اختلاف الاجازات بين المدارس المستقلة والخاصه وارتباك الأسر

[لما]

الى متى يكون هناك اختلاف في الاجازات بين إجازات المدارس الخاصة والمستقلة

متى يتم التوحيد لماذا لايتم مراعاة وجود امهات وأشقاء. لطلاب المدارس الخاصه والأجنبية

ومالنا ومال أعيادهم وإجازات. بلدهم

نحتاج قرار. حاسم من المجاس الأعلى ومن القياده العليا في الدولة

[بانغ بانغ]

صحيح اشكالية ازلية

[قطر العطاء]

هذي مشكلة حقيقية ويوجد اختلاف كذلك بين المدارس الخاصة نفسها ، كل مدرسة تختلف عن الثانية ، انا تواصلت مع بعض المدارس والمجلس الاعلي للتعليم ، واقدر اقول نتيجة بحثي ان السبب ضعف شديد في ادارة المدارس الخاصة في المجلس الاعلي للتعليم لدرجة ما قبلوا حتي يسمعون الشكوي مني ..
مع ان المدارس قالوا لي ماعندنا مشكلة نغير اذا طلب المجلس هالشي وحدد لنا تواريخ معينة ، لان احنا ما ندري كل مدرسة ايش حاطة من تواريخ فالمفروض ال regulator او المنظم للعملية يقوم بدوره وللاسف هالشي غير موجود ..

[حرف]

اي اجازات قصدكم
السنوية ؟

[Abdulraman]

كل سنه يقولون السنه الجايه نوحد الاجازات ولكن كله كلام جرائد
فعلا الى متى والاسره الواحده فيها طلاب في المدارس الخاصه والمستقله يعني نصهم اجازه ونصهم دوام

[قطر العطاء]

اي اجازات قصدكم
السنوية ؟

اجازات نصف السنة واجازات شهر ديسمبر واجازات شهر ابريل

[حرف]

اجازات نصف السنة واجازات شهر ديسمبر واجازات شهر ابريل

غلط صراحة شنو ذنب الي عنده اكثرمن ولد في مراحل مختلفة

[لما]

من يعرف من مسؤول في المجلس عن هالمواضيع

[Dana’1]

اذا خاصه بس عربيه او نظام المستقله أظن الإجازات موحده

المشكله بالأجنبيه وطبيعي الإختلاف لأنها للأجانب فأعيادهم ومناسباتهم ونظامهم يختلف عنا

[شموخ دائم]

,

,


مرحبا


طول عمر المدارس الخاصه هذي اجازاتهم من 20 سنه واكثر وهذي المدارس

افتتحت خصيصا ( لجالياتهم ) من اسيويه واوربيه وامريكيه

وهذه المدارس مرتبطه بالمدارس في دولهم الاصليه وتتبع ( اجازاتهم ) واعيادهم هناك

احنا الان ودينا عيالنا عندهم ودخلنا مدارسهم

ونطالبهم يعدلون ( اجازاتهم ) وكتبهم وطريقه تدريسهم

الي يعتقد ان المجلس الاعلى يقدر يعدل اجازاتهم ( يحلم ) ترى

:)

هذه المدارس تتبع ( سفاراتهم ) ودول كبرى وهم اقوى بالتخاطب مع المجلس

ترى بكل سهوله يردون شيلوا عيالكم من مدارسنا الي افتتحت خصيصا لجالياتنا

هناك بعض ( التنسيق ) بينهم وبين المجلس وهناك ( ود ) ومحاوله الوصول الى ( تقارب )

لكن ليس في كل شي

اكيد كلنا ودنا ( تتوحد ) الاجازات ولكن الموضوع جدا جدا صعب ربما

المحاولات توصل الى مزيد من ( التقارب ) ونتمنى ذلك ان شاء الله

,

,

[أبورودي]

المشكله فى عدد ايام التمدرس لابد ان تكون 198 على مدار العام الدراسي
المدارس البريطانيه والامريكيه اجازه عيدهم الكريسمس لازم ياخدوها وبالتالى بتكون على حساب اجازه منتصف العام وبتكون اسبوع فقط عندهم لذلك يصعب التوحيد