من ترشحون

[سعود.]

شركة او محل لأعمال العزل المائي ؟

من تجربة ودقه في العمل والمواصفات ؟

[معماري قطري]

شوف إخوي ركز على مواصفات التركيب ومواد العزل وحدود الشغل .. بعضهم يقولون لك السكريد ( اللي هو طبقة اسمنت في العادة تكون ناعمة وتسوي سلوب وتكون نظيفة بدون شوائب تخرق العازل ) عليك ولا يحسبونه في العقد .. لازم تتأكد من كل شيء.

عندك أفضل شركتين تدمر والمسند.

فيه طريقتين رئيسيتين للتركيب .. أما السنغل سكريد أو الدبل سكريد .. والعازل المائي يجي معاه الحراري .. الدبل سكريد أغلى وأفضل ولو تحصل شركة تسوي السكريد بفايبر يقويه أفضل بوايد وما تحتاج فواصل تمدد.

شفت مشروع كنت اشرف عليه من حول 20 سنة وكانت شغالة فيه شركة مدماك يصبون سكريد خفيف وفيه فقاعات حتى ما يثقل على السقف وكان السقف عريض وايد .. المباني للحين مستغلة ومشغولة ومتغير استخدامها ولا اتوقع احتاجت صيانة عازل.

الدبل سكريد تقدر تركب فوقه عازل ثاني بسهولة لو اخترب الأساسي وبسعر معقول وبسرعة لأن فيه نوع يجي مقاوم للشمس وفيه حبات حصى صغيرة تعطيه حماية ضد الشمس.

انتبه لتفاصيل الشغل في الأطراف وفي مكان نزول ماي المطر من فتحة الصرف.

وللسلوبات بحيث الماي ما ينقع في نقطة معينة وهذي فحصها سهل أما بالميزان اللي فيه فقاعة ولا ببساطة كورة صغيرة أو تيلة نخليها تتدحرج ولازم تتجه صوب فتحة الصرف من أي مكان نحطها فيه.

[asulaiti]

معماري قطر ... الله يجزيك خير على النصائح والاستشارات التي تدليها في المنتدى ..
من اشوف اسمك في الموضوع اعرف أن هناك كم هائل من المعلومات والأفكار التي ستتطرق لها ..
نتعلم منها .. ونستفيد من علمك .. أسأل الله تعالى أن يرفع درجاتك وتكون أعمالك في مساعدة الآخرين في ميزان حسناتك ..

الله يوفقك ويحفظك وين ما كنت .. ويبعد عنك اعيال الحرام
(وخصوصاً ........ بوصالح سرى ليله !!!)

[معماري قطري]

معماري قطر ... الله يجزيك خير على النصائح والاستشارات التي تدليها في المنتدى ..
من اشوف اسمك في الموضوع اعرف أن هناك كم هائل من المعلومات والأفكار التي ستتطرق لها ..
نتعلم منها .. ونستفيد من علمك .. أسأل الله تعالى أن يرفع درجاتك وتكون أعمالك في مساعدة الآخرين في ميزان حسناتك ..

الله يوفقك ويحفظك وين ما كنت .. ويبعد عنك اعيال الحرام
(وخصوصاً ........ بوصالح سرى ليله !!!)

ههههههههههه الله يذكره بالخير ولو إنه حرامي والله أنقذنا منه

ويوفقك إخوي عبدالله وانا منكم وفيكم واستفيد كثير من معلومات الإخوان .. ودعيت الكثير من المهندسين لهذا المنتدى بس بعضهم شارك مشاركتين أو ثلاث ووقف وكنت اتمنى تفاعل أكبر

إستوت المواضيع متكررة وألاحظ قل الإهتمام .. بالنسبة للعازل المائي فوق السطح المفروض ينعمل أول بأول حتى ما تتشرب خرسانة السقف ماي ويصدي الحديد وتنترس بعض الفجوات ماي تبقى حتى لفترات طويلة .. رش الماي يكون في البداية ولو لمدة 21 يوم أفضل شيء لكن بعدها نتركه يجف وبعدين ما نتأخر في العازل

[سعود.]

جزاك الله خير اخوي ( معماري )

[سعود.]

من #امطار_جدة

هل هو منزل تجاري و وصل التنفيذ السيئ والغش الى هذا المستوى .؟ https://t.co/LbxgOSKbcj

[Qt.1]

شركة او محل لأعمال العزل المائي ؟

من تجربة ودقه في العمل والمواصفات ؟

هذا عازل ياخوي مهب لعبه , خل عنك المحلات الي يترزقون ويطقون البيبان يبون يركبون عازل , عليك بشركة المسند ولااتفكر بغيرهم ,,

[معماري قطري]

من #امطار_جدة

هل هو منزل تجاري و وصل التنفيذ السيئ والغش الى هذا المستوى .؟ https://t.co/LbxgOSKbcj

مسكينة والله كسرت خاطري الله يعوضها خير

هذي مشكلة ما فيه معلوم اخوي سعود

لازم باب السطح نسوي له عتبة مرتفعة ولازم كل السلوبات تودي صوب الصرف ولازم الصرف يكون مغطى بغطاء بلاستيكي مرتفع وفيه فتحات .. يمسك الورق ويمرر الماء .. ليش قلت فحص التيلة سهل أو كورة صغيرة نهدها من أي مكان لازم ما توقف وتتدحرج لين توصل للصرف والشبك يمسكها لتسد البايب

والله كلام اللي تصور يعور القلب ولو في دولة نظامية مثل دول اوروبا ولا أمريكا يسون تحقيق ويطلعون من المسؤول بس عندنا ما فيه معلوم ومطر كارثي والميكروفون عند أشغال

[معماري قطري]

جزاك الله خير اخوي ( معماري )

الله يجزيك بما دعيت اخوي سعود

خلوني اذكر لكم قصة بو صالح سرى ليلة وهل الدمع من عينه .. هذا من دولة خليجية التقيت به في شركة تأجير سيارات سنة 2014 في تامبا - فلوريدا وما قصر معاي ومع صديق لي بالنسبة للسعر الخاص وللسيارات الجيدة .. وتبادلنا الأرقام وتواصلت معاه في سفرة ثانية وأجرت عن طريقه .. طلع راعي لف ودوران ويطالب بمبالغ كبيرة يقول إنه دفعها رشوة للي يشتغل في النظام الإلكتروني وقال بيشتكي عند السفارة وقصته طويلة .. وانا عرفت عليه alsulati بعد هو بدون ما يشوفه على الوتس أب طالبه بعد بمبلغ يوصل ثلث سعر التأجير اللي من شركة عالمية .. والظاهر الأخ مسويها في ناس كثيرين .. قصته طويلة شوي ويدخل في فصولها إني عرفته على ربع لي من نفس دولته وحاول يبتزهم بعد بطلبات كبيرة بقصد التدين .. سوينا عليه بلوك ونسيناه وللحين بقت سالفته ذكرى