هالاعراض نفسيه ولى مرضيه

[partyQtr]

مساء الخير

خواتي واخواني عندي استفسار او بالاصح مشكله او ضيقه تمر فيني ومب عارفه اتصرف

عندي الوالده الله يعيطها الصحه والعافيه صار لها اكثر من 3 شهور تعبانه بشكل مب طبيعي

كل يومين في المستشفى وكل اشوي تحاليل واشعه ومنظارو و و كل اشوي يشخصون حالتها

بطريقه كل دكتور له كلام وكل دكتورة لها كلام مرة تشخصت حالتها بأنها ارتجاع في المرئ وعطوها علاج

وعقب عطوها علاج ثاني وعقب المنظار اكتشفو انه المرئ مافيه شى وانه اللي فيها جرثومه في المعده

وخذت علاجها وخلصته ول في تحسن وعقب عطوها علاج قولون وعلاج غده وعلاج ضغط بالغلط و و و

المهم التحاليل مافيها شطئ الحمدالله بس الاعراض اللي تحس فيها مستمره معاها

الاعراض هي حسب ماتوصف لنا انه تحس بشئ شاير في بعومها لا راضي نزل ول يطلع شيء كاتم

عليها وتحس انه حيلها مهدود ماتقدر تنام ولى تسوي شيء ودوم معاها هالشئ ومتضايقه في رايكم هالشئ ممكن يكون نفسي

ونعرضها على دكتور نفسي ولى هالشئ مرضي ؟ وابي اسامي دكاتره شاطريين ممكن نعرضهم عليها

وهي من فتره نرت بحاله توفت يدتي ومن عقبها حالتها جي والحين توفى يدي بعد ، عشان جي ممكن يكون هالشئ نفسي

ووديناها لشيخ قرأ لها قرآن وعطاها ماي زمزم ، لو في حل ممكن نسويه ياليت تقولون لي

اصعب شيء في الدنيا مرض الام

[حقيقه]

غيرو جوها

[ضوى]

طرشت لج عالخاص

كلميني ضروري باقولج اشياء مهمه بخصوص الحالة

[حقيقه]

غيرو جوها
وعلى فكره الدكتور النفسي ممكن يدمرها

[نَقــوَه]

ذيه الحزن يا أختي

غيرو جوها

ودوها مكة

خلها تقرا البقرا او اقروا انتو عليها كل يوم هي الشافية المنجية

خلها تقول ادعية الهم والحزن

اكلوها من كل طيب ونوعوا لها في الاكل

اسقوها ماي الورد والزعفران يجلي الحزن ويفرح القلب

ونصيحة لاتعطونها ادوية كيماوية ولاتخلونها ترقد وايد

الله يشفيها ويخليها لكم

[qatara]

عليكم بالصدقه

والدعاء

[المخفي]

نفس الاعراض صادت الوالدة بعد وفاة الوالد عدم النوم و الضيقة و راحت بعد الرقية الشرعية و الاذكار بس تاخذ وقت

الشيخ محمد شعبان مرخص من الاوقاف خلف جوازات الغرافة

[بصمة قطرية]

في أقرب فرصة ودوها العمرة ..
اللي فيها نفسي من الفقد اللي صار ..
الله يعينها و يصبر قلبها يارب ..
طلعوها من هالجو بأسرع وقت ..
غير العمرة مافي تشوف الكعبة و ترتاح نفسياً هناك ..
كبار السن لما يفقدون يتعبون وااااااايد
و يتعبون بصمت يكتمون و هاي اللي يمرضهم ..
الله يشفيها و يخفف عليها و يخليهم لك
و يطول بعمرها يارب ..

[white bird]

:(

الله يشفيها و يصبرها

..

[durra]

الله يشفيها يارب ويعافيها
اختمال عندها ارتجاع البلعومي الحنجري، الحمض او الارتجاع المريئي..
اعراضه مشابه، ويحس المريض بوجود كتلة في البلعوم وصعوبة تنفس، مع احساس مستمر بالقئ..والم بأجزاء الجسم.
ومن اسباب الارتجاع كذلك، الخلل الهرموني عند النساء وسن اليأس..

[مــاي ورد]

الله يكون في عونكم والله وربي يشافيها ويشافي الجميع

[بن هجرس]

الله يشافيها ويسلمها من كل شر وسوء

ربي يحميها ويلبسها العافية والصحة

طمنينا عن حالتها ..!!

:
:

[المحاميه]

اعتقد
اذا دوم تعبانه ومهدود حيلها فهذي الاعراض نفسيه
خصوصا ان الدكاتره مب عارفينلها

الله يشافيها ويعافيها ويفك عوقها

[partyQtr]

يزاكم الله خير خواتي واخواني ماقصرتو عالردود والدعاء

وديناها عند دكتور في عيادة الدوحه وبعد التحاليل والفحوصات والاشعه

الحمدالله مافيها شيء اللهم جرثومه في المعده

الدكتور قال هالاعراض نفسيه وعطاها حبوب مهدئه وفعلا عقب استعمالها لها بدت

الحاله ولله الحمد تحسن خصوصا الغصه اللي كانت تحس فيها في بلعومها

وقدرت تنام

بس حاليا فيها جرثومه في المعده دعواتكم ربي يشافيها ويلبسها ثوب الصحه والعافيه

والله لايرويكم مكروه في عزيز

[ميمّ]

ماعليها شر إن شاءالله ,
بس تري جرثومة المعده ماتسوي هذا كله ,
عندي ناس من هلي فيهم بس كلش مب نفس هالاعراض
اللي فيها نفسيه اكثر من عضوية
ونصيحه لاتخلونها تاخذ الحبوب المهدئه , لان ممكن تأثر عليها مستقبلا وماتقدر تعيش من غيرهم
أهم شي الرقيه الشرعيه , والعمره مثل ماذكرو اخواني وخواتي ,
في شيخ مرخص من وزاه الاوقاف اسمه / عبدالله النعمه ف جامع الزمان , عجيب الا شوي


الله يشافيها لكم ويعافيها يارب ويبعد عنها كل ضيق وحزن ..

[شبح الصمت]

اسال الله العظيم رب العرش العظيم ان يشفيها ويشفي مرضى المسلمين آجمعين ..

[نورث يورك]

بالشفاء انشا الله

[النهار]

الله يشافيها ويعافيها