البنت هاوس 100%

[BUHASSEN]

السلام عليكم ورحمة الله

خبر لرفع مساحة البنت هاوس 100% هل تتوقعون ان هاي بيساعد علي انخفاض الايجارات
وهل المساحه الكليه ال 1.3 بتتغير معاها ..

وشنهي الي ادارة التخطيط تقدر تسويه عشان تقل او تحد الايجارات والارتفاعات في العقار ...

الرابط
http://www.al-sharq.com/news/details/388099

[بوحمد1]

اعتبرها خطوة ممتازة وراح تدعم امور كثيره واهمها الترابط الاسري واستقرار او هبوط نسبي في كافة تعاملات العقار من اجار واسعار البيع وصحيح ان مواد البناء ستتعامل مع صدى الخبر بارتفاع مؤقت ولكن اتمنى ان تكون فيه ضوابط للامن والسلامة وتحمل البنيان للدور الثالث .

توقع شخصي

ووجهة نظر ،،،

[BUHASSEN]

اعتبرها خطوة ممتازة وراح تدعم امور كثيره واهمها الترابط الاسري واستقرار او هبوط نسبي في كافة تعاملات العقار من اجار واسعار البيع وصحيح ان مواد البناء ستتعامل مع صدى الخبر بارتفاع مؤقت ولكن اتمنى ان تكون فيه ضوابط للامن والسلامة وتحمل البنيان للدور الثالث .

توقع شخصي

ووجهة نظر ،،،

ان شاء الله بس المفروض بعد تكون الدراسه اشمل ويفرقون في التعامل والشروط مابين الاراضي الصغيره والكبيره

بحيث الاراضي الصغيره يسمحون بااستغلالها من جميع النواحي مع مراعات شروط الامن والسلامه

وشاكرلك مرورك

[مواقف النجادة]

اذا مساحة البنت هاوس 100٪ .. صار طابق إضافي و مب بنت هاوس !!

على العموم مواصفات التخطيط العمراني من ارتدادات و نسبة البنيان و .. الخ .. هذه ليست شيء مقدس او قرآن منزل .. هذه الشروط تم وضعها من قبل مهندسين اثنين من اخواننا العرب الكرام في الثمانينات احدهم فلسطيني و الاخر سوداني ( احدهما ما زال على راس عمله في البلدية ) و كانت تتماشى مع حال البلد و مساحات و أسعار الاراضي في ذيك الأيام عندما كانت المئة الف ريال تجيبلك ارض مساحتها 1000 م2 داخل الدوحة ( بدون مبالغة )..
وكان الناس في تلك الأيام مايحاتون سعر الارض بل يحاتون تكاليف البنيان فقط لان أسعارالاراضي كانت لاتذكر مقارنة بسعر البنيان..

والآن بعد تغير الأحوال و انقلاب الصورة .. من الضروري ان تنفض وزارة البلدية و التخطيط العمراني غبار الكسل و السلبية عن كاهلها و تعيد النظر في قوانين التخطيط العمراني بما يتناسب مع التضخم في البلد و شُح الاراضي فيها و تضاعف عدد السكان ..

[blueZircon]

هالدراسه كانت مطروحه وتم الاعلان عنه من قبل سنه , ومازالت وزارة البلديه في سبات عميق

[معماري قطري]

البنتهاوس في الغالب الدخول له من داخل البيت .. هو صحيح بيوسع على المحتاج التوسيع لكن توسيع ما ينفع أو نفعه محدود لإِقامة أحد الأبناء مع والديه ولو كان تم استغلال الدور الأرضي في نص بيسمنت بارتفاع يناسب لوقوف السيارات .. حول 2 متر وبحيث يكون فيه نزول بسيط وما ترتفع أرضية الدور الأرضي ارتفاع مزعج .. تبقى الأَطراف مفتوحة للتهوئة ويكون دخول البيت الرسمي من الدور الأرضي ناحية المجلس والعائلي من البيسمنت ومواقف السيارات .. ويكون دخول على بيت درج ومصعد يوصل لكل الأدوار وكل دور له باب ومفصول عن باقي البيت أو مفتوح حسب الرغبة.

بدل ما نوسع جزئي بدور ثالث نخليها 4 أدوار كاملة ونطبق الارتدادات الضرورية ولو ننزلها لمترين أشوف كفاية .. والبيسمنت نقدر نخلي فيه جزء كملحق للطبخ للبيت كله بس يكون لاصق في السور وبدون ارتداد ومفتوح على البيسمنت ومخازن معاه كذلك .. وواجهة البيت يكون فيها مجلس العائلة مفتوح على الخارج وبدون ارتداد وجدامه مواقف مفتوحة لوقوف الزوار ( بدون مظلات أو بمظلات وبترخيص لو دعت الحاجة )

[معماري قطري]

ممكن تكون أجزاء من البيسمنت حق التكييف ونتخلص من التكييف على السطح .. باسوي رسم توضيحي يوضح الفكرة العامة وهذي القوانين لازم تطلع بسرعة حتى الناس تبني على أساسها وتخطط للإستفادة على أساسها

[BUHASSEN]

وييين بسرعه اخوي معماري الله كريم

تكلفة التغيير صعبه محد ماكلها الا الي بنا عالقوانين القديمه المالك متضرر في جميع الاحوال خلها علي الله

يعني تبني وتخلص وتسكن وعقب يسمحون وتعال غير وكلها بالتكلفه.....

[جي قطر]

هالتعديل للفلل الجديدة ولا القائمة حالياً؟

[المهندس عبدالعزيز]

السلام عليكم ورحمة الله

خبر لرفع مساحة البنت هاوس 100% هل تتوقعون ان هاي بيساعد علي انخفاض الايجارات
وهل المساحه الكليه ال 1.3 بتتغير معاها ..

وشنهي الي ادارة التخطيط تقدر تسويه عشان تقل او تحد الايجارات والارتفاعات في العقار ...

الرابط
http://www.al-sharq.com/news/details/388099

لو رفع بيزيد عدد السكان بالارض او الفيلا الوحدة، حاليا الكهرباء والشوارع زحمة فما بالك كل فيلا بتصير 3 ادوار

[جبر ال جبر]

يالربع هذي دراسه قديمه وماصار فيها شي واحد من الربع اليوم مار البلديه شارخينه بمخالفه لانه باني اكثر من 35% في البنتهاوس وقالو لو كلمت المدير يقطها!!!
وين كلامهم 100% هذا باني الثلث غرامه عيل لو باني النص شبيسون فيه يهدم البيت؟

[sweet qatar]

يالربع هذي دراسه قديمه وماصار فيها شي واحد من الربع اليوم مار البلديه شارخينه بمخالفه لانه باني اكثر من 35% في البنتهاوس وقالو لو كلمت المدير يقطها!!!
وين كلامهم 100% هذا باني الثلث غرامه عيل لو باني النص شبيسون فيه يهدم البيت؟

شلون ؟؟

شفت بيت يبني طابق ثالث كامل !!

[معماري قطري]

بيت شراه دكتور وهدمه على طريق الوعب وبنى مكانه بدون ارتدادات تقريباً والبنتهاوس على 85% من السقف وأكثر

هذا توه متجنس ولا حد منعه وبعده بشوي باني أحد أبناء السلام بيت ثلاث طوابق كاملة .. على اليسار بناية الأوقاف 3 طوابق وورا شوي قصر كبير ثلاث طوابق وارتفاع حول 20 متر

بإختصار قوانين التخطيط مطاطة ومتغيرة

مناطق الارتفاعات فيها محدودة نشوف فيها برج فجأة .. مثل برج المالكي وبرج العبيدلي في شارع سحيم بن حمد وبرج الجيدة في شارع الكهرباء وذاك الوقت التشديد على الإرتفاع أكثر من وقتنا الحالي

[BUHASSEN]

ال 30% ماتسوي شي الصراحه والناس قامت تاخذ اتمام البناء وتسوي الي تبي

لازم يقدرون احتياجات الناس مب بس مخالفات

50% مناسب والي يبي يزيد ومحتاج يدرسون وضعه

الله يكتب الي فيه الخير

[ضوى]

بيت شراه دكتور وهدمه على طريق الوعب وبنى مكانه بدون ارتدادات تقريباً والبنتهاوس على 85% من السقف وأكثر

هذا توه متجنس ولا حد منعه وبعده بشوي باني أحد أبناء السلام بيت ثلاث طوابق كاملة .. على اليسار بناية الأوقاف 3 طوابق وورا شوي قصر كبير ثلاث طوابق وارتفاع حول 20 متر

بإختصار قوانين التخطيط مطاطة ومتغيرة

مناطق الارتفاعات فيها محدودة نشوف فيها برج فجأة .. مثل برج المالكي وبرج العبيدلي في شارع سحيم بن حمد وبرج الجيدة في شارع الكهرباء وذاك الوقت التشديد على الإرتفاع أكثر من وقتنا الحالي

ايه عرفته

بس ترا البناء موقف من اكثر من سنة اذا تلاحظ مب يمكن تخالف ؟

[جبر ال جبر]

يالربع انتبهو هذي اشاعه شكلها او دراسه قديمه الخبر منشور في الشرق بانها دراسه وهالخبر من شهر 11 يعني من 4 شهور ولا في شي جديد حتى الان الي يبي العلم الوكاد يتوجهه للبلدية الي تتبع لها ارضه ويتاكد ويليت يتم التحقق من هالامر قبل نشره

[BUHASSEN]

سالت البلديه قبل كم يوم وقالو مافي شي رسمي

القانون القديم لي الحين هو الي ماشين عليه


والله يكتب الي فيه خير

[جبر ال جبر]

زين في مثل هالحاله مب لازم تكون وقفه حازمه مع جريده الشرق؟ ومحاسبتها