هل من ناصح أميــــــــن ..

[الحياة الخالدة]

السلام عليكم و رحمة الله و بركاته

صبحكم / مساكم الله بالخيـــــــر
أحببت طرح هذا الموضوع في العام .. لأن فيه جوانب دينية و اقتصادية .. أحتاج فيها إلى استشارة أكبر عدد ممكن من إخواني و أخواتي .. قبل الإقدام على أي خطوة

الموضوع إني أبي آخذ قرض شخصي لشراء عقار .. و حسابي في مصرف قطر الإسلامي
هذا القرض طبعاً بتكون عليه نسبة فائدة ( أو أي مسمى ثاني ) .. و بيكون على مدة عدة سنوات
لي صديقة نصحتني من واقع خبرتها الخاصة بالتحويل إلى بنك قطر الوطني .. على أساس أنه لو توفر لي مبلغ من المال في أي فترة من الفترات .. أقدر أسدد جزء من القرض و بتقل نسبة الفائدة أو مدة القرض
بينما لو كان القرض من البنك الإسلامي .. فنسبة الفائدة لن تتغير ولا مجال أنها تقل مهما دفعت فيما بعد

أنا طبعاً ضد فكرة التحويل لأي بنك غير إسلامي ( قناعة شخصية ما عندي مجال للنقاش فيها ) .. لثقتي التامة بأن من ترك شيئاً لله .. عوضه الله خيراً منــــــه

شوروا علي .. انتو ايش رايكم ؟؟

جزاكم الله خير

[غريب الدّار]

مرحبا يالحياة الخالدة

شوفي الله يسلمج

بالنسبة للتحويل طبعا ماانصحج

لأكثر من سبب وماراح افصّل في هالموضوع

لني باوضح لج نقطة بعد اذنج :


شوفي طال عمرج
أعتقد طبعا انتي تقصدين مسألة التسديد المبكر اللي ركزتي عليها في موضوعج


الفرق بين الإسلامي والربوي في التسديد المبكر :



بالنسبة للبنك الربوي :
لما تاخذين 100 الف ريال مثلا
بيطلع عليج المبلغ كله مع الفايدة (كمثال طبعا) 150 الف (مثلا يعني ، هاذي ارقام جزافية)

المهم
لما تجينهم مثلا بعد سنة وتبين اتسددين الباقي عليج بالكامل
هم شيسوون؟
بيقولون لج باقي عليج 120 الف مع الفايدة
لكن اذا بغيتي اتسددين بتدفعين 80 الف (مثلا)

عرفتي طال عمرج؟


يعني الفايدة كلها بتروح


هذا بالنسبة للبنك الربوي او التجاري (سميه ماشئتي)


الحين نجي للبنك الإسلامي :
نفس المثال السابق :
جيتي تاخذين 100 الف ريال

البنك الإسلامي شيسوي؟
يحسب عليج على طول 150 الف
يعني المبلغ مايكون تراكمي
لا
يحسب على المبلغ مع الفايدة

المهم

خلينا نقول انج جيتي بعد سنة تبين اتسددين
لو رجعنا للمثال السابق :
بيقول لج البنك الإسلامي باقي عليج 120 الف (وفي الغالب راح يكون المبلغ اكبر لانه يحسب كامل المبلغ) ماعلينا

بتقولين لهم انزين ابي اسدد ال 120 الف ، كم اسدد الحين ؟

البنك الإسلامي بيقول لج 120 الف !!
وعقب بنرد لج مبلغ (هم يسمونه هدية او هبة)

يعني يدفعونج المبلغ اللي باقي عليج كله مع الفايدة عقب يردون لج مبلغ (وعلى حسب علمي يقولون لج ان الهدية او الهبة مب أكيدة عى حسب رغبة البنك)


الحين الفرق وين بالنسبة للتسديد المبكر؟


البنك الربوي :
فيحالة التسديد المبكر يلغي الفايدة على طول (وياخذ عمولة بسيطة مقارنة بباقي المبلغ)


البنك الإسلامي :
مايلغي الفايدة وقت التسديد بس يقول لج يمكن نرجع لج جزء من اللي بتسددينه بعد التسديد كهدية او هبة


السموحة طولت عليج

وان شاء الله كلامي يكون واضح
هذا على حسب علمي وأتمنى حد يصلح لي ان كنت غلطان في أي معلومة ذكرتها

والله يوفقج

[بانغ بانغ]

مرحبا الشيخة انا اتعامل مع البنك الدولي الاسلامي

واخذت منهم اكثر من مرة قروض شخصية ( ايسمونها مرابحة ) وفواييدها قليلة واقساطهم مريحة

[مختلف جداََ]

اختاري أفضل عرض من بين البنوك الإسلامية

أما البنوك الربوية لو بيشترون لج البيت و بيسجلونه باسمج
وبيعطونج مليون ريال مكافأة منهم .
لا تتعاملين معاهم ، والله فلوسهم تمحق الرزق .

[المخفي]

http://www.qatarshares.com/vb/showthread.php?454014-حاسبوا-من-آلاعيب-بعض-البنوك

[مخطط قطري]

نصيحتي لج اثبتي على مبدءج خذي المصرف وتوكلي على الله وانا من مؤيدين انك تاخذ قرض لشراء عقار لانه مع الوقت سعر العقار بيرتفع وبعدين ماعليج من السوالف ترا كلهم نفس الشي الوطني المصرف الدولي في الاخير صبه كته حتى لو تلاعب في وسائل جذب الزبون في الاخير الارباح متقاربه وان كنت افضل دايمن المصرف وخصوصا انه اسلامي وابتعدي كل البعد عن اي شي ربوي مهما كانت المغريات ان شاءالله بيعطيج اياه بنص سعره وهذا طبعا خيالي ومستحيل بس لو فرضا جدلا

[لبيبة]

وعليكم السلام ورحمة الله وبركاته،

ما دام انج تحملين قناعة شخصية واعتقاد بأن الإسلامي هو الحل الوحيد، ما في أصلا مجال للاختيار بين ربا حرمه الله والإسلامي الحلال.

يعني توكلي على الله.

[المحاميه]

معليش الحياه
بس نشور عليج شنو؟

انتي تقولين ضد اي بنك غير اسلامي وبعدها تقولين شوروا علي؟

ادري انج مع البنك الاسلامي
لكنج مبدئياً قاعده تفكرين ف بنك قطر من باب انج لجأتيله ف حاجه عابره


شخصيا ماعندي شورلج والشور بيدج .. وافضل شي استخيري وشوفي قلبج شيقولج هذا ولا ذاك
وبالتوفيق حبيبتي والله يفتحها عليج

[ضوى]

بوقت من الاوقات كنت ببنك ربوي وطلعت منه ولما جيت اطلع قالوا لي عليج غرامه تسديد مبكر وخذوا علي مبلغ اكثر من القرض ووافقت لاني كنت ابي افتك من الربا ، توكلي على الله وخذي من المصرف اسمه حلال

[بن يوسف الثقفي]

اختي العقار للتجارة والربح أو للسكن

[حرف]

لاتخلين المغريات تغريج

[الحياة الخالدة]

جزاكم الله خير جميعاً .. استفدت من جميع الردود
و سأرد عليكم تباعاً بإذن الله

بس اسمحوا لي أتخطى المشاركات عشان أرد على أختي المحامية :
المشورة بالعكس فادتني و فتحت قدامي آفاق جديدة للتفكير .. و عززت من رغبتي بالبقاء في المصرف
ذكري لبنك قطر الوطني ما يعني أبداً إني فكرت فيه .. و قد يكون هدفي الآخر إيضاح الأمر ( بالإضافة لاستفادتي الشخصية ) لمن قد يقعون في نفس الإشكالية و يحتارون شيسوون

شكراً لج .. و انا بالفعل استخرت قبل لا أسوي أي شي
و ربي يجيب اللي فيه الخير

[الحياة الخالدة]

أخوي بن يوسف الثقفي : شنو راح يفرق لو كان للتجارة و الربح أو للسكن ؟؟

[بو راشد 1]

المصرف يسميها "مكافئة السداد المبكر"

[الحياة الخالدة]

مرحبا يالحياة الخالدة

شوفي الله يسلمج

بالنسبة للتحويل طبعا ماانصحج

لأكثر من سبب وماراح افصّل في هالموضوع

لني باوضح لج نقطة بعد اذنج :


شوفي طال عمرج
أعتقد طبعا انتي تقصدين مسألة التسديد المبكر اللي ركزتي عليها في موضوعج


الفرق بين الإسلامي والربوي في التسديد المبكر :



بالنسبة للبنك الربوي :
لما تاخذين 100 الف ريال مثلا
بيطلع عليج المبلغ كله مع الفايدة (كمثال طبعا) 150 الف (مثلا يعني ، هاذي ارقام جزافية)

المهم
لما تجينهم مثلا بعد سنة وتبين اتسددين الباقي عليج بالكامل
هم شيسوون؟
بيقولون لج باقي عليج 120 الف مع الفايدة
لكن اذا بغيتي اتسددين بتدفعين 80 الف (مثلا)

عرفتي طال عمرج؟


يعني الفايدة كلها بتروح


هذا بالنسبة للبنك الربوي او التجاري (سميه ماشئتي)


الحين نجي للبنك الإسلامي :
نفس المثال السابق :
جيتي تاخذين 100 الف ريال

البنك الإسلامي شيسوي؟
يحسب عليج على طول 150 الف
يعني المبلغ مايكون تراكمي
لا
يحسب على المبلغ مع الفايدة

المهم

خلينا نقول انج جيتي بعد سنة تبين اتسددين
لو رجعنا للمثال السابق :
بيقول لج البنك الإسلامي باقي عليج 120 الف (وفي الغالب راح يكون المبلغ اكبر لانه يحسب كامل المبلغ) ماعلينا

بتقولين لهم انزين ابي اسدد ال 120 الف ، كم اسدد الحين ؟

البنك الإسلامي بيقول لج 120 الف !!
وعقب بنرد لج مبلغ (هم يسمونه هدية او هبة)

يعني يدفعونج المبلغ اللي باقي عليج كله مع الفايدة عقب يردون لج مبلغ (وعلى حسب علمي يقولون لج ان الهدية او الهبة مب أكيدة عى حسب رغبة البنك)


الحين الفرق وين بالنسبة للتسديد المبكر؟


البنك الربوي :
فيحالة التسديد المبكر يلغي الفايدة على طول (وياخذ عمولة بسيطة مقارنة بباقي المبلغ)


البنك الإسلامي :
مايلغي الفايدة وقت التسديد بس يقول لج يمكن نرجع لج جزء من اللي بتسددينه بعد التسديد كهدية او هبة


السموحة طولت عليج

وان شاء الله كلامي يكون واضح
هذا على حسب علمي وأتمنى حد يصلح لي ان كنت غلطان في أي معلومة ذكرتها

والله يوفقج

أخوي غريب الدار .. أشكرك شكراً جزيلاً على الشرح المفصل
إن شاء الله فكرتك وصلت لي صح
و أول مرة أعرف سالفة الهدية أو الهبــــــة
و منكم نستفيد

جزاك الله خير

[الحياة الخالدة]

مرحبا الشيخة انا اتعامل مع البنك الدولي الاسلامي

واخذت منهم اكثر من مرة قروض شخصية ( ايسمونها مرابحة ) وفواييدها قليلة واقساطهم مريحة

حيا الله الوكراوي
أنا عندي حساب قديم ناسيته في البنك الدولي الإسلامي
يبلي أزورهم .. و أسألهم عن الموضوع
جزاك الله خير

[الحياة الخالدة]

اختاري أفضل عرض من بين البنوك الإسلامية

أما البنوك الربوية لو بيشترون لج البيت و بيسجلونه باسمج
وبيعطونج مليون ريال مكافأة منهم .
لا تتعاملين معاهم ، والله فلوسهم تمحق الرزق .

حيا الله الوكراوي الثاني المشاغب

و هذا اللي بسويه بإذن الله .. باخذ لي لفة عليهم و أشوف أحسن عرض
و شكراً للدعم المعنوي .. الله يبعدنا وياكم عن الحرام

[الحياة الخالدة]

http://www.qatarshares.com/vb/showthread.php?454014-حاسبوا-من-آلاعيب-بعض-البنوك

جزاك الله خير أخوي المخفي .. هذا الرابط أفادني كثيراً
في ميزان حسناتك إن شاء الله

[الحياة الخالدة]

نصيحتي لج اثبتي على مبدءج خذي المصرف وتوكلي على الله وانا من مؤيدين انك تاخذ قرض لشراء عقار لانه مع الوقت سعر العقار بيرتفع وبعدين ماعليج من السوالف ترا كلهم نفس الشي الوطني المصرف الدولي في الاخير صبه كته حتى لو تلاعب في وسائل جذب الزبون في الاخير الارباح متقاربه وان كنت افضل دايمن المصرف وخصوصا انه اسلامي وابتعدي كل البعد عن اي شي ربوي مهما كانت المغريات ان شاءالله بيعطيج اياه بنص سعره وهذا طبعا خيالي ومستحيل بس لو فرضا جدلا

جزاك الله خير على النصيحة الأخوية القيمـــــــة
و خلني أقول لك : أول مرة لقيت عقار و بغيت أشتريه .. رحت للمصرف عشان يشترون لي العقار
قالوا لي عطينا كل بياناته عشان نطرش مندوب يعاينه .. عاينوه و كلموني قالوا العقار تم تقييمه بهالمبلغ .. و اللي يقل بالضبط مليون عن السعر اللي طلبه مني صاحب العقار
أنا ترددت .. قلت اشدعوة بيقص علي بفرق مليون ريال .. و هونت
هالمرة نصحتني صديقتي آخذه كقرض شخصي .. يعني ما اقول لهم يشترون لي العقار .. عاد مادري جذي أحسن والا لا ؟؟ الله أعلم

و بس والله

[panda]

سؤال من فظلكم
اذا طلبت سلفية من بنك إسلامي يعني حلال 100%؟

[<اضرب واشرد>]

جزاك الله خير على النصيحة الأخوية القيمـــــــة
و خلني أقول لك : أول مرة لقيت عقار و بغيت أشتريه .. رحت للمصرف عشان يشترون لي العقار
قالوا لي عطينا كل بياناته عشان نطرش مندوب يعاينه .. عاينوه و كلموني قالوا العقار تم تقييمه بهالمبلغ .. و اللي يقل بالضبط مليون عن السعر اللي طلبه مني صاحب العقار
أنا ترددت .. قلت اشدعوة بيقص علي بفرق مليون ريال .. و هونت
هالمرة نصحتني صديقتي آخذه كقرض شخصي .. يعني ما اقول لهم يشترون لي العقار .. عاد مادري جذي أحسن والا لا ؟؟ الله أعلم

و بس والله

السلام عليكم
صديقة سوء، تدعوك لقرض ربوي!!
أعوذ بالله منها
____
المصارف لاتعطي قروض، إنما بالمرابحة
تقيّم السلعة(العقار)..ثم تشتريه..ثم تبيعه لك بمبلغ أعلى، وتقسطه على عدة سنين
هل إذا اشتريت (رقم مميز) وبعته بعد أسبوع على صديق بربح 20%، هل أكون وقعت في الربا!!

[غريب الدّار]

سؤال من فظلكم
اذا طلبت سلفية من بنك إسلامي يعني حلال 100%؟
بعد اذن صاحبة الموضوع راح ارد (مع اني اشوف ان السؤال ماله علاقة مباشرة بالموضوع ):

اذا كان المقصود بانه حلال 100% ان مافيه شبهة : فكل بنك إسلامي المفروض فيه هيئة شرعية ، وراي الهيئة ان القرض حلال 100%

طبعا مب رايي انا ، انا نقلت رأي الهيئة الشرعية

لان لو ماكان حلال 100% كيف راح يكون البنك إسلامي اصلا؟

هذا اذا افترضنا اخوي (او اختي) باندا ان السؤال معناه ان في شبهة ولا لا

اما اذا كان القصد من السؤال شيء آخر يرجى توضيحه بعد اذن صاحبة الموضوع

وشكرا

[ابن البيطار]

لاتشترين اي عقار سكني الان الا اذا كنتي مضطره جدا جدا . العقارات ستتراجع بعد تراجع الاسهم وتراجع اسعار النفط وهي فعلا بدائت بالتراجع ولكن بنسب بسيطه واتوقع التراجع الاكبر سيكون مع اعلان ميزانية 2016 بعد شهر تقريبا من الان .

[بصمة قطرية]

خلج على قناعتج
إبتعدي عن أي شي ربوي عشان ربي يبارك لج ..
الربا ما فيه خير ..
و نقمه على صاحبه ..

[panda]

بعد اذن صاحبة الموضوع راح ارد (مع اني اشوف ان السؤال ماله علاقة مباشرة بالموضوع ):

اذا كان المقصود بانه حلال 100% ان مافيه شبهة : فكل بنك إسلامي المفروض فيه هيئة شرعية ، وراي الهيئة ان القرض حلال 100%

طبعا مب رايي انا ، انا نقلت رأي الهيئة الشرعية

لان لو ماكان حلال 100% كيف راح يكون البنك إسلامي اصلا؟

هذا اذا افترضنا اخوي (او اختي) باندا ان السؤال معناه ان في شبهة ولا لا

اما اذا كان القصد من السؤال شيء آخر يرجى توضيحه بعد اذن صاحبة الموضوع

وشكرا
بعد إذن صاحبة الموضوع الله يطول في عمرها
الله يسترك اخوي على الجواب . هذا ما قصدته

[المحاميه]

اشكرج على الرد والتوضيح اختي الحياه
والحمدلله انج استفدتي من النصايح اللي جاتج والله يكتبلج اللي فيه الخير ..

وانا مش قصدي شي بس الجمل اللي اخترتيها متضاربه يعني شي ينهي الموضوع وشي يثيره ..

[Dana’1]

أنصحك بالإسلامي حتى لو الفايده اعلى من فايدة البنك الربوي وعروض الربوي مغريه بس سبحان الله ممحوقه ما فيها بركه

اذا فيك تحولين اختاري افضل العروض من البنوك الاسلاميه
وباليوم الوطني يقدمون عروض زينه عالقروض

موفقه حبيبتي

[BUHASSEN]

اختي ابعدي عن البنوك الربويه تري مامنه الا البهدله وقلة البركه

خذي لفه عالبنوك ومن تجربه حاليه في المديونيات البنك الدولي الاسلامي وبنك بروه من افضل البنووك

انا اذكر بنك بروه قبل تقريبا سنه اعرضو عي علي ربح 2.4% علي قرض عقاري بس كنسلت الفكره جربيهم لان الدولي صحيح ارباح قليله بس خدماتهم تعبانه من قلب

والله يكتب الي فيه لخير

[كشمه]

بدون ما اقرى اي رد .. وبحكم خبرتي الطويلة في الربوي أجاركم الله منه .. فري منه كفرارك من المجذوم

كلمة واحدة فقط مني لكم جميعا .. تختار بين اثنين .. اما البركة , واما الربا .

[كشمه]

ان شالله تقعدين بدون عقار ل.. اختي لا تقربين الربا مهما كانت المغريات

[الحياة الخالدة]

وعليكم السلام ورحمة الله وبركاته،

ما دام انج تحملين قناعة شخصية واعتقاد بأن الإسلامي هو الحل الوحيد، ما في أصلا مجال للاختيار بين ربا حرمه الله والإسلامي الحلال.

يعني توكلي على الله.

أكيد أختي لبيبة .. مافي مجال للاختيار .. لأني لو سويتها بكون أظلم نفسي

يزاج الله خير

[شبح الصمت]

الله يسهل لج امورج يالحياه ..

ودي افيدج ببس الاعضاء والعضوات ما قصرووا


والله يرزقج ويبارك لك في حلالك واهلك قبل كل شيء ومالك

[الحياة الخالدة]

بوقت من الاوقات كنت ببنك ربوي وطلعت منه ولما جيت اطلع قالوا لي عليج غرامه تسديد مبكر وخذوا علي مبلغ اكثر من القرض ووافقت لاني كنت ابي افتك من الربا ، توكلي على الله وخذي من المصرف اسمه حلال

الله يعوضج خير حبيبتي ضوى .. وانا متأكدة الحين أن ضميرج مرتاح من هالناحية
تسلمين

[الحياة الخالدة]

اختي العقار للتجارة والربح أو للسكن

أرجع و أسأل أخوي يمكن ما انتبهت لسؤالي السابق : شنو يفرق لو كان للتجارة أو للسكن ؟؟

[الحياة الخالدة]

لاتخلين المغريات تغريج

لا توصي حريص أخوي حرف

[الحياة الخالدة]

المصرف يسميها "مكافئة السداد المبكر"

جزاك الله خير .. أول مرة أدري عن هالمكافأة مثل ما قلت حق أخوي غريب الدار

[بوخميس]

نفرض مثلا العقار قيمته 3 ملايين
الاسلامي بيشتريه لج بالمرابحة نقول مثلا بنسبة 4% على 6 سنوات يعني 120 ألف في السنة بمجموع 720 ألف
يعني بيحسبون لج المديونية 3 ملايين و720 ألف. وهذا من البداية.

لكن لو قرض ربوي قيمته 3 ملايين. راح تكون نسبة ربا على كل قسط شهري وكل سنة تتغير نسبة الفائدة الربوية.

البنك الربوي لو سددتي مبكر راح ياخذون منج فلوس لانج فوتي عليهم ربح. واذا تأخرتي في السداد يا ويلج. واذا أجلتي قسط راح يقطونه آخر المديونية وياخذون عليه فايدة على كل المدة.

البنك الاسلامي لو سددتي مبكر بيعطونج مكافأة سداد مبكر. يعني لو سددتي الباقي من المديونية بعد 3 سنوات، راح يرجعون لج الربح اللي حسبو على المدة المتبقية. وبتكونين كأنج خذتي مديونية على 3 سنوات بس. ولو أجلتي القسط ما ياخذون ريـال زيادة.

ما اشوف أي وجه مقارنة، وما تجوز المقارنة بين الحلال والحرام.

مع تحفظي على (اجراءات) البنوك الاسلامية.

[العربية نت]

سؤال اخونا الثقفي في محله والفرق كبير اذا للسكن فانتي مجبره للسكن والاستقرار والبعد عن تعب الاجارات ولكن اذا استثمار فهنا حسبه ثانيه وهي الجدوى الاقتصاديه من ذلك يعني كم مدة السداد ومتى سوف تبدأين في جني الارباح اذا وجدت:)

[العربية نت]

واضيف ان القروض العقاريه تختلف عن القروض العاديه لان فوايدها مرتفعه لطول فترة السداد

[معماري قطري]

يا حلو ما نسمع عن البنوك الإسلامية ويا شين معاملتهم في الواقع يحسسونك كأنك بتاخذ هبة من عندهم

[qtr-2]

معليش الحياه
بس نشور عليج شنو؟

انتي تقولين ضد اي بنك غير اسلامي وبعدها تقولين شوروا علي؟

ادري انج مع البنك الاسلامي
لكنج مبدئياً قاعده تفكرين ف بنك قطر من باب انج لجأتيله ف حاجه عابره


شخصيا ماعندي شورلج والشور بيدج .. وافضل شي استخيري وشوفي قلبج شيقولج هذا ولا ذاك
وبالتوفيق حبيبتي والله يفتحها عليج

الاستخارة تكون في المندوبات والمباحات
جاء في الموسوعة الفقهية: فالاستخارة لا محل لها في الواجب والحرام والمكروه وإنما تكون في المندوبات والمباحات،
والاستخارة في المندوب لا تكون في أصله لأنه مطلوب وإنما تكون عند التعارض أي إذا تعارض عنده أمران أيهما يبدأ به أو يقتصر عليه، أما المباح فيستخار في أصله.


بهذا تعلم أنه لا يصح أن يستخير المسلم ربه هل يفعل الحرام أم لا



حكم الاستخارة في فعل الحرام


http://fatwa.islamweb.net/fatwa/index.php?page=showfatwa&Option=FatwaId&Id=93254

[شموخ دائم]

,

,


مرحبا

يالتوفيق لك وماخاب من استشار

بعد التوكل على الله وبعد صلاه الاستخاره

بلاشك ان المصرف هو الخيار الافضل واتفق مع هذا الراي تمام الاتفاق

مهما كان فيه من بعض السلبيات يبقى هو من الخيارات الافضل

الان انا تعليقي ليس على البنوك او المصارف

انا حاب اضيف ان الاختيار ( العقار ) هو الموضوع المهم الان
والقدره على السداد الدفعه الاولى والاقصاد الشهريه


اختيار العقار


اقصد من ناحيه ( المنطقه ) يكون فيها خدمات ولها مستقبل جيد والعقار يكون جديد

والعائد منه يكون ( ممتاز )

لان لكل منطقه سعر ولكل منطقه مميزاتها التي تختلف عن الاخرى

اذا كان سكني ( قربه ) من المدارس والمولات وفيه بنيه متكامله تحتيه من شوارع وباقي الخدمات هذا ميزه ممتازه جدا

بينما هناك سكن بعيد عن هذه الخدمات وغير مرغوب فيه ( للايحار ) او السكن

وجود العقار على شارع ( عريض ) 24 متر واكثر افضل من وقوع العقار على شارع صغير 16 متر

واهل االعقار يعرفون هذه المميزات

وجود العقار على زاويه شارعين افضل من وجود العقار بالوسط بين عقارين
فالزاويه تعطي خيار افضل لشكل العقار يكون باين
وامامه شارعين للمواقف وله خصوصيه اكثر


القدره على السداد

1- سلفه العقار مشكلتها ( الدفعه الاولى ) المقدمه من الزبون للبنك وتقدر ب 30 % من قيمه العقار
لو العقار ب 2 مليون مطلوب من الزبون يدفع 600 الف مقدم للبنك
وباقي 1 مليون و 400 الف تقصد له

2- القرض الشخصي ( غير ملزوم ) بدفع شي للبنك مقدما

ولذلك يعتمد على ( وضع ) الشخص المادي وقدرته على الاختيار من الخيارين

3- قيمه القصد الشهري تقتطع من ( الراتب ) فهل الزبون قادر على التسديد بدون ما يثقل كاهله
اذا ما اخذنا بالاعتبار المتبقي من الراتب واذا مايوجد عليه التزامات اخرى مثل قصد السياره ومتطلبات الحياه



فكره شراء عقار ممتازه جدا جدا وافضل مايمكن ان يقدم عليه الانسان في قطر

بالتوفيق لك

,

,

[السمسمه]

والله انا مع شموخ دائم ،،،
بخصوص العقار وانا اضيف لو العقار تم شراؤه من البنك عن طريق الاقساط فأن ايجار العقار راح يغطي الاقساط الي في البنك ،،،وانا شخصيا عملت هذا الشئ وكنت اصفى من الايجار بشئ بسيط حتى تم الانتهاء من الاقساط وصار الايجار حر ،،، واتمنى التوفيق للجميع ان شاء الله ،،،

[السمسمه]

للعلم بأني تعاملت مع مصرف قطر الاسلامي بخصوص العقار ،،،،
وانا عن نفسي انصح الجميع بالتوجيه للعقار لان استثمار ممتاز لان عندي بعض العقارات ومردود زين اللهم لك الحمد والشكر يارب ،،،

[بوخالد911]

يمحق الله الربا ويربي الصدقات.

استمري ع البنوك الاسلامية
وابتعدي عن الربوية.
والله الموفق.

[الحياة الخالدة]

السلام عليكم
صديقة سوء، تدعوك لقرض ربوي!!
أعوذ بالله منها
____
المصارف لاتعطي قروض، إنما بالمرابحة
تقيّم السلعة(العقار)..ثم تشتريه..ثم تبيعه لك بمبلغ أعلى، وتقسطه على عدة سنين
هل إذا اشتريت (رقم مميز) وبعته بعد أسبوع على صديق بربح 20%، هل أكون وقعت في الربا!!

و عليكم السلام و رحمة الله و بركاته
هي لها أشياء كثيرة زينة .. أدعو لها بالهداية بخصوص هالموضوع .. و الحمد لله الذي أنعم علينا بعقول واعية تميز الخطأ من الصواب

-------

يعني لما اروح البنك ما أقول لهم أبي قرض ؟؟ عيل شقول
إذا أنا أبي بس فلوس .. مابيهم يشترون لي شي
و بخصوص سؤالك الأخير : من وجهة نظري المتواضعة .. ما يعتبر ربا .. انت قاعد تتاجر بالرقم
والله أعلم

[بريق الحق]

الحديث عن شراء الارقام فيه كلام مطوول اخوي اضرب اتمنى ترجع له

ربي يرزقكم الرزق الحلال يارب

[الحياة الخالدة]

سؤال من فظلكم
اذا طلبت سلفية من بنك إسلامي يعني حلال 100%؟


بعد اذن صاحبة الموضوع راح ارد (مع اني اشوف ان السؤال ماله علاقة مباشرة بالموضوع ):

اذا كان المقصود بانه حلال 100% ان مافيه شبهة : فكل بنك إسلامي المفروض فيه هيئة شرعية ، وراي الهيئة ان القرض حلال 100%

طبعا مب رايي انا ، انا نقلت رأي الهيئة الشرعية

لان لو ماكان حلال 100% كيف راح يكون البنك إسلامي اصلا؟

هذا اذا افترضنا اخوي (او اختي) باندا ان السؤال معناه ان في شبهة ولا لا

اما اذا كان القصد من السؤال شيء آخر يرجى توضيحه بعد اذن صاحبة الموضوع

وشكرا


بعد إذن صاحبة الموضوع الله يطول في عمرها
الله يسترك اخوي على الجواب . هذا ما قصدته

لا بالعكس .. خذوا راحتكم
أهم شي الاستفادة للجميـــــــع

[الحياة الخالدة]

لاتشترين اي عقار سكني الان الا اذا كنتي مضطره جدا جدا . العقارات ستتراجع بعد تراجع الاسهم وتراجع اسعار النفط وهي فعلا بدائت بالتراجع ولكن بنسب بسيطه واتوقع التراجع الاكبر سيكون مع اعلان ميزانية 2016 بعد شهر تقريبا من الان .

أنا الصراحة مو مضطرة .. اللهم لك الحمد ولك الشكر
جزاك الله خير على نصيحتك القيمـــــــة

[غريب الدّار]

لا بالعكس .. خذوا راحتكم
أهم شي الاستفادة للجميـــــــع

جزاج الله خير يالحياة ورحم الله والديج على هالكلام

والله في نقطة ابي اوضحها بس علشان مايكون فيها أي لبس :


بالنسبة للتسديد المبكر :

قبل كانت البنوك تأخذ عمولة على التسديد المبكر على كيفها
وكل بنك يفرق عن الثاني

من كم سنة المصرف المركزي حدد نسبة التسديد المبكر

اعتقد صارت 1% (وماني متأكد بصراحة بس هذا اللي اذكره)
يعني متاكد ان المصرف المركزي حدد النسبة بس كم الحين بالضبط مادري

الحين :
بالنسبة للتسديد المبكر في الربوي والإسلامي :

ترى ماتفرق ابد

بل بالعكس
الربوي أوضح واسهل

هاذي مب دعاية للربوي بس الله امرنا نقول الحق
اللي يبي يمدح الإسلامي كيفه
بس يمدح بالحق

طيب شنو الوضع عند التسديد المبكر ؟

البنك الربوي :
يأخذ عمولة على المبلغ بدون فايدة ومايعطي العميل أي شي لانه أصلا خصم الفايدة
فالعميل لما يجي يسدد يطلبون منه المبلغ بدون الفايدة


البنك الإسلامي :
يأخذ المبلغ كامل مع الفايدة
وعقب يقول لك بارجع لك


يعني نفس الشي بالضبط

ولتوضيح ذلك:
الحالة الأولى : اطلب منج يالحياة الخالدة 100 ريال وعقب دقيقة ارجع لج 100 ريال (وطبعا لما ارجعها اسميها مكافأة أو هبة او اللي هي)
هل خسرتي شي؟

الحالة الثانية :
مااطلب منج أي شي على الاطلاق
هل خسرتي شي؟


الحالة الأولى تنطبق على البنك الإسلامي
والحالة الثانية تنطبق على البنك الربوي

في الحالتين تقريبا نفس الشي
مع ملاحظة ان في حالة التسديد في البنك الإسلامي يكون في صعوبة لانهم يطلبون المبلغ كامل والعميل في الغالب مايكون يملكه
اما الربوي فيطلب المبلغ بدون فايدة



ملاحظة : الكلام أعلاه ليس دعاية لاي بنك ربوي او نظام ربوي
وانا (واعوذ بالله من كلمة انا) انصح الجميع بالابتعاد عن البنوك الربوية مع العلم ان هناك يمكن من له آراء فيها
لكن النصيحة للجميع انه يبتعد ويروح البنوك الإسلامية لسبب واحد فقط : علشان الشبهات

والله يوفق الجميع

[الحياة الخالدة]

خلج على قناعتج
إبتعدي عن أي شي ربوي عشان ربي يبارك لج ..
الربا ما فيه خير ..
و نقمه على صاحبه ..

صدقتي أختي بصمــــــة
الله يبعدنا و ياكم عن الحرام

[الحياة الخالدة]

اشكرج على الرد والتوضيح اختي الحياه
والحمدلله انج استفدتي من النصايح اللي جاتج والله يكتبلج اللي فيه الخير ..

وانا مش قصدي شي بس الجمل اللي اخترتيها متضاربه يعني شي ينهي الموضوع وشي يثيره ..

اسمحي لي أختي إذا ما قدرت أوصل قصدي بطريقة صحيحة
يزاج الله خير

[بوجبر]

جميع الاخوان لم يقصرو


حاليا العقار هو الملاذ الأمن

[راعي الكورفت]

السلام عليكم ورحمة الله وبركاته.


اشلون بنك اسلامي وياخذ فايده ؟؟:eek5:


لو المصرف الاسلامي يعطي الواحد قرض 100 الف كاش !!!! ويطلب ترجع 100 الف وحتى لو طلب ريال واحد فوق القرض !!
فهذا ربا صرييييييييح بغض النظر مسمى البنك اسلامي او تجاري هذا تحايل على الشريعه وكلهم بنوك ربويه.


والحمدلله عمري ما طلبت قرض كاش من البنوك ولا افكر اطلب وعقوبة الربا عظيمه بالاسلام وهي من السبع الموبقات وايات كثيره شددت على حرمة الربا .



(( يَا أَيُّهَا الَّذِينَ آمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِنْ كُنْتُمْ مُؤْمِنِينَ* فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ ))

وقال صلى الله عليه وسلم "لعن الله آكل الربا وموكله وكاتبه وشاهديه. وقال: هم سواء" رواه مسلم .







لو قرض من دون فايده فبنك التنميه يمول لبناء العقار من دون فوائد .





تقبلوا تحياتي / راعي الكورفت :)

[غريب الدّار]

السلام عليكم ورحمة الله وبركاته.


اشلون بنك اسلامي وياخذ فايده ؟؟:eek5:


لو المصرف الاسلامي يعطي الواحد قرض 100 الف كاش !!!! ويطلب ترجع 100 الف وحتى لو طلب ريال واحد فوق القرض !!
فهذا ربا صرييييييييح بغض النظر مسمى البنك اسلامي او تجاري هذا تحايل على الشريعه وكلهم بنوك ربويه.


:)
وعليكم السلام

اخوي مثل ماهو مذكور في احدى المداخلات :
البنك الإسلامي يدخل معاك في مرابحة
يعني :
العقد اللي بينك وبينه يكون عقد شراء سلعة معينة (حديد / نحاس / أسهم / سيارة)

البنك الإسلامي يشتريها ويرد يبيعها عليك مع (أرباح)

هذا نظام البنوك الإسلامية بشكل عام على حسب علمي

يعني مايعطيك فلوس ويطلبك ترجعها فلوس

لان بيع النقود بالنقود حرام

وعلى فكرة اخوي :
على حسب علمي (ويمكن أكون غلطان) ان حتى البنوك اللي تعطي قرض حسن تعطيه بشروط

وفي الغالب مبلغ القرض مايكون عالي وايد
لان البنك اذا عطى قروض حسنة بمبالغ كبيرة اول شي في مخاطرة كبيرة وثاني شي راح يفلّس أصلا !!

[غايه الطواش]

الحرامي اموره سهالات وبتمشي فالدوحه عرض وطول

[الحياة الخالدة]

الحرامي اموره سهالات وبتمشي فالدوحه عرض وطول

أتوقع أختي مغلطة في الموضوع

[<اضرب واشرد>]

يعني لما اروح البنك ما أقول لهم أبي قرض ؟؟ عيل شقول
إذا أنا أبي بس فلوس .. مابيهم يشترون لي شي


السلام عليكم
تبين (بس فلوس) حق شنو بالضبط؟
إذا مبلغ 500 ألف مثلا، البعض يأخذ من أي مصرف إسلامي (قرض سيارة)
المصرف يشتري السيارة ثم يبيعها بالتقسيط، فيروح (العميل) يبيعها بقراطيسها بخسارة بسيطة.. عشان يسيل له 480 مثلا ويسوي فيها اللي يبي، ويسددها أقساط طبعا.
هذي الطريقة يسويها لأن المصرف مايعطي (قرض ربوي)، لازم يشتري سلعة ويرجع يبيعها للعميل

الحين إذا تبين تشترين عقار للإستثمار، الأفضل يكون جاهز للإيجار أو مؤجر، عشان تسددين أقساط المصرف على 5-7 سنين من 1)معاشج 2)إيجار العقار
وبعد 5-7 سنين يكون سعر العقار ارتفع 70-100% ((الله أعلم هذا في علم الغيب لكن بافتراض تواصل ارتفاع الأسعار مع تواصل نمو السكان ونمو الإقتصاد))

[ابن البيطار]

جميع الاخوان لم يقصرو


حاليا العقار هو الملاذ الأمن

غير صحيح وبشهادة اصحاب مكاتب العقار والاقتصاديين . الملاذ الامن هو الكاش والذي تزداد قوته مع ارتفاع الدولار مقابل العملات الاخرى ومتوقع ارتفاع اكبر بعد رفع الفائده على الدولار .حتى الذهب ليس الملاذ الامن الان ومتوقع استمرار تراجعه تحت مستوى 1000 دولار .

[غايه الطواش]

أتوقع أختي مغلطة في الموضوع

هههههههههه اي والله مغلطه من الزين

[مخطط قطري]

غير صحيح وبشهادة اصحاب مكاتب العقار والاقتصاديين . الملاذ الامن هو الكاش والذي تزداد قوته مع ارتفاع الدولار مقابل العملات الاخرى ومتوقع ارتفاع اكبر بعد رفع الفائده على الدولار .حتى الذهب ليس الملاذ الامن الان ومتوقع استمرار تراجعه تحت مستوى 1000 دولار .

امحق شهاده استدليت عليها اصحاب مكاتب العقار مب مقياس بوجبر كلامه صحيح افضل ملاذ هو العقار لا ذهب ولا كاش ولا اسهم .... الكاش ملك اذا عرفت توظفه صح بس اذا خليته هشكل تقل قوته الشرائيه على المدى البعيد

[بوجبر]

غير صحيح وبشهادة اصحاب مكاتب العقار والاقتصاديين . الملاذ الامن هو الكاش والذي تزداد قوته مع ارتفاع الدولار مقابل العملات الاخرى ومتوقع ارتفاع اكبر بعد رفع الفائده على الدولار .حتى الذهب ليس الملاذ الامن الان ومتوقع استمرار تراجعه تحت مستوى 1000 دولار .

مع التضخم لا افضل الاحتفاض بالكااااااش

والدلالين ومكاتب العقار لا اثق فيهم

[H H]

شراء العقار في هالفتره يحتاج لتفكير عميييييييييق.
العقار وضعه موب طيب ابددددددد هالفتره ونقدر نقول عنه انه بيلفظ انفاسه ويسقط صريعاً عما قرييييب وبيوصل لاسعار مناسبه.

[المخفي]

نصيحة اخ لا تشترين عقار اذا كان للاستثمار اذا سكن الافضل الانتظار بداية السنة الجديدة

[الحياة الخالدة]

الله يجزاكم خير جميع
مستفيدة جداً من نقاشكم
بس ارد البيت برد عليكم ان شاء الله
حالياً متابعة

عساكم عالقوة

[الحياة الخالدة]

أنصحك بالإسلامي حتى لو الفايده اعلى من فايدة البنك الربوي وعروض الربوي مغريه بس سبحان الله ممحوقه ما فيها بركه

اذا فيك تحولين اختاري افضل العروض من البنوك الاسلاميه
وباليوم الوطني يقدمون عروض زينه عالقروض

موفقه حبيبتي

صحيح أختي ديور .. يقدمون عروض مغرية ينساق وراءها الكثيرون عن جهل أو تساهل أو عن طمع
نسأل الله لنا و لهم الهداية
خلاص ننتظر عروض اليوم الوطني :victory:

تسلمين يا غالية

[الحياة الخالدة]

اختي ابعدي عن البنوك الربويه تري مامنه الا البهدله وقلة البركه

خذي لفه عالبنوك ومن تجربه حاليه في المديونيات البنك الدولي الاسلامي وبنك بروه من افضل البنووك

انا اذكر بنك بروه قبل تقريبا سنه اعرضو عي علي ربح 2.4% علي قرض عقاري بس كنسلت الفكره جربيهم لان الدولي صحيح ارباح قليله بس خدماتهم تعبانه من قلب

والله يكتب الي فيه لخير
إي والله ما وراها إلا قلة البركة
إن شاء الله لما أقرر أشتري بسوي لفة على البنوك الاسلامية و اختار العرض الأفضل و في نفس الوقت الخدمات الجيدة
جزاك الله خير


بدون ما اقرى اي رد .. وبحكم خبرتي الطويلة في الربوي أجاركم الله منه .. فري منه كفرارك من المجذوم

كلمة واحدة فقط مني لكم جميعا .. تختار بين اثنين .. اما البركة , واما الربا .


ان شالله تقعدين بدون عقار ل.. اختي لا تقربين الربا مهما كانت المغريات
و هل هناك مجال للاختيار بين الحلال و الحرام .. أو الجنة و النار !!

جزاك الله خير