هل هي فعلاً كذلك ؟؟

[الحياة الخالدة]

السلام عليكم و رحمة الله و بركاته
صبحكم / مساكم الله بالخير

http://cdn.top4top.co/i_b6d6dbed200.jpeg (http://up.top4top.net/)

أتمنى أسمع آراؤكم في الموضوع :
هل الدورات المطروحة من قبل هذه المراكز مفيدة بالفعل أم هي مجرد خدعة و سحب للأموال دون جدوى ؟؟

تحياتي للجميع

[ضوى]

وهم وسحب اموال ولا اعترف فيها اصلا

قال تنمية بشرية قال ، اقعد واجابل واحد يقرق على راسي يعلمني اشلون اتعامل مع نفسي ومع اللي حوالي ، عيل الادب القرأني والادب النبوي وين راحوا ، كل شي نقراه في القرأن او من حياة النبي عليه افضل الصلاة والسلام يفدينا بشكل لا يصدق بحياتنا بس نقتدي بها ونعمل بها صح واحنا بخير ،

[غريب الدّار]

مرحبا الحياة الخالدة

بصراحة وبشكل عام :
الدورات مفيدة للي يبي يستفيد فعلا ويعرف هو شيبي يتعلم بالضبط

والمراكز اللي همها الربح على حساب المادة العلمية ترى قليلة جدا بالمراكز اللي فعلا اتدور الفايدة العلمية والمادية في نفس الوقت

الي يبي يستفيد راح يستفيد


طبعا أتكلم كقاعدة عامة
ولكل قاعدة شواذ مثل ماانتي عارفة يالحياة


تحياتي

[JN000N]

صباحو يالحب

يعتمد عالمركز ومن المدرب
والماده الي يتكلمون عنها

يعني في دورات منها فايده وفي دورات حشو كلام

وكله يعتمد عالمدرب نفسه مرات اذا كان مثقف او (بؤ)

ولكن من ناحية الفايدة
اذا المركز كان تهمه السمعه والفايده والنفع ما راح يفكرون ف المبلغ الي بيكلف الدوره
اما بعض الدورات بمبالغ قويه وفالنهايه ماجوف شي يديد بالعكس ذكرني بالعمل الجماعي على ايام القروبات ف المدرسه العلميه خخخخ

[بعيد النظر]

مثل ما قالو على حسب المكان والمحاضر ..
بس اغلبها للاسف كلام فاااضي ..

ونادر تحصلين احد يعطي المفيد ..
كثر الكلام ونظرية عيد و زييد .. تنرررفز ..
وهي متبعة في كثير من المراكز !

[العنيده]

في دوره رشحوني لها في اشغل .. وقلت لهم انا خبرتي الحمدلله اكبر من هالدورة ماتناسبني حرام ممككن غيري يستفيد منها
واصروا اني اروح لها :rolleyes2: .. المهم الشي اللي لاحظته ضعف المحتوى التعليمي في الماده العلميه يعني حتى طريقة الشرح كانت اقل من المتوقع وبلغت شغلي بهالشي ( اللهم اني بلغت ) ..
لازم في رقابه على بعض الدورات الموضوع مش مجرد شهاده اضيفها في ملفي .. يعني هو خساره وقت وفلوس والله المستعان ..

[ضوى]

في دوره رشحوني لها في اشغل .. وقلت لهم انا خبرتي الحمدلله اكبر من هالدورة ماتناسبني حرام ممككن غيري يستفيد منها
واصروا اني اروح لها :rolleyes2: .. المهم الشي اللي لاحظته ضعف المحتوى التعليمي في الماده العلميه يعني حتى طريقة الشرح كانت اقل من المتوقع وبلغت شغلي بهالشي ( اللهم اني بلغت ) ..
لازم في رقابه على بعض الدورات الموضوع مش مجرد شهاده اضيفها في ملفي .. يعني هو خساره وقت وفلوس والله المستعان ..

صار لي نفس الشي وتحسفت اني وافقت ، وحاليا رافضة اني اخذ اي دورة ومهدديني بالترقية

[بعيد النظر]

في دوره رشحوني لها في اشغل .. وقلت لهم انا خبرتي الحمدلله اكبر من هالدورة ماتناسبني حرام ممككن غيري يستفيد منها
واصروا اني اروح لها :rolleyes2: .. المهم الشي اللي لاحظته ضعف المحتوى التعليمي في الماده العلميه يعني حتى طريقة الشرح كانت اقل من المتوقع وبلغت شغلي بهالشي ( اللهم اني بلغت ) ..
لازم في رقابه على بعض الدورات الموضوع مش مجرد شهاده اضيفها في ملفي .. يعني هو خساره وقت وفلوس والله المستعان ..

مادري شلون النظام عندكم ..
بس عندنا لو ما عجبتني الدورة وحسيت انها اقل من المستوى ..

اكتب كل شي في الورقة اللي يعطيني اياها المحاضر ..
واوقعها وتروح حق المركز ويطالبون فيها الشركة !


ولو كنا اكثر من واحد ومتفقين على هـ الشي ..
يطرحون دورة ثانية .. باقل من نص السعر ! وهاي ترتيبها عند قسم التطوير !

[شبح الصمت]

البعض يستحق ان يقال له مدرب وبكل جداره يستحقها ..

لانه يستطيع ايصال المفيد لعقولنا ..

والبعض وجوده والعدم واحد .

تبربر على الفاضي ولا شيء جديد ..

اغلبهم مواضيعهم من النت واقتباسات لمدربين آخرين ولكن مع تغيير مسمى العنوان ..


ليس تقليل من شأن احد ..

ولكن نظرتي للبعض من هم دون المستوى وفي المقابل يرون انفسهم فوق المستوى ..

[بانغ بانغ]

نزلت موضوعين في هالخصوص وركزت على اللي يطرحون الدورات من الشباب الصغار " وللنساء فقط "

نصب واحتيال من البعض طبعا وليس الكل

وبعضهم المدربين "مطلقين" ويعطون دورات اجتماعية وزوجية ... كنت اعرف صاحب مركز صكروه بعد اشوية فضايح

[شبح الصمت]

نزلت موضوعين في هالخصوص وركزت على اللي يطرحون الدورات من الشباب الصغار " وللنساء فقط "

نصب واحتيال من البعض طبعا وليس الكل

وبعضهم المدربين "مطلقين" ويعطون دورات اجتماعية وزوجية ... كنت اعرف صاحب مركز صكروه بعد اشوية فضايح



اصبت يا بانغ ..

[العنيده]

صار لي نفس الشي وتحسفت اني وافقت ، وحاليا رافضة اني اخذ اي دورة ومهدديني بالترقية

ربط الدورات بالترقيه بالضبط هذا وضعي .. ناخذ ونجدد الخبرات ونفيد الباقي بخبراتنا

[العنيده]

مادري شلون النظام عندكم ..
بس عندنا لو ما عجبتني الدورة وحسيت انها اقل من المستوى ..

اكتب كل شي في الورقة اللي يعطيني اياها المحاضر ..
واوقعها وتروح حق المركز ويطالبون فيها الشركة !


ولو كنا اكثر من واحد ومتفقين على هـ الشي ..
يطرحون دورة ثانية .. باقل من نص السعر ! وهاي ترتيبها عند قسم التطوير !

نفس الشي كتبت ووقعت وجاني ايميل يرجى الحضور ولله الحمد .. و لما تكون هاي الدوره الوحيده والجايه مالها علاقه بشغلنا الواحد يرضى عشان يصطنع الخبره لنفسسه ..
لان لما نقول ماتناسب ممكن وقت التقييم ينقال رفضنا وياوناسة اشخاص بهالشي لما ينزل في التقييم :)

[الحياة الخالدة]

وهم وسحب اموال ولا اعترف فيها اصلا

قال تنمية بشرية قال ، اقعد واجابل واحد يقرق على راسي يعلمني اشلون اتعامل مع نفسي ومع اللي حوالي ، عيل الادب القرأني والادب النبوي وين راحوا ، كل شي نقراه في القرأن او من حياة النبي عليه افضل الصلاة والسلام يفدينا بشكل لا يصدق بحياتنا بس نقتدي بها ونعمل بها صح واحنا بخير ،

أحترم رايج أختي ضوى
كلامج بخصوص اقتداءنا بالقرآن و السنة ما عليه غبار
لكن ما يمنع أن احنا مثلاً نحتاج بعض التوضيح لأمور معينة فيهما .. قد يصعب علينا ( أو لنقل على البعض من ) فهمها أو تطبيقها بطريقة صحيحة
و إذا تيسر لنا أن نجد من يقوم بهذه المهمة .. ولو في مقابل مبلغ معين من المال ( يعني أكيد محد بيسوي لنا شي بلاش )
فأعتقد هاذي مافيها شي
انتي تشوفينها واحد يقرق على راسج .. غيرج يشوفها شي ثاني .. و يمكن يستفيد منها و يطلع راضي

تحياتي لج أختي العزيزة

[الحياة الخالدة]

مرحبا الحياة الخالدة

بصراحة وبشكل عام :
الدورات مفيدة للي يبي يستفيد فعلا ويعرف هو شيبي يتعلم بالضبط
والمراكز اللي همها الربح على حساب المادة العلمية ترى قليلة جدا بالمراكز اللي فعلا اتدور الفايدة العلمية والمادية في نفس الوقت
الي يبي يستفيد راح يستفيد
طبعا أتكلم كقاعدة عامة
ولكل قاعدة شواذ مثل ماانتي عارفة يالحياة
تحياتي

هلا فيك أخوي غريب الدار :

بالضبط اللي يبي يستفيد و محدد هدفه .. و أحسن اختيار المركز المناسب
أكيد بيحقق الهدف من التحاقه بالدورة أو البرنامج التدريبي
عشان جذي .. اللي يبي ينضم لهالدورات المفروض يسأل و يتأكد قبل لا يروح و يدفع مبلغ و قدره .. في مركز أو ناس هو ما يعرف من وين جايين .. ولا شنهي مؤهلاتهم و قدراتهم و مدى كفاءتهم

و تحياتي لك أيضاَ يا غريب الدار

[معماري قطري]

البعض يستحق ان يقال له مدرب وبكل جداره يستحقها ..

لانه يستطيع ايصال المفيد لعقولنا ..

والبعض وجوده والعدم واحد .

تبربر على الفاضي ولا شيء جديد ..

اغلبهم مواضيعهم من النت واقتباسات لمدربين آخرين ولكن مع تغيير مسمى العنوان ..


ليس تقليل من شأن احد ..

ولكن نظرتي للبعض من هم دون المستوى وفي المقابل يرون انفسهم فوق المستوى ..

في الغالب كلامك صحيح وانا معاك .. لكن هناك كورسات تطوير مهارات معينة وهذي مفيدة للغاية ومهمة .. وتطوير الذات سهل وفي كل المجالات بمتابعة كتاب ومحاولة التطبيق والفهم .. مصادر التعلم كثيرة وسهلة والإلتزام بدورات معينة أحياناً يكون مفيد بس من جهات مختصة ومع ناس فاهمين لكن بياعين الكلام وايد .. أَذكر جاني اتصال من شخص عربي يقول تبي تتعلم انجليزي قلت له لو محتاجين معلم حاضر حط في خاطره ويحسبني استهزيء به .. انا من صجي وهو المفروض قبل ليتصل يعرف مؤهلات الشخص وحتى ما فيه داعي لأَذية الناس

[الحياة الخالدة]

صباحو يالحب

يعتمد عالمركز ومن المدرب
والماده الي يتكلمون عنها
يعني في دورات منها فايده وفي دورات حشو كلام
وكله يعتمد عالمدرب نفسه مرات اذا كان مثقف او (بؤ)
ولكن من ناحية الفايدة
اذا المركز كان تهمه السمعه والفايده والنفع ما راح يفكرون ف المبلغ الي بيكلف الدوره
اما بعض الدورات بمبالغ قويه وفالنهايه ماجوف شي يديد بالعكس ذكرني بالعمل الجماعي على ايام القروبات ف المدرسه العلميه خخخخ
هلا هلا بالغالية
توني مخلصة من دورتين .. الصراحة دفعت فيهم مبلغ كبير .. كنت متحسفة إني دفعته ( حتى ذيج الليلة ما قدرت انام عدل هههههههههه )
بس يوم خلصت منهم .. حسيت إني فعلاً استفدت .. و اكتسبت ثقة أكبر في قدراتي ولله الحمد
جان تبين دورة أنا مستعدة أعطيج إياها .. بس كله بحسابه :nice:

نورتي يا جنون

[aloosh]

خل يجيبون ناس مؤهله تشرح لك
هذي الدرات المقصد منها سحب الاموال

[سليمان احمد]

سبحان الله في نفس العدد امس في احدى الصفحات الداخليه عنوان او اعلان مدفوع الثمن لاحدى المراكز اللي

المنشيت يتكلم عنها يعلن عن دوره وبصراحه ضحكت يوم قريته لاني ما ادري هل الجريده عندها مصداقيه ام

لا لقراءها في الصفحه الاولى تتبنى رأي معين وحقيه معينه وفي نفس اليوم وفي نفس العدد اعلان لمركز يقدم دورات

لذلك اعتقد ان الجريده تطبق المقوله اللي تقول يجرح ويداوي

[الحياة الخالدة]

مثل ما قالو على حسب المكان والمحاضر ..
بس اغلبها للاسف كلام فاااضي ..

ونادر تحصلين احد يعطي المفيد ..
كثر الكلام ونظرية عيد و زييد .. تنرررفز ..
وهي متبعة في كثير من المراكز !

صحيح أخوي بعيد النظر .. على حسب المركز و المدرب
و بخصوص الإعادة .. قد يكون في الإعادة إفادة

بس أخوي إذا ممكن سؤال : هل انت جربت تاخذ وحدة من هالدورات و الا بنيت رايك على خبرات الآخرين ؟؟

تحياتي لك يا بعيد النظر

[JN000N]

هلا هلا بالغالية
توني مخلصة من دورتين .. الصراحة دفعت فيهم مبلغ كبير .. كنت متحسفة إني دفعته ( حتى ذيج الليلة ما قدرت انام عدل هههههههههه )
بس يوم خلصت منهم .. حسيت إني فعلاً استفدت .. و اكتسبت ثقة أكبر في قدراتي ولله الحمد
جان تبين دورة أنا مستعدة أعطيج إياها .. بس كله بحسابه :nice:

نورتي يا جنون

اقرقش عيل ها
مابي دورة زين
وابشرج بدل العتبه عتبتين

[ضوى]

اقرقش عيل ها
مابي دورة زين
وابشرج بدل العتبه عتبتين

لا لا لا الا العتبه جنون حرام عليج ، عسى ماتدش حراير وتكركر علينا الحين ، اهم شي تأكدتي مافي عتبات في هذيج الاماكن ؟

[ضوى]

أحترم رايج أختي ضوى
كلامج بخصوص اقتداءنا بالقرآن و السنة ما عليه غبار
لكن ما يمنع أن احنا مثلاً نحتاج بعض التوضيح لأمور معينة فيهما .. قد يصعب علينا ( أو لنقل على البعض من ) فهمها أو تطبيقها بطريقة صحيحة
و إذا تيسر لنا أن نجد من يقوم بهذه المهمة .. ولو في مقابل مبلغ معين من المال ( يعني أكيد محد بيسوي لنا شي بلاش )
فأعتقد هاذي مافيها شي
انتي تشوفينها واحد يقرق على راسج .. غيرج يشوفها شي ثاني .. و يمكن يستفيد منها و يطلع راضي

تحياتي لج أختي العزيزة

اتفق معاج في جزئيات معينة من كلامج ، بس لا تقولين لي برمجة عصبية وذبذبات وخرابيط ، تبيني تقنعيني قولي لي اسمعي الدكتور / محمد الثويني ، الدكتور طارق سويدان ، الدكتورة هذيج ماعرف اسمها بنت القطان ، وهذيج الثانية الابراهيم ، اما خرابيط وحركات جسد ومدري شو نو وي اقتنع بها

[JN000N]

لا لا لا الا العتبه جنون حرام عليج ، عسى ماتدش حراير وتكركر علينا الحين ، اهم شي تأكدتي مافي عتبات في هذيج الاماكن ؟


الا في دريتين ف البدايه والنهايه هههههههه

[الحياة الخالدة]

إن كثيراً من دورات تطوير الذات تبعد المؤمن شيئاً فشيئاً عن ربه وتشعره باستغنائه بذاته وقدراته، وكلما ابتعد العبد عن ربه خطوات تسربت إلى قلبه الوحشة والظلمة وغادر منه الأنس والسكينة،
ثم يهيم على وجهه باحثاً عن دورات أخرى ترفع ثقته بقدراته ونفسه أكثر،
فإذا به كعطشان يشرب من ماء البحر المالح!


قصتي مع فتاة تطوير الذات
مقال يستحق القراءة
بقلم الأستاذة: ثريا بنت إبراهيم السيف
http://thuryaalsaif.blogspot.com/2015/12/blog-post.html?m=