القطاوه عادي؟

[المحاميه]

السلام عليكم ورحمة الله وبركاته


سؤال عابر ..

هل انتشار القطاوه في الاماكن العامه شي عادي ومقصود؟ ولا الجهه المسؤوله غافله عن هالموضوع؟

يعني قطاوه ف الكورنيش عادي؟ قطاوه ف حدايق الفريج عادي؟
باجر نحصل قطوه اتمشى في ربوع كتارا ولا اللؤلؤه ..


اتمنى حد يفحمني ..
وشكراً

[النهار]

هههههههههههههه
تعالي شوفي القطاوه اشلون يسرحون ويمرحون في مطابخ المطاعم

[بانغ بانغ]

السلام عليكم ورحمة الله وبركاته


سؤال عابر ..

هل انتشار القطاوه في الاماكن العامه شي عادي ومقصود؟ ولا الجهه المسؤوله غافله عن هالموضوع؟

يعني قطاوه ف الكورنيش عادي؟ قطاوه ف حدايق الفريج عادي؟
باجر نحصل قطوه اتمشى في ربوع كتارا ولا اللؤلؤه ..


اتمنى حد يفحمني ..
وشكراً

مرة قطوة تتمشى في الدور السابع عندنا .... برج في الدفنة

اشلون دشت وفي سكيوريتي .. مادري !!!

المهم احنا ما عرفنا الا مع الصراخ في مكتب الحريم

الغريبة انها شيرازية ... الظاهر شردت من راعيها قريب سكنه

[لـبـيـه]

صدقيني القطاوه ولا الفيران

وجود القطاوه يلغي وجود الفيران وهذي سنة الحياه

ودام فتحنا الموضوع اتمنى الكل الصبح قبل يشغل موتره للدوام يجيك تحت موتره وفي المكينه لان القطاوه يدورون الدفى

في المكينه او تحت الموتر وارجو الرفق بلحيوان

[شبح الصمت]

ترى وجود القطاوه زين يا المحامية

ينظفون البيوت والشوارع من الحشرات والزواحف ..


وما منهم خوف بروحهم يخافوون منا ..

الي يكسر الخاطر تدوسهم في الشوارع ..

[العنيده]

عادي عندنا قطوه بالدوام حاولو يطلعونها ماقدروا .. لين صارت ركن اساسي نمر عليه الصبح
واذا وجودهم بيخفف الفيران والحشرات ترى القطاوه اقل المشاكل :nice:

[حرف]

يعني فاكينها بالعماله في الشوارع

[monatee]

مساكين والله ،، مافيها شي وجود القطاوه حتى لو بكثره

لا تنقل امراض ولا تسبب مشاكل

[شبح الصمت]

حتى القطاووه ملاحقتهم ..

هاهاي

وزعلانه

حد يفحمها بالرد ويجيب لها قطووو يرد عليها

:anger1:

[لـبـيـه]

حتى القطاووه ملاحقتهم ..

هاهاي

وزعلانه

حد يفحمها بالرد ويجيب لها قطووو يرد عليها

:anger1:

القطاوه من كثر ماهم مسالمين قامو الناس تصورهم سناب وضحك

لدرجة انك تشوف قطو نايم تقومه بلعدال يطالعك بعين ويرد يرقد جنك مقوم ولدك للمدرسه ويطنشك

[شبح الصمت]

القطاوه من كثر ماهم مسالمين قامو الناس تصورهم سناب وضحك

لدرجة انك تشوف قطو نايم تقومه بلعدال يطالعك بعين ويرد يرقد جنك مقوم ولدك للمدرسه ويطنشك



اي والله صدقت ياخوي ..

ياخي الرحمه بالحيوان تكرم ويكرم الحضور ..

ما ضرونا ليش نظرهم في ناس كانه هالقطوو مسبب له شيء ..

[مختلف جداََ]

http://cdn.top4top.co/i_a805f157880.jpeg (http://up.top4top.net/)

http://cdn.top4top.co/i_a805f157881.jpeg (http://up.top4top.net/)

http://cdn.top4top.co/i_a805f157882.jpeg (http://up.top4top.net/)

[Dana’1]

يمكن تكون مقصوده مره رحت للبيطري قالو بالغالب يجمعونهم ويقتلونهم ( القتل الرحيم) ( قلب مكسور) بالذات القطط الضريره والي عندها مشاكل!
او يمسكونهم ويجرون لهم عمليات عشان ما تتكاثر ويردونهم للشوارع
بس مو متاكده من المعلومه^_^

عالعموم القطاوه ولا الكلاب وانتو بكرامه
اسطنبول متروووووسه كلاب هادتها البلديه !!!

[شبح الصمت]

يمكن تكون مقصوده مره رحت للبيطري قالو بالغالب يجمعونهم ويقتلونهم ( القتل الرحيم) ( قلب مكسور) بالذات القطط الضريره والي عندها مشاكل!
او يمسكونهم ويجرون لهم عمليات عشان ما تتكاثر ويردونهم للشوارع
بس مو متاكده من المعلومه^_^

عالعموم القطاوه ولا الكلاب وانتو بكرامه
اسطنبول متروووووسه كلاب هادتها البلديه !!!



بس شالمعنى من انهم هادينهم في الشوارع ..

لانه القطاووه ما منهم خوف ديور يعني ما ظنتي اذا استوحش يهجم على انسان صح

اما وانتم بكرامه الكلاب غير اذا جاك مسعور مشكلة او مستوحش ..

[الحياة الخالدة]

السلام عليكم و رحمة الله

مع أني ماحب القطاوة ولا أي حيوان ثاني ( الله يجلكم جميع )
بس بعد يهونون عن الكلاب ( أعزكم الله ) اللي صار شكلهم عادي يتمشون مع أصحابهم أو بدون .. نفس نظام الدول الغربية .. يعني هذيلا اللي صج نجس .. و تشمئز منهم النفس

------

بعض الحقائق من السنة المطهرة

إن سؤر الهرة طاهر كونها غير نجسة: فلحديث كبشة بنت كعب بن مالك: أن أبا قتادة – والد زوجها - دخل عليها فسكبت له وضوءاً فجاءت هرة لتشرب منه فأصغى إليها الإناء حتى شربت قالت كبشة: فرآني أنظر إليه فقال: أتعجبين يا ابنة أخي ؟ قالت: قلت: نعم، فقال: إن النبي صلى الله عليه وسلم قال: ليست بنجس إنها من الطوافين عليكم والطوافات " .

عن علي بن الحسين، عن أنس بن مالك قال:: (خرج النبي (صلى الله عليه وسلم) إلى أرض بالمدينة يقال لها بطحان، فقال: " يا أنس اسكب لي وضوءاً " فسكبت له، فلما قضى حاجته أقبل إلى الإناء وقد أتى هر فولغ في الإناء، فوقف النبي (صلى الله عليه وسلم) وقفة حتى شرب الهر ثم توضأ، فذكرت للنبي (صلى الله عليه وسلم) أمر الهر، فقال: " يا أنس إن الهر من متاع البيت لن يقذر شيئاً ولن ينجسه ".

وقد روي عن داود بن صالح التمار عن أمه: (أن مولاة لها أهدت إلى عائشة صحفة هريسة فجاءت بها وعائشة قائمة تصلي، فأشارت إليها أن ضعيها، فوضعتها وعند عائشة نسوة، فجاءت الهرة فأكلت منها أكلة، أو قال لقمة، فلما انصرفت قالت للنسوة كلن، فجعلن يتقين موضع فم الهرة فأخذتها عائشة فأدارتها ثم أكلتها وقالت إن رسول (صلى الله عليه وسلم) قال: إنها ليست بنجس، إنها من الطوافين والطوافات عليكم، وقد رأيت رسول الله (صلى الله عليه وسلم) يتوضأ بفضلها وعن أبي قتادة رضي الله عنه قال: قال رسول الله صلى الله عليه وسلم في الهرة: (إنها ليست بنجس إنها من الطوافين عليكم والطوافات رواه مالك وأحمد وأهل السنن الأربع. فالهرة إذًا هي طاهرة البدن، طاهرة الريق، ريقها طاهر، فسؤرها طاهر، بقية شرابها، أو بقية ما تأكله

السؤر هو البقية من كل شيء ، والسائر الباقي ، وتسأر الماء شرب بقيته ، وهناك خلاف في تعريفه بين الفقهاء ، فبعضهم قال هو بقية السائل الذي يشربه والبعض قال ما يباشره الجسم ، وغير ذلك .

[فريج النجادة]

وزارة البلدية عندهم قسم لمكافحة القطط

وممكن الاتصال عليهم اذا عندك ازعاج من كثرة القطط

اتذكر اني اتصلت عليهم وما قصرو معاي

وعندهم فخ كبير يحطون فية اكل حتى يصيدون القطط

اي واحد محتاج الخدمة يتصل على الخط الساخن للبلدية

44266666

[للصبر اخر]

اللي مستهزء بالموضوع ويقول شفيها القطاوه
في ناس عندهم فوبيا من القطاوه ويتوترون بس نقول لهم قطووة
ومنتشرين بكثره بسوق واقف
من فتره صارت لي مشكله مع اختي بسبب القطووه ماقدرت تاكل لن اللي وراها سمعتهم يقولون قطوه تحت كرسيها

[قطريه ماركه]

مثل ما قالوا الاخوان اهوون من الفيران :telephone:

[Dana’1]

بس شالمعنى من انهم هادينهم في الشوارع ..

لانه القطاووه ما منهم خوف ديور يعني ما ظنتي اذا استوحش يهجم على انسان صح

اما وانتم بكرامه الكلاب غير اذا جاك مسعور مشكلة او مستوحش ..


اتوقع لأن القطط فعلا مفيده للحد من تكاثر بعض الحشرات وغيرها واليفه ونظيفه هذا سبب
والسبب الثاني اتوقع جمعيات حقوق الحيوان تدقق وتكتب ملاحظتها عالدول بهذا الخصوص

طبعا احنا كمسلمين مو محتاجين لحقوق الحيوان لو فعلا طبقنا تعاليم الدين ورحمنا هالحيوانات

أوديت قطوه للبيطري كانت تعبانه على امل ان ممكن تتعالج وارده للشارع قالي خلاص الفايروس سيطر على عيون وانعمت قال لي الافضل القتل الرحيم !! رفضت طبعا
يعني يستهدمون القتل الرخيم لبعض ا الحالات وهالش عالمي

أما الكلاب صادق ممكن تكون مسعوره
بس الي بأسطنبول على اذنها وسم ملون يعني شكلهم ماخذينها وعملوا لها اللازم وردوها للشارع


إحنا بحارتنا عادي جدا تشوف الجعاري شلل تتمشى!! بالبراحه يتصلون الجيران على بعض الجهات تجي تشيلهم الله يجزاهم خير

[Dana’1]

اللي مستهزء بالموضوع ويقول شفيها القطاوه
في ناس عندهم فوبيا من القطاوه ويتوترون بس نقول لهم قطووة
ومنتشرين بكثره بسوق واقف
من فتره صارت لي مشكله مع اختي بسبب القطووه ماقدرت تاكل لن اللي وراها سمعتهم يقولون قطوه تحت كرسيها


صحيح في ناس فعلا يخافون وحده اعرفها ما تداني تشوف قطوه وفي سوق واقف صار لها موقف ما قدرت تمسك نفسها
زوجها بغى يذبحها بس مسكينه غصب عنها طلعوا والله من السوق

[راعي الكورفت]

أنا أحب القطاوه :)

[شبح الصمت]

دام انفتح الموضوع

خاطري في قطو سيامي ..

يالربع الي يخبر لي قطو سيامي يكلمني من صجي ترى ..

[غير البشر]

مرحبا محاميتنا

الي اشوفه ان القطاوه بدت تنقرض من فتره

والحين البلديه شغاله عليهم ويوزعون اقفاص او الناس تجيب اقفاص
وتمر عليهم سيارات البلديه وتشيل القطاوه

[شبح الصمت]

مرحبا محاميتنا

الي اشوفه ان القطاوه بدت تنقرض من فتره

والحين البلديه شغاله عليهم ويوزعون اقفاص او الناس تجيب اقفاص
وتمر عليهم سيارات البلديه وتشيل القطاوه



اهم شيء ما يشلووون قطوه ريشيه تجي من بيت رفيجة الوالده لين بيتنا ..

ان شلوووها باال اتوقع معزبتها بتستخف ..


ريشيه وحلووه عجيبه يا غيروو

خلني احذر امي فديتها لاجل تقول للمره تصكر البيبان عليها

[غير البشر]

هلا شبوح

وين بيتكم خلني ابلغ :taunt:

لا تطمن مايشيلن الريشيه قطاوه الشوارع بس

[شبح الصمت]

هلا شبوح

وين بيتكم خلني ابلغ :taunt:

لا تطمن مايشيلن الريشيه قطاوه الشوارع بس



اشلون بعد قطاوه الشارع ليش مكتوب على القطوو

قطو شارع ههههههههاي

ياخي امس شفت قطو اسود عود يالس عند مدخل البيت شافني بكل ادب قام وشل نفسه عن الدريه وحرك ..

[غير البشر]

عيل ماتعرف قطاوه الشوارع وتبغي قطو سيامي

تعال ببيعك عندي منهم وااايد :secret:

[شبح الصمت]

عيل ماتعرف قطاوه الشوارع وتبغي قطو سيامي

تعال ببيعك عندي منهم وااايد :secret:



لا اشدعووه ما اعرفهم اعرفهم عدل ياخوي

بس يمكن قطو بيت وطالع يتمشى اشوي ياخذ لفه ونصاد ..

افى عليك خبرررره طفووله فيهم

[المحاميه]

عفوا من الجميع الموضوع مانطرح للمناحس ولا انطرح للاستهزاء والضحك
رجاء السوالف الجانبيه على صوب والضحك عندكم قسم الاستراحه لاهنتو ..

انا طرحت الموضوع لانه فعلا مسبب مشكله وبغيت اشوف حلول او اراء منطقيه ..
-----------------------------------------------------


نرجع للموضوع ...


شكراً اخوي فريج النجاده وشكلي باستخدم رقم البلديه وايد ..


صحيح حتى سوق واقف فيه قطوه .. شفتها مره .. شفتوا اشلون القطاوه قاموا ينتشرون ف كل مكان !!! الغريب ان الجهه المسؤوله ماتحركت وكأن الموضوع عادي؟!؟


اختي للصبر آخر .. فعلاً كلامج جاي عالعوق ..
انا من الاشخاص اللي اعاني وايد اذا شفت قطوه .. جد من غير اي مبالغه .. لان عندي فوبيا منها وماتقبل تقرب مني او امشي احذاها ..
فاذا انا طالعه مكان اغير جو واستانس وفجأه احصل هالكائن وراي او تحت كرسيي .. شلون باكمل يومي؟ طبعا باقعد طول الوقت احاتي واشيك وباطلع من المكان ..

اذا السالفه فيها ضرر .. واكيد انا وحده من الف .. فأتمنى من الجهه المسؤوله انها اتصرف ف الموضوع ..

مب معقوله كل مكان نحصل فيه قطوه متسمته؟؟؟



وبخصوص الاخت اللي تقول عندهم قطوه ف الدوام .. الصراحه انصدمت .. الله يجنبنا هالسوالف ..

[وحيد-الشوق]

زرت المانيا على سبيل المقارنة كذا مره ولاعمري شفت قطاوه يتمشون في الشوارع ولا راقدين في درام الزباله انتشار القطاوه منظر غير حضاري أبداً

[توشيبا]

الولوه متروسه قطاوه

ماطلع الصبح الا جامه سيارتي عليها بصمات قطو

والمواقف في العماره قطاوه

وحتى برا متروسه


وسوق واقف متروس قطاوه

اذا الريان قطاوته اقل من الامكان العامه والسياحيه في الدوله

[المحاميه]

^

هم لان عندهم حقوق الحيوان .. ومهتمين وايد ف الموضوع .. وكل واحد يتمشى مع جلبه الله يعزكم
حتى لو شافوا قطوه ضايعه يا بيسلمونها لاصحاب الاختصاص ولا بياخذونها :nice:

بس السؤال مب اهني .. السؤال هل شفت عندهم فيران نتيجة عدم انتشار القطاوه؟؟

[الحياة الخالدة]

زرت المانيا على سبيل المقارنة كذا مره ولاعمري شفت قطاوه يتمشون في الشوارع ولا راقدين في درام الزباله انتشار القطاوه منظر غير حضاري أبداً

أتوقع نتيجة تواجد الكلاب ( الله يعزكم ) .. نفس الملاحظة أنا لاحظتها في أمريكا .. قعدت ثلاث شهور ما شفت عينة القطوة

[مهاجر]

والقطاوه انظف من غيرهم من الحيوانات

[Dana’1]

زرت المانيا على سبيل المقارنة كذا مره ولاعمري شفت قطاوه يتمشون في الشوارع ولا راقدين في درام الزباله انتشار القطاوه منظر غير حضاري أبداً

الاوربيين والامريكا عندهم بيوت ايواء لمثل هالحيوانات سواء حكوميه او شخصيه
والناس هناك تروح وتتبنى هالقطط والحيوانات الاليفه من كذا نادر نشوفها بالشوارع هناك



الحكومه وحدها ماراح تقدر على القضاء على هالقطط وقتلها طبعا مو حل ولااظن الدين يجيز مثل هالامور بدون سبب!
لازم حكومه وجمعيات وناس يتعاونون مع بعض

[panda]

95457
خلوا القطاوى في حالهم :tease:

[ولد البدر]

القطط ( من الطوافين عليكم والطوافات )

[ضوى]

عندي في بيتي حروة 10 قطاوه ، مستانسه من وجودهم لانه يمنعون الفيران والحشرات الضاره من دخول البيت وغير هذا القطاوه مب ضاربن نحط اكلهم برع عند زباله الشارع الله يعزكم يخلصون ويدشون البيت بس مشاكلهم في الشتاء ينخشون في مكاين السيارات الله يبعد عنهم الشر

[بصمة قطرية]

الفار يخاف من القطو
و القطو يخاف من الكلب ..
طبيعي ما عندنا فيران لأن عندنا قطاوة
و الأوروبيين ما عندنا قطاوة لأن عندهم كلاب ..
القطاوة دامهم برع البيت خلهم ما في أي مشكلة
عندي في حوش البيت كم قطوة
اذا بطلع الويكيند و بنسكر باب الحوش
صاروا يفهمون و يطلعون واحنا طالعين ..

[بانغ بانغ]

الفار يخاف من القطو
و القطو يخاف من الكلب ..
طبيعي ما عندنا فيران لأن عندنا قطاوة
و الأوروبيين ما عندنا قطاوة لأن عندهم كلاب ..
القطاوة دامهم برع البيت خلهم ما في أي مشكلة
عندي في حوش البيت كم قطوة
اذا بطلع الويكيند و بنسكر باب الحوش
صاروا يفهمون و يطلعون واحنا طالعين ..

ههههه عاد عندي في الحديقة شلة قطاوة من النوع اللي مال العصابات .. واحد عينه منبطه وواحد امشمخ وواحد اعرج

عاد احيانا اودي لهم قواطي تونه .... والله ولا حد امعبر ... شبعانين من البطرة

قطاوة هالزمن .....

[بصمة قطرية]

ههههه عاد عندي في الحديقة شلة قطاوة من النوع اللي مال العصابات .. واحد عينه منبطه وواحد امشمخ وواحد اعرج

عاد احيانا اودي لهم قواطي تونه .... والله ولا حد امعبر ... شبعانين من البطرة

قطاوة هالزمن .....
خخخخخخخخخخخخخ
قطاوة عصابات .. :funny:
شبعانين من الزبايل و إنت بكرامة ..
يحليلهم قطاوتنا مدلعين و شايفين أعمارهم ..
لا و ما يخافون ..
ذاك اليوم طالعه من البيت إلا قطو واقف يطالعني
وجهه وصخ قلت له اش تبي
تدري أصبر بصورك وقف صورته عقب راح خخخخخ
اختي تقول لي عجيب يسمع الكلام ..
اقول لها اي بس شوفي وجهه شكله متهاوش في الزبالة
وانتو بكرامه ..

[أم محمد 90]

يازين القطاوة .... والله احبهم ^^

[بوخميس]

يا زين القطاوة مع اني ما احب ألمسهم.

عندنا قدام البيت يمكن 4 أجيال من القطاوة. قبل كانوا يدخلون البيت لكن الوالدة طردتهم وخلتهم قدام الباب عند الزرع. وترا القطاوة تفهم وتعرف من اهل البيت ومن الغريب.

ا

[معماري قطري]

مرة قطوة تتمشى في الدور السابع عندنا .... برج في الدفنة

اشلون دشت وفي سكيوريتي .. مادري !!!

المهم احنا ما عرفنا الا مع الصراخ في مكتب الحريم

الغريبة انها شيرازية ... الظاهر شردت من راعيها قريب سكنه

قطوة نظيفة وشيرازية سوت رعب شلون لو فار

[بانغ بانغ]

قطوة نظيفة وشيرازية سوت رعب شلون لو فار

ههههه مساكين
وصاحبتنا اتخاف من قطو ... احين الناس اتربي اسود وتماسيح ونمور واحيايه

انا مرة صورت مع حية كبيرة لفيتها على رقبتي والله ولا خفت ......

[السكين]

ذكرتونا بأيام الثانوية واحنا ناكل برا شفنا جمال وواحد معاه سندويش قرب عليهم وجرر القطيع كله داخل المدرسة ههههههههههههه صار ساحة درفت بحوش المدرسة .

توني اشوف سوق واقف الوكرة كله قطاوة .

[مختلف جداََ]

سؤال القطوة الشيرازيه تشمخ ولا لا ؟

[المحاميه]

اتمنى البلديه تسحب كل القطاوه وتفكنا منهم

[بصمة قطرية]

سؤال القطوة الشيرازيه تشمخ ولا لا ؟

على حسب ..
إذا ما حبتك بتشمخك ..

[بصمة قطرية]

اتمنى البلديه تسحب كل القطاوه وتفكنا منهم

ليش أنتي شريرة
القطاوة كيوت بالذات الريشيين :(

[نفسي عزيزه]

عندنا جيش قطاوه بالفريج

يونسون

[qatara]

اقلها تفكنا من الفيران الي فيها كل مرض

الي غاب القطو العب يافار

[بوخالد911]

محد موصخ مواترنا غيرهم.
ما يجون الا عقب ما نغسل المواتر !!!

[أم محمد 90]

سؤال القطوة الشيرازيه تشمخ ولا لا ؟

تشمخ . اذا ما حبتك او اذا حاولت تضرها او تسبحها .

[SeniorTrader]

انا اشوف القطاوه خلصوا الحمام وفروخهم

[العقل المدمر]

سؤال بس
شالمطلوب نسوي مع القطاوة ؟
يعني اذا مب عاجبينكم وهم فالاماكن العامة المفتوحة
حالهم حال الطيور والنمل وغيرهم
نذبحهم مثلا ؟! عشان نتخلص منهم ؟!
مافي مكان فالدولة يستقبل القطاوة ويعيشهم
هذول ارواحهم حالهم حالكم وفالسنة من الطوافين والطوافات
لا فيهم نجاسة ولا منهم مضرة
الحل الوحيد اذا مب عاجبينكم حتى وهم فالشارع
تستقبلونهم فبيوتكم وتربونهم لانها حيوانات اليفة
واللي فيه فوبيا يعني المشكلة فيه هو مب فالقطو
الفوبيا مرض نفسي المفروض يتعالج منه بادوية وعلاج سلوكي وغيره
مب يطالب يشيلون القطاوة كلهم من جدام عينه
اخاف باجر يجي واحد عنده فوبيا من الانسان شنسوي معاه ذي

[Al-Kuwari]

سؤال بس
شالمطلوب نسوي مع القطاوة ؟
يعني اذا مب عاجبينكم وهم فالاماكن العامة المفتوحة
حالهم حال الطيور والنمل وغيرهم
نذبحهم مثلا ؟! عشان نتخلص منهم ؟!
مافي مكان فالدولة يستقبل القطاوة ويعيشهم
هذول ارواحهم حالهم حالكم وفالسنة من الطوافين والطوافات
لا فيهم نجاسة ولا منهم مضرة
الحل الوحيد اذا مب عاجبينكم حتى وهم فالشارع
تستقبلونهم فبيوتكم وتربونهم لانها حيوانات اليفة
واللي فيه فوبيا يعني المشكلة فيه هو مب فالقطو
الفوبيا مرض نفسي المفروض يتعالج منه بادوية وعلاج سلوكي وغيره
مب يطالب يشيلون القطاوة كلهم من جدام عينه
اخاف باجر يجي واحد عنده فوبيا من الانسان شنسوي معاه ذي

لا فض فوك

+1