نطالب بعوده اجازه الأمومة في القانون الجديد

[لما]

لماذا ألغيت اجازه الأمومة

يعني الام مجبورة تترك الطفل بعد الشهرين

ولا تقعد بدون راتب واللي عليها التزامات ومجبوره تترك طفلها غصب باستثناء اللي حاب انه يداوم ولاعنده حد يأمن عليه طفله

نبيها ولو بربع راتب اصووووووووووت بشده لعوده اجازه الأمومة والبنات الخريجات العازبات مالين الديره لِسد الشواغر

[دايموند]

ليش قانون اجازه الامومه قبل كم شهر ؟الي اخبره شهرين بس

[المخفي]

في ساعتين رضاعة تغطي الى حد ما احتياجات الطفل

[Qtr37]

ساعات الرضاعه مع هالزحمة بصراحة ما تفيد الرضيع! اذا المسؤول في العمل يحاسب الموظف على التاخير ويقول مب مشكلتي طلعوا وهل، واضطر علشان ما اتاخر اني اطلع قبل الدوام بساعه ونص على الاقل ، وين تقدر الام تستفيد من هالساعتين؟ مب كل الامهات هاملين اطفالهم عند الخدم او عندهم حد يساعدهم، وايد امهات يبون يستفيدون من هالساعتين ومحتاجين مصدر دخل في نفس الوقت،، الله كريم

[لما]

ساعتين تفي باحتياجات طفل رضيع ??????

[لما]

انا أتكلم عن اجازه الأمومة سنه وأكثر نفس المطبق في وزاره التربيه سابقا ولا ضعنا ولا ضاعوا الطلاب

[A-Alansari]

انا أتكلم عن اجازه الأمومة سنه وأكثر نفس المطبق في وزاره التربيه سابقا ولا ضعنا ولا ضاعوا الطلاب

مشكله اذا سنه اجازه وتجي السنه الي بعدها تحمل متى تداوم؟

عندنا حريم في الدوام كل سنه يحملون اذا على هالنظام مابيداومون كلش وبيصير ضغط على الموظف الي قاعد يغطي مكانهم بيسوي شغل اثنين

وصعب يجيبون ناس من برع يوظفونهم لانه لو رجعت الموظفه من اجازه الامومه شيسون في الموظف البديل الي وظفوه ؟

[bus3od]

أي قانون جديد؟

[بـن عدوان]

في السويد الام والابو ياخذون اجازة امومة

+ ساعات العمل صارت 6 ساعات

ياخي يبيله هني، مع الزحمة والحشرة العالم مب لاقية وقت تعيش حياتها الخاصة

الحياة صارت بس شغل ( 8 ) ساعات + الوقت وانت رايح وانت جاي وتعب

الواحد مافيه حيل يكمل يومه، لازم يكون متسندر ولا تعبان ولا ماله خلق، اكثر شي يتأثرون المتزوجين وعيالهم

[Al-Kuwari]

في السويد الام والابو ياخذون اجازة امومة

+ ساعات العمل صارت 6 ساعات

ياخي يبيله هني، مع الزحمة والحشرة العالم مب لاقية وقت تعيش حياتها الخاصة

الحياة صارت بس شغل ( 8 ) ساعات + الوقت وانت رايح وانت جاي وتعب

الواحد مافيه حيل يكمل يومه، لازم يكون متسندر ولا تعبان ولا ماله خلق، اكثر شي يتأثرون المتزوجين وعيالهم

والله انك صادق
وانا الحين امر بهالحالة ولاحظت لما تشكيت للربع ان تقريباً الكل يعاني من هالحالة
الدوام طويل ثمان ساعات كل يوم + الزحمة الخانقة بينت هالمشكلة اكثر

كمثال انا دوامي من سبع لين ثلاث

لكني اطلع من البيت ست عشان اوصل قبل الزحمه للدوام وانا ماعندي اطفال فتخيل لو عندي اطفال اوصلهم الصبح المدرسة او الروضة !
ولما اطلع من الدوام الساعة ظ£ وعشر دقايق تقريباً اصطدم بالزحمه ولا اوصل البيت الا اربع العصر في احسن الاحوال

وبعدها خلاص تعبان ومجهد عقلياً وجسدياً ولا لي خلق اطلع فالزحمه مره ثانية ولا لي خلق اروح مكان ولا اجي

جد الوضع عندنا محتاج دراسة وبقوة !

[Abdulraman]

نطالب بإعطاء الرجل اجازه ابوبه :)

[دايموند]

في ساعتين رضاعة تغطي الى حد ما احتياجات الطفل

لالا ساعه وحده في القطاع الخاص :weeping:

[لما]

الرجل ماخذ اجازه ابويه من نفسه

[أم محمد 90]

السؤال :

كم امراة فعلا تاخذ ساعات الر ضاعه واجازة الامومة للاهتمام بالطفل ؟

فئه تخرب على فئه ......

[ضوى]

اخبر يوم كان ماسك وزارتنا مايكل ولش استرالي ، حط باللائحة مالت شؤون الموظفين اجازة الامومة ست شهور وساعتين الرضاعة سنتين كاملتين ، سبحان الله هذا وهو مسيحي رحم الامهات وظروفهم

[قطر خضراء]

اخبر يوم كان ماسك وزارتنا مايكل ولش استرالي ، حط باللائحة مالت شؤون الموظفين اجازة الامومة ست شهور وساعتين الرضاعة سنتين كاملتين ، سبحان الله هذا وهو مسيحي رحم الامهات وظروفهم

لم أجد تعليقا مناسبا على مداخلة الفاضلة ضوى
وصدق القائل أننا نعيش في زمن التناقضات

[ضوى]

لم أجد تعليقا مناسبا على مداخلة الفاضلة ضوى
وصدق القائل أننا نعيش في زمن التناقضات

ولن تجد اخوي الكريم اي تعليق مناسب غير انك تقف مصدوماً دون اقل كلمة لانه بعد استلام الوزارة لسيدة تم الغاء القانون وعادت الاجازة شهرين

[Qtr37]

السؤال :

كم امراة فعلا تاخذ ساعات الر ضاعه واجازة الامومة للاهتمام بالطفل ؟

فئه تخرب على فئه ......
مب شغل حد انه يراقب اذا فعلا الأم مهتمة بالطفل في هالساعتين او لا!

[JN000N]

نفسهم اللي رافضين اجازة الامومه
نفسهم اللي يتحلطمون ان العيال تربية خدم

[غريب الدّار]

لماذا ألغيت اجازه الأمومة

يعني الام مجبورة تترك الطفل بعد الشهرين

ولا تقعد بدون راتب واللي عليها التزامات ومجبوره تترك طفلها غصب باستثناء اللي حاب انه يداوم ولاعنده حد يأمن عليه طفله

نبيها ولو بربع راتب اصووووووووووت بشده لعوده اجازه الأمومة والبنات الخريجات العازبات مالين الديره لِسد الشواغر

1- ألغيت من أي قانون؟
2- كم كانت في السابق؟
3- اذا تم إلغاؤها ، عيل شقصدتي لما قلتي ( يعني الام مجبورة تترك الطفل بعد الشهرين )
شهرين وشو ؟


طبعا انا سألت لان توني اشيك قانون الموارد البشرية اختي ولقيت فيه هالمادة :
المادة 108
تمنح الموظفة إجازة وضع براتب إجمالي لمدة ستين يوماً لا تحسب من إجازاتها الأخرى، على أن تقدم الموظفة ما يثبت الوضع بتقرير طبي أو صورة طبق الأصل من شهادة ميلاد الطفل.
وفي جميع الأحوال، يجوز منح الموظفة رصيدها من إجازاتها الدورية إضافة إلى إجازة الوضع.


لو تكرمتي اختي توضحين النقاط أعلاه علشان يكون النقاش واضح للجميع واولهم غريب الدّار :)
هل تقصدين قانون غير الموارد البشرية؟

[abu m7md]

في صحيح مسلم مرفوعا: اللهم من ولي من أمر أمتي شيئا فشق عليهم فاشقق عليه، ومن ولي أمر أمتي فرفق بهم فارفق به.
هذه دعوه دعاها نبي الله سيدنا محمد عليه الصلاة والسلام
وهي دعوه حق وصاعقه على كل من شق على الامه الاسلامية وخير على كل من اعان الامه الاسلامية.

[غريب الدّار]

نطالب بإعطاء الرجل اجازه ابوبه :)

على حسب علمي اخوي عبدالرحمن ان في بعض الجهات (مثل بعض البنوك) تعطي الاب يوم واحد فقط اللي هو يوم ولادة الزوجة إجازة براتب

[المخفي]

و شركات البترول يوم واحد

[A-Alansari]

نطالب بإعطاء الرجل اجازه ابوبه :)

مانبي اجازة ابوبه لانه مالها داعي

بس نبي مانشيل شغل غيرنا طول السنة :tease:

[بنت شرق]

الأفضل يزيدون ساعات الرضاعة لثلاث أو اربع ساعات لأنه غالبا المتزوجة تحمل السنة الي بعدها فيصير أن شغلها ينقط على غيرها

[Qtr37]

يا جماعه لا تحسسونا ان الأم مذنبة بسبب حملها حتى لو كل سنة!! يعني ما نكون اسرة؟ الرجل بالراحة يصير اب،، والام يمكن محتاجة للراتب اكثر من البنت العزباء بحكم ان مسؤولياتها اكثر !! الله يعينا يا رب..

[حرف]

المفروض من سنه و فوق حتى لو بدون راتب

[عيون الدوحة]

المانيا اجازة الامومة 3 سنوات

[غريب الدّار]

يا جماعه لا تحسسونا ان الأم مذنبة بسبب حملها حتى لو كل سنة!! يعني ما نكون اسرة؟ الرجل بالراحة يصير اب،، والام يمكن محتاجة للراتب اكثر من البنت العزباء بحكم ان مسؤولياتها اكثر !! الله يعينا يا رب..
اخوي مستحيل حد يقول ان الحمل عيب مثلا
او مشكلة
او جريمة

مستحيل

لكن اخوي بسألك :
لو انت عندك شركة خاصة
وفي موظفة كل سنة تحمل

هل بتخليها سنتين ثلاث على نفس الحال براتب كامل؟
ولا تنسى ان غيرها يشيل شغلها لما تروح

اللي بتحمل الله يوفقها ويبارك لها
وبالمناسبة ترى كثرة النسل وصّى عليها النبي عليه السلام لما قال : تكاثروا فاني مباه بكم الأمم
وبالنسبة لنا في قطر قد تكون كثرة النسل مطلب قومي لأسباب يعرفها الجميع

لكن احنا نتكلم كواقع
نتكلم عن الام الموظفة
اللي تحمل كل سنة كم مرة بتنقطع عن العمل ؟

خلونا نتناقش بهدوء وبموضوعية بدون لحد يفر النار صوب قرصه :nice:

المانيا اجازة الامومة 3 سنوات

اخوي ولا عليك امر بس مصدر المعلومة وهل هي 3 سنوات (ان صحت المعلومة ) براتب كامل؟
مب تشكيكا فيك لا سمح الله بس علشان لحد يجي ويقول إجازة الامومة في اليابان 40 سنة مثلا :nice:

[عيون الدوحة]

اخوي مستحيل حد يقول ان الحمل عيب مثلا
او مشكلة
او جريمة

مستحيل

لكن اخوي بسألك :
لو انت عندك شركة خاصة
وفي موظفة كل سنة تحمل

هل بتخليها سنتين ثلاث على نفس الحال براتب كامل؟
ولا تنسى ان غيرها يشيل شغلها لما تروح

اللي بتحمل الله يوفقها ويبارك لها
وبالمناسبة ترى كثرة النسل وصّى عليها النبي عليه السلام لما قال : تكاثروا فاني مباه بكم الأمم
وبالنسبة لنا في قطر قد تكون كثرة النسل مطلب قومي لأسباب يعرفها الجميع

لكن احنا نتكلم كواقع
نتكلم عن الام الموظفة
اللي تحمل كل سنة كم مرة بتنقطع عن العمل ؟

خلونا نتناقش بهدوء وبموضوعية بدون لحد يفر النار صوب قرصه :nice:


اخوي ولا عليك امر بس مصدر المعلومة وهل هي 3 سنوات (ان صحت المعلومة ) براتب كامل؟
مب تشكيكا فيك لا سمح الله بس علشان لحد يجي ويقول إجازة الامومة في اليابان 40 سنة مثلا :nice:

أنا كنت أتعالج في المانيا وعرفت قانونهم
-------------------------------------------------------------
إجازة حماية الأم وإجازة الأبوة/الأمومة وإعانة الوالدين
إذا كان لديك عمل ثابت، فيمكنك بالفعل قبل الولادة أخذ إجازة حماية الأم، وهذا يعني أنك لستي مضطرة للذهاب للعمل. وهي تكون في معظم المهن 6 أسابيع قبل الولادة. تبلغ إجازة حماية الأم بشكل إجمالي 14 أسبوع على الأقل. وهذه المدة يمكن تمديدها وفي هذه المدة لا يجوز لرب العمل الخاص بك أيضا فسخ تعاقدك. بعد إجازة حماية الأم يمكنك الحصول على إجازة الأمومة حيث يمكنك البقاء في البيت حتى يبلغ عمر طفلك 3 سنوات. وبعد الثلاث سنوات يمكنك العودة إلى عملك.

ويقدر الأب الي ياخذ الاجازة بدل الام

وأذا عندك وقت أتصل السفارة المانية وأستفسر وبتحصل الجواب

[عيون الدوحة]

في قطر كان قانون أجازة المومة سنتين
وعدد المرات الي تقدر تقدم عليها الموظفة مرتين طول فترة العمل

وكلنا عارفين أن الي حطو قانون الموارد البشرية وصاغوه غير قطريين

[غريب الدّار]

أنا كنت أتعالج في المانيا وعرفت قانونهم
-------------------------------------------------------------
إجازة حماية الأم وإجازة الأبوة/الأمومة وإعانة الوالدين
إذا كان لديك عمل ثابت، فيمكنك بالفعل قبل الولادة أخذ إجازة حماية الأم، وهذا يعني أنك لستي مضطرة للذهاب للعمل. وهي تكون في معظم المهن 6 أسابيع قبل الولادة. تبلغ إجازة حماية الأم بشكل إجمالي 14 أسبوع على الأقل. وهذه المدة يمكن تمديدها وفي هذه المدة لا يجوز لرب العمل الخاص بك أيضا فسخ تعاقدك. بعد إجازة حماية الأم يمكنك الحصول على إجازة الأمومة حيث يمكنك البقاء في البيت حتى يبلغ عمر طفلك 3 سنوات. وبعد الثلاث سنوات يمكنك العودة إلى عملك.

ويقدر الأب الي ياخذ الاجازة بدل الام

وأذا عندك وقت أتصل السفارة المانية وأستفسر وبتحصل الجواب

اخوي عندي وقت ولا ماعندي انت المطالب بالاثبات بارك الله فيك مب انا
انت اللي ادعيت :)

وبعدين بالنسبة للكلام اللي حاطه انت اخوي من وين جايبه ؟

وارد اسأل نفس السؤال في حال صحت المعلومة :
هل الاجازة (اذا كانت المعلومة صحيحة) براتب كامل؟

وعلى فكرة : حلوة هاذي اتصل السفارة
خخخخخخخخخخخخخخ

بكل بساطة ردي هو :
اتصلت السفارة وقالوا لي إجازة الامومة يومين
:)

تعال اثبت انت


شوف اخوي :
القاعدة العامة تقول : البينة على من ادعى


من اللي ادعى ؟ انت
معنى هالشي انك انت مطالب باثبات الدعوى

شلون تطالبني انا اثبتها ؟

[غريب الدّار]

في قطر كان قانون أجازة المومة سنتين
وعدد المرات الي تقدر تقدم عليها الموظفة مرتين طول فترة العمل

وكلنا عارفين أن الي حطو قانون الموارد البشرية وصاغوه غير قطريين
يعني اخوي هل نقدر نقول ان غير القطريين متحاملين على المرأة ويكرهون المرأة؟
بس شعلاقة الشهرين او الست شهور او السنتين او أي فترة بمسالة قطريين وغير قطريين؟

[ضوى]

في قطر كان قانون أجازة المومة سنتين
وعدد المرات الي تقدر تقدم عليها الموظفة مرتين طول فترة العمل

وكلنا عارفين أن الي حطو قانون الموارد البشرية وصاغوه غير قطريين

كلامج صح

خاصة انهم من بلد اللي موظفاتهم يودون الكوسا والباذنجان يقطعونهم في المكاتب ، ويخرطون ملوخية بعد

[أم محمد 90]

كلامج صح

خاصة انهم من بلد اللي موظفاتهم يودون الكوسا والباذنجان يقطعونهم في المكاتب ، ويخرطون ملوخية بعد

مافهمت اختي ضوى ؟ في المكاتب ؟

ترى شفت فيديوات لقطريات في مكاتبهم جايبين شواية وفرن حراري ويسون ريوق وبيض عيون وشباتي بالفيديو
والبان كيك وغيره ..... وراء المكاتب المقفلة اللي مكتوب عليها (ممنوع دخول الرجال)

تجدين المخدة والملحف وشبشب البيت :) واقع وحقيقي ...

[JN000N]

مافهمت اختي ضوى ؟ في المكاتب ؟

ترى شفت فيديوات لقطريات في مكاتبهم جايبين شواية وفرن حراري ويسون ريوق وبيض عيون وشباتي بالفيديو
والبان كيك وغيره ..... وراء المكاتب المقفلة اللي مكتوب عليها (ممنوع دخول الرجال)

تجدين المخدة والملحف وشبشب البيت :) واقع وحقيقي ...

اما انا ف مكتبي لازم في سلبر لان مرات اعيز 8 ساعات بالكعب
وعندنا مرات حمل مساكين يروحون يتسدحون ف المجلس عالكنب ويقفلون الباب عشان محد ايي وهالشي طبيعي ولازم اصلا
وبما ان احنا نداوم لين 3 ونص وعندنا بريك غدا ف اولريدي الدوام موفرين مايكرويف وفرن واحنا يبنا شوايه صغنونه حق الروتي نسخنه والخبز لو نبي نتغدى او نتريق
ف النهايه انا مب روبوت بشتغل بدون اكل بدون راحه

[عيون الدوحة]

انا ماقلت لك اتصل السفارة عشان تثبت لنا
انا قلت لك اتصل عشان انت تتاكد بنفسك
وبعدين بفراتب الاجازة ولابنص راتب ماتفكر مع الموظفة اهم شي تأخذ حقها من اجازة الامومة
جميع الدول الاوربية عندهم هذا القانون وحقوق المراءة والطفل

[غريب الدّار]

انا ماقلت لك اتصل السفارة عشان تثبت لنا
انا قلت لك اتصل عشان انت تتاكد بنفسك
وبعدين بفراتب الاجازة ولابنص راتب ماتفكر مع الموظفة اهم شي تأخذ حقها من اجازة الامومة
جميع الدول الاوربية عندهم هذا القانون وحقوق المراءة والطفل

رد يقول هذا القانون !!!


طيب وين القانون اخوي ؟

نورني الله يرحم والديك وخبرني وين هالقانون ؟ كم رقمه ؟ من أي موقع معتمد؟

اما مسألة اتصل تأكد هاذي ماخوذ خيرها بارك الله فيك
يعني وش حلاتي اتصل أقول لهم كم إجازة الامومة عندكم ؟
خخخخخخخخخخخخخخخخخ

انت قلت ، انت اثبت

يخوي ابي اتعلم معلومة جديدة
نورني بها الله ينور عليك

اما كلام بدون أي اثبات ينرد عليه بكل بساطة

الحين لو جانا عضو محترم وقال : احمدوا ربكم لان إجازة الامومة في فنزويلا أسبوع!!

ولما نسأله وين المصدر ؟ قال لنا اتصلوا سفارة فنزويلا تأكدوا
!!!

اللي يطرح حجة يثبتها

[المخفي]

القانون الالماني

6 اسابيع قبل الولادة مدفوعة بالكامل للأم
8 اسابيع بعد الولادة مدفوعة بالكامل للأم نفس القانون القطري
اجازة ابوة للاب و الام بحد اقصى 3 سنوات
خصم 35 % من الراتب لاجازة بعد فترة الشهرين

http://www.thelocal.de/jobs/article/german-parental-leave-our-guide

[غريب الدّار]

الحين الواحد يقدر يراجع القانون ويشوف خفاياه

[ضوى]

مافهمت اختي ضوى ؟ في المكاتب ؟

ترى شفت فيديوات لقطريات في مكاتبهم جايبين شواية وفرن حراري ويسون ريوق وبيض عيون وشباتي بالفيديو
والبان كيك وغيره ..... وراء المكاتب المقفلة اللي مكتوب عليها (ممنوع دخول الرجال)

تجدين المخدة والملحف وشبشب البيت :) واقع وحقيقي ...

عاد اذا هاي شفتيه في سوق الجبرة اللي حواليج ام محمد مدري والله ، بس انا عمري ماشفت وان شاء الله ماشوف

[عيون الدوحة]

الحين الواحد يقدر يراجع القانون ويشوف خفاياه

وكذالك أعانة شهرية للطفل لاتتجاوز 1800 يورو شهريا ولا تقل عن 300 يورو
وجزاك الله خير يالمخفي أنك جبت لهم الرابط

[أم محمد 90]

اما انا ف مكتبي لازم في سلبر لان مرات اعيز 8 ساعات بالكعب
وعندنا مرات حمل مساكين يروحون يتسدحون ف المجلس عالكنب ويقفلون الباب عشان محد ايي وهالشي طبيعي ولازم اصلا
وبما ان احنا نداوم لين 3 ونص وعندنا بريك غدا ف اولريدي الدوام موفرين مايكرويف وفرن واحنا يبنا شوايه صغنونه حق الروتي نسخنه والخبز لو نبي نتغدى او نتريق
ف النهايه انا مب روبوت بشتغل بدون اكل بدون راحه


عاد اذا هاي شفتيه في سوق الجبرة اللي حواليج ام محمد مدري والله ، بس انا عمري ماشفت وان شاء الله ماشوف



هالبيئه كنت فيها وطلعت منها واحمد الله ...

المكان موفر كافتيريا ممكن الواحد يروح ياخذ له بريك , سوالف الشبشب مادري مو مقنعة نهائي اشوف الوحدة تلبس شي مريح وخلاص مادام انها تشتغل مو رايحة زيارة ..

وفالنهاية بيئه المكان تساعد اذا البيئه بروفشنال وراقية ماظن وحدة بتسوي جذي ولكن اذا البيئه الله بالخير ( سوق سمج ع قولة ضوى)

بتشوفون العجب .


نسخة : للوزارات :)

[JN000N]

هالبيئه كنت فيها وطلعت منها واحمد الله ...

المكان موفر كافتيريا ممكن الواحد يروح ياخذ له بريك , سوالف الشبشب مادري مو مقنعة نهائي اشوف الوحدة تلبس شي مريح وخلاص مادام انها تشتغل مو رايحة زيارة ..

وفالنهاية بيئه المكان تساعد اذا البيئه بروفشنال وراقية ماظن وحدة بتسوي جذي ولكن اذا البيئه الله بالخير ( سوق سمج ع قولة ضوى)

بتشوفون العجب .


نسخة : للوزارات :)

لا والله بالعكس عادي
حتى لو بروح باتيدد والحمام حذا مكتبي اطلع من مكتبي واروح بالسلبر ماروح بجوتيي وادمره
شغلنا بروفشنال ومكان محترم وراقي وكل شي بس ما نتصنع كلنا طبيعيين ومرتاحين بدون تكلف وتصنع وجني زايره ناس غريبه بينهم متيبسه لين ارجع
ف النهايه احنا نقعد نص يومنا ف الشغل ف لازم بيئة الشغل تكون مريحه للعمل

[قطر خضراء]

في هولاندا إجازة الولادة 16 أسبوعا مدفوعة الراتب كامل
ومن حقها أخذ إجازة 6 أسابيع قبل موعد الولادة زائد 10 أسابيع بعد الولادة
كما أن الوالدة إذا تعرضت لمشاكل أو مضاعفات صحية نتيجة الولادة يحق لها إجازة سنة كاملة مدفوعة الراتب بدون أن يخصم من راتبها يورو واحد
وأيضا يسمح لها بأخذ ربع وقت العمل إجازة مدفوعة الثمن طيلة فترة الرضاعة
كما يمنع على رئيسها في العمل تسليط أي عقوبة وظيفية أثناء شهور حملها الأخيرة وتستثنى من أي أعمال إضافية قد تطرأ نتيجة ضغط في العمل
هذا دون ذكر منح مالية محددة تضاف إلى الراتب للمولود الجديد (أعتقد إلى أن يبلغ سن الخامسة)

[بوراشد82]

لو يخلونها ست شهور نعمه

[المخفي]

اتوقع المقارنة لا تصلح بين قطر و اوربا

الدول الاوربية تنقرض و ممكن تختفي خلال 50 سنة القادمة

فلذلك يعطون حوافز كثيرة من اجل زيادة النسل و عدد المواطنين و بالكثير يكتفون بطفل واحد او اثنين نادراً

مقال عن تناقص عدد السكان في المانيا مع وجود الحوافز

الرابط (http://www.dw.com/ar/%D8%A7%D8%B3%D8%AA%D9%85%D8%B1%D8%A7%D8%B1-%D8%AA%D8%B1%D8%A7%D8%AC%D8%B9-%D8%B9%D8%AF%D8%AF-%D8%A7%D9%84%D8%B3%D9%83%D8%A7%D9%86-%D9%81%D9%8A-%D8%A3%D9%84%D9%85%D8%A7%D9%86%D9%8A%D8%A7-%D8%B1%D8%BA%D9%85-%D8%A7%D9%84%D8%AD%D9%88%D8%A7%D9%81%D8%B2-%D8%A7%D9%84%D8%AA%D8%B4%D8%AC%D9%8A%D8%B9%D9%8A%D 8%A9-%D8%B9%D9%84%D9%89-%D8%A7%D9%84%D8%A5%D9%86%D8%AC%D8%A7%D8%A8/a-3018483)

[عيون الدوحة]

تعرف كم عدد الشعب الالماني الصلي
وكم عدد الشعب القطر

[قطر خضراء]

اتوقع المقارنة لا تصلح بين قطر و اوربا

الدول الاوربية تنقرض و ممكن تختفي خلال 50 سنة القادمة

فلذلك يعطون حوافز كثيرة من اجل زيادة النسل و عدد المواطنين و بالكثير يكتفون بطفل واحد او اثنين نادراً

مقال عن تناقص عدد السكان في المانيا مع وجود الحوافز

الرابط (http://www.dw.com/ar/%D8%A7%D8%B3%D8%AA%D9%85%D8%B1%D8%A7%D8%B1-%D8%AA%D8%B1%D8%A7%D8%AC%D8%B9-%D8%B9%D8%AF%D8%AF-%D8%A7%D9%84%D8%B3%D9%83%D8%A7%D9%86-%D9%81%D9%8A-%D8%A3%D9%84%D9%85%D8%A7%D9%86%D9%8A%D8%A7-%D8%B1%D8%BA%D9%85-%D8%A7%D9%84%D8%AD%D9%88%D8%A7%D9%81%D8%B2-%D8%A7%D9%84%D8%AA%D8%B4%D8%AC%D9%8A%D8%B9%D9%8A%D 8%A9-%D8%B9%D9%84%D9%89-%D8%A7%D9%84%D8%A5%D9%86%D8%AC%D8%A7%D8%A8/a-3018483)

أخي الكريم المخفي
أتيت بنموذج هولندا لأنه كما تعرف الأغلبية تقنعهم النماذج الغربية
ولو كان الأمر بيدي لقضيت في النساء بما قضى به عمر بن الخطاب رضي الله عنه وأرضاه


https://www.youtube.com/watch?v=bt_O5ZFP2UA

[المحاميه]

اجازه سنه؟؟ وايد

الحل الوحيد
هو تقليص ساعات العمل بالنسبه للأم العامله

يعني تبونها تغطي 8 ساعات غير ساعه فالبيت وساعه فالطريج .. وبعد ماينهد حيلها تعالي جابلي بيت وعيال وتعالي داومي مره ثانيه واذا تاخرتي خذتوها بشراع وميداف؟؟؟ والله ظلم ..

انا قلت من قبل مانبي مساواه ف ساعات العمل ..
الريال ممكن يغطي يوميا 8 ساعات ماعنده مشكله لان هذي وظيفته بالفطره .. لكن الام وايد صعب

لازم القانون الجديد يحل هالمسأله .. السالفه مب سالفة عناد لكن الناتج راح يكون سلبي وبياثر على المجتمع برمته ..

اتمنى نشوف بنود ايجابيه ف القانون المنتظر

[المحاميه]

بعيد عن المقارنات ...

الموضوع مش محتاج مقارنه وعناد .. الموضوع بالعقل واضح وضوح الشمس ..

[المحاميه]

ام محمد كلامج صح وايد موظفات يمصخونها ويقلبون المكان شي ثاني
ولاتقولون مافي لا سلامتكم فيه والكل يدري ..

[bu3abed]

السلام عليكم
الصراحة هالموضوع وايد يأثر على اليهال انه امه نص يومها تكون مب معاه

المفروض الوزارات والشركات الكبيره الي يتواجد فيها عدد نساء كبير يوفرون حضانات للأطفال فيها
اشوف هالحضانات بتحل وايد امور وفي نفس الوقت تكون عند الأم ساعات رضاعه بس خلال وقت الدوام الرسمي

ما ادري اذا هالشي موجود عندنا او لا
واتوقع لو تواجدت هاذي الحضانات بتحل وايد امور

وشي اكيد لازم توفر اجازة كافيه للام بعد الولادة لاستعادة قوتها وعافيتها

[دايموند]

6 شهور راضيه اجازه امومه...

او عالاقل سنه ساعه الرضاعه وتكون ساعه الرضاعه 3 ساعات ..يعني لو نداوم 4 او 5 مساعات بس لمده سنه والله حلوين

[Qtr37]

الحين بخصوص اللي غيروا الموضوع الى موضوع سوالف الحريم في اماكن عملهم من لبس واكل ،، شدخل هالكلام في اجازه الامومه وساعات الرضاعه؟؟ كل وحدة تقدر تختار البيئة اللي تعجبها وتشتغل فيها وتتصرف حسب قناعتها،، واللي يبون ياكلون عليهم بالعافيه دام انه من خيرهم ومأدين عليهم !!

[qatara]

الي قلبها صج على الامومه تقر في بيتها مثل ما ربها امرها

مهب بعضهم يتخذ الامومه عذر للطلعه

[دايموند]

اللحين اجازه الامومه عذز للطلعات !!!والله مشكله الي انت عايش فيها مادري ليش دوم نظرتك سلبيه للحريم