التجاهل من التحذيرات بحالة الطقس ؟؟؟

[ابن الرومي]

لماذا هذا التجاهل بشان التحذيرات بحالة الطقس

والامطار الرعدية

وما ذنب ابنائنا الذهاب للمدارس

هل من الصعب اعطائهم اجازة لهذا اليوم العاصف

هل سينقص من علمهم

ام ننقص من حياتهم

؟؟؟

الدول المجاورة وبناءً على التحذيرات جعلوا هذا اليوم اجازة وذلك بسبب التحذيرات

ونحن لا يهمنا

[العملة النادرة]

مدرسة اليهال في المرخيه والله ما تقدر تدخل من صوب المدخل رجعتهم البيت ...
خلاص احنا ناخذ القرار اامن للاطفال يكونون في المنزل هاليومين .

[غير البشر]

انا مدرسه اعيالي رجعوهم كلهم عطوهم اجازه

[ضوى]

طرشوا مسجات خذوا عيالكم

[بعيد النظر]

كلامك صحيح 100% ..
ومستغرب شينطرون عشان يعطون الطلاب إجازة !


واحيي الناس اللي خلو عيالهم رقود !

[ضوى]

بالعكس يا بعيد النظر

حلو يقعدون ويشوفون هالحبا الحلو تراهم محرومين يا عساها سقيا خير ورحمه

[qrt_trading]

أنا مدرسة عيالي اتصلت أسألهم هل أنروح ناخذهم قالوا لا الأمور طيبة وما يحتاج.

[بعيد النظر]

بالعكس يا بعيد النظر

حلو يقعدون ويشوفون هالحبا الحلو تراهم محرومين يا عساها سقيا خير ورحمه


اكييييييييد .. اللي اقصده ان الابو يجوف الجو ويقولهم اليوم اجااازة من عندي !

[ابن الرومي]

الوضع غير طبيعي

والشوارع اغرقت وتسكرت

يعني الي عنده سيارة صالون ما راح يقدر يأخذ
اعياله من المدارس

[Dana’1]

انا ماوصلني منهم اي شي !!
اتوقع هالمسجات من بعض المدارس الي تعرضت لاعطال فنيه تسريب مياه او غيرها

[qrt_trading]

لا وصلني الحين مسج يقول اللي في ابتدائي 9.30 والإعدادي 10 والثانوي 11 هذي تعميم من المجلس الأعلى

[Dana’1]

لا وصلني الحين مسج يقول اللي في ابتدائي 9.30 والإعدادي 10 والثانوي 11 هذي تعميم من المجلس الأعلى

انا تو الحطن وصلني مسج اعدادي 11
شسالفه حتى بالوقت مو متفقين^_^

[مرتبش]

المدرسة مطرشين الحين اخذو عيالكم... وانا بعدني ماوصلت الدوام في منطقة الابراج.. كيف وشلون اقدر ارجع لهم الحين في الزحمة

[abu m7md]

اللهم انا استودعناك فلذات اكبادنا يامن لا تضيع ودائعه

[العنيده]

الله يحفظهم ان شاء الله ..

[شبح الصمت]

اللهم انا استودعناك فلذات اكبادنا يامن لا تضيع ودائعه



اللهم آمين

[العنيده]

المدرسة مطرشين الحين اخذو عيالكم... وانا بعدني ماوصلت الدوام في منطقة الابراج.. كيف وشلون اقدر ارجع لهم الحين في الزحمة

كان مفروض من البدايه يعطونهم اجازه احنا خذنا فوق الساعه ونص عشان نوصل الحين الوقت اللي يحتاجه الاهالي كم في الرده :) واغلب الشوارع مسكره

[ابن الرومي]

يعني يوم تكلمنى بمواقع التواصل الاجتماعي

وشوفوا الوضع غير طبيعي

نزلوا تعميم مواعيد الانصارف

كان من قبل

هذا خطا بتجاهل اي تحذير

[ya3coub]

المنطق غلط

ليش انا كولي امر انقع بالزحمة و الأعصاب و اذا سيارتي صغيرة اعاني و اذا سيارتي فورويل بعد اعاني من السيارات الصغيرة الي حولي و وين اوقف انزل عيالي و بعدها اوصل دوامي و متأخر و يوصلني مسج تعال خذ عيالك


هاي قمة المهزلة

لا يبا داومو و خلكم مع الطلاب الي موجودين و الي بيطلع براحته.

الناس مو فاضية

[راعي الكورفت]

نبي اجازه رسميه بكره الخميس لجميع القطاعات في الدوله .

نبي نستانس :weeping:

[مختلف جداََ]

شكله مناحس بين المجلس الأعلى للتعليم و المرور

تو العالم وصلت مكاتبها وافتكت من الزحمة

رجعوهم الشارع مرة ثانية
خخخخخ

[ابن الرومي]

والله اوصلتني صور
للشوارع على الوتس اب

ووضع الشوارع بالوقت الحالي

[غير عنهم]

المفروض اليوم يتم تعليق المدارس واعطاء تعليمات للبلديه بالعمل على قدم وساق من فجر اليوم لسحب المياه من الشوراع لان المناطق نصها بدون تصريف مياه والنص الاخر فيها انسداد

[ابن الرومي]

والله في مدارس اغرقت

شنو هذا الاهمال في التحذيرات

[ابن الرومي]

يعني اليوم لو كانوا معطلين

كان ما في زحمة ولاسيارات اغرقت

ولا الطلاب توهقوا وما نعرف الحين شلون ناخذهم



الرجاء الجدية باي تحذيرات مستقبلية

مب لا معليه وماراح يصير شي

[أم محمد 90]

انا امي اليوم قالت لكل اخواني لحد يداوم ولحد يروح المدرسه .

بس انا مكافحة قمت ووصلت الدوام والحين خايفة اطلع . افكر شلون برجع البيت

[بريق الحق]

ههههه الي عنده تويوتا وبوحوض اموره طيبه راحت عليكم يالبقيه

[بصمة قطرية]

عيالي توهم واصلين البيت
و اللي في الإعدادي لاحين ما وصلوا
الله يحفظهم و يحفظ الجميع ..

مافي دوام روحوا إخذوا عيالكم ..

[مختلف جداََ]

المفروض الداخلية هي اللي تقرر إجازات المدارس في هالظروف
كان خفت الزحمة وايد في الشوارع و ما تلتهنا مع عيالنا

[ابن الرومي]

يعني ماشاء الله من كثر ما يجينى المطر

مرى او مرتين بالسنة يجينى تحذير

وعندهم مبدى لا مايصير ياخذون اجازة

يعني الحين نلحق اعيالنا ولا بيوتنا ما دري شنو صار فيها

شنلحق ولا نلحق

بس والله نحن ملتزمين ومدوامين والله يستر وقت نرجع بيوتنا

[qatara]

يعني ماشاء الله من كثر ما يجينى المطر

مرى او مرتين بالسنة

وعندهم مبدى لا مايصير ياخذون اجازة

يعني الحين نلحق اعيالنا ولا بيوتنا ما دري شنو صار فيها

شنلحق ولا نلحق

بس والله نحن ملتزمين ومدوامين والله يستر وقت نرجع بيوتنا


ماعليكم ولا عليهم شر كلها مطره خفيفه

قبل تتم لمطار باليومين والثلاث وبالسبوع
ديمه تحلب اسبوع كامل

والله الحافظ

[بنت شرق]

انا اركب صالون اتصل بمن اذا غرقت السيارة

[مختلف جداََ]

انا اركب صالون اتصل بمن اذا غرقت السيارة

خفر السواحل http://store1.up-00.com/2015-05/1432647722011.gif

[مختلف جداََ]

انا اركب صالون اتصل بمن اذا غرقت السيارة

الله يحفظج أختي

[حرف]

فيه نوع من الامبالاه من قبل بعض المسئولين عندنا
خلاص فيه تحذيرات جويه ليش تخلون اطفال يدرسون ؟
حتى رجوعهم بدري بعد فيه خطر

[ابن الرومي]

على المجلس الأعلى
متابعة التحذيرات بحالة الطقس
اذا الأرصاد الجوية القطرية لم تحذر مراقبة التحذيرات العالمية

الموضوع ما نبيه يتكرر

والحق ما تلحق باخر الوقت

واستلموا اعيالكم من المدارس
ونحن في دوامتنا

[بصمة قطرية]

على المجلس الأعلى
متابعة التحذيرات بحالة الطقس
اذا الأرصاد الجوية القطرية لم تحذر مراقبة التحذيرات العالمية

الموضوع ما نبيه يتكرر

والحق ما تلحق باخر الوقت

واستلموا اعيالكم من المدارس
ونحن في دوامتنا

هاي اللي حاصل و أعلنوه
إنهم متواصلين مع إدارة الأرصاد الجوية ..
يعني توقعوا يعلنون إجازة
أذا كانت الأمطار غزيرة ..

[بصمة قطرية]

عجبتني وايد هالصورة
ما عرفت وين أحطها ..


http://i1365.photobucket.com/albums/r758/kooka44/EBE4162F-A06D-44AE-895B-D9ABA27F9DBC_zpsrfvtiesf.jpg (http://s1365.photobucket.com/user/kooka44/media/EBE4162F-A06D-44AE-895B-D9ABA27F9DBC_zpsrfvtiesf.jpg.html)

[R 7 A L]

ياليت الجهات الحكوميه يأخذون الأمر بجديه مثل الدول المتقدمة
ماتسوى على الاطفال يقومون من صبح ويتعرضون للخطر بعدها بساعة يرجعون في ذهابهم خطر وفي رجوعهم خطر

[Darco]

للعلم موديلات الطقس الهامة توقعت أمطار ديم متوسطة + سحب ركامية غزيرة جدا محتملة بسبب تصادم حاد قريب من سواحل قطر .. هذا النوع من التكونات ما تكون جزء منقول مع المنخفض ولكنه ظرف دقيق جداً في مكان صعب توقعه بالضبط قبل الحالة بيوم .. هذا احتمال وارد لكنه ضعيف ولذلك الأرصاد يخافون يحذرون ويطلع التوقع غير صحيح وياكلونهم ويخافون يسكتون وياكلونهم .. أنا ما أبرر للأرصاد , لكن أوضح أن اللي حصل ظرف غير طبيعي.

الرقم القياسي للمطر على مطار الدوحة خلال ساعتين كان 55 ملم في 12 مارس 1995 واليوم سجل رقم قياسي جديد.. الرقم وصل 80 ملم (على المطار فقط بينما باقي الدوحة أقل)..

[ابن الرومي]

نحن مش متخصيصين بموضوع الارصارد الجوية

بس كان في تحذير على مواقع الطقس والارصاد الجوية القطرية

بشأن عاصفة رعدية

نحن الموظفين ما نبي اجازات اهم شي اعيالنا

يعني شفتو الصور كيف بعض المدارس اغرقت

والمدارس الي ما غرقت كان صعب الي عنده سيارة صالون

ان يدخل الماي

[وسمي2016]

على المجلس الأعلى
متابعة التحذيرات بحالة الطقس
اذا الأرصاد الجوية القطرية لم تحذر مراقبة التحذيرات العالمية

الموضوع ما نبيه يتكرر

والحق ما تلحق باخر الوقت

واستلموا اعيالكم من المدارس
ونحن في دوامتنا

شكر على فتح الموضوع,,,,,
,,,,,يستحق الدراسه فعلا,,,,,,,,,,,,,,,

كتبنا عن الحاله في احوال الطقس وعلوم الحيا
في منتدانا الغالي,,,,,

شوف المشاركه رقم 91 بتاريخ 16/11

وبعدها لما قربت الحاله في المشاركه رقم 103

وتنبيه الاخت بصمه قطريه رقم المشاركه 105

والمشاركه رقم 106 بعدها,,,,,,, تاريخ 21/11

http://www.qatarshares.com/vb/showthread.php?613517-
علم-الحيا-والطيبين-يبين-أحوال-الطقس-2015-2016-(-متجدد-)/page10

,,,و
http://www.qatarshares.com/vb/showthread.php?614357-
حاله-جويه-استثنائيه-على-الخليج-العربي-تبدأ-غدا/page27


معززه بالخرائط
والتحليل شبه فني,,,,"" من هاوي ارصاد""""""


,,,,, مشكور مره اخرى يابن الرومي وبيض الله وجهك
على فتح الموضوع,,,,:victory:,,, فعلا يستحق الدراسه,,,,:victory:,,,,,

[معماري قطري]

حد عياله راحوا اليوم؟

[حرف]

للاسف مافيه ثقه يفكرون كل الناس يبون عيالهم يتسيبون ويغيبون بدون سبب