من الأُمور المحبطة لي

[معماري قطري]

الموضوع شوي خارج عن البناء ويمكن يكون عام .. بس اتلقى رسائل خاصة بخصوص هذي المواضيع واكتب رد طويل عليها ومن ارسلها توصلني رسالة إن بريد المستخدم مليان .. والرجاء ممن راسلوني خلال اليومين اللي راحوا يشوفون بريدهم ويفضونه

[شموخ دائم]

,

,


مرحبا


تسلم على الموضوع

بالفعل هذا موضوع مزعج كثير
خاصه ان احنا نشرح ونكتب بتفصيل ونحتاج نكتب كثيير بتلقائيه ومانعرف نعيد نفس الرساله مره ثانيه
بنفس التدرج والفكره وبعضها فيها حساب وكميات

خاصه لمن يستخدم الخاص للرد على الاسئله والتوضيح كل يوم باكثر من رساله

ما اعرف شنو سر الصندوق المليان يعني رسائل صار لها اكثر من سنه ايش فايدتها بالخاص
وما اعتقد لها اهميها كلها يمكن رسالتين او خمس او 10 مهمين اوكي نخليهم
لكن 100 رساله !!!
:)

لازم الواحد ينتبه ويرتب الخاص يمسح القديم بالصادر والوارد
هذا مثل الايميل يحتاج ترتيب
حتى دائما يكون فيه متسع للجديد


جميل هذا التنبيه من شخص جميل

:)

بالتوفيق

,

,

[العفراء]

هلا والله عمي المعماري

ياخي تكتب و تتعب و اخرتها البريد فل ههه

انزين ليش ما يزيدون محتوى الرسايل او يوصل تنويه للعضو ان بريده مليان مب شرط عضو ثاني ينوه عليه بهالشي

[معماري قطري]

ما قصرتوا إخوي شموخ دائم وإختي العفرا بردودكم الطيبة

انا صارت معاي مرات كثيرة وصحيح هذا ممكن تصليحه برسالة خاصة من الإدارة وتكون اوتوماتيكية

وما احط في خاطري ومستعد للرد مرة ثانية وثالثة ومنتدانا فيه ميزة حفظ محتوى الرسالة للإعادة بس اتمنى من الإخوان اللي يرسلون ينتبهون قبل لبريدهم شكثر فيه مساحة

[لطيف الروح]

الله يجزأكم خير اخواني معماري و شموخ

المحبط هو انه يسئلك او يستشيرك شخص في موضوع هندسي سواء يتعلق بالبناء او التصميم و انت تتعب و تقدم له الإجابة و النصح من واقع خبرتك في هذا المجال بدون أي تكاليف مالية او مصلحة دنيوية قاصداً بذلك مساعدة هذا الشخص لوجه الله سبحانه و تعالى الا ان هذا الشخص يلجئ لمهندسين قليلي الخبرة و تجاريين و يدفع لهم مبالغ طائلة و يأخذ بنصيحتهم و عندما تحدث الكارثة يرجع لك مرة ثانية

[Aozomblue]

للاسف فعلاً شي محبط و خاصة انك اخوي معماري تبذل وقت و تفصل في ردودك و لوجه الله عز وجل و مساعدة الاعضاء بدون مقابل
جزاك الله خيرا

[بن غيث]

مرحب ولد العم ..
الله يجزاك الخير .. انت وشموخ

[معماري قطري]

الله يجزأكم خير اخواني معماري و شموخ

المحبط هو انه يسئلك او يستشيرك شخص في موضوع هندسي سواء يتعلق بالبناء او التصميم و انت تتعب و تقدم له الإجابة و النصح من واقع خبرتك في هذا المجال بدون أي تكاليف مالية او مصلحة دنيوية قاصداً بذلك مساعدة هذا الشخص لوجه الله سبحانه و تعالى الا ان هذا الشخص يلجئ لمهندسين قليلي الخبرة و تجاريين و يدفع لهم مبالغ طائلة و يأخذ بنصيحتهم و عندما تحدث الكارثة يرجع لك مرة ثانية

والله ذي حصلت معاي كثير بس الحمد لله دوم اقول لو استفاد 1 من 10 بطريقة صحيحة يعتبر إنجاز والكثير ما شاء الله عندهم اطلاع كبير وفاهمين .. وهي كلها اقتراحات وصاحب العمل هو صاحب القرار وأحياناً تتدخل في قراراته أُمور كثيرة

واحد من الاخوان تعبت في تعديلات كثيرة وملاحظات على تصميم بيته .. ومن يروح للمهندس يقول له حنعملها لك في الموقع .. ومسكين اضطر يكسر جدران كنت موضح له إن ما لها فايدة وكل اللي قال له حنعمله بعدين صار مثل الخرائط اللي ما عدلها .. دوم انصح أي حد اذا مقتنع من شغلة يضمنها للخرائط والعقد ولا يوثق بالاستشاري أو المقاول لو قال بعدين .. وهذا أكيد محبط خصوصاً هو مقتنع به وكان بنيانه بيكون أفضل

[معماري قطري]

مرحب ولد العم ..
الله يجزاك الخير .. انت وشموخ

الله يرحم والديك .. اليوم في عزا جني سمعت اسم بن غيث ما ادري بس طلع شكله غريب علي

[معماري قطري]

للاسف فعلاً شي محبط و خاصة انك اخوي معماري تبذل وقت و تفصل في ردودك و لوجه الله عز وجل و مساعدة الاعضاء بدون مقابل
جزاك الله خيرا

انا استويت احس اني أكتب أكثر مما اتكلم والحمد لله هذا العضو اللي كتبت له الرد كثير طيب وتواصلي معاه وصل لزيارة موقع البناء وهو كان مهتم في البداية وعدل اللي وافقت عليه البلدية وفاهم شيسوي