+ لماذا نتمسك فالمنتدى +

[شبح الصمت]

السلام عليكم ورحمة الله وبركاته ..


سؤالي واضح

لماذا نتمسك فالمنتدى رغم

المواجهات
اختلاف الاراء
فرح
حزن

كل ما به من ايجابيات وسلبيات


كل واحد يقول الي في خاطره وبدون خجل ..


تراني اكرك وانتظركم ..

:shy:

[ضوى]

معليش اخوي شبح ما فهمت الموضوع ممكن تشرحلي ولا عليك امر ؟

[شبح الصمت]

معليش اخوي شبح ما فهمت الموضوع ممكن تشرحلي ولا عليك امر ؟



المقصود الله يسلمج يا ضوى ..

انه في المنتديات عندما نسجل اسماء مستعاره ..

نرى ان نكون مختفين عن الانظار وهذا الشيء الاكيد طبعاً انه محد يعرفنا ..

ومع الايام يزداد تعلقنا بالمنتدى لاشياء كثيرة ..

لانه متنفسنا الذي نتكلم ونقول فيه ما يحلو لنا
لانه وجدنا به شخصيات تربطنا بهم علاقة احترام
وجدنا اعضاء وعضوات نتهاوش معاهم ونرجع ثاني يوم بكل اريحية نرد عليهم


اشياء كثيرة ..

فسؤالي لماذا نحن نتمسك رغم بعض الالم والكلمات التي تتوجه إلينا ..

فهمتي مقصدي والا لا ..

ترى مافيني شدة اشرح عالصبح
لين الحين نايم

هاهاي

[مختلف جداََ]

صباح الخير شبح

الموضوع هذا شيسوي هني

وده الحوار العام :anger1:

[ضوى]

فهمتكم فهمتكم يا شبح

شوف ياخوي شبح ، بما انه هذا اول منتدى اسجل فيه ، فأكيد ارتباطي فيه وثيق جدا ، ومتمسكة فيه لين اخونا قطري يقول خلاص راح وقت المنتديات وماظن هالوقت قريب ، لانه اثبت المنتدى انه قدر يصمد صمود بطل في ويه مواقع التواصل الاجتماعي وسقف الحرية العالي في هالمواقع ، ومع ذلك اعضاءه متمسكين فيه ، وانا بالرغم من اندماجي في الفيس بوك وتويتر الا ان متنفسي منتدى الاسهم القطرية ، نعم نمر بمشاكل ومضايقات واختلافات في الراي ولكن هذا لا يعني اني اقاطع المنتدى وبالنهاية مايصح الا الصحيح

[شبح الصمت]

صباح الخير شبح

الموضوع هذا شيسوي هني

وده الحوار العام :anger1:



جاء في بالي مكانه اهنيه ..

انت من الناس الي ادخلووو بقوووه فالمنتدى ومشاركاتك ماشاء الله شبه يوميه ..

وتاقلمت على الجميع ..

لو اني حجبت عنك الاستراحة والحوار العام اش راح يصير فيك ..

:)

[العفراء]

والله شو اقولك

انا صح ان تجربتي بالمنتدى بسيطه بس تراني كنت اتابعكم

و احب اقول ان الانسان لو اتعود على اي مكان شاف فيه الاطياب و الاخيار اكيد انه بيرتاح للمكان و ما بيفارجهم الا لو حس انه مضايقنهم

و بصراااحه انا اشوف ان اي عضو و عضوه يقدرون يتجنبون العداوات ليش العداوات من الاساس

لو حد ما ناسبني كلامه و ما ناسبتني ردوده بتجنبه و بس ،،،


و بتم بالمنتدى مع الناس لي يحترموني و بتجنب اللي احس بهم نكديين او راعين المشاكل

طبعا رمستي هذي مب مقياس ع المكان بالعكس كلكم محشوومين وما ريت لي فيكم الا حسن الظن بس ارمس من باب الافتراضيات و ربي يحفظكم

[شبح الصمت]

فهمتكم فهمتكم يا شبح

شوف ياخوي شبح ، بما انه هذا اول منتدى اسجل فيه ، فأكيد ارتباطي فيه وثيق جدا ، ومتمسكة فيه لين اخونا قطري يقول خلاص راح وقت المنتديات وماظن هالوقت قريب ، لانه اثبت المنتدى انه قدر يصمد صمود بطل في ويه مواقع التواصل الاجتماعي وسقف الحرية العالي في هالمواقع ، ومع ذلك اعضاءه متمسكين فيه ، وانا بالرغم من اندماجي في الفيس بوك وتويتر الا ان متنفسي منتدى الاسهم القطرية ، نعم نمر بمشاكل ومضايقات واختلافات في الراي ولكن هذا لا يعني اني اقاطع المنتدى وبالنهاية مايصح الا الصحيح



حلو حلو يا ضوى ..

متنفسج يعني كلنا نجد المنتدى متنفسنا والي نقول كل شيء باحترام ونقدر الي حوالينا ..

اتفاق جميل ..

لو اني خيرتك في الحوار العام او الاستراحة واحجب عنج واحد منهم ..

ماذا ستختارين ولماذا . !!

[شبح الصمت]

والله شو اقولك

انا صح ان تجربتي بالمنتدى بسيطه بس تراني كنت اتابعكم

و احب اقول ان الانسان لو اتعود على اي مكان شاف فيه الاطياب و الاخيار اكيد انه بيرتاح للمكان و ما بيفارجهم الا لو حس انه مضايقنهم

و بصراااحه انا اشوف ان اي عضو و عضوه يقدرون يتجنبون العداوات ليش العداوات من الاساس

لو حد ما ناسبني كلامه و ما ناسبتني ردوده بتجنبه و بس ،،،


و بتم بالمنتدى مع الناس لي يحترموني و بتجنب اللي احس بهم نكديين او راعين المشاكل

طبعا رمستي هذي مب مقياس ع المكان بالعكس كلكم محشوومين وما ريت لي فيكم الا حسن الظن بس ارمس من باب الافتراضيات و ربي يحفظكم





يا هلا ومرحبا فيج

منتدى الاسهم القطرية ليس حكر على هل قطر وانما للكل من كل اخوانا وربعنا في الجزيرة وفي الدول العربيه ..

نتشرف بتواجد الجميع يا العفراء ..

وانتي مكسب وغيرك مكسب ..



الواحد ما يبي من هالمكان غير الكلمة الطيبه والاستفادة ..

ترى المنتدى باقي بس الاشخاص غير باقيين

فليش اكون لي عداوه ..

من باب اخر اتمنى انه يكون في تواصل مع الاخوه الي خفت تواصلهم وان يرجع المنتدى قبل 3 سنين اطلعين في الاسماء تحصلين الاسماء مولعه


اسماء لها هيبتها ومكانها وكلمتها ..

[المحاميه]

انا كل ماقلت حق حد عن المنتدى قالي من صجج .. منتدى مال اول .. ويقولونلي ماتوا اللي يدخلون منتديات

اقولهم امبله فيه ناس تدش وتشارك
ويحطون اخر الاخبار

ههه بس محد متقبل الفكره ومحد يفكر يطل عالمنتدى ..


تدري من فتره طويله كنت افكر انزل موضوع مشابه لموضوعك ..
اظاهر بس احنا اللي انتقبل المنتدى وعارفينله ومتمسكين فيه ومؤمنين فيه ..


وتبي الصج .. انا جاتني فتره ادخل المنتدى وايد .. حتى وانا طالعه .. كان شي اساسي .. طول يومي عليه

الحين ادش شوي وحتى مشاركاتي قلت وايد ...

تعتقد شنو السبب؟

[شبح الصمت]

انا كل ماقلت حق حد عن المنتدى قالي من صجج .. منتدى مال اول .. ويقولونلي ماتوا اللي يدخلون منتديات

اقولهم امبله فيه ناس تدش وتشارك
ويحطون اخر الاخبار

ههه بس محد متقبل الفكره ومحد يفكر يطل عالمنتدى ..


تدري من فتره طويله كنت افكر انزل موضوع مشابه لموضوعك ..
اظاهر بس احنا اللي انتقبل المنتدى وعارفينله ومتمسكين فيه ومؤمنين فيه ..


وتبي الصج .. انا جاتني فتره ادخل المنتدى وايد .. حتى وانا طالعه .. كان شي اساسي .. طول يومي عليه

الحين ادش شوي وحتى مشاركاتي قلت وايد ...

تعتقد شنو السبب؟





كلنا مرينا بالمرحلة الي تمرين فيها ..

اتوقع انه صادك تشبع ..

المواضيع الي تنطرح ما يتقبلها عقلج فالمقابل انتي مالج خاطر تشاركين

بس متابعه من بعيد ..

وتشاركين لاجل تحسين بتواجدك ..




اتمنى رجوع ناس غابو عن المنتدى


واتمنى انه ينشل الحظر على البعض ..

المنتديات بكثرة بس منتدى الاسهم القطرية غير لدى الكثير ..

فهمتووو

[ضوى]

حلو حلو يا ضوى ..

متنفسج يعني كلنا نجد المنتدى متنفسنا والي نقول كل شيء باحترام ونقدر الي حوالينا ..

اتفاق جميل ..

لو اني خيرتك في الحوار العام او الاستراحة واحجب عنج واحد منهم ..

ماذا ستختارين ولماذا . !!



الحجب بروحه كارثة بالنسبة لي ، بس لو خيروني اختار حجب الاستراحة لاني ماشارك فيها وايد والحوار العام متنفسي الوحيد

[شبح الصمت]

الحجب بروحه كارثة بالنسبة لي ، بس لو خيروني اختار حجب الاستراحة لاني ماشارك فيها وايد والحوار العام متنفسي الوحيد



فما بالج لو حجبو عنج الاثنين يا ضوى ..

حتى لو اخطيتي بس انتي اسم قديم وصارت لج هفوات ..


كلنا نخطي وكلنا مش معصومين من الاخطاء ..


بس شنو حال الي مره وحده يحاول يدخل ما يقدر ..

شنهي ردة فعلج بتكون في لحظتها . !!

احس قووووووووووووووووويه

[ضوى]

فما بالج لو حجبو عنج الاثنين يا ضوى ..

حتى لو اخطيتي بس انتي اسم قديم وصارت لج هفوات ..


كلنا نخطي وكلنا مش معصومين من الاخطاء ..


بس شنو حال الي مره وحده يحاول يدخل ما يقدر ..

شنهي ردة فعلج بتكون في لحظتها . !!

احس قووووووووووووووووويه


لو اني غلطانة مالي ويه اجادل ، وصاحب المنتدى ابخص باللي يصير ماراح انزل مواضيع اسال فيها ليش حجبتوا فلان وليش سكرتوا على فلان لانها امرو إدارية بحته

[شبح الصمت]

لو اني غلطانة مالي ويه اجادل ، وصاحب المنتدى ابخص باللي يصير ماراح انزل مواضيع اسال فيها ليش حجبتوا فلان وليش سكرتوا على فلان لانها امرو إدارية بحته


صحيح

بس موضوعي مش عن فلان انعطى وفلان ما انعطى انا اتكلم عن اشياء لو حصلت لنا شنهي ردة فعلنا

[ام امااني]

انا دقة قديمة
ما اعرف للتويتر والفايس بوك وما ارتاح لهم اصلا
مدري ليش
المنتدى بالنسبة لي متنفس
في حدود الاحترام المتبادل اشوف بعض الاحيان تجاوز من البعض
لكن احاول ارد عليهم بأدب اكثر حتى اكسبهم
واذا تجاوزوا اكثر انسحب بهدوئ
وهذا اللي ما نقدر نحصله بالواقع

[شبح الصمت]

انا دقة قديمة
ما اعرف للتويتر والفايس بوك وما ارتاح لهم اصلا
مدري ليش
المنتدى بالنسبة لي متنفس
في حدود الاحترام المتبادل اشوف بعض الاحيان تجاوز من البعض
لكن احاول ارد عليهم بأدب اكثر حتى اكسبهم
واذا تجاوزوا اكثر انسحب بهدوئ
وهذا اللي ما نقدر نحصله بالواقع




الله يعطيج العافيه ام اماني


وصدقتي يمكن نحصل اشياء اهنيه لا يمكن لنا ان نجدها في مكان آخر .

وهي لا يمكن ان نتحدث فيها في الواقع تحفظاً على اشياء اكثيرة ..


بس فالمنتدى نجد المتنفس ولكن بحدود معينه

[ضوى]

صحيح

بس موضوعي مش عن فلان انعطى وفلان ما انعطى انا اتكلم عن اشياء لو حصلت لنا شنهي ردة فعلنا

ردة فعلي اني باكل هوا لاني غلطانة ، ماظن الحجب يجيني وانا عاقلة وذربة ومواضيعي مافيها غلط على احد

[شبح الصمت]

ردة فعلي اني باكل هوا لاني غلطانة ، ماظن الحجب يجيني وانا عاقلة وذربة ومواضيعي مافيها غلط على احد

صح مافي دخان من غير نار ..


بس بتتحملين انج تبتعدين بكل سهوله والا بتحاربين لاجل ترجعين لمنتدى خلاص صار في دمج

صبح ليل

كل وقت

[ضوى]

صح مافي دخان من غير نار ..


بس بتتحملين انج تبتعدين بكل سهوله والا بتحاربين لاجل ترجعين لمنتدى خلاص صار في دمج

صبح ليل

كل وقت

ماراح احارب ، احارب من ؟ طبعا باصبر وادور بديل

[ام امااني]

الله يعطيج العافيه ام اماني


وصدقتي يمكن نحصل اشياء اهنيه لا يمكن لنا ان نجدها في مكان آخر .

وهي لا يمكن ان نتحدث فيها في الواقع تحفظاً على اشياء اكثيرة ..


بس فالمنتدى نجد المتنفس ولكن بحدود معينه

طبعا متنفس في حدود ونا قلت بحدود الاحترام
والاحترام اكبر قيد وارقى الحدود

[شبح الصمت]

ماراح احارب ، احارب من ؟ طبعا باصبر وادور بديل



واذا ما حصلتي بديل مقارب لمنتدى الاسهم القطرية ..

انا اتكلم عن نفسي انا لو سجلت في منتدى ثاني ما اعرف وماقدر تبين الصراحة ..

عن نفسي لانه اهنيه خلاص منتدى الاسهم القطرية صار الاساسي في حياتي

لو عطوني باند بروح يمكن اشارك في منتدى ثاني لكن يمكن مقدر استمر فيه نفس استمراريتي اهنيه ..

[شبح الصمت]

طبعا متنفس في حدود ونا قلت بحدود الاحترام
والاحترام اكبر قيد وارقى الحدود



الاحتررررام اكبر قيد وارقى الحدود

تسلم اناملج ..

انزين لو انا اشوي مشاكس بس فيني اشياء تغطي على اشياء لكني اقط كلام اوقات بلا شعور ..

بس في داخلي ادري اني غلط بس شسوي

ابي اثير شيء في نفسي او في من حولي ..


فحاول اني ازيح الستار عن شيء ولكن البعض ما يبي هالستار ينزاح يتم مصكر ولا يمكن الاقتراب منه

[ضوى]

على كل حال يا شبح ، انا عارفة مابيجي يوم وينحجب عني قسم من الاقسما لاني محترمة طول عمري ولا اذكر اني غلطت على أحد او تجاوزت حدود الادب واللباقة مع اي عضو كان ، واحترامي كبير للادارة وعلى راسهم قطري ، لذلك يقولك لا توبق ولا تخاف فأنا ولله الحمد في السليم ان شاء الله

[بعيد النظر]

انا لي احلى الذكريات في المنتديات ..
من سنة 2005 لي 2010 .. وكنت نشيط في منتديات كروية !

وبعدين لظروف العمل وغيره من انشغالات الحياة الواحد خف الدعسة ..
ومن عقب المنتديات ظهرت الوسايل الثانية .. الاسهل .. والاسرع !


لكن يضل المنتدى بالنسبة لي شي جمييل جدا" ..
لان الواحد يناقش ويعبر .. ويقرا ويستفيد ..


عكس القيود في بعض البرامج الثانية .. متقيد ب 140 حرف ..

[ضوى]

انا لي احلى الذكريات في المنتديات ..
من سنة 2005 لي 2010 .. وكنت نشيط في منتديات كروية !

وبعدين لظروف العمل وغيره من انشغالات الحياة الواحد خف الدعسة ..
ومن عقب المنتديات ظهرت الوسايل الثانية .. الاسهل .. والاسرع !


لكن يضل المنتدى بالنسبة لي شي جمييل جدا" ..
لان الواحد يناقش ويعبر .. ويقرا ويستفيد ..


عكس القيود في بعض البرامج الثانية .. متقيد ب 140 حرف ..

بس يا خوي بعيد النظر 140 حرف تكتب فيهم جمل موجزة توصل فيها اللي تبيه احسن واقوى من مليون سطر كله حضو وكلام فارغ وبعد مايوصل حسب ماتبي

[bohilal191]

تسلم شبح على الموضوع القيم وعن نفسي أعتبر المنتدى متنفسي الوحيد على شبكة الانترنت وماقدر أستغنى عنه بصراحة حتى لو مشاركاتي قليلة بس دووم أدخله وأتصفحه ولا يوم قطعت عنه وأي ساعة فراغ أستغلها في تصفح المنتدى حتى لو دقايق أهم شي اني دخلت ومهما قلت مابوفي حق المنتدى والى الأمام يامنتدانا

[فريج النجادة]

اغلب المواقع او المنتديات فيها الايجابيات والسلبيات

ومنتدنا والحمدلله حسناتة اكثر من سيئاتة

ويعتبر رقم واحد في قطر بالنسبة للمنتديات القطرية

[مختلف جداََ]

جاء في بالي مكانه اهنيه ..

انت من الناس الي ادخلووو بقوووه فالمنتدى ومشاركاتك ماشاء الله شبه يوميه ..

وتاقلمت على الجميع ..

لو اني حجبت عنك الاستراحة والحوار العام اش راح يصير فيك ..

:)


صار من قبل وجاني باند استراحة

قمت أشارك بالحوار بدون نفس

أحس او جاني باند ثاني باسحب على المنتدى

بس أكيد ما بلاقي نفسه

عن نفسي أفضل الحوار

بس بعد أفضفض في الإستراحة

شكراً