استفسار عن علاج الظهر

[KhalidQ]

واحد من الربع عنده ٤ فقرات (ديسكات) ضاغطه على العصب اسفل الظهر
تسبب من فتره الى فتره الالم في الجلوس و المشي و الانبطاح
وخلال الست اشهور بين ادويه وعلا طبيعي ما خف


نبحث عن مستشفى خارج قطر للعلاج من عنده تجدبه او خبره في الموضوع يفيدني
بصراحه نفكر في الهند

[وليف الشوق]

عندك المانيا والكل يعرفها لكن ماانصحه في العمليه لان مضاعفاتها اكثر

[العفراء]

صباح الخير

اخويه اقرا هالموضوع بالكامل و اقرا الردود و تابع الفيديو المرفق

http://www.qatarshares.com/vb/showthread.php?613986-%E6%CF%C7%DA%C7-%E1%C2%E1%C7%E3-%C7%E1%CF%ED%D3%DF-(%DA%E1%C7%CC-%E3%D6%E3%E6%E4)


الديسك علاجه موجود باذن الله بالرابط المرفق و ما بتحتاجون لاي جراحه و عمليه باذن الله

[شموخ دائم]

,

,


مرحبا


اخوي الكريم

الظهر والفقرات والدسك هذا موضوع مو سهل علاجه بالطرق التقليديه
واسئل الي جرب بيقولك جربت كل شي

اخوي يعاني من هذي المشكله من 20 سنه
كان رافض العمليات في امريكا عطوه ابر مؤقته لانه مايبي العمليه
ورجع قطر

وبعدها بسنه رجعت المشكله
راح الهند وعطاه ابر وقاله ترجع بعد 6 شهور طبعا هذي ابر ( مخدره ) كرتوزون ومورفين قوي جدا
يحس الانسان بعدها مباشره بالتحسن

بعد سنه رجعت المشكله من جديد ورجع الالم زي اول
امدحو له علاج العشبه في الكويت وعمل موعد
راح حق الكويتي جزاه الله خير وحط عليه العشبه الحاره
مرتين يعالجه كل 3 شهور يروح له

تخف المشكله صحيح ولكنها ترجع زي اول بعد مرور سنه تقريبا

بالصيف الي راح سافر المانيا وكان خلاص ( مستسلم ) لانه جرب كل الطرق الشعبيه والعلاجات المؤقته
وقاله الدكتور عندك الفقرات تحتك ببعض وتضغط على العصب وتعمل الم قوي وخدر احيانا في الساق
قاله مافي مفر من العمليه
ولا تعب نفسك بالبحث عن علاجات
هذا فقرات تحتاج نحط دعامات بينها تمسكها
( العمليه ) عملها بالمنظار في مستشفى ميونخ
جلس اسبوع في المستشفى
والحمدالله والشكر الان وضعه ممتازجدا

بعد ما جلس في المانيا قرابه ال 3 شهور للعلاج الطبيعي في احد المصحات في ( ميونخ )
علاج طبيعي

الان يمارس حياته طبيعي ويقدر يعمل نشاطات ما كان يقدر يعملها سابقا
مثل الذهاب للبحر وممارسه الرياضه
والنوم بشكل طبيعي

الشاهد من هذي القصه

ان بعض العلاجات ( مؤقته ) واذا عرض نفسه على متخصص وقرر عليه عمليه
وضع دعامات بين الفقرات بالمنظار
ترى هذا هو الحل باذن الله النهائي للمشكله


في الاخير اذا رافض العمليه ( خله ) يجرب كل العلاجات
وبعدها باذن الله بيوصل الى القرار النهائي

المشكله انها ( مضيعه وقت ومال ) بالبحث عن بديل للعمليه وفي الحقيقه مافي بديل

واذا تحتاج اسم الدكتور واسم المصحه بنحطه هنا
والله يسهل اموركم ان شاء الله

الله يشافيه ويعافيه يارب
ويشفي كل مريض

,

.

[alwahesh]

راجع الدكتور يوسف في عيادة د.مهند عبدالقادر

د. يوسف ما شاء الله عليه متخصص في العمود الفقري واخلاقه عاليه ونصوح ما شاء الله عليه ممكن يوجهك او يساعدك

مكان العياده مقابل مدرسة الارقم _ المعموره او بوهامور

[الحياة الخالدة]

السلام عليكم و رحمة الله
ما عليكم شر أخوي
بس نفس ما قال أخوي شموخ دائم : إذا قالوا لك لازم عملية فلا تتردد فيها كثير
تجربتي الشخصية :
عانيت كثير من الديسك و تحملت وايد لحد ما صار الالم ينزل على رجلي و صار كل شي عندي صعب : المشي و الوقفة و القعدة و النوم و الصلاة
مافي أي وضع يخفف الألم .. حتى مع المسكنات
لما وصلت حدي رحت للطبيب المختص .. قال لي عملية على طووووول .. لو متأخرة أكثر جان أعصاب القدم بتتعب من كثر ضغط الديسك عليها و هالشي بيتسبب بما يسمى القدم الساقطة foot drop ( إن صحت ترجمتي )
و فعلاً خلال يومين دخلت مستشفى حمد و سوا لي العملية و سبحان الله راح الألم نهائياً ولله الحمد و المنة

الخلاصة : أن المضاعفات اللي ممكن تنتج عن تأخير العملية و التردد فيها و تسويفها قد تكون أسوء بكثير من مخاطر العملية نفسها
طبعاً يعتمد على الحالة أكيد .. لكن هذا يرجع لتقدير الطبيب
و اختيار الطبيب المناسب في النهاية هو الفيصل

مأجورين إن شاء الله .. و ربي يشفيكم

[KhalidQ]

الشكر للاعضاء وليف الشوق و العفراء و شموخ دائم و alwahesh و الحياة الخالدة

راح نمشي على الاعشاب (الكبار) و الطوله المقلوبه و اذا ما تحسن خلال ظ£ شهور راح
نشوف االعمليات (معلومه عمره ظ¦ظ*)

الطوله المقلوب للتخفيف الضغط على ديسكات

Ironman Gravity 4000 Inversion Table

http://i.imgur.com/BRTVF2K.png


وشكركم على النصايح و نشوف باقي الاعضاء

[ماجد البدر]

العملية في الظهر تخوف ولكن توكل على الله وسوها
انا مسوي عملية في السعودي الاماني في جده وناس تمدح المانيا وناس تمدح بانكوك مستشفى( سموتفيتش هوسبتل)
واعرف الي راحو لهم قالوا لازم عمليه وهي الطريق الامثل حالتي كانت صعبه متخوف وتعبان ولكن مثل ماقالوا الاخوان لامفر من العملية ومع العالج الطبيعي تتحسن اهم شي الواحد ما يرهق نفسه يعيش طبيعي جدا

احس بالم احيانا مثل هذا الوقت من السنة لو اهملت نفسي مع البرد

الحمد لله على الصحة

[@فهد@]

الله يشفي الجميع .. ياخوك العمليه انتبه منها .. لامانع من تجربة الاعشاب .. لازلت ابحث عنها .. لعل نجدها قريبا ... يقولون العشبه هي نفسها عشبة او نبتة الشفلح ..

وانتبه من الجهاز لاتستخدمه الا متاكد لايسبب لك مضاعفات

والله يشفي الجميع اللهم امين

[محمد11]

روح عند الدكتور محمد ابراهيم في عيادة الاحمداني
علاج من غير عمليه .. والاستفاده والعلاج من جلسه وحده

عنده جهاز الوحيد في قطر يستخدمة هو

[معماري قطري]

حصلت اماراتي مسوي عملية في الظهر في ألمانيا ومسكين تعب فترة طويلة علاج وزيارات على طول .. بس الظهر يحتاج مستشفى زين ودكتور مختص يوضح كل الإجراءات

انا جاتني آلام قوية في نص الظهر لدرجة حسيت بصعوبة في المشي ووقت النوم اتألم كثير .. رحت مستشفى جامعي في ألمانيا وسووا لي ام ار اي وما بين أي شيء عندي .. قال الدكتور ممكن السكر مأَثر في الأعصاب أو عندك مشكلة في مفصل الفخذ .. قلت له كان عندي احتكاك بس ما عالجته الا علاج طبيعي وخفيت .. كان علاجهم سنة 2013 - 2014 في أمريكا مكثف كايروبراكتك + علاج طبيعي + حصص علاج رياضي واستفدت منه لكن كان يبي لي فترة أطول .. يوم رجعت قطر قابلت دكتور زائر عطاني برنامج علاجي لمدة 8 شهور وقال لو وقفت لازم تعيد البرنامج من أول .. ومستشفياتنا للغريب مب لنا إحنا أهل قطر .. يعطوني 4 جلسات وجلسة كل اسبوع وكل ما خلصت الجلسات اقدم على صحة وينظرون في طلبي ويردون علي بعد فترة .. وارجع المستشفى اسوي تجديد للمواعيد .. صراحة شغلة كرهتني الاستمرار في علاجهم المعقد

[qatara]

عليك بالحجامه مكان الفقره مره ومرتين
وبذن الله لن تحتاج لبهدلة المستشفيات
والله الشافي