إستفسار عن المناحل وخلايا النحل

[Boost]

السلام عليكم

ممكن حد يدلني على مجموعة من المناحل الموجودة وخبرتكم معاها ؟ المعدات ذات الصناعة الجيدة وأسباب ميولكم لها والعكس
ممكن نصايحكم لو سمحتو والمحلات اللي تعاملتو معاها وإذا فيه نحالين أقدر اتعاقد معاهم لمعاينة الخلايا كل اسبوع أو أسبوعين ؟

خاطري أشتري كم طرد نحل كرنيولي وصناديق وبعض المعدات لكن آخر مرة تعاملت مع النحل في صغري من 15-20 سنة وما أعرف أسعارها حاليا

بعيد عن الدعايات وخرابيط البياعين أحتاج رأي أصحاب الخبرة

وللأسف ما حصلت مواضيع بهالخصوص لا من قريب أو بعيد في المنتدى... :( أو عن سوقها وشعبيتها عندنا في قطر بشكل عام

[بوخميس]

عندك خالد السويدي

عنده مناحل وعنده محل في سوق واقف اظن اسم محله (بوسيف)

[Boost]

عندك خالد السويدي

عنده مناحل وعنده محل في سوق واقف اظن اسم محله (بوسيف)

تسلم يابوخميس على المعلومة, الصراحة مبطي من سوق واقف أظن لي كم سنة ما تمشيت فيه
أي جهة في السوق؟

عنده عدة وملابس الخ ويبيع خلايا ولا بس عسل؟

[نَقــوَه]

و عليكم السلام


أول شي انصحك تراجع او تسال في ادارة الشؤون الزراعية بوزارة البيئة
كانوا منزلين تغطية في الجريدة عن دورة تدريبية للأهالي والمهتمين بتربية النحل
وانهم يرحبون بالاستشارات والاستفسارات... ويشجعون على انشاء المناحل الخاصة.


من ايام زرت المعرض الزراعي وخذت من عسل مناحل بوسيف
الشهادة لله عسل طيب وانتاج على مستوى وعنده شهادات جودة عالمية

عنده مقهى في سوق واقف ولاحظت في المعرض ان اقبال اهل قطر كان على عسل السدر البري
وعلى عسل السدر من السعودية وهذا اللي انا خذته عسل طيب.

هذي مزرعته الله يبارك له

http://www.qatarshares.com/vb/showthread.php?538618-عسل-من-ارضنا-الطيبة-5-عسل-السدر-(صور)


و انستغرامه: bosaifhoney

ولقيت لك هالمنشور مع العسل ان شاءالله يفيدك.

http://www.m5zn.com/newuploads/2015/11/29/png//m5zn_e4d03fe50f84e93.png (http://www.m5zn.com/out.php?code=16088459)

اخيرا تونا شاريين عسل من مزرعة عبدالحميد العمادي عسل طيب وخفيف على الكبد.
صورت لك الكيس

http://www.m5zn.com/newuploads/2015/11/29/png//m5zn_ba72c4bc299a54a.png (http://www.m5zn.com/out.php?code=16088460)

وبالتوفيق إن شاءالله

[Boost]

و عليكم السلام


أول شي انصحك تراجع او تسال في ادارة الشؤون الزراعية بوزارة البيئة
كانوا منزلين تغطية في الجريدة عن دورة تدريبية للأهالي والمهتمين بتربية النحل
وانهم يرحبون بالاستشارات والاستفسارات... ويشجعون على انشاء المناحل الخاصة.


من ايام زرت المعرض الزراعي وخذت من عسل مناحل بوسيف
الشهادة لله عسل طيب وانتاج على مستوى وعنده شهادات جودة عالمية

عنده مقهى في سوق واقف ولاحظت في المعرض ان اقبال اهل قطر كان على عسل السدر البري
وعلى عسل السدر من السعودية وهذا اللي انا خذته عسل طيب.

هذي مزرعته الله يبارك له

http://www.qatarshares.com/vb/showthread.php?538618-عسل-من-ارضنا-الطيبة-5-عسل-السدر-(صور)


و انستغرامه: bosaifhoney

ولقيت لك هالمنشور مع العسل ان شاءالله يفيدك.

http://www.m5zn.com/newuploads/2015/11/29/png//m5zn_e4d03fe50f84e93.png (http://www.m5zn.com/out.php?code=16088459)

اخيرا تونا شاريين عسل من مزرعة عبدالحميد العمادي عسل طيب وخفيف على الكبد.
صورت لك الكيس

http://www.m5zn.com/newuploads/2015/11/29/png//m5zn_ba72c4bc299a54a.png (http://www.m5zn.com/out.php?code=16088460)

وبالتوفيق إن شاءالله

الله يعطيك ألف عافيه على الرد الوافي
بإذن الله باحاول أتصل بهم وأستفسر, وإنشالله أحصل عندهم كل المعدات اللي أحتاجها

بخصوص وزارة البيئة مع الأسف تعاملهم جدا ردئ إلا إذا كانو يحاولون يسوقون لمشاريع خاصة لمحاولة تحسين صورة الوزارة
لكن بشكل عام بيروقراطية قاتلة وبشكل يسبب عزوف عدد كبير من القطريين عن التجارة والإستيراد وحتى المشاريع المحلية يتم تعطيلها بحجج واهية مثل (ما نعرف, ماعندنا مختبرات مختصة, إحنا صح وخلاص)

بحكم خبرتي الشخصية معاهم كل شي يحتاج ترخيص ودراسة جدوى وموافقات ورفض تعسفي يعكس مستوى الجهل عندهم
ممكن يكون لهم واجهة فيها بعض الدعم لكن بالنسبة لمن تعامل معهم بشكل مباشر ودوري يعرف بعض خفاياهم وتعطيلهم لمصالح الناس


أعتذر لخروجي عن الموضوع ولكن وزارة البيئة في قطاع الثروة الحيوانية وشؤون المزارعين فيها خلايا فاسدة تعيق كل أنواع التقدم وتحتاج إستئصال