<<<< الفضول الزائد عن حده >>>>>

[شبح الصمت]

السلام عليكم ورحمة الله وبركاته ..


كثيراً منا من يحب ان يتدخل في امور غيره ..

والامثلة كثيرة ..

واكثرها هي السؤال كيف مات فلان واشلون مات فلان ..
انا اشوف انه بعض الناس تبني ترحمها على الشخص حسب موته ..

يعني مات غريق والا شهيد ندعي له
واذا مات في حادث قلنا سرعه وجنون واستغفر الله العظيم نقعد نحلل على كيفنا

ونسينا انه المفروض منا جميعاً ان لا نسال والا حتى نبحث مات خلاص مات الله يرحمه

حادث والا غيره كان مسرع كان يمشي اشوي اشوي ..
مات برى داخل قطر

خلاص علينا بالدعاء وعدم تنقال الاخبار والسوالف والقصص الي منها تكون صحيحه ومنها تأليف وكلام ما له صحه ولا معنى ..

والموضوع لا يقتصر على الموت فقط بل على اشياء كثيرة في حياتنا ..
نحب ان نعرفها والبعض يقعد يتسال فلان وعلان وحتى لو ذاك ما يعرف يجيه فضول ويقوم بالبحث وذاك يبحث ويبلغ واحد ما يدري وذاك يبحث


وكلنا نبحث ونتسال عن امر خفي
ماذا حصل
وكيف حصل
ولماذا حصل


اسمحو لي هذه فضفضه بسيطة من امور حياتنا

[JN000N]

يعني مات غريق والا شهيد ندعي له
واذا مات في حادث قلنا سرعه وجنون واستغفر الله العظيم نقعد نحلل على كيفنا

خلف الله عليج ياجنون
عومة ماكوله ومذمومه

هاي مب فضول
هاي لقافه شينه

[مختلف جداََ]

خلف الله عليج ياجنون
عومة ماكوله ومذمومه

هاي مب فضول
هاي لقافه شينه

صح لقافه

المهم
موضوع اللقافه مالج دوريه و ارفعيه :tease:

[JN000N]

صح لقافه

المهم
موضوع اللقافه مالج دوريه و ارفعيه :tease:

اكل عليه الدهر وشرب
واستوفى النقاش فيه
خلنا ف اليديد ابرك

[بانغ بانغ]

صادق والله

مب بس في الوفيات في كل الامور زواج ... شراء سيارة .... سفر .... الخ

[@north_star@]

انا أسميها لقافة .... وللأسف هالشي منتشر لدى الكثير من الناس اللي يحب يعرف كل شي بالتفصيل حتى لو الأمر ما يعنيه

[بصمة قطرية]

ممكن لقافة و ممكن فضول ..
بس ما أشوف فيها شي لو الشخص سأل عن سبب الوفاة ..!!
يعني فلان توفى ..!
سبب الوفاة ..؟
مرض و لا حادث و لا موت مفاجيء ..
وين الغلط أخوي شبح ..؟
يعني إنت تتخيل حالة أهل المتوفي
يعني لو المتوفي كان مريض
تتوقع إن حالتهم أفضل من لو مات فجأة
مثلاً في حادث ...
يعني صدمة الموت المفاجيء أقوى ..
إنت بس تسأل و ما أشوف هالشي غلط
و لا أعتبره لقافة ..
بإختصار ..
طبيعي تسأل عن سبب الوفاة ..
في كل الأحوال ( تتعدد الأسباب و الموت واحد ) ..
الله يرحم موتانا و موتى المسلمين..

[فيصل99]

من حسن اسلام المرء تركه مالا يعنيه :shy: الي يعقلها بيطبق

اللقافه شينه والملاغه ما ستحملها لكن الواحد يكون ذكي يغير الموضوع

[Qtr37]

لو الموضوع مقتصر على اللقافه والسؤال بنقول بعد مب مشكله، لكن اتلقف في موضوع ما يخصني وافسر واحلل واخمن ثم انشر الكلام على كيفي بناءا على تحليلات على المزاج فالمصيبة اعظم،، استغرب من الحريم اللي يسألون عن ادق التفاصيل مثل رسالة الوتس اب اللي انتشرت مكتوب فيها بما معناه ( اللي تسأل حامل ولا مب حامل ؟ وكم شهر؟ واي اسبوع ؟ وبنت ولا ولد؟ طيب بعد هالاسئلة هل بتربينهم او بتشاركين في تربيتهم؟؟؟؟؟)

اشكال لما نشوفهم نقول اللهم عافنا لا تبتلينا!!!!

[شبح الصمت]

خلف الله عليج ياجنون
عومة ماكوله ومذمومه

هاي مب فضول
هاي لقافه شينه


شيء يضايق يا جنون

البعض عادي عندهم يقول كل شيء
والبعض عنده تحفظ لكن البعض يجبرونه على انه يتكلم

[شبح الصمت]

صادق والله

مب بس في الوفيات في كل الامور زواج ... شراء سيارة .... سفر .... الخ



شيء غريب عجيب ..
واحلى شيء ..

يوم واحد يسالك عن راتبك وعقب تتفاجا في واحد يقولك اصلا اعرف كم راتبك ..

ياخي ياهي صدمه يا بانغ
هذه طبعاً من باب المزح قلتها لكنها حقيقه وتضايق الكثير ..

[شبح الصمت]

انا أسميها لقافة .... وللأسف هالشي منتشر لدى الكثير من الناس اللي يحب يعرف كل شي بالتفصيل حتى لو الأمر ما يعنيه



لقافه قلتها
والبعض اوصلت لقافتهم انهم يحبون يعرفون اخبار دوامك وامورك لاجل يروح عقب يوصل الاخبار لفلان وعلان ..

وتطلع سالفه وراء سالفه
امور كثيرة ياخي مفروض نتغاضى عنها قد ما نقدر
ما اقول اني ما احب اعرف شيء
بس الواحد يحترم الشخص اذا اهو يبي يفتح لي قلبه لازم اكون انا ستر عليه
او اني احاول اني لو ذكرت قصه من باب العبره او الموعظه ..

[شبح الصمت]

ممكن لقافة و ممكن فضول ..
بس ما أشوف فيها شي لو الشخص سأل عن سبب الوفاة ..!!
يعني فلان توفى ..!
سبب الوفاة ..؟
مرض و لا حادث و لا موت مفاجيء ..
وين الغلط أخوي شبح ..؟
يعني إنت تتخيل حالة أهل المتوفي
يعني لو المتوفي كان مريض
تتوقع إن حالتهم أفضل من لو مات فجأة
مثلاً في حادث ...
يعني صدمة الموت المفاجيء أقوى ..
إنت بس تسأل و ما أشوف هالشي غلط
و لا أعتبره لقافة ..
بإختصار ..
طبيعي تسأل عن سبب الوفاة ..
في كل الأحوال ( تتعدد الأسباب و الموت واحد ) ..
الله يرحم موتانا و موتى المسلمين..



اذا بنتكلم عن الموت مفروض ما ينسأل عنه اهل الميت في وقته
وصراحة انا انسان قاطعهم لي فترة ولا اعرف شلي فيهم واجي مره وحده
الله يجزاني خير
وقعد اتسال ليش ابوك مات والرجال مسكين له فترة فالمستشفى ولا جيت ازوره ويوم مات جيتهم وقعد اتسال ..

هذولي البعض اقول لج مب الكل .
وما فيها شيء نفس ما قلتي بس مب في اوقات محرجه
او اسال ناس عن امور تخصهم واشوي اشوي الا يسمعونها وقالوا اني تكلمت عنهم ..

مب حلوه كلش

[شبح الصمت]

من حسن اسلام المرء تركه مالا يعنيه :shy: الي يعقلها بيطبق

اللقافه شينه والملاغه ما ستحملها لكن الواحد يكون ذكي يغير الموضوع



الله يجزاك خير ..
هذه اهي ترك مالا يعنيه ..

[شبح الصمت]

لو الموضوع مقتصر على اللقافه والسؤال بنقول بعد مب مشكله، لكن اتلقف في موضوع ما يخصني وافسر واحلل واخمن ثم انشر الكلام على كيفي بناءا على تحليلات على المزاج فالمصيبة اعظم،، استغرب من الحريم اللي يسألون عن ادق التفاصيل مثل رسالة الوتس اب اللي انتشرت مكتوب فيها بما معناه ( اللي تسأل حامل ولا مب حامل ؟ وكم شهر؟ واي اسبوع ؟ وبنت ولا ولد؟ طيب بعد هالاسئلة هل بتربينهم او بتشاركين في تربيتهم؟؟؟؟؟)

اشكال لما نشوفهم نقول اللهم عافنا لا تبتلينا!!!!



اللهم عافنا فيما ابتليت فيه غيرنا ..
صدقتي تنقال الاخبار بين الحريم هو الاسرع ..


لا تقولين لفلانه وفلانه واصلها الخبر من فلانه ..
وحتى احنا اوقات في شباب نفس الشيء
بقولك بس لا تقول لاحد وتحصلين هالاحد يعرف ومنصدم مني

الله يغفر لنا ويرحمنا

[توشيبا]

ايام النصب

كنت اخلي واحد يدفع لي مبالغ بس عشان اكمل له سالفه او اي شي يبغي يعرفه ويدفع بسبب الفضول ونص السوالف صواريخ


هذا مرض مانقول الا الله يشافيهم ولا يبلانا

[شبح الصمت]

ايام النصب

كنت اخلي واحد يدفع لي مبالغ بس عشان اكمل له سالفه او اي شي يبغي يعرفه ويدفع بسبب الفضول ونص السوالف صواريخ


هذا مرض مانقول الا الله يشافيهم ولا يبلانا




هاهاي

لا حول ولا قوة الا بالله ..

شكلك اغتنيت من وراه .
:secret:

[العفراء]

انا لو حد اتوفى اسال بصراحه كيف مات بس مب من باب اللقافه اسأل لاني اتفاجأ ان اللي مات مثلا
صغير او شاب او مثل وحده انعرفها درست معاي و توفت بحادث الله يرحمها انا انصدمت و اكيد اول شي خطر ع بالي كيف توفت ؟ ما احسها لقافه يمكن فضول قاتل او اي تعبير ثاني

[شبح الصمت]

انا لو حد اتوفى اسال بصراحه كيف مات بس مب من باب اللقافه اسأل لاني اتفاجأ ان اللي مات مثلا
صغير او شاب او مثل وحده انعرفها درست معاي و توفت بحادث الله يرحمها انا انصدمت و اكيد اول شي خطر ع بالي كيف توفت ؟ ما احسها لقافه يمكن فضول قاتل او اي تعبير ثاني



اوكي خلينا نقول نسأل اشلون توفى ..
بس يالعفراء تتوقعين في حزتها واهل الميت في حاله الله العالم فيها اجي اسال امه والا اخته اشلون وكيف وقعد اتكلم ..
هالوقت توقعين مناسب

وغيره من الاشياء مش اقتصر على الوفيات بس
امور كثيرة يالعفراء ما تكون مناسبه ..

الله يرحمنا برحمته

[JN000N]

شيء يضايق يا جنون

البعض عادي عندهم يقول كل شيء
والبعض عنده تحفظ لكن البعض يجبرونه على انه يتكلم



شبح مايحس بالنار الا واطيها
جربت موضوع اللقافه ف الوفيات
حسيت ان يايين بس يبون العلوم والسوالف
فوق ان وحده كانت تنوح وانا اكره شي عندي وحده تقعد عند راسي وتنوح
كانت تتسأل اسأله مالها داعي
معليه بتسالون شلون مات بنقول حادث منقلب اي شي
بس بعد بتسألون ف تفاصيل
ترى انتي مب قاعده تخففين علي تراج تزيديني بروحي ابي انسى ابي اغفل عن موتته تردين تعلين قلبي وياج اشرح لج شلون صار الحادث وشلون صار شكله

[شبح الصمت]

شبح مايحس بالنار الا واطيها
جربت موضوع اللقافه ف الوفيات
حسيت ان يايين بس يبون العلوم والسوالف
فوق ان وحده كانت تنوح وانا اكره شي عندي وحده تقعد عند راسي وتنوح
كانت تتسأل اسأله مالها داعي
معليه بتسالون شلون مات بنقول حادث منقلب اي شي
بس بعد بتسألون ف تفاصيل
ترى انتي مب قاعده تخففين علي تراج تزيديني بروحي ابي انسى ابي اغفل عن موتته تردين تعلين قلبي وياج اشرح لج شلون صار الحادث وشلون صار شكله



صدقتي يا جنون
والله يرحم موتاكم وموتى المسلمين ..
سؤال اشلون مات وخلاص
اما اتسال ولازم اعرف ادق التفاصيل وادش وليش ما سوويتو وليش ما صار جذيه وليش وليش ..
انتي في حالتك وهم عادي لانهم ما يحسون بالنار الي في صدر الواحد
وفي ناس امورها طيبه مات عندهم احد تحصلينه عادي يسولف ويخلي هالعالم تساله وتستفسر واموره طيبه

استغفر الله العظيم

[شبح الصمت]

وفي نوعية ما ذكرتها وهي النوعية الي تنقل الاخبار في وسط العمل ..

وهذه النوعية مصنفه باخطر نووووعيه وسط المجتمع ..
واتمنى القضاء عليهم صراحة

لانهم نوع يحتوي على مواصفات فعاله
يتقرب بسرعه
يضرب بين الموظفين
كذاب ويبهر السوالف


انسان مريض نفسي ولا يتواطن ويتعاشر

[مختلفة عقليا]

السلام عليكم

والله ي اخوي تدخلوا فينا وتلاقفوا واسالوا ., اعوذ بالله منهم

بس ياخي اللقافه شينه والله ., اشعليكم من العالم .,

وانا اقول عن نفسي ., كلش ما اتدخل وماعرف اصلا

كنت ماره من مكتب المدير اسمعه يسال الشباب عني ., والله العظيم ما افتكرت ., ويوم اقول لرفيجاتي قولوا ليش ما وقفتي تسمعين !! فوق اللقافه تنصت اعوذ بالله

ودع الخلق للخالق ي جماعه

ويسلموو

[شبح الصمت]

السلام عليكم

والله ي اخوي تدخلوا فينا وتلاقفوا واسالوا ., اعوذ بالله منهم

بس ياخي اللقافه شينه والله ., اشعليكم من العالم .,

وانا اقول عن نفسي ., كلش ما اتدخل وماعرف اصلا

كنت ماره من مكتب المدير اسمعه يسال الشباب عني ., والله العظيم ما افتكرت ., ويوم اقول لرفيجاتي قولوا ليش ما وقفتي تسمعين !! فوق اللقافه تنصت اعوذ بالله

ودع الخلق للخالق ي جماعه

ويسلموو


وعليكم السلام
من تدخل فيما لا يعنيه لقى او سمع او وجد ما لا يرضيه
الواحد عليه من نفسه .
واذا بيسال من باب الاصلاح فهذا الشي طيب
اما من باب الفضول وعقب اتناقل الموضوع بين العالم فاشوف ما له لزمه ..


وايد ناس تجيني تسالني عن امور في العمل واعرفها لكني اتملص من الاجابه
ليس خوفاً منهم ولكن مابي في يوم يجون يقولن فلان وصلنا كلام منه وقال وقال ..

برد على شيء ظاهر اي ويتناقشون فيه العالم
لكن شيء محد يعرفه غير اناس محدودين وعندي علم عنه لا والف لا

يوصل من غيري ولا يوصل مني

[توشيبا]

هاهاي

لا حول ولا قوة الا بالله ..

شكلك اغتنيت من وراه .
:secret:

عنده رقم محد يعرفه بس خذاه عشان يحطه في تلفون زايد عنده


وسافرنا واستخدمنا هالرقم في كم اتصال

بعد سنه تقريبا اتصلت على رقمه مسكر اتصلت على هالرقم انجن اشلون عرفت الرقم


ومن عطاك اياه

ماهدى ولا برد قلبه الا حط في مخباء خمس ميه وقلت له اشلون عرفته


والله يشافيه من هالمرض

[abu m7md]

السلام عليكم ورحمة الله وبركاته
اخالفك في البعض اخوي شبح واتفق مع الاخت بصمة والعفراء ولاهانوا باقي الاعضاء
اخوي فيه ناس اذا تسئل تريح لك بالك وخل نتكلم عن الوفيات وان كانت في يوم العزاء
لنفرض انه الواحد مات مبطون او في مرض
فيه ناس يحول الحزن الى تباشير ويقلب لك حال اهل المتوفي الى بشرى انه من اهل الجنه وحزات ودك انه يسئلك بعد زياده لاجل يبشرك اكثر
وفيه بعض مثل ماتفضلت انه يسئل بس من غير اي اجابة ويسوي تعابير فالوجه مولمه تولم اهل المتوفي


اما في بعض الامور مثل الدوام والراتب مثل ماتفضل اخونا في الحديث الشريف : حسن اسلام المرء ترك مالا يعنيه.


فيه ناس لها اسلوب في تقليب الاحواء والمزاج وهذه بركات من الله سبحانه وتعالى عليهم
مش شرط يكون شخص ملتزم او دين لا ممكن يكون اي مسلم
وهذا شي جميل انك تسئل لافراح وليس للمعلومه




تقبل مروري
اخوك
ابومحمد

[شبح الصمت]

السلام عليكم ورحمة الله وبركاته
اخالفك في البعض اخوي شبح واتفق مع الاخت بصمة والعفراء ولاهانوا باقي الاعضاء
اخوي فيه ناس اذا تسئل تريح لك بالك وخل نتكلم عن الوفيات وان كانت في يوم العزاء
لنفرض انه الواحد مات مبطون او في مرض
فيه ناس يحول الحزن الى تباشير ويقلب لك حال اهل المتوفي الى بشرى انه من اهل الجنه وحزات ودك انه يسئلك بعد زياده لاجل يبشرك اكثر
وفيه بعض مثل ماتفضلت انه يسئل بس من غير اي اجابة ويسوي تعابير فالوجه مولمه تولم اهل المتوفي


اما في بعض الامور مثل الدوام والراتب مثل ماتفضل اخونا في الحديث الشريف : حسن اسلام المرء ترك مالا يعنيه.


فيه ناس لها اسلوب في تقليب الاحواء والمزاج وهذه بركات من الله سبحانه وتعالى عليهم
مش شرط يكون شخص ملتزم او دين لا ممكن يكون اي مسلم
وهذا شي جميل انك تسئل لافراح وليس للمعلومه




تقبل مروري
اخوك
ابومحمد



صحيح اخوي ما اخالفكم بس بس مب الناس الي تتكلم عنها مثل الي يخلونك ترتاح نفسيا..
لا بعضهم عكسياً يخلوونك تفكر بالشخص المتوفي وحاله ..

وحياك الله ياخوي اي وقت

[راعي الكورفت]

من تدخل فيما لا يعنيه
لقي مالا يرضيه

[السهم الذهبي]

الفضولي لابد ان احنا نتجنبه ان احنا نظهر الغموض ولا نعطيه كل شي عن حياتنا الخاصه
ولا كن مب عارف اذا هالنوعيات في ازدياد او لا

[عثرة جواد]

السلام عليكم


ف أمور الواحد ممكن يسال عنها مثل الموت او الامراض


بس تكون القافة لين تسال هاي قطري والا لا هههه...او هو دافع المهر والا ابوة

او سيارته شاريها والا اجار هههههه

عساك ع القوة