موضه الديم الفوول

[Sowaidi]

السلام عليكم


هل أحد لاحظ أنه نص العالم يسوقون والليت على الفوول
هل هالشي مسموح أشوف صارت موضة ووينه المرور عنهم !!

[نفسي عزيزه]

بالنسبه لي مالاحظت مع اني كثير اضرب خط وبالشارع

[بانغ بانغ]

اخوي بعضهم رافعينهم وايبين فوول

خاصة يوم ايلبق فيك وضارب فوول

[أم هشام]

صحيح زادت جدا خاصة ضوء الزينون بهري العيون

[بوخالد911]

ما لاحظت
يمكن البعض ناسي.

[ya3coub]

السلام عليكم


هل أحد لاحظ أنه نص العالم يسوقون والليت على الفوول
هل هالشي مسموح أشوف صارت موضة ووينه المرور عنهم !!

ملاحظ و بقوة و فوق هاي الي تتمشى و ليتاتها مبندة حريم و هنود هالاثنين ينسون الليتات شغالة .!!!!!

الفول ربعنا و للأسف من اهل قطر الشباب لين بداية الثلاثينات ياللأسفف سبب اكثر الحوادث سابقا على خط الحسى و الحين ارجعت هالحركة انه من يدخل سلوى يشغل الفول ولا هو بمفتكر بالي جدامه مشغل او لا او يكبسلة مسوي عملية ليزك عيونه ممكن تنعمي ثواني او تأثر عالنظر

و فالدوحة الي اقدر اوقفه او انبه انبهه باحترام
و ملاحظ هالشي

[Dana’1]

شوف انا لما اسوق النيسان باترول وفي مكان الاناره خافته او معدومه الكل يكبس لي يظن إني حاطته عالعالي
وانا مو رافعته عالعالي ولا شي ! من يكبسون لي ارد اكبس لهم عشان يشوفون الفرق^_^

القصد إن بعض السيارت ليتها قوي ماشاءالله من غير مايرفعه عالعالي

والبعض مثل ماتفضلت بس ما اشوفها ظاهره بصراحه!!


والي يمشون بدون ليتات او ليت واحد أظن اكثر منهم!!

[بصمة قطرية]

شوف انا لما اسوق النيسان باترول وفي مكان الاناره خافته او معدومه الكل يكبس لي يظن إني حاطته عالعالي
وانا مو رافعته عالعالي ولا شي ! من يكبسون لي ارد اكبس لهم عشان يشوفون الفرق^_^

القصد إن بعض السيارت ليتها قوي ماشاءالله من غير مايرفعه عالعالي

والبعض مثل ماتفضلت بس ما اشوفها ظاهره بصراحه!!


والي يمشون بدون ليتات او ليت واحد أظم اكثر منهم!!

كلامج صحيح بعض السيارات هي جذي
العالم يظنون إنه ديم فول ..!!
وولدي يعاني من هالشي سيارته نيسان ..

[معماري قطري]

مره ناسي ليت الضباب اللي هو اللي ورا ويجي قوي ومرتبط معاه الكشاف الجدامي .. ووراي واحد من بعيد يولع لي ليتات يحذرني لأَن نور ليت الضباب أزعجه .. كنت في ألمانيا وفي طريق بري فهمت إنه يقصد في سيارتي شيء غلط انتبهت وبندته ووقف ليتاته .. هو ما شافني من قريب وعرف انا غريب ولا من أهل البلاد بس فهمت إن هذي الحركة غلط عندهم الا لوقت الضباب .. الديم والفول أوقات يستعملونه للرؤية الليلية ووقت المطر القوي بس من يقابل سيارة يخفض قوة الإنارة .. عندنا أحياناً استفزاز ونحاس

[المخفي]

بعض السيارات يبيلها وزنية لليت تنزله تحت اي كهربائي يسويها

[Boost]

البعض يكون ناسيه ومن غير قصد وأول ما تكبس له يديم لين يتعداك عالأقل
لكن للأسف بعض الشباب متخلفين ويبيلهم برمجة, يعميك على خط الشمال وهو ما يحتاج الفول مجرد ثوارة

[Sowaidi]

المشكله أنهم مش ناسينهم. أكثر الناس مخلينهم علشان الكل يفتح لهم
والسيارات الي يحتاج لها ميزانية هل تنجح في الفحص الفني ولا عادي

[بريق الحق]

لا ماتنجح فالفحص