انتيرير دزاينر

[kawkawii]

السلام عليكم
ولا عليكم امر من ترشحون انتير دزاينرز للبيت كامل من الألف الى الياء مع الأثاث ؟
بعيدا عن البجت لانه يختلف حسب الستايل والمساحة وتكاليف التصميم نفسه
المهم ثقه وشغل حلو يبرد القلب


أتمنى ان في إبداعات قطريه محتاجه دعم !!!!

وشكرا

[معماري قطري]

واحد من الربع فتح وسكر بسرعة .. وعن رأيي غالبية الموجودين هواة وشغلهم ما يسوى

لو حاب تسوي الإطار العام وتشتري بنفسك أو تشوف ناس تنفذ لك وتشرف عليهم بيكون أفضل لك

[معماري قطري]

مريت على جوتن للأصباغ في طريق سلوى وما شاء الله عندهم تصاميم حلوة وطرق للصبغ وقطع رخام شبه شفافة يحطون وراها إنارة تجميلية .. من شوي جاو يشوفون بيتي كنت ابي اصبغه من الخارج واللي جاوا مهندس ديكور يوناني ومعاه مهندسة ديكور ايطالية .. وشكلهم فاهمين الشغل وعلقوا على شغل الصباغ العربي الخارجي للبيت وتعليقهم صحيح 100% وليس من باب اظهار عيوب الغير .. لكل نوعية صبغ طريقة وتأسيس خاص وشغل مناسب ولو تركنا الوضع للصدفة وللصباغين الغشاشين بيسرقونا وبنضطر نعدل شغلهم

[Riku3]

مريت على جوتن للأصباغ في طريق سلوى وما شاء الله عندهم تصاميم حلوة وطرق للصبغ وقطع رخام شبه شفافة يحطون وراها إنارة تجميلية .. من شوي جاو يشوفون بيتي كنت ابي اصبغه من الخارج واللي جاوا مهندس ديكور يوناني ومعاه مهندسة ديكور ايطالية .. وشكلهم فاهمين الشغل وعلقوا على شغل الصباغ العربي الخارجي للبيت وتعليقهم صحيح 100% وليس من باب اظهار عيوب الغير .. لكل نوعية صبغ طريقة وتأسيس خاص وشغل مناسب ولو تركنا الوضع للصدفة وللصباغين الغشاشين بيسرقونا وبنضطر نعدل شغلهم
اي محل تقصد ؟ .. من سنة وقعت مع جوتن الي صوب اشارات العزيزية في طريق سلوى وما كان في مصداقية ابد .. تأخروا علي اكثر من اسبوع وازعجوني تبريرات .. عندنا برج في الخليج الغربي.. عندنا ملعب اللخويا .. واخرتها لغيت العقد وخذت المقدم -_- ..

عقبها كلمني المهندس يعتذر يقولي انت قدرت تاخذ سعر ممتاز وعقبها ندموا ان عطوك السعر علشان كذا ماطلوا معاك علشان تلغي العقد ! .

[معماري قطري]

تقريباً هذا هو المحل .. أشوفهم منظمين والتأخير هذا شيء متعودين عليه .. شوف أقل شيء طلبوا الرسومات حتى يقيسون من الكمبيوتر وانا قلت لهم باشوف حساب الكميات قالوا لي بعد أحسن لو غيرهم يقيسون عشوائي بالنظر ويزيدون عليك

[شموخ دائم]

,

,


مرحبا


بقطر عندنا مشكله كبيره بالديكور والتصميم الداخلي

اما مكاتب تعبانه ومالها مصداقيه وما تقدم شي يستاهل

او مكاتب ( مبالغ ) فيها وجنسيات معينه ( تستغل ) الناس

وللاسف حتى لو دفعت مبالغ كبيره النتيجه تكون ( عمل عادي )

قطر تحتاج شركات ديكور ( متوسطه ) الحجم والاسعار تلبي حاجه الناس

وفيها ( احتراف ) بالتعامل ومصداقيه ( بالسعر ) بدون مبالغه

بالفعل السوق ( يعاني ) من نقص محلات الديكور

والجميع محتار مافي شركات زينه ( نرشحها ) للاعضاء

بالفعل مشكله كبيره بالسوق القطري

تعاملت مع اكثر من 4 شركات وكل شركه ( سيئه ) اكثر من الي قبلها


مشكلتهم


1- يبي يتربح في التصميم بسعر خيالي ( يضرب ) بالسعر

2- يبي يشرف على التنفيذ بسعر خيالي ( يضرب بالسعر )

3- يبي يستفيد من الشركات الي يجيبها مثل الصبغ والجبس والاثاث ( يضرب نسبه )

4- يبي يقنعك ان الشغل زين حتى لو ماهو زين

5- امكانياته محدوده ويقلد العمل كوبي بيست من بيوت اخرى

6- ما يعطيك كميات وتفاصيل واضحه لكل عمل

7- ما يعطيك سنابل وانواع المتريال المواد بشكل محترف موضح فيه انواع الاقمشه والالوان والاكسسوارات

8- يقلب بيتك ورشه ( تجارب ) يمشي بطريقه ويغيرها الى اخرى ويعطيك نتيجه مختلفه عن الاتفاق

9- ما يقدر يعطيك التكلفه المتوقعه للعمل والتنفيذ وكم تقريبا بيكلفك يعطيك رقم وتدفع 3 اضعاف الرقم بصراحه ( تعاسه )

10- يرسم اشياء غير موجوده في السوق ولايعرف كيف يجيبها بقصد ( الابهار ) في الرسم لكسب الزبون


وفوق هذا ( يزعل ) اذا حطيت ملاحظات على عمله متكبرين على فاضي بلاش

:)


هذا مو تجاره ديكور هذا اسمه ( احتيال ) مكشوف

:)



,

,

[Azizuk]

تقريباً هذا هو المحل .. أشوفهم منظمين والتأخير هذا شيء متعودين عليه .. شوف أقل شيء طلبوا الرسومات حتى يقيسون من الكمبيوتر وانا قلت لهم باشوف حساب الكميات قالوا لي بعد أحسن لو غيرهم يقيسون عشوائي بالنظر ويزيدون عليك

حمدالله على السلامة يابوعبدالله

أسفرت وانورت البلاد

المحل اللي رحت له اسمه بن جاسم جنب الجابر للايضاءة

دليت المحل حق واحد من الربع وسوه عندهم المجلس والمطعم وبصراحة شغلهم ممتاز

واليوناني من أصل لبناني والايطالية جدا ممتازة وتباشر الشغل بنفسها

بس شكلهم ماسكين مشاريع تقولي توهم موقعين عقد الفندق اللي عند الستي سنتر

وعندهم هندي كان مشرف على الاعمال اسمه شيخ محمد

اتصل عليه فجاءة مايرد وبعد فتره الايقولي فنشوني

وبصراحة خفت شوي منهم محتار اكمل معاهم والا اشوف لي شركة ثانية تاخذ شغل البيت

[معماري قطري]

بوجود الطيبين أمثالك يا بو سعود قطر بخير ومليانة نور

انا لي قريب 3 أسابيع راجع ومع الدوام وشغل الصيانة البسيطة اللي عندي .. اليوناني يا اخوي يتكلم لبناني تقريباً بس غريبة المحل مكتوب عليه جوتن ومثل ما يقولون هم يبيعون بس منتجات جوتن ويشتغلونها بعد لو حب العميل .. صوب بنك قطر الوطني في السوق اللي قرب لفة سوق الخضرة والسمك

يبينون لي زينين والشغل يطول صح وطبيعي وحتى في أماكن كثيرة بس تهمني النتيجة

بشر شكثر باقي على بنيانك؟ بكرة عندي اجتماع وعلاج أسنان وباتفرغ بعد بكرة إن شاء الله بامر بنيانك لو انك موجود

[معماري قطري]

إخوي شموخ انا كان هذا رايي من الأول بس شفت كثيرين يحبون يسون وكثيرة محلات طلعت توقعت بيكون ترتيب وتقنين للعملية بس اكتشفت إني للحين في قطر وهذي الشغلات قانونها مفتوح .. إن شاء الله ربعنا اللي اشتغلوا على الكود القطري غطوا كل الفجوات

[Azizuk]

بوجود الطيبين أمثالك يا بو سعود قطر بخير ومليانة نور

انا لي قريب 3 أسابيع راجع ومع الدوام وشغل الصيانة البسيطة اللي عندي .. اليوناني يا اخوي يتكلم لبناني تقريباً بس غريبة المحل مكتوب عليه جوتن ومثل ما يقولون هم يبيعون بس منتجات جوتن ويشتغلونها بعد لو حب العميل .. صوب بنك قطر الوطني في السوق اللي قرب لفة سوق الخضرة والسمك

يبينون لي زينين والشغل يطول صح وطبيعي وحتى في أماكن كثيرة بس تهمني النتيجة

بشر شكثر باقي على بنيانك؟ بكرة عندي اجتماع وعلاج أسنان وباتفرغ بعد بكرة إن شاء الله بامر بنيانك لو انك موجود


حياك اي وقت اخوي معماري قطري

يتبارك البيت لدخلته

البيت بيتك وانا موجود دايمن لان الحمدالله البيت قريب مني ويوميا انا متواجد

وحتى لو انا مب موجود الباب مفتوح لك اي وقت حياك

والناطور موجود يفتح لك الباب لو مسكر بس الباب دوم مفتوح لين الليل

[Riku3]

تقريباً هذا هو المحل .. أشوفهم منظمين والتأخير هذا شيء متعودين عليه .. شوف أقل شيء طلبوا الرسومات حتى يقيسون من الكمبيوتر وانا قلت لهم باشوف حساب الكميات قالوا لي بعد أحسن لو غيرهم يقيسون عشوائي بالنظر ويزيدون عليك
حسب كلام المهندس لي ان ما كان في نية للعمل معي بدون ما يأخروني علشان يتنصلون من العقد بسبب السعر .. وانا كان وراي عيد وابي المكان يخلص بسرعه وكنت بموقف اضطريت ان الغي العقد :/ .


المحل اللي رحت له اسمه بن جاسم جنب الجابر للايضاءة

دليت المحل حق واحد من الربع وسوه عندهم المجلس والمطعم وبصراحة شغلهم ممتاز
واليوناني من أصل لبناني والايطالية جدا ممتازة وتباشر الشغل بنفسها
بس شكلهم ماسكين مشاريع تقولي توهم موقعين عقد الفندق اللي عند الستي سنتر

وعندهم هندي كان مشرف على الاعمال اسمه شيخ محمد
اتصل عليه فجاءة مايرد وبعد فتره الا يقولي فنشوني

وبصراحة خفت شوي منهم محتار اكمل معاهم والا اشوف لي شركة ثانية تاخذ شغل البيت
صح هذا هو اسمه بن جاسم .. ولوحة جوتن كأسم موجود عند شركات كثيرة .. وما بدخل بالتفاصيل لان المهندس الي عندهم قالي فضايح لها اول ومالها اخر بس ما ادري صحيحه او خطأ لان مديرهم اللبناني كان جديد وشكله سوى مشاكل كثيرة للموظفين وطرد كثير منهم ..

عقب ما توهقت معاهم كلمت شخص سوري خلصت الشغل معاه وكان فوق الممتاز .. يشتغل في شركة كبيرة ما تشتغل في البيوت بس هو يشتغل بشكل مب "قانوني" الصبح ينزل العمال ويشرف عليهم ويمشي ويجي المسا يشتغل معاهم بنفسة .. حاولت اوصله لك بس تلفونه مغلق ولما كلمت رفيجه طلع الحبيب رايح المانيا لجوء مع السوريين !! خخخخخخ .. الله يعينه .

وبعد نهاية شغل الديكور اخترت الصبغ من شركة "رغدان" في طريق سلوى بعد وصبغهم روعه مطفي او يلمع كأنه رخام بس لازم واحد خبير يضبطلك الشغل .

بالتوفيق .

[شمس المغيب]

مرحبا

تواصلت مع مهندسة ديكور تشتغل بروحها
شفت شغلها على الانستغرام شغلها حلو
وعطيتها خرايط البيت وكان اختياري سمبل كلاسيك
تصميم 3d فقط بدون تنفيذ أو اشراف
وبدون أثاث بس ديكورات الجبس و توزيع الإضاءة
بس ماتفقت معها
اذا تبي ارسل لك رقمها أو إنستغرامها

[لبيبة]

وعليكم السلام ورحمة الله وبركاته،

وشو الستايل اللي تبحثين عنه؟ كلاسيك، معاصر، مودرن، او حتى انتقائي. لأن مب كل انترير ديزاينر يقدر يسوي كل الستايلات.

شوفي هالموقع (http://d.pr/1ju0n) فيه افكار وايد حلوة، وممكن تساعدج بنفسج تسوين لو ما حصلتي اللي يسوي لج او قررتي تسوينه بنفسج.

[kawkawii]

شكرًا لكم جميعا.. بس شدعوه مافي شركه عدله وحده او حتى حد جديد قطري او قطريه محتاجين دعم لو بتصميم غرفه وحده ؟


انزين شرايكم في محل

ديكوباج؟

[sweet qatar]

شكرًا لكم جميعا.. بس شدعوه مافي شركه عدله وحده او حتى حد جديد قطري او قطريه محتاجين دعم لو بتصميم غرفه وحده ؟


انزين شرايكم في محل

ديكوباج؟

للأسف الشركات المعروفة في هالمجال تمسك مشاريع كبيرة

و المبدعين نسمع عنهم ولا نشوفهم

سمعت عن أردني فنااان كل من شاف البيت انبهر فيه و يوم سألت عن الاسم ما يعرفونه

وفي أجنبية تسوي لج الستايل الي تبينه و تدخل فيه لمسة تراثية نسيت اسمها بس طبعاً قالوا لي اسمها بس بدون تلفون ولا شي للتواصل

و وحدة من خريجات vcu أخبر غيرت تصميم مجلس الرجال عندهم وابدعت فيه لكن ما أعتقد إنها تسوي مشاريع خاصة

والثانية أظنها فتحت مكتب بس ناسية وين :(




شوفي حبيبتي روحي أكثر من مكان واسأليهم عن التسعير بما انج تبين تصميم وتنفيذ .. إذا عطاج سعر بدون ما ياخذ قياسات ويحدد الستايل لاتثقين فيه

[لبيبة]

شكرًا لكم جميعا.. بس شدعوه مافي شركه عدله وحده او حتى حد جديد قطري او قطريه محتاجين دعم لو بتصميم غرفه وحده ؟


انزين شرايكم في محل

ديكوباج؟

ما أعرف عنه، بس فهمت انج تبين الستايل الكلاسيك بسؤالج عنهم.

شوفي هذا الموقع فيه بروفايلات عدة مصممين ديكور وصور من شغلهم، وتقدرين تكلمينهم وتتواصلين معاهم (http://d.pr/1kpuw)

و هذا الموقع فيه دليل لأرقام عدة محلات للتصميم، تقدرين تكلمينهم وتمرين عليهم وتشوفين شغلهم (http://d.pr/11QSb)