لي متى و هم يسرقووونا

[العفراء]

ليش بعض النشاطات التجاريه ما ايكون عليهم تحديد الاسعار من الدايره الاقتصاديه

مثلا الكهربجي او البايبفيتر ايي يركب بيبات او ليتات و شغله مافيه اي تكلفه و عقب يقول الحساب 400 او 300 انزين ليش انت شو مسوي

قبل يومين يانا بايبفيتر اشتغل نص ساعه بس يركب السخان عقب قال الحساب اميه قلنا له ليش شو سويت يعني انته الا تراك ركبت السخان المهم عطيناه اربعين و هو يضحك !!

نبي تحديد الاسعار على هالمحلات

مثلا بتركب دينمه شغل ايدك 30

بتركب ليتات البيت شغل ايدك 25

الى اخره

بس مب اييي يقص الوايرات و يحط الاحمر ع الازرق و الازرق ع الاصفر عقب يقول شغل ايدي 400 درهم ليش لا ايكون مسولنا نفق لين دبي مول

اتمنى وزير الاقتصاد و وزير العمل و وزير الطاقه و الجهات المعنية ايتدخلون فالموضوع و يشوفون لنا حل

[المخفي]

لتفادي هذه المشكلة الافضل الاتفاق على السعر قبل القيام بالعمل

[تجاوز]

الحل بسيط اتفق معه قبل الشغله

وان ما اتفقتم دور غيره ..

تحياتى

[العفراء]

الفكره ليش يحطون اسعار خياليه وين الانضباط عنهم

[Riku3]

صعب تضبطينهم وبسببهم ما بنلاقي البديل الاحترافي مثل ماهو موجود في الدول المتقدمة .. تتصل تجيك سيارة مجهزة بكل المعدات بفنيين محترفين واسعار ثابته وهالشي مستحيل يصير عندنا لان السوق ملخبط وكل من دخل البلاد عرف يركب وايرين على بعض قال انا كهربائي ..

من فترة كنت بركب بيبات جبت كذا بايفيتر اسعارهم لشغل يومين لشخصين بين 1500 لين 2500 !! .. عسى ما شر يوميه 1250 ؟ يعني العامل الواحد يوميته شغل يد فقط بدون ادوات 625 ؟؟!! .

اخرتها من طرف شخص سرلنكي جبت 2 يوميتهم 100 ريال يعني دفعت 400 بس .

[نمر بن عدوان]

فعلا المهنيين صار يطلبون مبالغ خياليه على اساس احنا محتاجينهم خصوصا لما يتعطل عليك شي ماتقدر تأجله مثل مكيف او سخان او بيبات والمفروض حماية المستهلك تدخل وتحدد اسعار للخدمات هذي مثل ماتدخل في اسعار المواد الغذائيه وغيرها من الامور .يعطيج العافيه العفرا

[العنيده]

مره جاني شخص لخدمه وطلب مبلغ طبعا استغربت ان المبلغ مايستاهل الخدمه اللي سواها فاتصلت الشركه استفسر
عن السعر قال لي اصلا المبلغ اقل من اللي طلبه وكلم الريال وعطيناه المبلغ المحدد ..
مشكله في البعض يجي يطلب مبلغ ولانه بدون فواتير فممكن المبلغ يكون غير عن الاصلي والله اعلم ..
احب اتعامل بالفواتير وشي رسمي اقدر اتناقش فيه عقب ..

[مختلف جداََ]

عفرا

الموضوع في زعبيل

ليش حاطته هني :anger1:

يعني لو الأسعار محدده هني
جان انحرق موضوعج :tease:

[أم محمد 90]

اليوتيوب يعلم كل شي , انا بنت واعرف ابدل ليتات واغير بلك كهربا واثبت مسمار بطوفة واعلق لوحات حتى لو انفك برغي اعرف اثبته
اعرف ابرمج التلفزيون والرسيفر ، اعرف اوصل الوايرات تقريبا كل شي ماعدا السباكة للحين ماعرف لها :rolleyes:

عدة ايكيا تسوي شغل < كله من عقب ماباقني الهندي ركب لي درج وعلق لي تلفزيون بس ب 650 :(

[مختلف جداََ]

اليوتيوب يعلم كل شي , انا بنت واعرف ابدل ليتات واغير بلك كهربا واثبت مسمار بطوفة واعلق لوحات حتى لو انفك برغي اعرف اثبته
اعرف ابرمج التلفزيون والرسيفر ، اعرف اوصل الوايرات تقريبا كل شي ماعدا السباكة للحين ماعرف لها :rolleyes:

عدة ايكيا تسوي شغل < كله من عقب ماباقني الهندي ركب لي درج وعلق لي تلفزيون بس ب 650 :(

:omg: كم ؟

[أم محمد 90]

:omg: كم ؟

ستمائة وخمسون ريالا :weeping:

[مختلف جداََ]

ستمائة وخمسون ريالا :weeping:

ههههههههههههههههه
هههههههههههه
ههههههههه
ههههههه
ههههه

[أم محمد 90]

ههههههههههههههههه
هههههههههههه
ههههههههه
ههههههه
ههههه

شكراً جزيلاً

[مختلف جداََ]

شكراً جزيلاً

الصراحه
شر البليه ما يضحك
650 عاد
عسى ماشر

والله من الصدمة ضحكت

خلاص قلنا سوري :shy:

[ya3coub]

اختي العفرا

لازم تتفقون عالسعر قبل لا يجي البيت من يدخل البيت يشوف السيارات و حجم البيت و الأثاث كلشي يزيد و يرتفع اذا مو يتدبل دبلات الدبل


بالنهاية اهو على الإتفاق اشلون يكون

[العفراء]

صعب تضبطينهم وبسببهم ما بنلاقي البديل الاحترافي مثل ماهو موجود في الدول المتقدمة .. تتصل تجيك سيارة مجهزة بكل المعدات بفنيين محترفين واسعار ثابته وهالشي مستحيل يصير عندنا لان السوق ملخبط وكل من دخل البلاد عرف يركب وايرين على بعض قال انا كهربائي ..

من فترة كنت بركب بيبات جبت كذا بايفيتر اسعارهم لشغل يومين لشخصين بين 1500 لين 2500 !! .. عسى ما شر يوميه 1250 ؟ يعني العامل الواحد يوميته شغل يد فقط بدون ادوات 625 ؟؟!! .

اخرتها من طرف شخص سرلنكي جبت 2 يوميتهم 100 ريال يعني دفعت 400 بس .

اتصدق اخويه مره لاحظت بفيلم ان البايبفيتر فامريكا يتصلون ياخذون معاه موعد تحس عندهم الشغله هذي لها هيبه اما عندنا اي كلام ومالها معاايير و ضوابط و ما ادري ليش هم بالذات ما يحددون لهم تسعيرة الشغل بصراحه الموقف اللي صار لك يدل على جشعهم و استغلالهم للوضع نتمنى فعلا اتكون هناك ضواابط عليهم

[بوخميس]

ليش ما تكون عندنا (مراكز أو نوادي) فنية

تعلم الشباب أساسيات السباكة والكهرباء وحتى شغل البنيان.

لحد يقول النادي العلمي ترى ماله شغل كلش.

الوالد الله يطول في عمره، عودنا على شغل البيت. نغير السخانات، ننظف المكيفات ونركبها. نغير ليتات، نغير دينما الماء، حتى اشياء في السيارة نغيرها بنفسنا.

[@north_star@]

بالبداية صعب تحديد قمية التركيب أو شغل اليد لانه مب كل الحرفيين محترفين لانه اللي شغله بروفيشينل غير اللي يقولك اشتغل كل شي وأعرف حق كل شي وبالاخير يعفسلك الدنيا وتعال رقع وراه وبترجع تجيب واحد فاهم و تدفع 3 أضعاف .... وثانيا أهم شي الاتفاق من البداية على أجرة يده علشان ما يصير خلاف

[Qtr37]

اممممم بعد قراءتي لجميع المشاركات،، الموضوع مادري شلون!