بعدها باسبوع .. ولين يومك انتظر حد يكلمني من اوريدو علشان ازفه :tease: .

[Dana’1]

لا تغرك اس تي سي رافعه ضغط الشعب^_^

[بوخالد911]

(((( وما أنت بمسمعٍ من في القبور ))))

[bo matar]

للامانه اوريدو جيده جدا ولكن ليست ممتازه

[بن مفتاح]

اوريدو لها ما لها .. وعليها ما عليها .. الحقيقة انا مستفيد من جواز اوريدو في السفر لمدة اسبوع ومميزاته اكثر من رائعة بالنسبة للمبلغ المدفوع ( 100 ريال) : دقائق مجانية و اثنين جيجا انترنت مجاني في دول الخليج .. وواحد جيجا في الدول الاخرى اللي تتعامل معها اوريدو .. انا بالنسبة لي تكفيني خلال سفراتي .. وما ادري ان كان في دول الخليج الاخرى نفس العرض.

[ام الحلوين]

لا تغرك اس تي سي رافعه ضغط الشعب^_^

لانهم ماجربوا اوريدووووو

[شبيه الريح]

طرشوا مسج قبل لا ينزل الايفون الجديد لعملاء النخبة بلفيت حجز قبل الناس .. حجزت 2 ونزل التلفون وشريتهم من ستارلنك بعدها باسبوع .. ولين يومك انتظر حد يكلمني من اوريدو علشان ازفه :tease: .

هههههه والله نفس المعاناة وانتظر واحد منهم يتصل عشان ياخذ له كم كلمة حلوه

[حفيد الأنصار]

اس تي سي كريهه هالشركة
أفضل ماعندهم النت بسس .. سريع نوعا ما وسعره طيب



ولكن العرض اللي تقصده ماعتقد انه مجانا ولفئة معينة
مثلا واحد من الشباب مشترك بباقة يسدد فاتورة 400 ريال شهريا
ويعطونه نت مفتوح ودقائق مجانية ويحق له يحصل على جهاز سنويا بتخفيض أتوقع 50%


قبل شهرين لما نزل 6 بلس اشترى لأبوه واحد واعتقد السعر كان حول الـ 1500
هذا عرضهم تقريبا وماشوفه هذاك الزود



مثال انا عندي شريحتين وحده من اس تي سي للنت
نت مفتوح بقيمة 100 ريال شهريا
والجوال الثاني فاتورة عام من زين بدون رسوم والفاتورة تطلع حول 50 ريال شهريا
يعني شهريا مادفع الا 150 ريال لنت مفتوح وفاتورة عام
ايش اللي يخليني اخذ عرضهم أبو 400 ريال علشان احصل تخفيض على جهاز نهاية السنة !!

[ولد الرياان]

اعذرني اخي الكريم شركة stc شركة سيئة جداً وذلك بناء على تعاملي معها اثناء سفري لسعودية مكالمات غالية وبيانات نصب في نصب 5 جيجا عندهم كنه 200 ميغا عندنا وتعاملت معا شركات اتصال ثانية في سعودية افضل منها وغير هذا تتصل الكول سنتر والله مايردون عليك لو تقعد 24 ساعة على الخط الا لما تكلمهم من رقم مفوتر وفاشلة فاشلة وعلى فكرة السعودين منفقعه كبودهم منها واكثرهم اتجه الى الشركات الثانية.

وبالنسبة الى اوريدو اعتبرها في أي بي بنسبة لهم كا خدمات وتعامل وبنسبة الى اوريدو الحمدالله مرتاح معاهم والاخ لي ماخذ تلفونه من ستارلنك دفع سعر التلفون وما استفاد أي شي لي هو ايفون 6S كلمتهم وثاني يوم وفروه لي واستلمته من لاجونا

وغير هذا معطيني معاه عرض انترنت لامحدود لمدة سنة 400*12=4800 + كرت انترنت 20 جيجا ب 200 ريال مجموع 5000 ريال لما تشتري جهاز ايفون 6s ب2799
وللعلم خذيت نفس العرض السنة لي راحت معا ايفون 6
انزين الحين في شركة ثانية لي هي فودافون في قطر لي ما بعاجبتة خدمات اوريدو يحول على فودافون

وللعلم ماني موظف في اوريدو ولكن لا نظلمها ونطلب منها المزيد

[Dana’1]

لانهم ماجربوا اوريدووووو

بالعكس أعرف من جرب الثنتين وأنا وحده منهم
على إن أوريدو لها سلبيات ومواقف كثيره معي شخصيا وصلت إني أقدم بلاغ عند حماية المستهلك
يعني مو ادافع عنها !!
بس تبقى أحسن بشوي من اس تي سي في الوقت الحالي
بالسابق كان لي رأي مختلف ولكن الحين هذا رائي
وبالمستقبل ممكن يكون لنا رأي مختلف
لأن شركات الاتصال متغيره باالعروض يا تتطور يا تدهور وعليه الرأي ممكن يتغير!

[بعيد النظر]

الله يعزززززززز اوريدو ..
ما قد جربت شركة برع قطر وكنت مرتاح ..

على الفواتير اللي ندفعها والمشاكل اللي تصير ..
الا ان هي الرقم واحد بالنسبة لييي !

[@الأدعم@]

اتصالات السعوديه زفت لايغركم احمدوا ربكم أوريدوو اهون