بشو تبون البلاد تحتفل ؟

[العفراء]

من الاخبار اللي قريتها و لفتت انتباهي خبر يمكن ايكون جديم اشوي و مفاده

ان اليابان احتفلت بإزالة اخر اشارة مرور ؟ و ياليت حد يفيدنا حول صحة المعلومه لاني قريتها بالمنتديات

لكن هل الاشارات مثلا تسبب الحوادث او الزحمة المروريه و الا ليش تخلصت اليابان من اشارات المرور بصراحه شي غريييب

و انا اعتقد اكثر شي يخوووف بالشوارع هو مخرج اليو تيرن احس مرات ان السيارات اليايه طلللق مستحيل تعطيني فجه اظهر و اخاف استخدم هالمخارج و اتمنى نحتفل بازالة اخر يوتيرن


و انتم عن انفسكم لو المخططات كانت بيدكم بشو تبون البلاد تحتفل فيه بالتخلص منه

مب شرط بالشوارع او الدواوير او الاشارات اقصد بشكل عام اي اداة نستخدمها و مسببه الضرر على المجتمع

[معماري قطري]

في اليابان ما اتوقع احتفلوا بإزالة آخر اشارة .. ممكن أزالوا كل الإشارات وركبوا مكانهم حاجز مرئي مثل السينما بس ممكن تمر من خلاله لكن ما تمر لأنه يعتبر إشارة ومعناها المرور مفتوح للطريق الآخر .. ميزة هذا الحاجز الكل يشوفه حتى اللي عينيه الثنتين مارة عليهم قبضة تايسون ولا محمد علي كلاي أيام شبابه ولا نسيم حميد.

في اليابان ركزوا على الجسور والجسور المرتفعة لعدة أدوار وعندهم جسر يمر في عمارة دائرية.

[معماري قطري]

الحاجز المرئي هذا يحطون فيه أفلام قصيرة مسلية ودعايات

[نمر بن عدوان]

انا العكس خاطري البلد تحتفل بأزالت اخر دوار

[غير البشر]

مرحبا اختي العفراء

صح كلامج من زمان اسمع هالشي
المقصد ان استبدلو الاشارات وحو مكانها انفاق وجسور
وحنا للحين نبدل الدوارات ونحولها الى اشارات
مادري كم سنه لين نوصل مواصيلهم

بس من ناحيتي انا اتمنى ما تنفك الزحمه عندنا ان شاء الله بهذا الوضع واردى

[غير البشر]

انا العكس خاطري البلد تحتفل بأزالت اخر دوار


الخرجي قال لي من فتره ان الفتره الجايه ماراح تشوف دوار :omen2:

[نمر بن عدوان]

الخرجي قال لي من فتره ان الفتره الجايه ماراح تشوف دوار :omen2:

الله يسمع منك وهم مب مقصرين شغالين على ازالت الدواوير .

[العفراء]

مشكورين اخواني الطيبيين

الحين الدواوير يعني سيئة اكثر من الاشارات ؟ و تسبب مثلا زحمة اكثر من الاشارات والا المفروض يشلون الاشارات

اظن لو السالفة استبدال الاشارات بجسور بتحتاج ميزانية ضخمممه و سنواات طويلة للعمل بس يمدحون التخطيط السليم اووكي بنييب خبراء من اليابان يدرسون الوضع المهم تكون الطرقات آآآمنه

وبعدين ليش مثلا ما يشوفون حل لسوالف الشاحنات يعني شبكة خطوط خاصة للنقليات و تحميل المواد مثلا بالقطارات او وسائل نقل غير الشاحنات اللي قاعدة تثبت يوما انها مب مناسبة لشبكات الخطوط بسبة الحوادث المميته اللي قاعده اتصير

[غير البشر]

اي العفراء الدواوير سيئه اكثر من الاشارات
والاشارات سيئه اكثر من الجسور والانفاق

وبخصوص الميزانيه مايبغي لها ميزانيه ضخمه كثر مايبغي لها مخ وعقل

احنا ندفع اكبر ميزانيه بالعالم على الشوارع
وتعالي شوفي الشغل

لو ربع الميزانيه هذي في دبي كنتي بتروحين بيتكم بالنفق

[العفراء]

في اليابان ما اتوقع احتفلوا بإزالة آخر اشارة .. ممكن أزالوا كل الإشارات وركبوا مكانهم حاجز مرئي مثل السينما بس ممكن تمر من خلاله لكن ما تمر لأنه يعتبر إشارة ومعناها المرور مفتوح للطريق الآخر .. ميزة هذا الحاجز الكل يشوفه حتى اللي عينيه الثنتين مارة عليهم قبضة تايسون ولا محمد علي كلاي أيام شبابه ولا نسيم حميد.

في اليابان ركزوا على الجسور والجسور المرتفعة لعدة أدوار وعندهم جسر يمر في عمارة دائرية.

مراحب عمي المعمااري

وين ماشي مشاهد باليوتيوب نبا نشوف هالتقنيه اللي اتقول عنها بدل الاشارات باليابان

[معماري قطري]

الخرجي قال لي من فتره ان الفتره الجايه ماراح تشوف دوار :omen2:

كل مشروع جديد يحطون فيه دوار ولا اثنين .. مدينة المواتر مسوينها على طريق رئيسي خربوه بدوارين ورا بعض

[معماري قطري]

مراحب عمي المعمااري

وين ماشي مشاهد باليوتيوب نبا نشوف هالتقنيه اللي اتقول عنها بدل الاشارات باليابان




والله يا اختي انا شايفها قبل في مقطع فيديو ودورت في اليوتيوب ولا حصلته .. إحتمال بعد طريقة اليابانيين التخلص من الإشارات بعمل جسور بس مهما عملوا صعب التخلص من الإشارات

الإحتمال الثاني تكون خدعة وساينس فكشن أو خيال علمي وما أصبح واقع للحين

بس اللي بدأ يصير واقع إضاءَة الال اي دي اللي توفر الكهرباء وما تحترق واللي بدوا استخدامها للاشارات ولإنارة الشوارع

[الجـــوديّ]

.

ودي نحتفل بمغادرة آخر بنغالي في البلاد

.

[معماري قطري]

.

ودي نحتفل بمغادرة آخر بنغالي في البلاد

.

حرام عليج عندي اثنين مب مقصرين في شيء بعضهم علل وبعضهم وايد طيبين وخدومين .. اللي عندي يزرع زين ويخلص كل شيء من ناحية السيارات واخوه الحين معاه ويتعلم منه

[بانغ بانغ]

ودنا نحتفل ونقطع كيكة لازالة اخر مسئول غبي متخلف ماسك ادارة تشغيلية مهمة في البلد وكل يوم الشوارع فيها تكسير وتحويلات غبية

ومعظم اجازة هالمسئول في اليابان او اوروبا

ياخي ما تحس ... ماعندك دم .... ما عندك نظر

مشكورررة العفراء على مواضيعك

[ابوالكلام]

تحتفل بنهاية الوقوف عند أبواب المطاعم عند الباب بالسيارات الفارهة وازالة جميع علامات vip من البلد

[جاسم الدوحة]

.

ودي نحتفل بمغادرة آخر بنغالي في البلاد

.

آآآآآخخخخخخخ