مزادات الابل والغنم والطيور

[حرف]

امس وصلني مقطع لبيع طير في سوق واقف بمبلغ 85.000 الف ريال قطر !

وسمعت ان الابل تباع بالملايين وبعد الخرفان الي ماتسوى الف ريال توصل للمليون
صراحة شي غير طبيعي
والله راح يسألنا عن هالاموال

[BoFahed]

امس وصلني مقطع لبيع طير في سوق واقف بمبلغ 85.000 الف ريال قطر !

وسمعت ان الابل تباع بالملايين وبعد الخرفان الي ماتسوى الف ريال توصل للمليون
صراحة شي غير طبيعي
والله راح يسألنا عن هالاموال


هذي سلالات نادره وتسوى كثير بالنسبه لهم ماديا ومعنويا ومصدر فخر للشراي في المحيط اللي عايشين فيه بانها ما تقدر بثمن وبكل العالم بتحصل ناس يهتمون بشراء الحيوانات النادره والاصيله ما جات عليهم


السفاهه اللي يشتري رقم سياره وجوال بالملاييين او ينقط في مرقص او عرس او يصرف على .... ( الله يهديهم )

[بانغ بانغ]

امس وصلني مقطع لبيع طير في سوق واقف بمبلغ 85.000 الف ريال قطر !

وسمعت ان الابل تباع بالملايين وبعد الخرفان الي ماتسوى الف ريال توصل للمليون
صراحة شي غير طبيعي
والله راح يسألنا عن هالاموال

هذي ارزاق ياخوي

مطية اتجيب لك ملايين فسعرها فيها

نوع من البزنس وترويج لرياضات الاجداد

[حرف]

هذي سلالات نادره وتسوى كثير بالنسبه لهم ماديا ومعنويا ومصدر فخر للشراي في المحيط اللي عايشين فيه بانها ما تقدر بثمن وبكل العالم بتحصل ناس يهتمون بشراء الحيوانات النادره والاصيله ما جات عليهم


السفاهه اللي يشتري رقم سياره وجوال بالملاييين او ينقط في مرقص او عرس او يصرف على .... ( الله يهديهم )

بيأكلونها؟
ولا شنو الاستفادة منها
ولا بس جمع اموال

[<اضرب واشرد>]

عرض وطلب وكل شي نادر غالي مثل الذهب والأرقام المميزة والحيوانات النادرة والتحف القديمة والموهوبين كلاعبي الكرة المميزين والشعراء والممثلين والمخرجين والرسامين (المميزين أيضا) و و و

[حرف]

هذي ارزاق ياخوي

مطية اتجيب لك ملايين فسعرها فيها

نوع من البزنس وترويج لرياضات الاجداد


ترويج ؟!
شنو الفايدة الي طلعت للمجتمع ؟

[حرف]

عرض وطلب وكل شي نادر غالي مثل الذهب والأرقام المميزة والحيوانات النادرة والتحف القديمة والموهوبين كلاعبي الكرة المميزين والشعراء والممثلين والمخرجين والرسامين و و و

وبعدين ؟
شنو الي راح يصير
كل مالها الاسعار ترتفع

[ممنوع اللمس]

الابل يشترون بملايين ويدخلون مسابقات وجوايز ويبيعون بملايين
والدوله دايم تنظم مسابقات وكلنا عارفين هالشي
واللي يشترون اسامي معروفه ما يحتاج اقول من
وحتى الخرفان لها مسابقات وجوايز
الناس تستفيد وتبيع وتشتري

[رجل الجزيرة]

هذي ارزاق ياخوي

مطية اتجيب لك ملايين فسعرها فيها

نوع من البزنس وترويج لرياضات الاجداد

وإذا طاحت المطية وإنكسرت أو مرضت ولا قامت بتيجب الملايين وإلا شلون؟

[qatara]

جادل احد الاخوه في قيمة المطايا

وبختصار رد عليه اخ اخر بعضهم يستغلها كغسيل اموال

الاهم من ذالك كله ماراي الشرع في المبالغات في كل ماذكرت

هل هذا فسوق واسرف ام لا وما راي الشرع

الخروف وصل مئات الاف

الله لا يعاقبنا

[بانغ بانغ]

وإذا طاحت المطية وإنكسرت أو مرضت ولا قامت بتيجب الملايين وإلا شلون؟


لا طبعا .

هذا سوق ياخوي مثل الاراضي والسيارات ... لها ناسها ( انا طبعا مش منهم )

[بعيد النظر]

طبيعي مع التضخم كل هذي يصير ..
يعني كل شي صك اللمت جات على طير ولا مطية ..


ومثل ما قالو العرب .. هذي تجارة ..
حالها حال غيرها ..

[العقل المدمر]

قد يكون نوع من الاسراف
بس لو الواحد بيتم يفكر
اذا شريت ناقة يمكن تموت
واذا شريت سيارة يمكن تتكنسل
واذا شريت بيت يمكن تحترق
واذا حجزت بسافر يمكن الطيارة تروح عني
عيل محد بيعيش حياته
فالنهاية الحيوانات هاذي مفيدة وتتكاثر
اهون من يقطون فلوسهم على اشياء مالها قيمة

[الحاقول]

{ثُمَّ لَتُسْأَلُنَّ يَوْمَئِذٍ عَنِ النَّعِيمِ}
والله راح يسألنا الله عن هالاموال
.. اش نقول حق رب العالمين
صرفناها على طير او ناقه او خاروف وعلى عصفور قوويه هذي

[qatara]

قد يكون نوع من الاسراف
بس لو الواحد بيتم يفكر
اذا شريت ناقة يمكن تموت
واذا شريت سيارة يمكن تتكنسل
واذا شريت بيت يمكن تحترق
واذا حجزت بسافر يمكن الطيارة تروح عني
عيل محد بيعيش حياته
فالنهاية الحيوانات هاذي مفيدة وتتكاثر
اهون من يقطون فلوسهم على اشياء مالها قيمة

ياريتهم كلهم ياخذونها للتكاثر والانتاج
يفيدون كل البلد بالانتاج اللحوم والالبان
والله نتمنى ذالك
المشكل ياخوي اسراف وللمكابره
كانها رهان

[حرف]

الابل يشترون بملايين ويدخلون مسابقات وجوايز ويبيعون بملايين
والدوله دايم تنظم مسابقات وكلنا عارفين هالشي
واللي يشترون اسامي معروفه ما يحتاج اقول من
وحتى الخرفان لها مسابقات وجوايز
الناس تستفيد وتبيع وتشتري

كل الي قلته معروف هل هالشي صحيح؟

[نمر بن عدوان]

كنا ننتقد الي يشتري رقم موتر ب10000 ريال ونقول اسراف واليوم هالرقم يسوى مليون . هذي عند الكثير تجاره رابحه

[qatara]

كنا ننتقد الي يشتري رقم موتر ب10000 ريال ونقول اسراف واليوم هالرقم يسوى مليون . هذي عند الكثير تجاره رابحه

ابشرك توجد فتوا بتحريم ذالك

مادامه للتميز والمكابره سواء رقم سياره ولا تيلفون

وشوفيني يام هلول

[نمر بن عدوان]

ابشرك توجد فتوا بتحريم ذالك

مادامه للتميز والمكابره سواء رقم سياره ولا تيلفون

وشوفيني يام هلول

وبالنسبه للي يشتري والغرض البيع بفايده

[qatara]

وبالنسبه للي يشتري والغرض البيع بفايده

سؤال رقم 40752- حكم بيع أرقام هواتف وسيارات مميزة بأسعار باهظة
ما هو الحكم في : شراء وبيع الأرقام ( أرقام الهواتف والسيارات ) ، وإذا اشترى أحدهم رقم لوحة سيارة ثم باعه فهل هذا المال حلال ؟.
الحمد لله
ينبغي لكل مسلم أن يعلم : أن الله تعالى نهى عن الإسراف والتبذير ، وهما مجاوزة الحد في إنفاق الأموال .
قال تعالى : ( وَكُلُوا وَاشْرَبُوا وَلا تُسْرِفُوا إِنَّهُ لا يُحِبُّ الْمُسْرِفِينَ ) الأعراف/31 .
وقال تعالى : ( وَآتِ ذَا الْقُرْبَى حَقَّهُ وَالْمِسْكِينَ وَابْنَ السَّبِيلِ وَلا تُبَذِّرْ تَبْذِيرًا . إِنَّ الْمُبَذِّرِينَ كَانُوا
إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورًا ) الإسراء/26 ، 27 .
وليعلم كل مسلم أنه لن تزول قدمه إلى جنة ولا إلى نار حتى يسأله الله تعالى عن أشياء ، ومنها : عن ماله من أين اكتسبه وفيم أنفقه . عن أبي برزة الأسلمي رضي الله عنه قال : قال النبي صلى الله عليه وسلم : ( لا تزول قدما عبد حتى يسأل عن أربع عن عمره فيم أفناه ، وعن علمه ما فعل فيه ، وعن ماله من أين اكتسبه ، وفيم أنفقه ، وعن جسمه فيم أبلاه ) . رواه الترمذي ( 2417 ) وقال : حسن صحيح ، وصححه الشيخ الألباني في " صحيح الترغيب والترهيب " ( 126 ) .
وليُعلم بعد هذا : أن شراء أرقام هواتف الجوالات والسيارات المميزة بآلاف الدنانير والريالات نوع من الإسراف أو التبذير أومن الإنفاق في الحرام ، وأن الله تعالى سائل كل واحد من هؤلاء عن ماله هذا الذي أنفقه في مثل هذه
المجالات .
وبخاصة أننا نرى المسلمين في أكثر بقاع الأرض في بأس وضنك في حياتهم ومعيشتهم ، وأن بعضهم لا يجد لقمة يسد بها جوعه ، وآخرين لا يجدون لباساً يواري سوآتهم ، وآخرين لا يجدون سكناً يؤويهم ، بل قد هدِّمت بيوت بعضهم فوق رؤوسهم .
وفي هذا الوقت العصيب نجد من المسلمين من اشترى لوحة سيارة تحمل الرقم ( 1 ) بما يعادل (2.18 مليون دولاراً ) ! وذلك في مزاد علني .
وفي المزاد نفسه بيعت اللوحة التي تحمل رقم 2 بما يعادل ( 1.11 ) مليون دولاراً !
وقال منظمو المزاد : إن حصيلة المزاد في اليوم الأول بلغت نحو ( 3.9 ) ملايين دولاراً !
وهكذا الأمر بالنسبة لأرقام الجوالات والتي بيع رقم منها بما يعادل ( 360 ألف دولاراً ) !
وقد انتشرت هذه الحمى في بلدان متعددة كان الأولى أن ينتشر فيه مساعدة المسلمين وحفظ الأموال من السفه والإسراف والتبذير .
والملاحظ أن الذي يدفع هؤلاء إلى مثل هذا الشراء أمور منكرة كالكبر والتعالي والتفاخر على غيرهم ، " ومن أبرز التعليقات التي قيلت حول هذا الموضع ما نشرته إحدى الصحف عن عريس تقدم يطلب يد إحدى الفتيات للزواج ويقول العريس لوالد الفتاة : " ما تحتاج تسأل عني شوف رقم سيارتي تعرفني " .
" ومن الملاحظ أن سعر الرقم المتميز يبلغ ضعف ثمن سيارة "
رولزرويس " التي يتراوح سعرها في الإمارات بين مليون ومليون ونصف المليون درهم ، كما أنه ربما يبلغ خمسة أضعاف ثمن سيارة فخمة مثل " المرسيدس " ، أو عشرة أضعاف سعر سيارة شهيرة مثل " اللكزس " التي يفضلها الأثرياء " .
واعلم بعد هذا كم يمكن أن يُشترى من طعام وشراب ولباس بل وسيارات وهواتف لمن يحتاجها ؟ وكم شاب يمكن أن تعفه بالزواج ؟ وكم من سجين يمكن أن تطلِق سراحه بدينٍ سجن به ؟ وكم من تائه عن الصراط ومنحرف يمكن أن ترجعه إلى الصراط المستقيم فيما لو اشتري بها كتب أو وزعت بها أشرطة دينية ؟
الرقم المتميز لا يعني تميز صاحبه أو يعتبر تميزاً له بالسذاجة والاهتمام بتوافه الأمور ، والرقم المتميز ليس هو تقنية - كما في السيارات نفسها - يبحث عنها الإنسان لما فيها من راحة أو سرعة أو أمان ، والرقم المتميز ليس هو تمتع بالنظر إليه - كبعض الطيور - بل هو تعالٍ وتفاخر وتبذير للأموال .
ولو كان الرقم المميز في رقم هاتف لشركة تجارية - مثلاً - أو دائرة مهمة يحتاجها الناس أو ما شابه ذلك لكان لشرائه وجه على أن لا يبلغ سعره ما ذكرناه .
وشراء الرقم المتميز يشبه إلى حد بعيد ما جاء النهي عنه من لبس ثوب الشهرة .
" من لبس ثوب شهرة ألبسه الله يوم القيامة ثوبا مثله - وفي لفظ : " ثوب مذلة " - " زاد بعض الرواة :
" ثم تلهب فيه النار " . رواه أبو داود ( 4029 ) وابن ماجه ( 3607 ) .
قال ابن القيم :
هذا لأنه قصد به الاختيال والفخر ، فعاقبه الله بنقيض ذلك ، فأذله ، كما عاقب من أطال ثيابه خيلاء بأن خسف به الأرض فهو يتجلجل فيها إلى يوم القيامة . " زاد المعاد " ( 1 / 145 ، 146 ) .
وقال شيخ الإسلام ابن تيمية :
وتكره الشهرة من الثياب ، وهو المترفع الخارج عن العادة ، والمتخفض الخارج عن العادة ؛ فإن السلف كانوا يكرهون الشهرتين : المترفع والمتخفض ، وفى الحديث " من لبس ثوب شهرة ألبسه الله ثوب مذلة " ، وخيار الأمور أوساطها . " مجموع الفتاوى " ( 22 / 138 ) .
والخلاصة : أنه لا يجوز بيع وشراء هذه الأرقام المميزة ، ولو جاز لبعض الناس ما جاز لهم أن يبذلوا فيها هذه الأموال الطائلة .
والواجب على من وهبه الله المال أن يشكر هذه النعمة ويحافظ عليه ، وأن لا ينفقه فيما يبغض الله تعالى أو فيما لا طائل وراءه ، وليعلم أنه مسئول عن هذا المال يوم القيامة : من أين اكتسبه وفيم أنفقه .
والله الموفق .

فتاوى الإسلام سؤال وجواب
بإشراف : الشيخ محمد صالح المنجد
----------------------------------------------
حكم شراء الأرقام المميزة (للسيارة والجوال)
الفهرس &#187; الآداب والأخلاق والرقائق &#187; الأخلاق (1062)
رقم الفتوى : 46259
عنوان الفتوى : حكم شراء الأرقام المميزة (للسيارة والجوال)
تاريخ الفتوى : 06 صفر 1425
السؤال
هل شراء الرقم المميز (للسيارة أو الجوال )
حرام أو يعد من الإسراف علما بأن بعض الأرقام تصل قيمتها 10000 وأكثر وجزاكم الله خيرا
الفتوى
الحمد لله والصلاة والسلام على رسول الله وعلى آله وصحبه، أما بعد:
فلا شك أن شراء ما يسمى بالأرقام المميزة (للسيارة والجوال) من الإسراف والتبذير، لأنه لا حاجة لذلك، وقد سبق في الفتوى رقم: 19064 والفتوى رقم: 39946 حكم الإسراف، وأنه محرم، فارجع إليها.
ويعد هذا من إضاعة المال الذي أمر الله بحفظه في آيات كثيرة مبينة في الفتوى رقم: 9266 .
والله أعلم.
المفتي: مركز الفتوى بإشراف د.عبدالله الفقيه
------------------------------------------------
والله أعلم .

[حرف]

ابشرك توجد فتوا بتحريم ذالك

مادامه للتميز والمكابره سواء رقم سياره ولا تيلفون

وشوفيني يام هلول

اتصل لي واحد من الشباب بعد ماطرحت هالموضوع قال هو يشتري ويبيع بغالي ويتصدق بالربح

[qatara]

اتصل لي واحد من الشباب بعد ماطرحت هالموضوع قال هو يشتري ويبيع بغالي ويتصدق بالربح

الله طيب لا يقبل الا طيب
دع مايريبك الى ملا يريبك
ومن ترك شي لله اعاضه الله خير منه

[توشيبا]

اسعار المطايا بدت بغسيل الاموال من الدشير

وطلعت لهم موضه المزاين وصارت المطيه اللي ماتسوا عشره الف صارت تنباع ب مليون واكثر



الحين وصلت فيهم يشترون الحوار واهو في بطن امه قبل تولده ويوصل سعره فوق ربع مليون واكثر على حسب اصل وفصل امه وابوه

[aloosh]

يا كاتب الموضوع عندك خلفيه في تربيه الحلال ام كاتب الموضوع تطنز
اذا ما عندك خلفيه في تربيه الحلال ما راح تفهم ليش الناس تحط فلوسها في حلال طيب وغالي
فيه ناس تاخذه بمبالغ عاليه جدآ للانتاج وهذا شي قديم متعارف عليه وفيه ناس تحب سلاله الطيبه تقتنيها
وليش تجنبت تذكر الخيول؟

[حرف]

علوش عندي خلفيه عن الحلال مثلك او ازود شوي والخيل نسيتها وكلها بهايم
والشي زاد عن حده

[حرف]

اعوام مديده قل نزول المطر علينا وانعدم ولعل ارتفاع اسعار البهايم وتعذيبها سبب في عدم نزول المطر



اللهم ان كان موضوعي هذا لانكار المنكر ان تغيثنا اليوم بالامطار

[qatara]

يا كاتب الموضوع عندك خلفيه في تربيه الحلال ام كاتب الموضوع تطنز
اذا ما عندك خلفيه في تربيه الحلال ما راح تفهم ليش الناس تحط فلوسها في حلال طيب وغالي
فيه ناس تاخذه بمبالغ عاليه جدآ للانتاج وهذا شي قديم متعارف عليه وفيه ناس تحب سلاله الطيبه تقتنيها
وليش تجنبت تذكر الخيول؟

اخوي لا تخذها بحساسيه فالمطايا ليست باسم شخص

معين او قبيله معينه كلنا ان لم نملكها فقد ملكها ابئانا

سوا مطايا ولا خيول ولا تيوس كلها عطاء الله لبني ادم

كلها انعام خلقت للتنقل او للطعام ولم تخلق للمكابره

والاسراف بالمال واللعب به والمكابره

خذها من ناحية الله لاتخذها من ناحية حساسيه

فالمبالغه باسعار غير حقيقيه يبهدل الجميع ويتسبب

بغلاء الاسعار وغلاء المعيشه على كل الحيونات

اجلك الله انت والجميع

[حرف]

الخبر يقول : الكويت منعت دخول الابل عن طريق المنافذ
فقام احد الاشخاص بادخال ابله عن طريق المطار !

[قطريه ماركه]

بوابة الشرق - أحمد إبراهيم


احتدمت المنافسة في مزاد سوق واقف للصقور بين الصقارين، ليصل سعر أغلى صقر في المزاد إلى 136 الف ريال قطري كأعلى سعر، وهو من فصيلة الفرخ الشاهين ويبلغ وزنه 1000 غرام، وذلك بعد أن تنافس عليه الحاضرين في ساحة المزاد بطريقة مشوقة حبست أنفاس المتابعين.


وكان المزاد قد سجل بيع عدد كبير من الصقور والتي تعود لأنواع وفصائل مختلفة، كصقر طرح جازان السعودي والذي انتهى مزاده ب 86 ألف ريال قطري، وصقر من نوع طرح العلمين المصري الذي وصل سعره إلى 74 ألف ريال قطري.


وشهد مزاد سوق واقف للصقور حضور عدد كبير من الصقارين والمشتريين ومحبي الصقور، بالإضافة لزوار المزاد من السعودية والإمارات والكويت وعُمان، حيث اعتادوا المشاركة بشكل دوري في المزاد لعرض صقورهم وبيعها، أو شراء الصقور المعروضة.


وتابع المزاد عدد من رواد سوق واقف والسياح الأجانب، وأعربوا عن إعجابهم بالمزاد، والاهتمام البالغ بالصقور كونها تعد رمز للتراث المحلي والخليجي العريق.


و حق الزواج ما عندهم !!:tease:

[غريب الدّار]

و حق الزواج ما عندهم !!:tease:

هل اللي دفع هالمبلغ شاب عزوبي؟

[قطريه ماركه]

هل اللي دفع هالمبلغ شاب عزوبي؟

الله أعلم :secret:

[][ الوحيد ][]

لو الزواج يكلف 136الف انا بتزوج 4 مب وحده بس ,,

اذا الشبكه ماتبيها بهالقيمه الحين ..

[غريب الدّار]

الله أعلم :secret:

طيب اختي شلون علقتي ان حق الزواج ماعندهم؟

التعليق موجه لمن بالضبط ؟


يمكن اللي شراه رجل اعمال
او شخص غير مواطن (سعودي مثلا) أقول مثلا طبعا والاحتمالات كثيرة

شعلاقة (حق الزواج ماعندهم) بالموضوع ؟

[قطريه ماركه]

[ الوحيد ][;10256336']لو الزواج يكلف 136الف انا بتزوج 4 مب وحده بس ,,

اذا الشبكه ماتبيها بهالقيمه الحين ..
بدال صرف ال 136 جمعهااا بيصير مبلغ مناسب للزواج :victory:

[][ الوحيد ][]

بدال صرف ال 136 جمعهااا بيصير مبلغ مناسب للزواج :victory:

من البدايه الموضوع ماله دخل فالزواج

[قطريه ماركه]

طيب اختي شلون علقتي ان حق الزواج ماعندهم؟

التعليق موجه لمن بالضبط ؟


يمكن اللي شراه رجل اعمال
او شخص غير مواطن (سعودي مثلا) أقول مثلا طبعا والاحتمالات كثيرة

شعلاقة (حق الزواج ماعندهم) بالموضوع ؟

يعني الحيين كلللللللللل اللي كانوا في المزاد مب قطريين و احنا كل يوم نشوف المزاد تنقله قناة الريان
نشوف فلوس تنصرف على طيور بيهتمون فيها و بيأكلونها و بيشربونها !!!
و لو اثرنا موضوع في المنتدى عن الزواج بيكون الرد المهور غالية و ماعندنا فلوس !!
وااااضح و صلت المعلومة .....

[قطريه ماركه]

[ الوحيد ][;10256347']من البدايه الموضوع ماله دخل فالزواج
وجهة نظر

[غايه الطواش]

الحين لو حريمهم يبون ساعات بهالمبلغ ماشرو لهم ههههههه
امزح
محد شرا طير بالقيمه الا الي عنده ماعتقد واحد مب مقتدر بيشري
وفوق هاي كله اغلب الي قاعدين يزايدون التلفونات في اذانيهم ياخذون اوامر بالمزايده والشرا
يعني لا تغترين فيهم

[حرف]

توني منزل موضوع بهذا الخصوص

بس تعليقج الاخير للاسف اغلب اعضاء المنتدى او خلنا انقول اغلب الناس في مجتمعنا عليهم تعليقات مالها شغل في الموضوع الاساسي على شان جذي انشوف انحرافات وصراخ بدون نتيجة

[شبح الصمت]

هاهاهاي

يقولج يا قطرية الي ما يعرف الطير شيسوووي فيه .


يسويه همبرقر دياي :nice:
دخلتي نفسج في موضوع راح يكتسح الحوار العام


مقارنة مبلغ الطير في الزواج
اول شيء مافي اي مقارنه بين الطير وزوجة العمر

ثاني شيء ناس وايد هوايتها الصيد
والي دفع هالمبلغ الله يزيده ويبارك له ما ادفعه منيه والطريق
محد راح يكسر نفسه عشان طير الا الانسان الي يهايط على خالي بلاش ..
مع احترامي للصقاقير ..

اغلب ربعي هل مقناص والكل مهب مقصر على نفسه وعلى اهله
والاغلبيه العزابيه الله يرزقهم بطير قصدي زوجة طيبه تستاهل مب 136 تستاهل مليون و136 الف ..

قطرية انا اقول انسحبي انسحاب تكتيكي دبلوماسي

:tease:

[قطريه ماركه]

هاهاهاي

يقولج يا قطرية الي ما يعرف الطير شيسوووي فيه .


يسويه همبرقر دياي :nice:
دخلتي نفسج في موضوع راح يكتسح الحوار العام


مقارنة مبلغ الطير في الزواج
اول شيء مافي اي مقارنه بين الطير وزوجة العمر

ثاني شيء ناس وايد هوايتها الصيد
والي دفع هالمبلغ الله يزيده ويبارك له ما ادفعه منيه والطريق
محد راح يكسر نفسه عشان طير الا الانسان الي يهايط على خالي بلاش ..
مع احترامي للصقاقير ..

اغلب ربعي هل مقناص والكل مهب مقصر على نفسه وعلى اهله
والاغلبيه العزابيه الله يرزقهم بطير قصدي زوجة طيبه تستاهل مب 136 تستاهل مليون و136 الف ..

قطرية انا اقول انسحبي انسحاب تكتيكي دبلوماسي

:tease:

بالعكس موجودة لآخر رمق م مستمتعه بالآراء
اللي يعجبني ارد عليه و اللي لا لا
و لااااااا بيهميني ( بصوت فيفي عبده )

[قطريه ماركه]

الحين لو حريمهم يبون ساعات بهالمبلغ ماشرو لهم ههههههه
امزح
محد شرا طير بالقيمه الا الي عنده ماعتقد واحد مب مقتدر بيشري
وفوق هاي كله اغلب الي قاعدين يزايدون التلفونات في اذانيهم ياخذون اوامر بالمزايده والشرا
يعني لا تغترين فيهم

و الله كلامج صح مية مية :nice:

[قطريه ماركه]

توني منزل موضوع بهذا الخصوص

بس تعليقج الاخير للاسف اغلب اعضاء المنتدى او خلنا انقول اغلب الناس في مجتمعنا عليهم تعليقات مالها شغل في الموضوع الاساسي على شان جذي انشوف انحرافات وصراخ بدون نتيجة

خلنا نشوف رايهم ف الموضوع :victory:

[لـبـيـه]

انا اشوف السعر مناسب بلنسبه للاسعار الي ادور بلمجالس

بعدين اختي ماجات على الطير اذا جينه للبطره عندج الارقام والهجن ولعيبة الكوره والمدربين وغيره وغيره كلها هوايات يندفع لها ملايين ويمكن مليارات

واخر شي نتحاسب عليها يوم القيامه لان صرفناها على ترفيه فقط وليست للاساسيات

[غريب الدّار]

يعني الحيين كلللللللللل اللي كانوا في المزاد مب قطريين و احنا كل يوم نشوف المزاد تنقله قناة الريان
نشوف فلوس تنصرف على طيور بيهتمون فيها و بيأكلونها و بيشربونها !!!
و لو اثرنا موضوع في المنتدى عن الزواج بيكون الرد المهور غالية و ماعندنا فلوس !!
وااااضح و صلت المعلومة .....

لا بالله ماوصلت

اختي الموضوع ماله علاقة اطلاقا بالزواج

انتي الظاهر تبين تتكلمين عن التبذير او الصرف في غير محله او الاسراف الزايد مثلا


وهذا حقج ولج نظرتج اوانا احترمها

لكن انتي ربطتي الموضوع بشكل غير منطقي

يعني لو اللي شرا الطير مثلا شاب عزوبي بنقول اوكي

لكن ماندري من اللي شرا الطير

[شبح الصمت]

لا بالله ماوصلت

اختي الموضوع ماله علاقة اطلاقا بالزواج

انتي الظاهر تبين تتكلمين عن التبذير او الصرف في غير محله او الاسراف الزايد مثلا


وهذا حقج ولج نظرتج اوانا احترمها

لكن انتي ربطتي الموضوع بشكل غير منطقي

يعني لو اللي شرا الطير مثلا شاب عزوبي بنقول اوكي

لكن ماندري من اللي شرا الطير



اتوقع انها قاصده يا غريب ..

تفتح موضوع وتقول تعالوا شوفوا الشباب على وشو يقطوون فلوسهم ويوم يجون يبون يتزوجون يقولون ما عندها بلووووس ..


هاهاي ..

الله يذكره بالخير الكاتب الصفحي المخضرم حمد 2002

لو كان موجود كان سالها اساله خلاها تتلفت وتحط رجلها ..

:tease:

[شبح الصمت]

بالعكس موجودة لآخر رمق م مستمتعه بالآراء
اللي يعجبني ارد عليه و اللي لا لا
و لااااااا بيهميني ( بصوت فيفي عبده )



استمري ونحن معك

انزين يعني مقارنة الطير افضل من

مقارنة وحده تشتري لها شنطه والا ساعة

اقل شيء الطير خوي راعيه ويطربك وان صاد جاب لج دبل الدبل في سعره ..

الله يبارك لراعية الي شراه ويرزقه صيد طيب منه

ويزيد في سعره ويوصل مليوووووون


وننتظر الصقاره

عاهد بن علي
وولد العرب

يفيدونا

[غريب الدّار]

اتوقع انها قاصده يا غريب ..

تفتح موضوع وتقول تعالوا شوفوا الشباب على وشو يقطوون فلوسهم ويوم يجون يبون يتزوجون يقولون ما عندها بلووووس ..


:tease:

ايوااااااااااااا ياشبح

تعجبني

لما سالتها هل اللي شرا الطير شاب عزوبي قالت مادري !!

شلون تقول الشباب يقطون فلوسهم على وشو اذا احنا مانعرف من اللي شرا الطير أصلا ؟
لو اللي شرا الطير شاب توه ماتزوج بنقول تعالواشوفوا الشباب على وشو يقطون فلوسهم (وهذا أصلا غير منطقي لانه التعميم ممكن يكون خاطئ)

لكني افترضت جدلا هالشي

اذن :
الموضوع عن الاسراف او البذخ الزايد عن حده

ماله علاقة بالشباب وعلى وشو يصرفون فلوسهم

ولا شرايك ؟


واحد (ماندري من هو ) شرا له طير
وش دخل الشباب والزواج وصرف الشباب في الموضوع ؟

[شبح الصمت]

ايوااااااااااااا ياشبح

تعجبني

لما سالتها هل اللي شرا الطير شاب عزوبي قالت مادري !!

شلون تقول الشباب يقطون فلوسهم على وشو اذا احنا مانعرف من اللي شرا الطير أصلا ؟
لو اللي شرا الطير شاب توه ماتزوج بنقول تعالواشوفوا الشباب على وشو يقطون فلوسهم (وهذا أصلا غير منطقي لانه التعميم ممكن يكون خاطئ)

لكني افترضت جدلا هالشي

اذن :
الموضوع عن الاسراف او البذخ الزايد عن حده

ماله علاقة بالشباب وعلى وشو يصرفون فلوسهم

ولا شرايك ؟


واحد (ماندري من هو ) شرا له طير
وش دخل الشباب والزواج وصرف الشباب في الموضوع ؟



ياخي انا معاك

والمقصد واضح في محتوى الطرح ..

والمعنى في بطن الشاعر ياخوي ..

[غريب الدّار]

ياخي انا معاك

والمقصد واضح في محتوى الطرح ..

والمعنى في بطن الشاعر ياخوي ..




ياخي كلامك على راسي :)
والتساؤلات المنطقية دائما هي من تثري الحوار

[الحياة الخالدة]

اسمحي لي أختي قطرية
الأعضاء معاهم حق .. مثل ما قالوا .. انتي يا أختي ( مع كامل تقديري و احترامي لجميع وجهات النظر ) أخذتي هالموضوع مدخل لمناقشة موضوع آخر .. كثر فيه النقاش و احتدم .. و تم التعرض له في مواضيع كثيرة

على ذلك اسمحي لي راح أدمج هالموضوع مع موضوع أخوي حرف .. و مافي داعي لإدخال محاور أخرى .. ما من وراها غير الخلاف و الجدال الذي لن يؤدي إلا للمشاكل

[مشاكل]

احل الله البيع وحرم الربا

مافيها شي تجارة وشطارة ولكل شراي بضاعة وسوق

[توشيبا]

هاهاهاي

يقولج يا قطرية الي ما يعرف الطير شيسوووي فيه .


يسويه همبرقر دياي :nice:
دخلتي نفسج في موضوع راح يكتسح الحوار العام


مقارنة مبلغ الطير في الزواج
اول شيء مافي اي مقارنه بين الطير وزوجة العمر

ثاني شيء ناس وايد هوايتها الصيد
والي دفع هالمبلغ الله يزيده ويبارك له ما ادفعه منيه والطريق
محد راح يكسر نفسه عشان طير الا الانسان الي يهايط على خالي بلاش ..
مع احترامي للصقاقير ..

اغلب ربعي هل مقناص والكل مهب مقصر على نفسه وعلى اهله
والاغلبيه العزابيه الله يرزقهم بطير قصدي زوجة طيبه تستاهل مب 136 تستاهل مليون و136 الف ..

قطرية انا اقول انسحبي انسحاب تكتيكي دبلوماسي

:tease:

معليش اخوي عندي لفت نطر عى من فال اني صقار ودافع كم الف على طير مادري بومه


اول شي وين بيروح يقنص في قطر ؟ مافي شي

بيروح السودان ولا المغرب خسر فلوسه وسلفياته

دافع قيمه علي طير وقت المقيض لو يهديه مراح هديه معاد يسوا ريال واحد

وطول المقيض يصرف عليه اكثر من مصروفه علي ولده في المدرسه هذا اذا كان متزوج


انا صح ضد الغلا في اسعار الابل والخرفان وغيرها

بس على قولتهم شي احسن من شي لو اشتري مطيه مليون ببيعها دبل او انتاجها ابيعه اكثر من سعرها

لاكن طير ؟

خساير في خساير

مستشفى كثرت امراضه

مصروف يومي واكله اغلى من اكل كنتاكي



لو يشتري طير بريلين وتحسب له سنه عنده صدقني اخوي لو تحسب خسايره فيه توصل فوق عشرين الف

هذا لو مهمله

[أين الحل ؟]

طب انا لو اشتريت ناقه بملايين هل يجوز ذبحها او أكلها وتوزيع جزء منها على بيت الجيران ؟
طب كيف سوف يكون مذاقها ؟
هل يجوز بيعها بالكيلو على ملحمه كم سوف يكون سعر الكيلو ؟ هل ممكن نقدر سعر الكيلو بعسر فوت الارض بمنطقة الهلال ؟

[venum]

طب انا لو اشتريت ناقه بملايين هل يجوز ذبحها او أكلها وتوزيع جزء منها على بيت الجيران ؟
طب كيف سوف يكون مذاقها ؟
هل يجوز بيعها بالكيلو على ملحمه كم سوف يكون سعر الكيلو ؟ هل ممكن نقدر سعر الكيلو بعسر فوت الارض بمنطقة الهلال ؟



:rolleyes2::rolleyes2: الناقه ما توكل يالطيب :rolleyes2::rolleyes2:

[حرف]

امس بايعين خروف في مدينة الطايف بمليون ريال سعودي