حدث في طريق الدائري السادس اليوم .. !

[أم محمد 90]

السلام عليكم .,

ممكن أحد من المسئولين يوضح لنا اسباب تحويل خط الدائري السادس الى اشارات الثمامة (اول مخرج من الطريق) بدون تنبيه للناس او حتى الاعلان بتويتر او الراديو ؟

يعني متخيلين الزحمة اليوم كانت مو طبيعية الناس طالعة من الوكير وبروة والطريق 4 شوارع فجأة ننجبر ننحشر بمخرج واحد عند اشارة مرتبطين في انها تفتح وتسكر ؟!

والله العظيم الواحد لما يفكر مع نفسه يستغرب اللي اتخذ هالقرار شكان يفكر فيه او شنو اسبابه تعطيل مصالح الناس الصبح وعارفين ان مدارس ودوامات.\

الله المستعان .... لا حول ولا قوة الا بالله .

[Eng. q6r]

والله ي اختي ام محمد بحكم بعملي لازم اخذ هالشارع
اشلون شارع حيوي فاتحينه من كم شهر يردون يصكرونه ؟؟؟؟
انا مب مقتنع باللي قاعد يصير
يعني معقوله اطلع من البيت 5:45
اوصل الدوام 8 ؟
لاحول ولا قوة الا بالله

[نمر بن عدوان]

الله يعينكم ماخلاني اقدم استقاله الا الشوارع والزحمه لاني كنت وحده من الثنتين يادش السجن يا ادش مستشفى الاعصاب

[بعيد النظر]

Eng.q6r

وانا من شماليك وساكن فـ نعيجة ..
اذا انزل هلي فـ الثمامة لازم اطلع 5 وربع !
عشان يمديني اوصل دوار الكهربا عقب ما انزلهم قبل الضغط ..
واقبض خط 22 فبراير 6 الا ربع ولا 6 .. قبل لا يوقف ..

وفي كل الاحوال اوصل عقب ال 7 !!!!!


خلها ع الله

[<اضرب واشرد>]

والله ي اختي ام محمد بحكم بعملي لازم اخذ هالشارع
اشلون شارع حيوي فاتحينه من كم شهر يردون يصكرونه ؟؟؟؟
انا مب مقتنع باللي قاعد يصير
يعني معقوله اطلع من البيت 5:45
اوصل الدوام 8 ؟
لاحول ولا قوة الا بالله

الله يعينك أخوي، وكم ساعة من دوامك للبيت ؟

[Eng. q6r]

والله اني اوصل دايما 6:30
ودوامي يبتدي7
ف اطلع من وهل عشان احسب حساب الزحمه ( ان وجدت )
اتفاجئ اليوم ان F ring road مصكرينه لين مدخل القادمون والمغادرون
انزين شالسبب ؟؟
ليش ما يحطون لوحه ان هالشارع بيتصكر ؟
شارع ما صار له شهرين يتصكر ؟
اذا في حد متخصص بهالشي ياليت يفيدنا وبنكون شاكرين له لان شارع حيوي يربط المطار وطريق سلاح الجو الجديد
عجبي لهيئة الاشغال

[GENIUS]

وانا معاكم من الضحايا اليوم لأكثر من ساعتين من الوكير لغاية الكورنيش كل السالفة لأجل جسر قطار المترو او الريل الذي سيعبر من فوق جسر او تقاطع اشارات سلاح الجو وممكن مستخدمي هذا الطريق لاحظوا اغلاق المخرج للقادمين من طريق مطار حمد الدولي بإتجاه اشارات سلاح الجو واكمال الطريق للتقاطع التالي. الشيء الغريب الذي لاحظته موقع قواعد جسر القطار من النفق موقعها يوحي بأن التخطيط بين جماعة الريل واشغال بعيد عن الواقع.

[الحياة الخالدة]

مفاجآت الطريق من أشغال هاذي تعودنا عليها
و ياليتها مفاجآت سارة
يعني توصل نهاية الشارع و تكتشف ان فيه أعمال طرق و ترد ترجع مثل ما جيت
لا إحم ولا دستور
واذا كلش كلش عطوا هالعمال المساكين هالاعلام الحمرا يوقفون في مكان خطر و يأشرون للسيارات عشان السايق يحول مساره
لييييش : لأن هناك حالة جديدة في الشارع
احنا اللي حالتنا مب حالة .. الأوادم في الشارع هم اللي صارت عندهم حالات جديدة

الله المستعان

[مرتبش]

تم الاعلان من كم يوم.!!
ونسيت.. وتوهقت اليوم

[أم محمد 90]

والله ي اختي ام محمد بحكم بعملي لازم اخذ هالشارع
اشلون شارع حيوي فاتحينه من كم شهر يردون يصكرونه ؟؟؟؟
انا مب مقتنع باللي قاعد يصير
يعني معقوله اطلع من البيت 5:45
اوصل الدوام 8 ؟
لاحول ولا قوة الا بالله

تدري اخوي انا اطلع من البيت 6:40 لان دوامي 7 ونص ومكان دوامي راس ابو عبود الحين من داومت اسبوعين يوميا اوصل قبل 7 ونص بحكم ان اطلع من الوكير ع خط الدائري السادس ثم سلاح الجو واخذ جسر راس بوعبود واوصل ع طول (ماشاء الله)

بس اليوم وصلت 8 و 10 !!!!

جد جد تضااااااايقققققت انصدمت ليش مسكرينه ؟

شفت الناس اللي شلوا الحاجز واقبضو الخط ... ؟

[أم محمد 90]

تم الاعلان من كم يوم.!!
ونسيت.. وتوهقت اليوم

ممكن نعرف وين تم الاعلان ؟
لان راجعت تويتر مالقيت شي

[ضوى]

تخبط اشغال ولا بننتهي منه

[غريب الدّار]

اهاااااااااا

الحين عرفت سبب غيبتج عن المنتدى كل هالفترة ياام محمد

شايرة في الزحمة صار لج يمكن شهر صح؟ :nice:

خخخخخخخخخخخخ

اول شي الحمدلله عالسلامة
ثاني شي جات على هاذي ياام محمد :anger1: ياما صارت لي والله :
اطلع الصبح وامشي في شارع معين
ابي ارجع فليل مااقدر الشارع امسكر :anger1::anger1::anger1::anger1:


على قولة غانم السليطي :
مايقولوووووووووووون :anger1::anger1::anger1:


بس بعد لازم اذكر ان في طرق وشوارع كثيرة ذكروا انها بتتسكر
خصوصا لما يكون في شغل على مشروع حيوي

ويامرحبا بج مرة ثانية ياام محمد

[حرف]

اشوف شوارع الدوحه اليوم فاضيه اثاريكم ناشبين جنوب هههههه

[غريب الدّار]

اشوف شوارع الدوحه اليوم فاضيه اثاريكم ناشبين جنوب هههههه

خخخخخخخخخخخخخخخخخخخخخخخخخخخخخخخخخخخ

[مرتبش]

ممكن نعرف وين تم الاعلان ؟
لان راجعت تويتر مالقيت شي

جريدة الراية 11 نوفمبر .. الصفحة السابعة.. الاعلان يشير الى ان الاغلاق مستمر الى 22 الشهر.

المشكلة وين؟
اانهم سكروا الشارع بدون ماتكون هناك ترتيبات من الشرطة او تغيير وقت الاشارات.. فقط حواجز وخل القرعة ترعى على قولتهم.. الكثير من المتجاوزين دخلوا الشارع وتفادوا الزحمة بدون اي اشكال.. ماحبيت اتجاوز بينما الكل يتجاوز حتى باصات الشركات (الميني فان) وكروة بالاضافة للنياسين واخوانهم.

والاغلاق كان برعاية الريل..اشغال بريئة منه.. لكن الترتيبات كان ممكن تكون افضل بكثر

[أم محمد 90]

اهاااااااااا

الحين عرفت سبب غيبتج عن المنتدى كل هالفترة ياام محمد

شايرة في الزحمة صار لج يمكن شهر صح؟ :nice:

خخخخخخخخخخخخ

اول شي الحمدلله عالسلامة
ثاني شي جات على هاذي ياام محمد :anger1: ياما صارت لي والله :
اطلع الصبح وامشي في شارع معين
ابي ارجع فليل مااقدر الشارع امسكر :anger1::anger1::anger1::anger1:


على قولة غانم السليطي :
مايقولوووووووووووون :anger1::anger1::anger1:


بس بعد لازم اذكر ان في طرق وشوارع كثيرة ذكروا انها بتتسكر
خصوصا لما يكون في شغل على مشروع حيوي

ويامرحبا بج مرة ثانية ياام محمد

تسلم اخوي ، ربي يسلمك من كل شر
بس داومت بوظيفة جديدة ولله الحمد ونص وقتي برا المكتب خخخ
مافي وقت أدش المنتدى
وتخيل اني نقلت موقت بيت خالتي ف الوكير قلت الله يازين هالطريق نص ساعه مع الزحمة انا ف دوامي قلت بنقل لين يخلصون تعديل الدوارت ف دحيل لان الوضع مأساوي صوب جامعه قطر ودوار وقود
الحين ظ£ أسابيع الوضع عسل الصبح ما اواجه زحمة
اليوم انصعقت والله جاتني كاااااابة
حسبي الله ونعم الوكيل ....
الحين ضروري أفكر ف طريق من الوكير لين راس ابوعبود
مستحييييل أرد لهالشارع صج صج اليوم ماساة بكل ما تحمله الكلمة من معنى
ومابي اروح من الوكرة �� :( سببوا لي أزمة

[أم محمد 90]

جريدة الراية 11 نوفمبر .. الصفحة السابعة.. الاعلان يشير الى ان الاغلاق مستمر الى 22 الشهر.

المشكلة وين؟
اانهم سكروا الشارع بدون ماتكون هناك ترتيبات من الشرطة او تغيير وقت الاشارات.. فقط حواجز وخل القرعة ترعى على قولتهم.. الكثير من المتجاوزين دخلوا الشارع وتفادوا الزحمة بدون اي اشكال.. ماحبيت اتجاوز بينما الكل يتجاوز حتى باصات الشركات (الميني فان) وكروة بالاضافة للنياسين واخوانهم.

والاغلاق كان برعاية الريل..اشغال بريئة منه.. لكن الترتيبات كان ممكن تكون افضل بكثر

اخوي !
هل انت الحين تقصد ان الاغلاق خلاص ع طول ادخل الطريق وأتحول ع الإشارات !!!! الطريق كله خلاص مسكر؟
شالتخطيط التعبان ترى الطريق كبير وطويل !!!! هل مستدعي ان ينغلق كله؟
مافكروا ف الناس اللي معتمدة عليه؟

[أم محمد 90]

اشوف شوارع الدوحه اليوم فاضيه اثاريكم ناشبين جنوب هههههه

ناشبين وبس؟ قالوا كل سياره فوق الثانية ومناحس لين ابعد مدى !

[GENIUS]

تم فتح الشارع دون اتمام او اكمال العمل المفروض والسبب كما ذكرت في ردي السابق بأن قواعد جسور القطار في موقع خطأ وقد تمت ازالة الالواح الخرسانية والتي تم تركيبها فوق نفق سلاح الجو ويبقى المشروع معلقا للنظر في موقع قواعد الجسر الواقعة على طرف النفق.

مهندسنا معماري قطري .

اتمنى نظرة منك ورد .

[معماري قطري]

تم فتح الشارع دون اتمام او اكمال العمل المفروض والسبب كما ذكرت في ردي السابق بأن قواعد جسور القطار في موقع خطأ وقد تمت ازالة الالواح الخرسانية والتي تم تركيبها فوق نفق سلاح الجو ويبقى المشروع معلقا للنظر في موقع قواعد الجسر الواقعة على طرف النفق.

مهندسنا معماري قطري .

اتمنى نظرة منك ورد .

والله يا اخوي جنيس انا محظوظ إني ما امر ذاك الصوب

يا ليتك قادر تصور توضح لنا شلون الوضع .. شغل أشغال والريل لو اختلط مع بعض تكون خلطة مدمرة والله يستر .. بس ليش احتدوا هنا يسونه فوق الأرض وهم شغلهم كله تحت الأرض؟

على ما اذكر تشابكت الخطوط حيث تحت الأرض يمر خط الصرف السطحي لمياه المطر والمياه الجوفية من عين خالد ومسيمير والمطار فاضطروا لعمل جسر وإن شاء الله الوضع يكون مدروس صح وما فيه تعطيل طويل للسير ويتم عمل تحويلات مدروسة أو جسور صناعية سريعة للمرور السريع .. هذي الطرق مب مستحملة زحمة أكثر وكان لازم يتم عمل طرق محاذية بديلة

[GENIUS]

هلا مهندسنا
مشروع الريل ذو مستويين تحت الارض احدهما 25 متر والآخر بعمق 40 مترا وكلاهما بعيدان عن البنية التحتية سواء صرف صحي او خلافه



منطقة المطار الوكرة ذهابا و ايابا القطار فوق سطح الارض لسببين احدهما منظر جمالي ونفس الوضع عند ستاد الريان ولوسيل والآخر بسبب ازالة خطوط الكهرباء ذات الضغط العالي وجعلها تحت الارض . ( كل ابراج الكهرباء من منطقة بوفنطاس تمت ازالتها وجعلوا خطوط التوتر العالي تحت الارض )



وكل يوم يغيرون مسار التحويلات وصرنا نلعب لعبة الداب مع هالتحويلات والإشارات اللي مش مبرمجة مع بعضها على التوالي وحده تطوف منها وبعدها بكم متر تصيدك الثانية حمره.

الموقع المذكور بالموضوع هناك عدم تنسيق هندسي مسبق بين اشغال والريل بخصوص اعمدة و قواعد جسر القطار و نفق تقاطع سلاح الجو في الطريق الدائري السادس



وابشرك حاليا عازلين الحركة عن المسار الايمن في الاتجاهين لهذا الموقع ومركبين سقالات على هالقواعد والله اعلم عن خطتهم البديلة

[مرتبش]

وين مشرفين المشروع.. وين الشركة الالمانية مالت الريل؟
كيف يتم الاغلاق وهم مايدرون ان القواعد مكانها غلط

[بريق الحق]

الله يعينكم الصراحه
اتمنى يسون غرفة استراحه فالدوام عشان الواحد يروح الدوام بدري ويتكي هناك يطلع خمس الفجر افضل وقت

الله يعينكم ياناس الحمدلله مافي زحمه صوبي (:

[معماري قطري]

هلا مهندسنا
مشروع الريل ذو مستويين تحت الارض احدهما 25 متر والآخر بعمق 40 مترا وكلاهما بعيدان عن البنية التحتية سواء صرف صحي او خلافه



منطقة المطار الوكرة ذهابا و ايابا القطار فوق سطح الارض لسببين احدهما منظر جمالي ونفس الوضع عند ستاد الريان ولوسيل والآخر بسبب ازالة خطوط الكهرباء ذات الضغط العالي وجعلها تحت الارض . ( كل ابراج الكهرباء من منطقة بوفنطاس تمت ازالتها وجعلوا خطوط التوتر العالي تحت الارض )



وكل يوم يغيرون مسار التحويلات وصرنا نلعب لعبة الداب مع هالتحويلات والإشارات اللي مش مبرمجة مع بعضها على التوالي وحده تطوف منها وبعدها بكم متر تصيدك الثانية حمره.

الموقع المذكور بالموضوع هناك عدم تنسيق هندسي مسبق بين اشغال والريل بخصوص اعمدة و قواعد جسر القطار و نفق تقاطع سلاح الجو في الطريق الدائري السادس



وابشرك حاليا عازلين الحركة عن المسار الايمن في الاتجاهين لهذا الموقع ومركبين سقالات على هالقواعد والله اعلم عن خطتهم البديلة

هذا شيء متوقع .. أصلاً تضارب الخدمات والشغل بين كم جهة تخطط لازم يوصلنا لهذي الحالة وأسوأ .. الريل تخطيط وتنفيذ من جهة وأشغال والتخطيط العمراني لهم تواصل مع الكل بس ما ندري شحدود شغلهم ولا اظن هم يدرون .. المكتب الهندسي الخاص .. الكهرباء والماء .. شركات الاتصالات .. وقود والمطورين العقاريين ( المتحدة - ازدان - بروة ) والإجارة .. حتى عندنا مشاريع كبرى لكل مشروع ادارته الهندسية المستقلة مثل سدرة والمدينة التعليمية وواحة العلوم والتكنولوجيا والمطار والموانيء .. عندنا بعد اللجنة الاولومبية واداراتها المتعددة ومشروع لوسيل

كل جهة من هذي الجهات تتواصل مع الجهات الأُخرى بشكل أو بآخر .. ومتعجب ومندهش من سلاسة العمل بدون أخطاء كبيرة للآن وهذا يتطلب تركيز ومجهود خرافي .. وهل بنخلص بإذن الله على خير بدون مشاكل ونواقص؟ الله أعلم لكن معاناة الجميع هذا شيء أساسي واللي المفروض يشوفون لها حلول أول بأول والطرق عندنا هي شريان الحياة .. المفروض بدال الحفر وتعقيد الأُمور عمل الخدمات في أنفاق بسيطة وصب الأرضية خرسانة بمواصفات خاصة والرصف عليها مع التخطيط الجيد لكل المشاكل من تصريف الى توسعة الطرق الى تضبيط المداخل والمخارج الى الغاء الدوارات بالكامل وعدم بناء دوارات جديدة وعمل تقاطعات توفر سلاسة المرور وعدم التكدس

[معماري قطري]

وين مشرفين المشروع.. وين الشركة الالمانية مالت الريل؟
كيف يتم الاغلاق وهم مايدرون ان القواعد مكانها غلط

هم أكيد عليهم شغل متفق عليه ومخطط له لكن فيه شغلات على جهات ثانية وهنا تبدأ المشاكل

[مرتبش]

سيعاد اغلاقه
من 4 الى 8 يناير ( الطريق الدائري السادس) وستكون طرق الخدمات الجانبية مفتوحة ومتحول عليها السير
من 9-11 يناير . اللفة من الوكرة الى الدائري السادس ستكون مغلقة والخط السريع مفتوح

ملاحظة. هذا الجدول كما ورد في اعلان شركة الريل. اعتقد المرة الماضية لم يلتزموا يتاريخ انتهاء العمل

[جراسا]

سيعاد اغلاقه
من 4 الى 8 يناير ( الطريق الدائري السادس) وستكون طرق الخدمات الجانبية مفتوحة ومتحول عليها السير
من 9-11 يناير . اللفة من الوكرة الى الدائري السادس ستكون مغلقة والخط السريع مفتوح

ملاحظة. هذا الجدول كما ورد في اعلان شركة الريل. اعتقد المرة الماضية لم يلتزموا يتاريخ انتهاء العمل

اتوقع الاغلاق بكون لاجل افتتاح الطريق بشكل كامل,خصوصا انه الجسر الممتد لغاية محطة بترول ابوهامور اكتمل و الطريق تقريبا جاهز للاستخدام,في لوحات الكترونية موضحة انه بيتم الافتتاح قريبا

[GENIUS]

الله المستعان

لماذا لم يتم العمل خلال الفترة التي يقل فيها استخدام الشارع مثل هذه الايام بسبب الاجازات او اجازة منتصف العام

و اتمنى اغلاقه بطريقة احترافية افضل من المرة السابقة بدءا من جسر تقاطع سلاح الجو وليس من الجسر الذي قبله كما حصل المرة الماضية

والله اعلم كيف تم تعاملهم مع قواعد الجسر التي ذكرت ملاحظة بخصوصها في بعض ردودي على الموضوع

[أم محمد 90]

والله الحال وايد صعب :(

ان طلعت من الوكرة لسلاح الجو ذبحتني سواقة الاجانب التعيسة المميتة الكريهه السيئة لاقصى الحدود يسوق الصبح كانه ماوراه شي !!!

كانه طالع يتمشى ع البحري؟

والشاحنات والباصات :(


وان رجعت بيت اهلي ف دحيل عشان اطلع للكورنيش مسكرين دوار وقود ولازم اطلع من صوب عنيزة واهل المنطقة كلهم طالعين وتجاوزات مجنونة وزحمة مالها حل ورفع ضغط..


الله المستعان :(

من كل مكان الدرب مسكر ف ويهي .لازم يرجعون يفتحون الدائري السادس ..

[حمد بن سعد]

إحذر مفاجأت الطريق ...

هذا العنون من اخوانا في المرور تختصر كل الي يصير الحين

[جبر ال جبر]

ياخي الحل سهل وبسيط جدا يحطون طريق دائري سابع ويفكونا

[GENIUS]

في مشاريع طرق محورية شغالين عليها لمناطق جنوب البلاد لكن اكتمالها يحتاج لوقت مب أقل من سنتين إلى ثلاثة سنوات

[المبرمج صلاح]

كما سمعت من اشغال في حسابهم عالانستقرام ان الاغلاق سوف يستمر لغاية 12 - 1 - 2016

حتى تنتهي شركة الريل من اكمال اشغالهم الخاصة بالقطار

[GENIUS]

في لوحة ضوئية الكترونية على الطريق المذكور تشير إلى إغلاق الطريق مابين 4-8 يناير ننتظر وبنشوف.

[وجه السعد 2]

يا جماعة اطلعوا الساعة 4 الفجر و توصلون بالسلامة .. ليش تعقيد الأمور :nice::shy:

[GENIUS]

جربت اني اطلع الساعة 5 نفس الوضع لأن سكان ازدان اللي يداومون في لفان يطلعون في هالوقت يستخدمون هذا الطريق في هذا الوقت لذا أي وقت صباحا 4 أو 5 أو 6 أو 7 الزحمة موجودة ولا مفر.


الحل الأمثل هالوقت اني اتجه يسار من الاشارة الاولى وكأني متجه لمبنى او دوار كهرماء وبعدها اتجه يمين الى داخل منطقة الروضة حتى أصل للطريق الرئيسي القادم من اشارات الباراشوت بإتجاه تاقطع سلاح الجو وتنتهي السالفة .

[ya3coub]

http://dohanews.co/f-ring-road-see-partial-closures-monday-doha-metro-works/

هذا الإعلان موجود و على صفحتهم للتواصل الإجتماعي

[أم محمد 90]

الله كريم .....