بغيت استشاره عاجله بخصوص زراعة الاسنان

[مضارب مستثمر]

السلام عليكم واسعد الله اوقاتكم
بالخير والمسرات,,,

صديق لي يبحث عن طبيب جراح
متخصص في زراعة الاسنان ويكون
عياده خاصه وتقبل التأمين

لمن يملك خبره بهذا المجال رجاءا لاتبخلون
علينا بالنصح والارشاد,,,,

صديقي متوجع ولازم يجري خلع ثم زراعه
وعنده
تعقيدات مع ضغط الدم ومشاكل
صحيه مجتمعه,,,,, ومحتاج واحد ملم
بالتخصص والجراحه,,,,,

جزاكم الله خيرا,,,, واللي ماعنده معلومه
لايبخل علينا بالدعاء حتى لو في جوف القلب

[فريج النجادة]

نصيحة لا تروح للخاص ويلعبون فية

روح رميلة وادخل الطواري

ولا زم تعرف جميع تفاصيل الاوجاع مع التصوير

بعدين ممكن تبحث عن عيادة خاصة

[مضارب مستثمر]

نصيحة لا تروح للخاص ويلعبون فية

روح رميلة وادخل الطواري

ولا زم تعرف جميع تفاصيل الاوجاع مع التصوير

بعدين ممكن تبحث عن عيادة خاصة

جزاك الله خير راعي النجاده

[بوحمد1]

الحكومة تمام بس المواعيد يمكن تكون بعيدة

انا زرعت في مركز المدينة في فرع اللقطة عند الدكتور حمزة النسور وعني اشوفه دكتور ممتاز وانت استخير واسأل اكثر وعلى فكره الشغل كله بدون اي الم والله الموفق

[moh5773]

عن تجربة عيادة الخليج للاسنان (فرع الهلال) عند الدكتور محمود .. ممتاز

[aloosh]

بقول لك ايش الفرق عندنا وفي اروبا او امريكا ولا افكر اسويها بقطر او دوله عربيه

تواصلت معا عياده في لندن

شوف ايش قال لي قبل الزراعه

1- فحص شامل
2- فحص للثه
3- فحص العظم اللي بيزرع عليه
4- متابعه من مساعد الدكتور
هذا بس علشان بتزرع

عندنا بقطر يسدحك ولا يدري ايش اللي فيك

[راعي الكورفت]

عيادة الدكتور حسني خلف وقت الشاي في بن عمران .

أفضل دكتور أسنان في قطر .
فنان هالدكتور ويده خفيفه.

[معماري قطري]

عيادة الدكتور حسني خلف وقت الشاي في بن عمران .

أفضل دكتور أسنان في قطر .
فنان هالدكتور ويده خفيفه.

شيبة كان لواء متقاعد في الجيش المصري وكثير محترم ودين .. بس شفت عيادات المستشفى الأهلي متخصصة أكثر ومرتبة أكثر ولكل دكتور تخصصه العلاجي .. عندهم دكتور هندي اسمه وزارات وايد يده خفيفة وعندي موعد معاه توني مخلص تنظيف وموعد حشو .. للتركيب عندهم قسم خاص ودكاترة شاطرين بعضهم سوريين وان شاء الله ناوي اسوي تركيب عندهم لبعض الضروس اللي لعب فيها الزمن

[السكين]

أنا جربت كثير بس أحسن شغل عند الدكتور رأفت الخراشي ، غالي جداً .. بس شغله بشهادة أي دكتور أروح عنده يشوف شغله يقول لي عن شغل رأفت ممتاز.

الله يشفي مرضانا ويشفي صديقك أجمعين .

[مضارب مستثمر]

شكرا لكم جميعا اهل الخير والمعروف
جزاكم الله خير الجزاء,,,,لا اراكم الله
مكروه في انفسكم ولا في عزيز
عليكم