دخيل الله من السنة ورايح غيرو هالعاده

[JN000N]

السلام عليكم ورحمة الله وبركاته

,

,

الموضوع اللي بتكلم فيه أصلا يتكرر كل سنة بدون أي أكشن ضده أو حتى تحسين
على العكس كل سنة يزيد الوضع سووء


،

(المسيرة) في احتفالية اليوم الوطني


قمة في المصخرة وقلة الادب والفجور


أولاً
تخريب الممتلكات العامة والشوارع وتشويه المناظر ورمي القمامة في ارجاء المكان

ثانياً
الإنحطاطية الملحوظه في تصرفات بعض الشباب والبنات

ثالثاً
التسبب في حوادث سيارات وغصابات متفاوتة

رابعاً
انتشار فيدوات عن ما يحدث بين هذه الفئة الضالة ينعكس على سمعة خيرة شباب وبنات قطر بأنهم حثالة

خامساً
تعطيل مصالح الناس ومشاويرهم خاصة وإن المكان الي فيه المسيرة مش محدود مثل عرض السيارات في رمضان العصر


وغيرها نقاط عدة متأكده أن وايد منكم يعاني مثلنا



تكفون السنة وكل سنة مسيرة ما نبي
ذبحتونا الكورنيش بروحه زحمه بعد مسيره يشير فيها الواحد ساعتين ونص على الاقل
لا ارجوكم جوفولنا حل والله
العام وحده عرسها كان في نفس اليوم الوطني كان جدا مأساه
على الخساير اللي خسرتها حق العرس المعازيم ما وصلوا!!!
وفوق هذي معظمهم عقب ما شارو في معمعة المسيرة ردو بيوتهم لانهم اولريدي تأخرو


وزارة الداخلية؟ عساكم طيبين بس
أرجوكم نبي قرار يفرحنا السنة


اليوم الوطني يوم نفرح فيه مب نتبهدل فيه


فيه فعاليات في كلللل مكان
غير العرضات (اللي أصلا سووها حق الشباب اللي ثلاث ارباعهم يترقصون عالكورنيش فوق سياراتهم)

يبون مسيره؟
يسوونها في شارع العرضات
المكان مكانهم والشارع كبير وفيه مخارج واصلا حولهم العرضات ماعتقد حد عنده مشوار والا شي مهم بيضطر يمر ف هالشارع
اما الشوارع الحيوية! خلوها للناس العاقلة اللي ما لها ف هالجو التعبان بليز :)

[معماري قطري]

انا معاج في كل ما ذكرتي .. إحتفال بعرضات وفرح وهدوء أفضل بوايد

[مختلف جداََ]

لي حجة البقر على قرونها

[راعي الكورفت]

السلام عليكم.

المسيره هي احتفالية بهذا اليوم واحتفال للوطن وكل دول العالم تصير عندهم مسيرات احتفالية لليوم الوطني فهذا شيء طبيعي وايضا لا ننسى اخوتنا من دول مجلس التعاون الخليجي مشاركتهم معنا في احتفالات اليوم الوطني .


أما سلوكيات السلبيه للمراهقين والشباب فهذا يرجع الى التربيه والأهل !!! والدوريات يجب عليها القيام بضبط المخالفين منهم.

أما قضاء المشاوير في اليوم الوطني فالأفضل لكم البقاء في المنزل أو الاحتفال مع الناس بالكورنيش ههههه .


انا عن نفسي آخر سنتين من اليوم الوطني سافرت للعمره وهذي السنه انشاء الله بعد مسافر .


أتمنى لكم قضاء يوم وطني سعيد بالكورنيش :secret:

[ضوى]

عودة قويه ماشاء الله

لي عودة عزيزتي موضوعج مايتفوت

[JN000N]

انا معاج في كل ما ذكرتي .. إحتفال بعرضات وفرح وهدوء أفضل بوايد

وانا احس ان امنية ما بتتحقق :weeping:

[JN000N]

لي حجة البقر على قرونها

انا بزرع لها قرون
بس خل يسوون لنا هالشي
والله اللي تطلبه الدوله راضين فيه بس المسيرة والمصخره ذي تمنعها

[JN000N]

السلام عليكم.

المسيره هي احتفالية بهذا اليوم واحتفال للوطن وكل دول العالم تصير عندهم مسيرات احتفالية لليوم الوطني فهذا شيء طبيعي وايضا لا ننسى اخوتنا من دول مجلس التعاون الخليجي مشاركتهم معنا في احتفالات اليوم الوطني .


أما سلوكيات السلبيه للمراهقين والشباب فهذا يرجع الى التربيه والأهل !!! والدوريات يجب عليها القيام بضبط المخالفين منهم.

أما قضاء المشاوير في اليوم الوطني فالأفضل لكم البقاء في المنزل أو الاحتفال مع الناس بالكورنيش ههههه .


انا عن نفسي آخر سنتين من اليوم الوطني سافرت للعمره وهذي السنه انشاء الله بعد مسافر .


أتمنى لكم قضاء يوم وطني سعيد بالكورنيش :secret:

وعليكم السلام
لا المسيرة تغيرت من قبل والحين
قبل كانت المسيرة يشاركون فيها العوايل بكل اريحيه
وانا وهلي كلنا حضرنا مسيرات قبل يوم كنا صغار عوايل كل ابو ومرته وعياله
واذا في شباب ف هم فحالهم
الحين لا
يا سيارات شباب
يا بس بنات
يا يتبادلون الركاب

[JN000N]

وفوق هذي سادين الشوارع كلها من صوب الجامعه من صوب المرخية من صوب الكورنيش من وانت ياي من الوكره كل مكان

[JN000N]

عودة قويه ماشاء الله

لي عودة عزيزتي موضوعج مايتفوت

موضوعي معور قلبي ترى :(

[مهرة]

..

http://store1.up-00.com/2015-11/1447930911431.jpg (http://www.up-00.com/)


..


لآيــك لـكلـمـة (فـجــور)

[نمر بن عدوان]

يقال والعهده على الراوي ياجنون ان هالسنه غير والاحتفالات راح تكون محدوده جدا والله اعلم

[JN000N]

..

http://store1.up-00.com/2015-11/1447930911431.jpg (http://www.up-00.com/)


..


لآيــك لـكلـمـة (فـجــور)

لان هذا اللي حاصل

[JN000N]

يقال والعهده على الراوي ياجنون ان هالسنه غير والاحتفالات راح تكون محدوده جدا والله اعلم

ان شاء الله الله يسمع منك
عالاقل المسيرة

[ya3coub]

بو اخبر كنت كل سنة اودي اليهال معاي و ننقع و انا معصب بس علشان خاطرهم بس صارلي 3 سنين ما طلعت ولا افكر مجرد تفكير بهالشي.



كانت حلوة قبل بس بعدين صارت تزيد و ازمة بدون اي شي معقول.


الواحد وده يروح و يشارك بالمشاة العسكرية او يحضر العرض العسكري بس غير هاي ولاشي و السنة الله اعلم وين بيكون هاي كله

[المحاميه]

انا مع المسيره مب ضدها

اعنبوا خل الناس تستانس وتعبر عن فرحتها

حبيبتي كل انحاء العالم لما يطلعون مسيره تصير عندهم هالملاحظات المذكوره
فالامر طبيعي
لان فيه ناس ماتلتزم مهما فرضتي عليها اوامر وعقوبات

وبعدين فالسنه كم مسيره عندنا؟

كل شي ضده وماتبونا

[A-Alansari]

مع انه الي قلتيه كله صح بس صعب يصير

خصوصا انه المرور مابيقدرون يسيطرون على العدد الي يروح الكورنيش

واذا سكرو الكورنيش ماستفدنا شي

وفي النهايه اليوم الوطني كل مكان مسكر واجازات الي مايحب عوار الراس يقعد في بيته ولا يروح البر يغير جو احسن من المصخره في الكورنيش

[بانغ بانغ]

الحمدلله عالسلامة...

اساءة واضحة لهالمناسبة خاصة من اليهالو وبعض المستهترين وبعض رجال الامن يتفرجون.

[السيف5]

اهلا برجعتك اولا

وبعدين العام رحت مع الاهل كتارا
وللأسف ندمنا بما شفنا مسخرة مابعدها مسخرة
من الترقص وصوت الاغاني المرتفع من السيارات وغيره

[العفراء]

كل عام و دولة قطر بخير و بتقدم و ريادة

المسيرة الوطنية لو تكون تحت اشراف الداخليه و تكون مسيره وحدة واي مسيرة ثانيه من دون تنظيم الشرطة يخالفون السيارات حتى لو بالكاميره المرصودة اتوقع هذا قرار رادع و طبعا مثل هالنقاط اللي ذكرتيها عزيزتي جنووون منتشره عندنا بس حاولوا يضبطون الامور بنقطة تحديد المسيرات و تحت اشراف الداخليه

[معماري قطري]

علميهم يالعفرا شرطتنا كله يقولون ما فيه معلوم شنو هازا كلام

[bohilal191]

مافي فايدة يا جنون لا تعبين نفسج

[وحيد-الشوق]

انا واحد قاعد في البيت ان شاء الله مالي خلق زحمه وعوار راس

البعض يحسب الوطنية في الخروج للمسيرة ومغازلة بنات خلق الله وقلة الأدب

[Mohammed2]

والله يازين هذا اليوم في عرضات القبايل والاحتفالات
ولا المسيرات كارها من زمان ولا اطب ولامسيره لايوم وطني ولاغيره

عرضات من العصر الين الليل هني تحس باليوم الوطني عدل مع الاهل والاقارب والربع

[Qtr37]

الحمدلله اني وحدة ما اشوف الشارع في يوم الاحتفال :)
اشوف الفعاليات بالتلفزيون!!

[غير البشر]

صادقه اختي جنون كل سنه نفس السالفه

الله يهديهم ويهدينا معاهم
المشكله فاهمين موضوع الاحتفالات غلط

وبعدها يقولون الشباب يلعوزون البنات بالمسيره
ويرشون عليهم مادري شسمه


من سوى نفسه سبوس العبت به الدجاج
قمه المسخره في المسيرات

والكل يزور الثاني من هنا وهناك ( لو لا غلاتكم ماجيناكم )

وماشوف البنات المسخره الي هناك لهم حق يتكلمون او يشتكون اذا حد قال لهم شي
هم عرضو نفسهم ومسخرو بنفسهم

انا هجومي اكثر على البنات لان لو محترمين نفسهم كانو اعقلو الخرفان

اما الداخليه من زمان ماعندهم شي
بس فالحين يسكرون هذا المدخل ويفتحون ذاك المخرج مفتكرين ان فك الزحمه هي الحل
الموضوع اكبر من هذا بكثير

وش ذنب البنات والاولاد الصغار يشوفون البنات بايعين نفسهم برخيص والشباب يمسخرون بنفسهم


يازين العرضه والرزيف للشباب
وقعده البيت او الحدايق للبنات المحترمات

[مابدل العادات]

والله اتمنى انها تتكنسل

ولاكن للأسف انت الحين عندك جيل الشوقر الي كل مالهم واردى هاي اشلون تفهمهم

وغير حديثي الجنسيه وغير العرب الي يسون نفسهم قطرين وقطريات ويسون مصخره

الله المستعان والله يهدي الجميع ان شاء الله

[qatara]

ليش انتي معقده

حريه
حقوق مراه
حقوق الطفل
حقوق عمال

مساواه

المراه مثل الرجل
عادي دامهم مثل بعض عادي يختلطون يعني
والكافر مثل المسلم
الحرامي مثل الشريف
والليل مثل النهار

الله يهديج يجنون شكلج جنيتي عادي لاتستوين معقده ومن ايام الجاهليه

ههههههههههههههه

استغفر الله

[الحياة الخالدة]

يا زين قعدة البيت .. و كل شي منقول في التلفزيون على الهواء مباشرة .. لا زحمة ولا سندارة

الله يهديهم و يصلحهم

منورة جنون .. عساها طلة ما تنقطع :victory:

[جاسم الدوحة]

يبون مسيره؟
يسوونها في شارع العرضات
المكان مكانهم والشارع كبير وفيه مخارج واصلا حولهم العرضات ماعتقد حد عنده مشوار والا شي مهم بيضطر يمر ف هالشارع
اما الشوارع الحيوية! خلوها للناس العاقلة اللي ما لها ف هالجو التعبان بليز :)

أتفق معاج إختي jn000n
واقتراحج حلو .. والمكان بعيد نسبياً عن زحمة الدوحة
يا ريت يتخذ قرار في الداخلية بهالخصوص .

[بصمة قطرية]

يا زين قعدة البيت في هاليوم بالذات ..
نتابع كل شي في التلفزيون
نقل مباشر من كل مكان ..
الحمدلله كل سنه هاليوم الجمعة في بيتي
حياكم بنات :)

[بعيد النظر]

اتمنى يطبق كل اللي قلتيه بالـ حرررررف الواحد ..

[JN000N]

بو اخبر كنت كل سنة اودي اليهال معاي و ننقع و انا معصب بس علشان خاطرهم بس صارلي 3 سنين ما طلعت ولا افكر مجرد تفكير بهالشي.



كانت حلوة قبل بس بعدين صارت تزيد و ازمة بدون اي شي معقول.


الواحد وده يروح و يشارك بالمشاة العسكرية او يحضر العرض العسكري بس غير هاي ولاشي و السنة الله اعلم وين بيكون هاي كله

صباح الخير

كاااانت حلوه وكانت عائليه وكانت احتفال وطني بالمعنى
الحين احتفال لاغراض ثانيه باسم الوطن

[شبح الصمت]

عوداً حميداً حجيه


هالوووو

تصدقين احسب انج طلعتي تقاعد
هاهاي


وانا مؤيد لكلامج ميه ميه

حرف حرف

شارع شارع

لا لا للمسيرة والخربطه ..

سوو مسيرة ما قلنا لا

بس الاشكال الي فيها لو يغيرووونهم يكون احسن

يجيبون ناس ذربين سنعين مب
واحد يبطل لي الباب وينزل يترقص
والثانية طالعه من الجامه
والثالث نازل يرش على العالم الرش
والرابع لابس لي قناع زومبي
والخامس مطلع لي كلب تكرمون هسكي والا اسد .
والسادس يالس فالشارع يستعرض


كمااااان
خلاص والله هالسوالف مالها معنى

الواحد يستمتع بس لا تضيق على غيرك ..

[JN000N]

انا مع المسيره مب ضدها

اعنبوا خل الناس تستانس وتعبر عن فرحتها

حبيبتي كل انحاء العالم لما يطلعون مسيره تصير عندهم هالملاحظات المذكوره
فالامر طبيعي
لان فيه ناس ماتلتزم مهما فرضتي عليها اوامر وعقوبات

وبعدين فالسنه كم مسيره عندنا؟

كل شي ضده وماتبونا

صباح الخير
محد قالهم لا يفرحون بس مب مسألة انانيه على اساس بفرح بسكر الشوارع وبعطل امور العالم
لا تقولون الشارع مب مهم ومب حيوي
الكورنيش يوصل مناطق وايد بعضها ببعض
بعدين الي عنده عرس ف الشيراتون؟ اللي بيروح بيته ف اللؤلؤه؟ اللي عرسهم ف جراند والا الرتز والا الانتر وغيره
هاي ولا شي بعد في وايد نقاط مانذكرت
خل يغيرون مكانها مب لازم عالكورنيش
لازم يحرقون تواير ويقطون وصاختهم غير المناظر المفتقره للاداب العامه عشان يفرحون؟

[JN000N]

مع انه الي قلتيه كله صح بس صعب يصير

خصوصا انه المرور مابيقدرون يسيطرون على العدد الي يروح الكورنيش

واذا سكرو الكورنيش ماستفدنا شي

وفي النهايه اليوم الوطني كل مكان مسكر واجازات الي مايحب عوار الراس يقعد في بيته ولا يروح البر يغير جو احسن من المصخره في الكورنيش

ان شاء الله انه مب صعب على داخليتنا
يقدرون ينظمون ويخططون تحطيط يبرد القلب حق هلسنه
دايما عندنا الحلول قعدو ف بيوتكم لا تطلعون
سواء اشتكينا من مسيره والا زحمه ويكند والا زحمه دوامات الصبح
هذا ابدا مب حل

[JN000N]

الحمدلله عالسلامة...

اساءة واضحة لهالمناسبة خاصة من اليهالو وبعض المستهترين وبعض رجال الامن يتفرجون.

الله يسلمك
عيل وجب منعها لحين تعليم (اليهالو) معنى الاحتفال بالوطن

[JN000N]

اهلا برجعتك اولا

وبعدين العام رحت مع الاهل كتارا
وللأسف ندمنا بما شفنا مسخرة مابعدها مسخرة
من الترقص وصوت الاغاني المرتفع من السيارات وغيره

هلا فيك اخوي السيف

المشكله انه من اول الكورنيش لين نهاية كتارا على هالحال
اصلا حتى الاغاني الي حاطينها مب اغاني وطنيه
دبكات وطقطقه مالها دخل ف الوطن لا من قريب ولا بعيد

[العنيده]

يارب يصير وتتغير اقلها مكان المسيره ..
المشكله اي مكان تلاقي حد يهرن والا الناس تمشي وراه :) .. صارت في اكثر من مكان ونتمنى اولا اذا صعب تنلغي ياانها ينحط لها قوانين وتنفذ يارب
ولا يغيرون مكانها وفي مخالفات للي يسوي مسيره بمكان غير المحدد ..
الفعاليات جدا حلوه بس احنا صار لنا سنتين نتابعها في التلفزيون ومع العايله ونسوي فعاليات لليهال في البيت عشان نحسسهم باليوم لان الطلعه صعبه جدا ..
والله يدوم افراحنا ان شاء الله ..

[JN000N]

كل عام و دولة قطر بخير و بتقدم و ريادة

المسيرة الوطنية لو تكون تحت اشراف الداخليه و تكون مسيره وحدة واي مسيرة ثانيه من دون تنظيم الشرطة يخالفون السيارات حتى لو بالكاميره المرصودة اتوقع هذا قرار رادع و طبعا مثل هالنقاط اللي ذكرتيها عزيزتي جنووون منتشره عندنا بس حاولوا يضبطون الامور بنقطة تحديد المسيرات و تحت اشراف الداخليه


هلا حبيبتي العفرا
الداخلية قد ما يقدرون مب مقصرين
يحاولون يحصرون المسيره ف مكان واحد ويسكرون الشوارع عشان ما تتوسع وتاخذ اكثر
بس بعد هالشي سبب ازمة
وفي اماكن معينه تكون مداخلها ومخارجها وحده ف لو كان في مسيره يعني مسكر الشارع يعني مالك امل تطوف

[JN000N]

علميهم يالعفرا شرطتنا كله يقولون ما فيه معلوم شنو هازا كلام

مساكين قد ما يقدرون ما يقصرون

[JN000N]

مافي فايدة يا جنون لا تعبين نفسج

ان شاء الله ان في فايدة

[بوفاطمه]

السلام عليكم ورحمة الله وبركاته..
اسعد الله صباحكم جمعيا.
أنا معاج بكب شي الي ذكرتيه.
يوم وطني لازم الواحد منا يحتفل بهذا اليوم بعيد عن كل شي سئ .

[JN000N]

انا واحد قاعد في البيت ان شاء الله مالي خلق زحمه وعوار راس

البعض يحسب الوطنية في الخروج للمسيرة ومغازلة بنات خلق الله وقلة الأدب

والمشكله الفعاليات فس كل مكان
تروح تمر صوب العرضات اللي اولريدي مخصصه للشباب تلاقيهم فاضيين يقرشون محد لهم لان الشباب مشغولين ف الترقص ف الكورنيش

[غايه الطواش]

بصراحه اول سنه كنت جدا مبسوطه بالمسيره والفرحه وثاني سنه عقبها الوضج جد جد صار مهزله واتمني يلغونها صراحه
مع اني كنت من المؤيدين قبل بس غيرت رايي

[JN000N]

والله يازين هذا اليوم في عرضات القبايل والاحتفالات
ولا المسيرات كارها من زمان ولا اطب ولامسيره لايوم وطني ولاغيره

عرضات من العصر الين الليل هني تحس باليوم الوطني عدل مع الاهل والاقارب والربع

هاي هو
في بدائل واايد المفروض يشاركون فيها شبابنا
يعني تنعطى ميزانية لكل قبيلة ويقطون مبالغ كبيرة على تجهيزات العرضات واخر شي ولا طير فيها بسبب ان الشباب ف الكورنيش
خلاص المسيرة توقف ويروحون الشباب العرضات
غير درب الساعي فيه فعاليات عوايل
غير كتارا فيه فعاليات
غير الالعاب الناريه
واماكن وايد

[JN000N]

الحمدلله اني وحدة ما اشوف الشارع في يوم الاحتفال :)
اشوف الفعاليات بالتلفزيون!!

قبل كنا نطلع اما الحين ما نطلع واذا طلعنا ما نقرب صوب المسيرة كلش
بس ترى مرات تصيد الواحد امور يضطر يطلع ويكون شي مهم يبي يطوف مايقدر

[تلفزيون قطر]

انا مع المسيره مب ضدها

اعنبوا خل الناس تستانس وتعبر عن فرحتها

حبيبتي كل انحاء العالم لما يطلعون مسيره تصير عندهم هالملاحظات المذكوره
فالامر طبيعي
لان فيه ناس ماتلتزم مهما فرضتي عليها اوامر وعقوبات

وبعدين فالسنه كم مسيره عندنا؟

كل شي ضده وماتبونا

انا معاج بصراحة بكل كلمة قلتيها

كفو عليج يالمحاميه:nice:

[قطر خضراء]

اتفق معك تماما
بالنسبة لي أصبحت أراه اليوم السنوي للإساءة الجماعية لقطر باسم الوطنية والوناسة

[JN000N]

صادقه اختي جنون كل سنه نفس السالفه

الله يهديهم ويهدينا معاهم
المشكله فاهمين موضوع الاحتفالات غلط

وبعدها يقولون الشباب يلعوزون البنات بالمسيره
ويرشون عليهم مادري شسمه


من سوى نفسه سبوس العبت به الدجاج
قمه المسخره في المسيرات

والكل يزور الثاني من هنا وهناك ( لو لا غلاتكم ماجيناكم )

وماشوف البنات المسخره الي هناك لهم حق يتكلمون او يشتكون اذا حد قال لهم شي
هم عرضو نفسهم ومسخرو بنفسهم

انا هجومي اكثر على البنات لان لو محترمين نفسهم كانو اعقلو الخرفان

اما الداخليه من زمان ماعندهم شي
بس فالحين يسكرون هذا المدخل ويفتحون ذاك المخرج مفتكرين ان فك الزحمه هي الحل
الموضوع اكبر من هذا بكثير

وش ذنب البنات والاولاد الصغار يشوفون البنات بايعين نفسهم برخيص والشباب يمسخرون بنفسهم


يازين العرضه والرزيف للشباب
وقعده البيت او الحدايق للبنات المحترمات

الله يهديهم
وان شاء الله يكون في قرار السنة يفرحنا بخصوص هالموضوع
ولو ان بالنسبة لهم اعلاميا شي وااو
يطرشون المذيعين الكورنيش عشان يصورون المسيره ولقاءات مع العالم ع اساس ف التلفزيون يروون الناس شكثر احنا فرحانين ومسويين مسيره احتفالا بالوطن
هذا افكارنا كل سنه ما تتغير
درب الساعي بفعاليات نصها مكرره
مسيرة كورنيش وشكاوي كل سنه منها
مخاسير على عرضات محد يحضرها
في شي يديد؟

[حرف]

بلشتيه ومصخرة وافسدو على الناس الي تبي تودي عيالها واهلها ياخذون فره

اتمنى انزال اقسى عقوبة لكل متلاعب
السجون عندنا فاضية

[JN000N]

والله اتمنى انها تتكنسل

ولاكن للأسف انت الحين عندك جيل الشوقر الي كل مالهم واردى هاي اشلون تفهمهم

وغير حديثي الجنسيه وغير العرب الي يسون نفسهم قطرين وقطريات ويسون مصخره

الله المستعان والله يهدي الجميع ان شاء الله

اي والله جيل الشوقر
بعد جيل الشوقر تلاقي نص البنات هابين ف اليمعات ف بيوت بعض وهالشي زين ابرك من المسيره
95% بنات المسيره مب قطريات ومستقطرات

[شبح الصمت]

اي والله جيل الشوقر
بعد جيل الشوقر تلاقي نص البنات هابين ف اليمعات ف بيوت بعض وهالشي زين ابرك من المسيره
95% بنات المسيره مب قطريات ومستقطرات



تصدقين امس دخلت شووقر اخذ لي كيكه
اشوي الا بزر بو قحفيه دوبا ..

يالس يعني سمعوني يكلم رفيجه ياخي تصدق امس رحت العديد يقصد اليمعه

وكنت بضرب خلاص الطعس لكن الموتر مدري اش صار فيه

يعني اني الصايع اني راعي الاستعراض اني واني
استغفر الله العظيم ..

خف علينا يالحبيب والله يا جنون انه عمره ما تجاوز الـ 18 سنه

وهياط في هياط هالمبزره ..
وسوالفهم الي ما لها معنى في المسيرة بعد ..

خاطرك تركبينهم باص وتربطينهم في الكراسي وبس يقعدون يطالعووون فالمسيرة وهم مربطين ..

[حرف]

اي والله جيل الشوقر
بعد جيل الشوقر تلاقي نص البنات هابين ف اليمعات ف بيوت بعض وهالشي زين ابرك من المسيره
95% بنات المسيره مب قطريات ومستقطرات

شلون استدليتي على النسبة ؟

[Riku3]

محد مستفيد الا محلات الزينة .. لزقه ماتسوى يركبها بالالاف ويطلع اجار المحل حق 3 سنين قدام .. وربعنا صافين بالدور :/ ..

اول كم سنة كنت اودي الاهل والعيال المسيرة الظهر والا العصر وامشي المغرب بس مع الوقت حتى العصر قمنا نشوف مناظر سيئة فوقفت هالعادة .

[الحياة الخالدة]

تصدقين امس دخلت شووقر اخذ لي كيكه
اشوي الا بزر بو قحفيه دوبا ..

يالس يعني سمعوني يكلم رفيجه ياخي تصدق امس رحت العديد يقصد اليمعه

وكنت بضرب خلاص الطعس لكن الموتر مدري اش صار فيه

يعني اني الصايع اني راعي الاستعراض اني واني
استغفر الله العظيم ..

خف علينا يالحبيب والله يا جنون انه عمره ما تجاوز الـ 18 سنه

وهياط في هياط هالمبزره ..
وسوالفهم الي ما لها معنى في المسيرة بعد ..

خاطرك تركبينهم باص وتربطينهم في الكراسي وبس يقعدون يطالعووون فالمسيرة وهم مربطين ..






يعني شنو ؟؟ للمرة الثانية تكتبها و انا مب فاهمة قصدك :telephone:

[شبح الصمت]

يعني شنو ؟؟ للمرة الثانية تكتبها و انا مب فاهمة قصدك :telephone:



الحين هابين على القحفيه الكبيره تجيك نازله لين الاذاني والغتره اشوي فوق

اشلون اوصف لك

يالربع صورة توضيحية للحياه خلها تشوف ..

هاهاي

تخبرين قحفية نزار نفسها بس اخف اشوي ..

:secret:

[بانغ بانغ]

بنشوف هالسنة يمكن الخدمة الوطنية علمتهم الالتزام !!!

اتمنى معاقبة اي شخص متهور انهى برنامج الخدمة الوطنية وينمسك في الاستعراض والمغازل اثناء اليوم الوطني .

طبعا اللي مادش الخدمة.. مش معفي من العقاب

[JN000N]

ليش انتي معقده

حريه
حقوق مراه
حقوق الطفل
حقوق عمال

مساواه

المراه مثل الرجل
عادي دامهم مثل بعض عادي يختلطون يعني
والكافر مثل المسلم
الحرامي مثل الشريف
والليل مثل النهار

الله يهديج يجنون شكلج جنيتي عادي لاتستوين معقده ومن ايام الجاهليه

ههههههههههههههه

استغفر الله

شسوي بعد
منذو مبطي يقولون لي معقده يا كتارا :weeping:
صفني حذاك :omen2::tease:

[شبح الصمت]

بنشوف هالسنة يمكن الخدمة الوطنية علمتهم الالتزام !!!

اتمنى معاقبة اي شخص متهور انهى برنامج الخدمة الوطنية وينمسك في الاستعراض والمغازل اثناء اليوم الوطني .

طبعا اللي مادش الخدمة.. مش معفي من العقاب



الاستعراض في الدم ياخوي

الا بيطلعووون ومتشفقين يبوون يفرغون الحكره الي فيهم اذا اهم راعيين استعراض ..

يعني انسى اذا مب مب انت مب راعي هالسوالف ما راح تقدر تتكرها بالساهل ..

[JN000N]

يا زين قعدة البيت .. و كل شي منقول في التلفزيون على الهواء مباشرة .. لا زحمة ولا سندارة

الله يهديهم و يصلحهم

منورة جنون .. عساها طلة ما تنقطع :victory:

السنه هذي بتقعدين فالبيت؟
معليه بذكرج بتيين هني اتشكين :weeping:

[JN000N]

أتفق معاج إختي jn000n
واقتراحج حلو .. والمكان بعيد نسبياً عن زحمة الدوحة
يا ريت يتخذ قرار في الداخلية بهالخصوص .

الاقتراح حلو
بس داخليتنا لهم وجهة نظر ثانية
ان المكان يمرون فيه الامير والامير الوالد والشيوخ حق العرضات ف ما يصير يسدونه بمسيره :weeping:

[JN000N]

يا زين قعدة البيت في هاليوم بالذات ..
نتابع كل شي في التلفزيون
نقل مباشر من كل مكان ..
الحمدلله كل سنه هاليوم الجمعة في بيتي
حياكم بنات :)

لا تسوين يمعه هالسنه وانا محد :anger1:

[JN000N]

اتمنى يطبق كل اللي قلتيه بالـ حرررررف الواحد ..

ان شاء الله لو شي بسيط

[JN000N]

عوداً حميداً حجيه


هالوووو

تصدقين احسب انج طلعتي تقاعد
هاهاي


وانا مؤيد لكلامج ميه ميه

حرف حرف

شارع شارع

لا لا للمسيرة والخربطه ..

سوو مسيرة ما قلنا لا

بس الاشكال الي فيها لو يغيرووونهم يكون احسن

يجيبون ناس ذربين سنعين مب
واحد يبطل لي الباب وينزل يترقص
والثانية طالعه من الجامه
والثالث نازل يرش على العالم الرش
والرابع لابس لي قناع زومبي
والخامس مطلع لي كلب تكرمون هسكي والا اسد .
والسادس يالس فالشارع يستعرض


كمااااان
خلاص والله هالسوالف مالها معنى

الواحد يستمتع بس لا تضيق على غيرك ..

لا عالبند المركزي هاهاها
وين يغيرونهم ههههههه مافي الا نوع واحد
ونوع لولا غلاكم ما تعنينا
مشكورين لا تتعنون ارتاحوا

[أم محمد 90]

حبيبتي , انا حاجزة تذكرتي من الحين , هاي رابع سنه ما ابقعد ف الدوحة ولا يمكن اقعد الا لو تم اصدار قوانين تردع هالتصرفات ممكن اطلع من الناس واحتفل
غير جذي , ويك اند وشيل عليه دبي لين تنتهي االمصخرة
ببقى اتابع من وسائل التواصل الاجتماعي .

[عوآآآآشـي]

وانا ان شاء الله سأقضيها في إحدى ضواحي قطر شمال او جنوب

المهم مب فالبيت ولا فالمسيرة

:victory:

[بصمة قطرية]

لا تسوين يمعه هالسنه وانا محد :anger1:
يعني أروح المسيرة .. :waiting:

[الحياة الخالدة]

السنه هذي بتقعدين فالبيت؟
معليه بذكرج بتيين هني اتشكين :weeping:

هههههههه .. لا .. السنة هاذي غير غير غير غير
هي قعدة في مكان و مناسبة وايد أحلى من قعدة البيت :secret:
بس أهم شي مب في الشارع وسط الزحمة
و بعدين لا تحاتين .. مب ياية أتشكى بستقر في ذاك المكان يومين :shy:

[أخت الكل]

الله يجزيك خير ويكثر من امثالك جنون

وعمر المسيرة ما كانت تعبر عن الوطنية
بالعكس باب شر لازم ينقفل

نناشد وزير الداخلية بمنع المسيرات بالدولة
وقطر لله الحمد مشهود لها بانها دولة محافظة
واتمنى تستمر هالسمة موجودة بجهود ولاة الأمر

[JN000N]

بعد مانبي مسسسيره :(

[شبح الصمت]

جنون

يقولك في ناس تنتظر المسيرة بفارغ الصبر ..

مجهزه ثياب
وكل شيء .

ودلال قهوه وجاي وصفه على الكرنيش وفيلم مباشر ..

اتمنى اتمنى صج يحطون دوريات عند مداخل الكرنيش واي شلة بنات يبون يدخلووون يرجعووونهم ولا يخلوونهم


لانه سبب المصخره بعض البنات جليات الحياء ..
لا حياء ولا مستحى
وهم سبب الاشياء الي تحصل ..

اتمنى اتمنى اتمنى

[نمر بن عدوان]

حبيبتي , انا حاجزة تذكرتي من الحين , هاي رابع سنه ما ابقعد ف الدوحة ولا يمكن اقعد الا لو تم اصدار قوانين تردع هالتصرفات ممكن اطلع من الناس واحتفل
غير جذي , ويك اند وشيل عليه دبي لين تنتهي االمصخرة
ببقى اتابع من وسائل التواصل الاجتماعي .

ليش انتي ساكنه في الكرنيش ؟

[JN000N]

جنون

يقولك في ناس تنتظر المسيرة بفارغ الصبر ..

مجهزه ثياب
وكل شيء .

ودلال قهوه وجاي وصفه على الكرنيش وفيلم مباشر ..

اتمنى اتمنى صج يحطون دوريات عند مداخل الكرنيش واي شلة بنات يبون يدخلووون يرجعووونهم ولا يخلوونهم


لانه سبب المصخره بعض البنات جليات الحياء ..
لا حياء ولا مستحى
وهم سبب الاشياء الي تحصل ..

اتمنى اتمنى اتمنى


في بديل عن البنات الحين
بكبرها الزحمه هذي الي تسد الشوارع من كل الاتجاهات مانبي
او يعدلون تخطيط المسيره
بحيث ان ما يعيق حركة المرور

[JN000N]

الله يجزيك خير ويكثر من امثالك جنون

وعمر المسيرة ما كانت تعبر عن الوطنية
بالعكس باب شر لازم ينقفل

نناشد وزير الداخلية بمنع المسيرات بالدولة
وقطر لله الحمد مشهود لها بانها دولة محافظة
واتمنى تستمر هالسمة موجودة بجهود ولاة الأمر


حبيبتي ويجزيج الجنه
ان شاء الله يارب
يكون في قرار يبرد القلب هالمره

[JN000N]

هههههههه .. لا .. السنة هاذي غير غير غير غير
هي قعدة في مكان و مناسبة وايد أحلى من قعدة البيت :secret:
بس أهم شي مب في الشارع وسط الزحمة
و بعدين لا تحاتين .. مب ياية أتشكى بستقر في ذاك المكان يومين :shy:

اوكي اذا جذي
كيفكم عيل ههههه

[JN000N]

يعني أروح المسيرة .. :waiting:

لا بس يعني مايصير وانا محد :(

[JN000N]

وانا ان شاء الله سأقضيها في إحدى ضواحي قطر شمال او جنوب

المهم مب فالبيت ولا فالمسيرة

:victory:

ان شاء الله
بس ما تنحل المشكله :(

[JN000N]

حبيبتي , انا حاجزة تذكرتي من الحين , هاي رابع سنه ما ابقعد ف الدوحة ولا يمكن اقعد الا لو تم اصدار قوانين تردع هالتصرفات ممكن اطلع من الناس واحتفل
غير جذي , ويك اند وشيل عليه دبي لين تنتهي االمصخرة
ببقى اتابع من وسائل التواصل الاجتماعي .

واذا عندج اشيا تخليج تقعدين
لا وتضطرين تمرين صوبها عشان توصلين وجهتج واخر شي زحمه وتتاخرين

[معماري قطري]

انا السنة ناوي لي على نية .. بالون سيارتي وبالصق عليها صور .. والتواير لازم يتبدلون باركب هيدرز ولكل تاير تيربو وبافصل الدبل واللي ناوي يشوف الفن في التعطيب يدورني بس

[abu m7md]

انا كل يوم وطني يتحرشون فيني مايخلوني اتمشى براحتي
مليت
ولكن بعد تلبية لمطالب الشعب والوطن بجي هالمره بس معاي بدي قاردية
وابي الي يزخ شعره من شعر جسمي مب احسن له
ولكن للحد منه هذه الضواهر بكتب عشر نقاط بتحل المسئلة
.
.
.
.
.
.
.
.
.
.
اتمنى انها تنحل بهذي النقاط

[حرف]

شوارع الكورنيش وغيرها مراقبة بالكيمرات
الي فيه خير خله يخطي على خلق الله

[qatara]

الله المستعان

[بنت مريخ]

الكورنيش كله مصكر و حواجز مب حلوه المسيره
ان شاءالله بنروح العزبه وبنرتاح كم يوم من الزحمه

[حرف]

احسن شي يمنعون الشباب
وبتنحل كل المشاكل

[حرف]

الناس الي راحوا اليوم للمسيرة يقولون قمة الهدو والاحترام والنظام والترتيب

[بومحمد المطاوعه]

موضوع طيب

والله شنقول وشنخلي يا جنون

الحمدلله والشكر من هالناس

ماطلعو حب الوطن الا هاليوم بس !!

انزين وباقي الأيام ؟
يعني عقب يومين شالوضع !!

مافي ولاء ولا حب للوطن

مستغرب من هالناس الي يترقصون
وبعض البنات والعياذ بالله في هذي المسيرات الي
تجلب الفتن والمشاكل

نتمنى مانشوف اي مسيره من اليوم ورايح

[ضوى]

مسيرتنا واحتفالنا كان بالبيت وماشاء الله صج وناسه وفرح ووطنيه

[بصمة قطرية]

الحمدلله إجتمعنا في البيت مثل كل سنة
و إستانسنا ..
المسيرة راحوها الشباب بس ..
إحنا الحريم الحمدلله طول عمرنا نجتمع في البيت ..

[qatara]

موضوع طيب

والله شنقول وشنخلي يا جنون

الحمدلله والشكر من هالناس

ماطلعو حب الوطن الا هاليوم بس !!

انزين وباقي الأيام ؟
يعني عقب يومين شالوضع !!

مافي ولاء ولا حب للوطن

مستغرب من هالناس الي يترقصون
وبعض البنات والعياذ بالله في هذي المسيرات الي
تجلب الفتن والمشاكل

نتمنى مانشوف اي مسيره من اليوم ورايح

الي غاب القطو العب يافار
والمصيبه الاكبر الي قد القطو محكر له

----------

الحمد لله على السلامه يابو محمد

[دااانة قطر]

اول شي كل عام وانتي بخير
صدقتي في كل كلمة كتبتيها
وانا مع ان ماتكون في مسيرة
لكن أتوقع أن تكون صعبة يمنعونها بالمرة
وطبعا قريتي بعض الردود فوق
فاشوف الافضل ان الوااحد يلزم بيته او يزور هله ويحتفلون في البيت
والحمدلله امس تجمعنا وزينا وشوينا وكان احتفالنا بطريقتنا واايد حلو
والتلفزيون ماقصر طول اياام الاحتفاالات


المشكله فاهمين موضوع الاحتفالات غلط
من سوى نفسه سبوس العبت به الدجاج
انا هجومي اكثر على البنات لان لو محترمين نفسهم كانو اعقلو الخرفان

اما الداخليه من زمان ماعندهم شي
وقعده البيت او الحدايق للبنات المحترمات

صح لساانك

[دااانة قطر]

اتفق معك تماما
بالنسبة لي أصبحت أراه اليوم السنوي للإساءة الجماعية لقطر باسم الوطنية والوناسة

:nice::nice::nice::nice:

[دااانة قطر]

الناس الي راحوا اليوم للمسيرة يقولون قمة الهدو والاحترام والنظام والترتيب


الحمدلله