خذوا هاللغز .. متجــــدد

[الحياة الخالدة]

http://cdn.top4top.co/i_91f3d7b0490.jpeg (http://up.top4top.net/)

فكروا فيه
بس من الحين اقول لكم .. الحل مب عندي:nice:

[العفراء]

السلام عليكم
ممكن اشارك وياكم ؟

معاكم عفره من الامارات

[العفراء]

اعتقد اني عرفت الجواب بس مابيي احرق اللغز حرام

[الحياة الخالدة]

و عليكم السلام و رحمة الله و بركاته
هلا عفاري
إذا متأكدة من الحل .. اصبري شوي .. عطي سداح فرصة ههههههههه

[العفراء]

متاكده برسلج ع الخاص اوكي و سداح حليله مشغول بجوجل يدور الحل هاهاهاها

[بريق الحق]

27 (:

[الحياة الخالدة]

هههههههههه لهالدرجة اللغز سهل
أنا حتى ما فكرت فيه :shy: .. وصلني و سدحته لكم
عالأقل مثلوا شوي .. سووا نفسكم متخربطين .. اجبروا بخاطري :weeping:

[العفراء]

شطور والله بريق الحق بس جان صبرت شوي حرام في ناس تعبانين بجوجل يالسين يدورون الحل

انزين خلونا ندردش شوي بعطيكم لغز ثاني

عندكم لستة ارقام من 1 لين 100

خلال هاللسته كم مره يتكرر الرقم 8 ؟

[مختلف جداََ]

صح 27

[مختلف جداََ]

الدجاجة 3
النمر 17
الأرنب 7

[مختلف جداََ]

شطور والله بريق الحق بس جان صبرت شوي حرام في ناس تعبانين بجوجل يالسين يدورون الحل

انزين خلونا ندردش شوي بعطيكم لغز ثاني

عندكم لستة ارقام من 1 لين 100

خلال هاللسته كم مره يتكرر الرقم 8 ؟




مرة وحده

ههههه

[العفراء]

اسمها ديايه مب دجاجه اخويه

اونه دجاجه خف علينا يا الاعرابي ههه

[بريق الحق]

شطور والله بريق الحق بس جان صبرت شوي حرام في ناس تعبانين بجوجل يالسين يدورون الحل

انزين خلونا ندردش شوي بعطيكم لغز ثاني

عندكم لستة ارقام من 1 لين 100

خلال هاللسته كم مره يتكرر الرقم 8 ؟



بكره فالدوام بجوف ههههه الحين خلاص
بس اتوقع 11 مره لانه اكثر بنسى 88فيه ثمانيتن

[العفراء]

مرة وحده

ههههه


جوابك غلط خخخ

[العفراء]

بكره فالدوام بجوف ههههه الحين خلاص
بس اتوقع 11 مره لانه اكثر بنسى 88فيه ثمانيتن

شمعنى في الدوام اعترررف منو الملهم اللي يخليك تحل الالغاز هههه

و ع فكره جوابك غلط

[بريق الحق]

شمعنى في الدوام اعترررف منو الملهم اللي يخليك تحل الالغاز هههه

و ع فكره جوابك غلط
20 مره (:

[الحياة الخالدة]

امممممممم 11 مرة ؟؟

[الحياة الخالدة]

أما عاااااااد .. يعني تقول لج الجواب غلط .. و تحطين نفس الجواب هههههههههههههه

[الحياة الخالدة]

لا و مسوية نفسي أفكر بعد

[العفراء]

جوااابك صح برافووو خيوو

الحياااة اليوم الشو متغديه :omg:

[الحياة الخالدة]

انزين صح 20 ;
8
18
28
38
48
58
68
78
80
81
82
83
84
85
86
87
88
89
98

[الحياة الخالدة]

هههههههههه الارسال متأخر
معليش مقفلة شوي .. بلاعيمي تعورني

[معماري قطري]

http://cdn.top4top.co/i_91f3d7b0490.jpeg (http://up.top4top.net/)

فكروا فيه
بس من الحين اقول لكم .. الحل مب عندي:nice:

27 وعلى السريع وبدون استعمال حاسبة وبدون ما اشوف حد حله بس اتوقع الكل حله صح

[معماري قطري]

انزين صح 20 ;
8
18
28
38
48
58
68
78
80
81
82
83
84
85
86
87
88
89
98

انا حسبتها غلط طلعوا 10 ثمانيات انتي صح ولو العفرا اعترضت باروح لها زعبيل وباخليها تنسى الباسوورد مال المنتدى

[الحياة الخالدة]

إيوة صح
أنا بالعمد حاطته سهل .. تسخين حق الالغاز القادمة :shy:

[الحياة الخالدة]

انا حسبتها غلط طلعوا 10 ثمانيات انتي صح ولو العفرا اعترضت باروح لها زعبيل وباخليها تنسى الباسوورد مال المنتدى

لا مسكينة ما اعترضت
بس اللي حلها بريق الحق قبلي :secret:

[بريق الحق]

انزين ترى جاوبت على اللغزين مافي صوبي فلوس هدايه اي شي اقبل والله

[الحياة الخالدة]

انزين ترى جاوبت على اللغزين مافي صوبي فلوس هدايه اي شي اقبل والله

امبلى أفا عليك .. تفضل هالعطرين :

http://n4hr.com/up/uploads/9397ba7c1a.jpg

https://encrypted-tbn2.gstatic.com/images?q=tbn:ANd9GcSkeP1uVYcvRHNgr9UuRpW3JzaCQ3S9B Xu33sRVtpt8zWuiDeg

جربهم .. و انا متأكدة بيعجبونك

[بريق الحق]

ان شاء الله بكره بمر وبجوف

[العفراء]

انا حسبتها غلط طلعوا 10 ثمانيات انتي صح ولو العفرا اعترضت باروح لها زعبيل وباخليها تنسى الباسوورد مال المنتدى



انا بس قريت الكلام و على طول نسيت الباسوورد :weeping:

[الحياة الخالدة]

انزين :
بعطيكم اللي أتذكره من الالغاز الشعبية :nice:

ما هو الشيء : أخضر في السوق .. أحمر في يد أمك ؟؟

[بريق الحق]

الشاي صح

[الحياة الخالدة]

لا خطأ يا بريق

[العفراء]

الحنا

[العفراء]

الشو الشي اللي اذا مسكته طار و اذا ودرته طار و اذا علقته طار و اذا قلبته طار

[الحياة الخالدة]

الحنا .. وانتي صح يا عفاري :victory:

[الحياة الخالدة]

لغزج عرفت حله .. بس بعطي سداح فرصة يجاوب :nice:

[العفراء]

ههه والله بو سداح شكله الحين مشغول يسمع الاخبار بالاذاعه قبل لا ينااام مب فاضي للألغاز

[الحياة الخالدة]

ههه والله بو سداح شكله الحين مشغول يسمع الاخبار بالاذاعه قبل لا ينااام مب فاضي للألغاز

اعرف ناس بعد شوي بيتطوطحـــــــون :secret:
عشان جذي بجاوب :
الحل هو الطــــــار ؟؟

[العفراء]

هيه والله صصصصح شطورة الحياة

يطوطح معناتها يترنح صح؟؟؟ خخخ

المهم انا بروح ارقد تصبحووون على خير باجر بنلتقي بكم ان الله احيانا بليز انتبهو على اعماركم ولا تظهرون من البيت بنص الليل اوكي وداااعة الله

[الحياة الخالدة]

هيه صح .. شوفي نفسج الحين و انتي رايحة سريرج .. بتعرفين المعنى عدل هههههههههههه

نوم العوافي .. و أحلام سعيدة

[<اضرب واشرد>]

الديك 3
الأرنب 7
النمر 17
الجواب 27

[الحياة الخالدة]

الديك 3
الأرنب 7
النمر 17
الجواب 27

برافو عليك
عاد يقولون اللغز سهل .. و حلوه من زمان :nice:

[الحياة الخالدة]

طيب خذوا هاللغز الشعبي :

ما هو الشيء :
أسود ليل ولا هو ليل .. يبط الدار ولا هو فار

[bohilal191]

ممكن أتصل بصديق

[الحياة الخالدة]

ممكن أتصل بصديق

خذ راحتك .. اتصل بكل الأصدقاء :telephone::telephone::telephone:

[bohilal191]

ممكن اختيارات

[الحياة الخالدة]

ممكن اختيارات

لا :anger1:

[bohilal191]

الدخان يالحياة

[الحياة الخالدة]

الدخان يالحياة

وانت صح :victory:

بس اعترف .. من علمك ؟؟

[bohilal191]

وانت صح :victory:

بس اعترف .. من علمك ؟؟

أمي دخلت علي وسألتها

[الحياة الخالدة]

أمي دخلت علي وسألتها

ما شاء الله تبارك الرحمن
الله يحفظها و يطول بعمرها على الطاعة و العمل الصالح

[bohilal191]

ما شاء الله تبارك الرحمن
الله يحفظها و يطول بعمرها على الطاعة و العمل الصالح

اللهم آمين وجزاج الله خير

[بريق الحق]

1+1=3
شلون يلا بجوف من يجاوب

[الحياة الخالدة]

أنا ماعرف
خل نشوف من اللي يعرف

[العفريت 2022]

السلام عليكم ورحمه الله وبركاته

صباح الخير

رجل وامرآتان =3


شكرا

[الحياة الخالدة]

السلام عليكم ورحمه الله وبركاته

صباح الخير

رجل وامرآتان =3


شكرا

بسم الله الرحمن الرحيم .. عفريت !! من وين طلعت

و عليكم السلام و رحمة الله و بركاته

شكلها إجابتك صح .. بس ننتظر التأكيد من بريق الحق :telephone:

[بريق الحق]

غلط
ولا اجابة صح

[الحياة الخالدة]

غلط
ولا اجابة صح

هههههههه أنا ما جاوبت أصلاً

بس نشوف الشاطر اللي بيحل اللغز

[بريق الحق]

هههههههه أنا ما جاوبت أصلاً

بس نشوف الشاطر اللي بيحل اللغز

لازم يكون ذكي من مستوى عالي عشان يحله

[العفراء]

صباااح الخير

سهل وااااايد بصراحه على طول عرفت الحل

ريال و زوجته الحامل ! هم اثنين ظاهريا لكن عددهم ثلاثه

و جان تبون شرح تفصيلي للجواب انا حاضره

[بريق الحق]

غلط
يالعفراء

[العفراء]

اونه غلط :weeping:

اوكي بيلس افكر و ارجع لكم بالحل

[بريق الحق]

ماظن في حد بجاوب بعطيكم لين سبع ونص

[العفراء]

قلبت بمخي تقليب بس ما عرفت الحل
المهم بالجواب يكون منطقي اوكي

و ع فكره احن اجازه لبن الاحد الياي بالامارات و انتم مداومين الله يعينكم

[لبيبة]

السلام عليكم ورحمة الله وبركاته،

حل لغز بريق الحق. هو "يا أبا بكر، ما ظنك باثنين الله ثالثهما؟" يعني لما رسول الله صلى الله عليه وسلم كان في الغار مع أبي بكر، طمأنه بأن الله معهم.

[بريق الحق]

غلط
(:

[بريق الحق]

عليكم السلام ورحمة الله وبركاته

[بعيد النظر]

بريق الحق ..


حاول تبسط تقرب .. اي شي ..
قول حاار ولا بارد هههههههههه

لان اغلب الاجوبة جات عن اشخاص ..

[@north_star@]

رجل وامرأة وثالثهما الشيطان :protest::spider:

[العفراء]

اعتقد جواب النورث صح

[بريق الحق]

الجواب
ان الناتج طلع 3 بالغلط :tease:

تسجيل خروج من المنتدى (:
لحد يعصب

[ضوى]

بريق :anger1:

[العفراء]

خخخ لقد وقعنا بالفخ جميعا

[الحياة الخالدة]

بريق ممنوع من دخول هالموضوع :anger1:

[العفراء]

هي والله عندج اياه الحياه

[مختلف جداََ]

من الصبح ابي أشارك و أخاف تهاوشوني :shy:

[العفراء]

هلا هلا اخويه مختلف منور الشيييخ

[بريق الحق]

(:
كان لغز صعب عليكم اعترفو (:

[مختلف جداََ]

بريق انت عليك منع
:tease:

[qatarman8008]

الحل 27.5 :omen2:
وما ابي اي نقاش.. :omen2:

[العفراء]

الحل 27.5 :omen2:
وما ابي اي نقاش.. :omen2:

عفوا اخويه المهندس ممكن اعرف من وين يبت النص :omen2:

[qatarman8008]

عاد الحين لازم اعيد الحسبة وبتطول السالفة..
وانتوا وراكم رقاد وبكره دوام..

[العفراء]

هي والله ورانا رقاد ما يحتاي تشرح انا فهمت الحسبه لا تحاتي خخخ

[معماري قطري]

انا بس قريت الكلام و على طول نسيت الباسوورد :weeping:

ههههههههههه بس صدقتي انا مسكين ما اقدر اسوي جريمة وخصوصاً في دبي مصيود مصيود

[معماري قطري]

خايف احط لكم لغز تهاوشوني خصوصاً العفرا ومختلف

[العفراء]

عمي بو عبدالله حط خلنا نمخمخ شوي

[العفراء]

تصبحووون على خير باجر بنلتقي ان الله راد

ودعتكم الله

[معماري قطري]

تصبحووون على خير باجر بنلتقي ان الله راد

ودعتكم الله

وانتي من أهل الخير .. شلون تمخمخين وانتي بتنامين

[معماري قطري]

هذا لغز حق العفرا بس لحد يحله زين

إن قدرت تحله من أول مره بتكون خارقة الذكاء وثاني محاولة بتكون ذكية وثالث وبعدها بتكون ما حلته

http://i.imgur.com/4BPgzbD.jpg

[الحياة الخالدة]

معماري الله يهديك .. فريت مخي .. توني قاعدة من الرقاد
مافي الا ارسم الصورة و اشوفها في المنظرة شلون تطلع
بس مشكلتي إني ماعرف ارسم :nice:

[الحياة الخالدة]

بس مبدئياً اللي فوقه على طول

[الحياة الخالدة]

توني اشوف انه حق العفرا بس
مب مشكلة هي راقدة الحين

إذا حلي صح بحذف مشاركاتي هههههههههههه

[مختلف جداََ]

انزين يصير احط لغز ؟؟ :shy:

[الحياة الخالدة]

ايوة يصير

[معماري قطري]

توني اشوف انه حق العفرا بس
مب مشكلة هي راقدة الحين

إذا حلي صح بحذف مشاركاتي هههههههههههه

لتحذفين حلج اللغز للكل بس باعطي العفرا محاولتين وبعدها باقول الإجابة

ومختلف ما شاء الله عليه قمة الأدب ويستئذن

[مختلف جداََ]

ومختلف ما شاء الله عليه قمة الأدب ويستئذن

:shy::shy::shy::shy::shy::shy::shy::shy:

[الحياة الخالدة]

لتحذفين حلج اللغز للكل بس باعطي العفرا محاولتين وبعدها باقول الإجابة

ومختلف ما شاء الله عليه قمة الأدب ويستئذن

يعني اجابتي صح والا غلط ؟؟ :rolleyes2:

[مختلف جداََ]

يعني اجابتي صح والا غلط ؟؟ :rolleyes2:


استانسي صح :anger1:

[الحياة الخالدة]

استانسي صح :anger1:

و اشحقه معصب :anger1:

يلا عطنا لغزك :anger1:

[بريق الحق]

ممكن احط لغز والله صعب ياجماعة ولين اليوم ماعرفت الحل

[الحياة الخالدة]

ممكن احط لغز والله صعب ياجماعة ولين اليوم ماعرفت الحل

تفضل أخوي بريق .. بس لا يطلع نفس لغزك السابق :vampire:

[بريق الحق]

تفضل أخوي بريق .. بس لا يطلع نفس لغزك السابق :vampire:
دام فضلج اختي
هههههه
سعيد وعيد سعيد طب فالبحر من بقى (:

[العفراء]

هذا لغز حق العفرا بس لحد يحله زين

إن قدرت تحله من أول مره بتكون خارقة الذكاء وثاني محاولة بتكون ذكية وثالث وبعدها بتكون ما حلته

http://i.imgur.com/4BPgzbD.jpg

صباااح الخير

اتوقع الصورة اللي فوق شرات ما قالت الحياة الخالده
و باجي الصور فيهن اختلافات لو تحب بذكرهم لك عمي المعماري حاضريييين

[العفراء]

دام فضلج اختي
هههههه
سعيد وعيد سعيد طب فالبحر من بقى (:


بقى ربييييع سعيد بس علشان ما اتعب عمرك و تعيد اللغز ما نبا انقولك عيد

[الحياة الخالدة]

دام فضلج اختي
هههههه
سعيد وعيد سعيد طب فالبحر من بقى (:

كشفناك من البداية هالمرة
والا جان قعدنا مع لغزك لين يوم القيامة

[معماري قطري]

صباااح الخير

اتوقع الصورة اللي فوق شرات ما قالت الحياة الخالده
و باجي الصور فيهن اختلافات لو تحب بذكرهم لك عمي المعماري حاضريييين



حي الله الشيخة عفرا مساء الأنوار

طلعتي 100% دقيقة وطحت على شوية ألغاز هندسية باحطها لكم جهزوا مسطرتكم وقلم رصاص وفرجار واللي تحصلونه في السوق ييبوه حتى مسمار ومطرقة

[العفراء]

الله يحييك عمي بو عبدالله

و الله يخلي لنا الحياة الخالدة هي جاوبت قبلي وانا غشيت منها *__*

و نتريا الغازك طال عمررك و مجهزين العدة الهندسيه بالكااااااااااااامل

[معماري قطري]

الحياة الخالدة حلت اللغز وهي توها صاحية من النوم وهذا دليل النبوغ ما ادري يمكن بعد دليل إن اللغز سهل

هذا اللغز شوي صعب ويبي له مقص ومسطرة وألوان واللي متفرغ يحاول فيه .. تركبون البلوكات كلها بحيث تملي المكان المحدد تقدرون تحركونها حسب ما تحبون

http://i.imgur.com/VsyyW0H.gif

[ضوى]

معماري الله يعافيك طرش لي رابط اللعبه

[معماري قطري]

معماري الله يعافيك طرش لي رابط اللعبه

ههههههههه انا بالغلط حطيته ورجعت قصيته حتى محد يغش .. هي ألعاب حلوة للصغار والكبار وان شاء الله بيوصلج بس لتغششين حد

[العفراء]

الششو ها وايد صعب عمي المعماري لازم اروح اخذ لي علبة الوااان بس بعد بحاااول احل المسألة

[العفراء]

اسمحوا لي بترخص عنكم الحين بروح ارقد باجر الصبح بنلتقي اوكي يلا وداعة الله

[معماري قطري]

اسمحوا لي بترخص عنكم الحين بروح ارقد باجر الصبح بنلتقي اوكي يلا وداعة الله

بترقدين وانتي ما شريتي الألوان عيل مب محلول اللغز .. انا شفت حله وكان غير كلش عن اللي توقعته

[مختلف جداََ]

:waiting::waiting::waiting::waiting::waiting:

[معماري قطري]

:waiting::waiting::waiting::waiting::waiting:

هههههههه شفيه مختلف جنه مدير مدرسة معصب على الطلاب اللي ما دخلوا الصف

[العفراء]

صبحكم الله بالخير يا الحلوين

[الحياة الخالدة]

هذا اللغز شوي صعب ويبي له مقص ومسطرة وألوان واللي متفرغ يحاول فيه .. تركبون البلوكات كلها بحيث تملي المكان المحدد تقدرون تحركونها حسب ما تحبون

http://i.imgur.com/VsyyW0H.gif



للرفع و التذكير
حسب علمي هذا آخر لغز نزل .. محد حله لين الحين

[الحياة الخالدة]

صباح النور أختي العفرا

[بونووف]

السلام عليكم معماري طرش لي رابط اللعبه ياخوي

[الحياة الخالدة]

هههههههههههه
انزين حلوا اللغز عالاقل
بعدين اطلبوا اللعبة

[بونووف]

هذا هو انا ابغي اللعبه عشان احلها لانه جي سالفه قص وركب

[الحياة الخالدة]

اهااااا .. أوكي خذ راحتك اخوي

[العفراء]

مستحييل نحل اللغز جذي لازم انححمل اللعبه شكله عمي المعمارري متفق مع الشركة انه يسوي دعايه للعبه بالمنتدى

[الحياة الخالدة]

عيل حد يحط لغز ثاني لين يوزع عليكم رابط اللعبة

[معماري قطري]

السلام عليكم معماري طرش لي رابط اللعبه ياخوي

فيه الحل مباشرة والله ما فيه لعبة تسويها بتحريك الأشكال .. هذي الظاهر بعض الألغاز عملية أكثر منها تحلها الكترونية بالماوس والكمبيوتر .. ويمكن فيه مواقع فيها بالكمبيوتر .. إن حطيت الرابط بيستوي الحل واضح

[معماري قطري]

الموقع www.puzzels.com واحتمال فيه طريقة بالكمبيوتر انا ما عرفت شلون بس هشكل احترقت كل الألغاز لأن الأجوبة موجودة

[معماري قطري]

سامحوني طلعتوا صح وانا غلط جربت وتقدرون تعدلون وتغيرون وتحركون القطع وبعد تشوفون الحل