منعا للقيل والقال في موضوع حادث الروزرايس في الشرتون

[جبر ال جبر]

طبعا الموضوع انفتح في الحوار العام وبعدها تسكر والموضوع عندي علم فيه من نفس وقت الحادث وكنت بعلق على الموضوع ولكن تفاجائت بانه مغلق الروز رايس سياره واحد من اهل العزيزيه الله يعوضه واخوه معرس وليله عرسه في الشرتون والموتر اخوه صافه في الشرتون والي دعم السياره واحد مختل عقليا دخل داخل الفندق وتهاوش معاهم وراح يدعم السيارات ويبي يدعم الشرتون ولحد يقعد يالف ويطلع سوالف هذا مالزم توضيحه للجميع

[غريب الدّار]

تسلم اخوي جبر على التوضيح

لكن عن نفسي اشوف انه توضيح ماله داعي
وخصوصا انك ذاكر اسامي

هاذي وجهة نظري والله

شي صار ويصير في كل مكان

وشو الغريب فيه؟
انا أصلا استغربت انه كان مطروح في الحوار العام

في ناس يحبون يهولون المواضيع

الحوادث تصير في كل مكان

لو بس بعض الناس يخلون عنهم نظرية المؤامرة وان احنا ضحايا كان احنا بخير
ومواضيع : انا امس مادري شنو شفت
وامس واحد لاف علي
وامس واحد راكب سيكل وياكل فلافل
وواحد طالب كرك وشرب نصه

خلونا من هالمواضيع وربي ماتنفع احد غير السوالف والقيل والقال

مثل هالحوادث وغيرها تصير من زماااااااااان في قطر وغيرها
بس الفرق ان تم تصوير المشكلة

والله يستر ع الجميع

لاتزعل مني اخوي العزيز جبر هذا رايي

واطالب بحذف الموضوع بعد اذنك واذن الإدارة

[جبر ال جبر]

عزيز وغالي اخوي غريب الدار ولكن انذكرت امور ماتنقال في الموضوع وانطرحت ااسماء غير صحيحه وحبيت اوضح واذا تبونه ينحذف ينحذف الي تامر به طال عمرك

[بعيد النظر]

ذكر الاسماء مالها داعي في الموضووع ..
وقطر صغيرة واتوقع في تسجيل صوتي دار فـ القروبات ..



قواك الله

[غريب الدّار]

عزيز وغالي اخوي غريب الدار ولكن انذكرت امور ماتنقال في الموضوع وانطرحت ااسماء غير صحيحه وحبيت اوضح واذا تبونه ينحذف ينحذف الي تامر به طال عمرك

الله يرحم والديك ياجبر
مايامر عليك عدو
والشور شورك

لكن والله اشوف ان مسالة تكرار مثل هالمواضيع ماله داعي
خصوصا ان معرفتنا بالاسامي من عدمها ماراح تقدم ولا تأخر أي شي

والراي للإدارة ثم لك

وقواك الله

[جبر ال جبر]

انا وصلني في القروبات كلام غير صحيح ومب طيب عن الموضوع وتعرفون ربعنا ياحبهم للاشاعات والقصد هو عدم تشويهه صوره حد وبشل الاسماء الحين اذا فيه تحفظ عليها بس من وجهه نظري يبقى الموضوع للتوضيح قائم شرايكم؟؟

[فريج النجادة]

الاصل الستر على الناس ولا داعي الى ذكر الاسماء

[جبر ال جبر]

شليت الاسماء شيكو راحت؟

[غريب الدّار]

انا وصلني في القروبات كلام غير صحيح ومب طيب عن الموضوع وتعرفون ربعنا ياحبهم للاشاعات والقصد هو عدم تشويهه صوره حد وبشل الاسماء الحين اذا فيه تحفظ عليها بس من وجهه نظري يبقى الموضوع للتوضيح قائم شرايكم؟؟

حطيتني في الشيمة ومااقدر أقول شي مع اني معارض أصلا
ومع العلم ان القرار راجع للإدارة في الأخير ، لكني مضطر أقول :

على عيني وراسي يالشيخ

[بعيد النظر]

جزاك الله خير ..
راحت الاسماء والله يعوض راعي الروز ويهدي المختل ..

[شبح الصمت]

لا تزعل مني ياجبر بس الموضوع خذ كفايته ..

ومع الايام الحقيقه راح تبان وراح العالم ينسون الموضوع
وكنقاش فيه ما اشوف له اهميه


وتدري التهويل في المواضيع مطلوبه وفي ناس تبربر بدون ما تدري شالسالفه ..
بس تسمع خبر تنقله ..

وصلني والا ارسلته لاني ما احب هالمواضيع تنتشر من صوبي واكون سبب في نشرها

اكون ناشر للخير في كل شيء
والا اكون ناشر للشر ويرجع الاثم علي ..

الله يحفظ الجميع والله يستر عالجميع

[جبر ال جبر]

بيض الله وجيهكم جميعا وجزاكم الله خير على النصيحه والله يعوض راعي السياره ويهدي الشاب الي دعم السياره

[qatari911]

ما اصدق انه.... او اي قبيله مش دفاعا عنه لا والله بس التهويل والافلام الي قاعدين يألفونها على هالمقطع
وبعدين ماله داعي ذكر اسم المعرس او اسم المريض عقليا
لان اذا بنصدق اشياء نسمعها بنصدق بلاوي تصير ونستغرب من هالاشياء
شليت الاسماء احترام للاخ جبر دامه شل الاسماء

[جبر ال جبر]

لا تزعل مني ياجبر بس الموضوع خذ كفايته ..

ومع الايام الحقيقه راح تبان وراح العالم ينسون الموضوع
وكنقاش فيه ما اشوف له اهميه


وتدري التهويل في المواضيع مطلوبه وفي ناس تبربر بدون ما تدري شالسالفه ..
بس تسمع خبر تنقله ..

وصلني والا ارسلته لاني ما احب هالمواضيع تنتشر من صوبي واكون سبب في نشرها

اكون ناشر للخير في كل شيء
والا اكون ناشر للشر ويرجع الاثم علي ..

الله يحفظ الجميع والله يستر عالجميع

اخوي شبح الصمت كلامك على عيني وراسي وعز الله ماتقول الا الصح والله يجعلنا ناشرين للخير ومفاتيح له ومغلقين باب الشر بس يليتك سمعت الكلام المشين الي انقال عن الموضوع واعتقد مافي حد اليوم ماقرا القصه المكذوبه والي طلعت من خيال مريض استغل الحادث ونشر تاليف شيطاني عن الحادث لايمت للواقع بصله وهذا الي دايمن نحذر منه عدم الانجراف للاشاعات وكنت بعلق في الموضوع نفسه وانتهى الامر بس شفته مغلق فتحت الموضوع هنيه للتوضيح ليس الا وان شاءالله انها اخر الحواث البسيطه في بلادنا الغاليه قطر

[جبر ال جبر]

وللجميع تراني مب زعلان من حد وبالعكس كلامكم كله على محل تقدير ومعزه من اخوان لخوهم واتقبل جميع الاراء واحنا في نقاش مثري وعلى مستوى عقول نيره وكبيره

[شبح الصمت]

اخوي شبح الصمت كلامك على عيني وراسي وعز الله ماتقول الا الصح والله يجعلنا ناشرين للخير ومفاتيح له ومغلقين باب الشر بس يليتك سمعت الكلام المشين الي انقال عن الموضوع واعتقد مافي حد اليوم ماقرا القصه المكذوبه والي طلعت من خيال مريض استغل الحادث ونشر تاليف شيطاني عن الحادث لايمت للواقع بصله وهذا الي دايمن نحذر منه عدم الانجراف للاشاعات وكنت بعلق في الموضوع نفسه وانتهى الامر بس شفته مغلق فتحت الموضوع هنيه للتوضيح ليس الا وان شاءالله انها اخر الحواث البسيطه في بلادنا الغاليه قطر



سمعت الي سمعته ياخوي ..
وصادق اتمنى موضوعك ما يتصكر الحين وصلت للي تبيه .


انه الواحد ما يستحق الاحداث ويتكلم بما لا يعلم ..
الناس تتكلم في الشيء وعقب تنصدم في شيء ثاني ..

اتمنى تغيير العنوان حسب ما تراه مناسب ..


ويكون القذف والكلام في غير محله ..

والله يحفظ الجميع يالغالي
وجعل راسك سالم وداري انك ما تكلمت الا من قهر فيك ..