من الأحق بالمقعد الأمـإآمي (الزوجة )) آم ( الأم )

[ام امااني]

http://paltimes.net/thumb.php?src=uploads//images/c9af5f7a6e7e9213a689f1ea0ad8a44c.jpg&w=780

http://paltimes.net/post/106575/%D8%B5%D9%8A%D9%86%D9%8A-%D9%8A%D8%B6%D8%B9-%D9%88%D8%A7%D9%84%D8%AF%D8%AA%D9%87-%D9%81%D9%8A-%D8%B5%D9%86%D8%AF%D9%88%D9%82-%D8%A7%D9%84%D8%B3%D9%8A%D8%A7%D8%B1%D8%A9-%D9%84%D9%8A%D9%86%D8%A7%D9%85-%D8%A7%D8%A8%D9%86%D9%87-%D9%81%D9%8A-%D8%A7%D9%84%D9%85%D9%82%D8%B9%D8%AF-%D8%A7%D9%84%D8%AE%D9%84%D9%81%D9%8A

طبعا احنا مثل المواقف اللي بالصورة ما تصير عندنا والحمد ل الله
لكن فيه تصرف اشوفه يصير في بعض الأحيان
مرات نشوف
شاب راكب بسيارته وينتظر أهله فتجي امه بكل عفوية خاصة ببدايات زواجه لانها لم تتعود بعد على التغيير قيطلب منها الصعود من الخلف
قائلا اركبي من ورى يمه
لتفسح المجال لزوجته للركوب لجانبه في المقعد الأمامي
هل في هذا التصرف اهانة للأم وتقدير للزوجة

سؤالي لكممْ : من الأحق بالمقعد الأمـإآمي " ((الزوجة ))
آم (( الأم ))"
وهل يعتبر هذا مقياس للتفاضل بين الام والزوجة وعدم احترام للام ؟؟
وهل تتنازل الزوجة عن المقعد الامامي لام زوجها ؟
موضوع للنقاش

.

[حرف]

الام طبعاً
امي ماتركب خلف لو كان معي اطلق شنب

[غريب الدّار]

انا اعتقد ان الام أولى

لكن يعتمد على رغبتها يمكن تحب تقعد في السيت اللي ورا

بالمناسبة :
الشخصيات ال vip دايما يحبون يقعدون ورا !!!
ليش احنا نشوف ان القعدة جدام دليل تبجيل الشخص ؟؟؟ !!! والله مادري

[العقل المدمر]

طبعا الام :eek5:

[العقل المدمر]

انا اعتقد ان الام أولى

لكن يعتمد على رغبتها يمكن تحب تقعد في السيت اللي ورا

بالمناسبة :
الشخصيات ال vip دايما يحبون يقعدون ورا !!!
ليش احنا نشوف ان القعدة جدام دليل تبجيل الشخص ؟؟؟ !!! والله مادري

لو واحد من هالشخصيات ركب مع ابوه
بيركب ورا ؟ انزين لو هو وابوه وولده بيخلي ولده جدام مثلا ؟
اللي يركبون ورا يعتبرون اللي يسوق مجرد سايق وهم في مستوى اعلى من انهم يكونون جنبه
لكن الشخص اللي من اهلهم والقريب منهم اكيد بيفضلون يقعدون جنبه

[بعيد النظر]

كلل اللي اعرفهم وانا منهم ..
الام قدام .. ولا فيها نقاش ..


وما اتوقع الزوجة بتزعل يعني اذا الام قعدت قدام ..

[ام امااني]

انا اعتقد ان الام أولى

لكن يعتمد على رغبتها يمكن تحب تقعد في السيت اللي ورا

بالمناسبة :
الشخصيات ال vip دايما يحبون يقعدون ورا !!!
ليش احنا نشوف ان القعدة جدام دليل تبجيل الشخص ؟؟؟ !!! والله مادري

انا ما قلت اذا فضلت
انا اقصد الشاب اللي يطلب منها الجلوس بالخلف وهي بتفتح الباب عشان تقعد جنبه
الشخصيات هاذولا
يركبون وراى لما يكون السايق سواق

[<اضرب واشرد>]

طبعا الأم



بالمناسبة :
الشخصيات ال vip دايما يحبون يقعدون ورا !!!
ليش احنا نشوف ان القعدة جدام دليل تبجيل الشخص ؟؟؟ !!! والله مادري

وين رحت الله يهداك، هذاك إذا سايق/ليموزين
مب ولد وأمه، أو صديق وصديقه، ..


https://pbs.twimg.com/media/Bxok4lgCcAAjdvG.jpg

[بانغ بانغ]

اصلا الام ما راح اتخلي الزوجة تركب ورا ... عاطفة وتضحية جبارة

[الحاقول]

امي ي نبع الحنان

[ابن البيطار]

الام طبعا وبدون شك واعتقد حتى الزوجه المتربيه لن ترضى ان تجلس بجانب زوجها وتترك امه في الخلف .


لفت نظري منظر الخادمه التي في شنطة السياره فعلا امر محزن ان البعض يجعلها تركب في الشنطه الخلفيه كأنها بهيمه وهناك متسع في الكراسي الاماميه .

[ضوى]

موضوع سبق ناقشناه هنا بالمنتدى ومب مشكلة نناقشه مرة ثانية

ام زوجي على عيني وعلى راسي انا بنفسي افتح لها الباب الامامي واقعدها بنفسي ، لكن هي ماكانت تحب الله يرحمها ، بس هو عرفاً وذوقاً ام الزوج لها الاولوية من غير اي نقاش عاد اذا زعلت الزوجة اذا انقال لها هالكلام فهاي عقلها عقل صخلة

[ضوى]

الام طبعا وبدون شك واعتقد حتى الزوجه المتربيه لن ترضى ان تجلس بجانب زوجها وتترك امه في الخلف .


لفت نظري منظر الخادمه التي في شنطة السياره فعلا امر محزن ان البعض يجعلها تركب في الشنطه الخلفيه كأنها بهيمه وهناك متسع في الكراسي الاماميه .

والله يابن البيطار احيانا نضطر نخليهم ورا الشغالات مع عيالنا الصغار لانه مافي مكان ونكون مستليمين فيهم بس ماعندنا حل ثاي

[الحياة الخالدة]

الأم تنحط على الراس بعد .. مو بس في المقعد الامامي
لكن بعض الامهات يخافون من القعدة قدام .. خصوصاً إذا الابن من النوع اللي يسرع .. فتقعد طول الوقت متوترة و ساكتة .. أو تتهاوش معاه عشان يخفف من سرعته
فيمكن أنها تفضل تقعد ورا .. مو لأن الزوجة أولى منها بالمقعد الأمامي .. و إنما حفاظاً على صحتها كي لا يرتفع عندها الصغط أو السكر .. و درءاً للمناوشات بينها و بين ولدها بسبب السرعة

[monatee]

الاكبر سناً يقعد جدام

يمكن زوجتة اكبر من امه :secret:

[qatara]

ولا وحده

ورا والسياره مخفي استر لهم

وبعد شوي بتقولون لنا

من اولى الام ام الاب

هههههههههههههه


اسئله مالها هدف ولا معنى

ماتزيد الاسره الا تحامل وحساسيه .

لهذا السبب ربي وضع العصمه بيد الرجل لانه عالم سبحانه

[ابن البيطار]

والله يابن البيطار احيانا نضطر نخليهم ورا الشغالات مع عيالنا الصغار لانه مافي مكان ونكون مستليمين فيهم بس ماعندنا حل ثاي

اذا مع الاطفال او بسبب الازدحام في الكراسي الاماميه معذوره اختي الكريمه لكن ان كان هناك متسع في الكرسي الخلفي ولايوجد اطفال فهذا ماقصدته حتى لاتنكسر وتشعر بالدونيه .

[ام امااني]

الام طبعا وبدون شك واعتقد حتى الزوجه المتربيه لن ترضى ان تجلس بجانب زوجها وتترك امه في الخلف .


لفت نظري منظر الخادمه التي في شنطة السياره فعلا امر محزن ان البعض يجعلها تركب في الشنطه الخلفيه كأنها بهيمه وهناك متسع في الكراسي الاماميه .

هاي ماهي الخادمة هاي ام صاحب السيارة وهو صيني حطها بشنطة السيارة حتى تفسح المجال لابنه لينام برتياح على الكرسي الخلفي
ادخل الرابط المرفق مع الموضوع

[ابن البيطار]

هاي ماهي الخادمة هاي ام صاحب السيارة وهو صيني حطها بشنطة السيارة حتى تفسح المجال لابنه لينام برتياح على الكرسي الخلفي
ادخل الرابط المرفق مع الموضوع

لاحول ولاقوة الا بالله لايعلم هذا الغبي انه دين سيدفعه غدا عندما يهرم وبيد ابنه الذي فضله على امه .

[ضوى]

هاي ماهي الخادمة هاي ام صاحب السيارة وهو صيني حطها بشنطة السيارة حتى تفسح المجال لابنه لينام برتياح على الكرسي الخلفي
ادخل الرابط المرفق مع الموضوع

عادي لا دين ولا مذهب من وين تجي الرحمة ؟

[الهديل]

الام
لانها الاحق بحسن الصحبة

[ya3coub]

مافي امل الزوجة تقعد جدام

انا عماتي و عمامي اهاوشهم حزات خصوصا عمامي يقولونلي اركب جدام و جدتي ورى لا

اول شي الجدة تقعد جدام و من ثم الوالد و من ثم الوالدة

و بعدين بالترتيب عمامي و عقب عماتي


اما انه زوجتي تركب حتى لو الوالدة رضت او جدتي دايما تحب تقعد ورى ما اخليها على راحتها اهي الأولى و اهي الي المفروض تقعد جنبي اذا اسوق

ماعدا بالسفر اذا مسافرين بالسيارة اخليهم ورى ياخذون راحتهم الحريم خصوصا مخفي و ستاير و نوووووم و منها محد يقعد كل شوي يقولي وقف ريح او روح الحمام او بسك اكل او شرب.

[بصمة قطرية]

اصلا الام ما راح اتخلي الزوجة تركب ورا ... عاطفة وتضحية جبارة

بالضبط ..
و هاي اللي كان يصير معاي دوم مع أم زوجي الله يرحمها ..
أفتح لها الباب تهاوشني و تقول لي ركبي جدام
أقول لها هاي مكانج يمه أنتي لازم تركبين جدام
تحلف و تقول أنا مرتاحة ورا ..
و مرات تقول الحزام يضايقني خلوني ورا أحسن ..

[بصمة قطرية]

ولا وحده

ورا والسياره مخفي استر لهم

وبعد شوي بتقولون لنا

من اولى الام ام الاب

هههههههههههههه


اسئله مالها هدف ولا معنى

ماتزيد الاسره الا تحامل وحساسيه .

لهذا السبب ربي وضع العصمه بيد الرجل لانه عالم سبحانه

لا يا كاتارا مب لهالدرجة ..
إحبسهم في البيت أحسن و أريح
و لا تخليهم ورا جنك دريول .. :secret:

[Tomford_qtr]

من المتعارف عليه الزوجه طبعا .... وهذا شي طبيعي

[رجل الجزيرة]

العنوان غلط والا انا غلطان؟

[العقل المدمر]

لا يا كاتارا مب لهالدرجة ..
إحبسهم في البيت أحسن و أريح
و لا تخليهم ورا جنك دريول .. :secret:

لا حتى البيت فيه درايش وممكن حرامي يدخل ويطل منهم
وأد البنات استر شي فضحونا هالحريم مانعرف وين نخشهم

[امـ حمد]

اكيد الأم اخوي لها كل الإحترام والتقدير

[qatara]

لا يا كاتارا مب لهالدرجة ..
إحبسهم في البيت أحسن و أريح
و لا تخليهم ورا جنك دريول .. :secret:


بعضهم للاسف يكون عندها شهاده جامعيه ويكون هذا مستوى

تفكيرها بهل التوافه بالفعل عندهم نقص صدق ربي بوصف ما خلق سبحانه

ماحب اضرب مثل في الاجانب لاكن الشي بالشي يذكر

فحتى ملكه بريطانيا تجلس ورا

[الحياة الخالدة]

أستغفر الله و أتوب إليه

[العفراء]

فديييييييت امايه والله احبببببببها ما اتخيل حياتي بدونها الله يحفظها جان يستوي انا انزل من السيارة واخليها تيلس مكاني بعد لكن لو ركبنا مع اي حد انا ايلس صوبها علشان اتم ادلعها طول الوقت و اهتم فيها و اسمحوا لي لان السؤال موجه للرياييل و للمتزوجات حسب ما فهمت بس حبيت اقولكم اني يالسه اتابعكم واستفيد منكم ربي يحفظكم

[بانغ بانغ]

فديييييييت امايه والله احبببببببها ما اتخيل حياتي بدونها الله يحفظها جان يستوي انا انزل من السيارة واخليها تيلس مكاني بعد لكن لو ركبنا مع اي حد انا ايلس صوبها علشان اتم ادلعها طول الوقت و اهتم فيها و اسمحوا لي لان السؤال موجه للرياييل و للمتزوجات حسب ما فهمت بس حبيت اقولكم اني يالسه اتابعكم واستفيد منكم ربي يحفظكم

مرة كنت اسوق سيارة سبورت كشف ونازلة وايد ..... الله يعطيها العافية الوالدة ... بطولة وسيارة كشف ..

[كازانوفا]

الاعتماد الاول والاخير على الزوجه حتى لو الزوج طلب من امه انها تقعد بالمقعد الخلفي الزوجه من نفسها تتكرم وهي اللى تجلس ورا والام قدام احتراما لكبر سنها وتقديرا لها ولانها ام السبع اللى تزوجها

[عثرة جواد]

الكرسي والجلوس علية يبيله ثقافة

ممكن الام وممكن الزوجة

حسب التقبل وحسب الرغبة

ممكن الام هي الي تطلب من ولدها يقعد زوجتة وممكن العكس


انا شفت كثير من الامهات يزعلون لين اقعدت الزوجه قدام بس مب صح

وكثير من الزوجات يزعلون لين الام تقعد قدام ومب صح


عساااك ع القوة

[الحياة الخالدة]

مرة كنت اسوق سيارة سبورت كشف ونازلة وايد ..... الله يعطيها العافية الوالدة ... بطولة وسيارة كشف ..

الله يعطيها العافية و يخليها لكم
متخيلة الوضع أنا هههههههههههه

[الماريّة]

الام تفعد قدام

وان حبت تقعد ورى اقعد معها ورى مب ضروري اني اركب قدام
وعيب اعطيها ظهري وهي اكبر مني:)

[بوفاطمه]

طبعا الوالده وتاج راسي .
الزوجة ورا .
بعض المرات اللم تقول انا بقعد ورا ياولدي .

[ابن البيطار]

الكرسي والجلوس علية يبيله ثقافة

ممكن الام وممكن الزوجة

حسب التقبل وحسب الرغبة

ممكن الام هي الي تطلب من ولدها يقعد زوجتة وممكن العكس


انا شفت كثير من الامهات يزعلون لين اقعدت الزوجه قدام بس مب صح

وكثير من الزوجات يزعلون لين الام تقعد قدام ومب صح


عساااك ع القوة

فعلا الام تطلب احيان والام تضحي كثيرا على حساب رغبتها ولكن علينا الضغط عليها لنحقق رغبتها .

[نمر بن عدوان]

امي طبعا فديتها احطها على راسي وعلى راس زوجتي بعد

[معماري قطري]

كنت احاول في الوالدة تركب معاي جدام في الدوحة خصوصاً لمواعيد طبية ولا ترضى وصدتها في ألمانيا بسبب ضيق بعض السيارات .. ركبتها مرة الجبل وكانت خايفة الله يحفظها مزعجها من كنت صغير ومكمل عليها ألحين

[الحياة الخالدة]

لا حول ولا قوة إلا بالله
اللهم اشفنا و اشف مرضانا و مرضى المسلمين

[ام امااني]

اااامين

[qatara]

اللهم لا تبلينا ببعض الحريم الي تفكريهم يخوف ماتمن تغيب عنها

اذا على كرسي سياره تسوي لها افلام

عيل لو تغيب عنها شبتسوي

[المحاميه]

بسنا مواضيع من هالنوع

والله بالله عليكم شنو نستفيد من التفكير في مثل هالامور

كبروا عقولكم
سواء قعدت جدام ولا ورا كله واحد والله
شنو يعني
شاللي يزعل
تفاهموا وخلاص
مب قضيه ذي عشان اناقشها

[A-Alansari]

خذلك جمس وقعدهم ثنتينهم جدام ههههههه

[ام امااني]

بسنا مواضيع من هالنوع

والله بالله عليكم شنو نستفيد من التفكير في مثل هالامور

كبروا عقولكم
سواء قعدت جدام ولا ورا كله واحد والله
شنو يعني
شاللي يزعل
تفاهموا وخلاص
مب قضيه ذي عشان اناقشها
السموحة اني فتحت مثل هلموضوع اعتذر خذوني على قد عقلي
شكرا على النصيحة احاول ارتقي بأفكاري
المرات الجاية
العتب على العمر عجوز

[المحاميه]

لا ام اماني ماقصدتج
كل الاحترام والتقدير لج

لكن الموضوع او الفكره نفسها
الاشخاص اللي مازالو يواجهون هالنوعيه من المشاكل
الموضوع مايستحق النقاش
رجاء ماقصدتج لكن اقصد الموضوع نفسه
ومب بس هالموضوع
اكثر من موضوع على نفس النمط

ماكدينا خير

[ام امااني]

لا تعتذرين ولاشي
حتى ولو قصدتيني ما فيها شيئ
فعلا العتب على العمر
احنا افكارنا غير افكاركم
اهو نحاول نعيش شوي معكم
على الاقل نفهم الحياة وافكار اولادنا
و نتعايش معهم
حصل خير
وردك هاذ يدل على سمو اخلاقك وطيبة قلبك شكرا

[الصريح99]

مجرد سوْالك اخوي على من له الحق ،،،،، يعتبرفيه ظلم للام

[مــاي ورد]

انا اخلي ام ريلي تقعد جدام دايما من باب الادب و الاحترام

بس امي تقعد ورا لان هي تحب ورا وتشوف المكان اريح لها.. بس لو بغت جدام بخليها تقعد جدام

[bohilal191]

الزوجه المتربية بتخلي أم الزوج تقعد جدام وبس والله

[ام امااني]

الزوجه المتربية بتخلي أم الزوج تقعد جدام وبس والله

يا ريت اغلاق الموضوع واعتذر اني حطيته
وندمت بعد

[معماري قطري]

السموحة اني فتحت مثل هلموضوع اعتذر خذوني على قد عقلي
شكرا على النصيحة احاول ارتقي بأفكاري
المرات الجاية
العتب على العمر عجوز

الله يحفظج يا أُم أَماني إحنا نستانس بتواجدج وبمواضيعج الطيبة

عني انا زوجتي طيبة وتتنازل عن الكرسي الجدامي للعيال من بدوا شوي يكبرون وما تقصر مع والدتي في شيء والحمد لله

[ام امااني]

الله يحفظج يا أُم أَماني إحنا نستانس بتواجدج وبمواضيعج الطيبة

عني انا زوجتي طيبة وتتنازل عن الكرسي الجدامي للعيال من بدوا شوي يكبرون وما تقصر مع والدتي في شيء والحمد لله

شكرا اخي الله يجعل ايامك طيبة و هذا من ذوقك الله يحفظ زوجتك وولادك وطول بعمر الوالدة
بس اشوف شوي الموضوع ضايج البعض وبدا ياخذ مسار ثاني

[ابن البيطار]

شكرا اخي الله يجعل ايامك طيبة و هذا من ذوقك الله يحفظ زوجتك وولادك وطول بعمر الوالدة
بس اشوف شوي الموضوع ضايج البعض وبدا ياخذ مسار ثاني

الاراء تتعد اختي ام اماني حتى في اهم مناحي الحياه لايوجد رأي واحد لابد من الاختلاف وربما البعض لايستطيعون توصيل رأيهم بطريقه صحيحه . بالعكس موضوعك رائع ويقد يصحي بعض الغافلين تجاه امهاتهم .

[راعي الكورفت]

اكيد الأم .

فالله تعالى وصى الإنسان بالإحسان للأم وليس بالزوجه


قال تعالى :

(( وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا . وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا ))



صدق الله العظيم.




تقبلوا مروري :victory:

[bohilal191]

يا ريت اغلاق الموضوع واعتذر اني حطيته
وندمت بعد

ليش اختي وهل كلامي في شي من الغلط