المساعد الشخصي الرقمي

مشاهدة النسخة كاملة : ساعات رولكس ؟؟


وحيد-الشوق
01-12-2015, 08:27 PM
السلام عليكم

افكر بشراء ساعة رولكس وعاجبتني هالساعتين اي وحده تنصحوني فيها ؟

http://i863.photobucket.com/albums/ab200/w7ed-qatar/155751F9-9403-4D65-9EB6-2DBE100239C9_zpsgk3hrpuw.jpg (http://s863.photobucket.com/user/w7ed-qatar/media/155751F9-9403-4D65-9EB6-2DBE100239C9_zpsgk3hrpuw.jpg.html)


http://i863.photobucket.com/albums/ab200/w7ed-qatar/AA75E2DD-771B-41EE-B57D-3B44C6E1B101_zps7khhetap.jpg (http://s863.photobucket.com/user/w7ed-qatar/media/AA75E2DD-771B-41EE-B57D-3B44C6E1B101_zps7khhetap.jpg.html)

وهل تنصحوني اخذ مستعمل من سوق الذهب او جديد الكوهجي اليوم اتصلت له واسعاره نفس قطر تقريباً مافي فرق
الحياة الخالدة
01-12-2015, 09:12 PM
هلا أخوي وحيد الشوق
رايي الشخصي : الساعة الأولى

بس عاد تاخذها مستعملة والا جديدة مادري .. و بالمبارك مقدماً
QtrGate
02-12-2015, 08:15 AM
اشترها جديدة من سوق الحرة في المطار
بصمة قطرية
02-12-2015, 01:26 PM
الثنتين حلوين أخوي ..
بالنسبة لجديدة و لا مستعملة
روح سوق الذهب و شوف المستعملات
في بعضهم كأنهم مش ملبوسبين و بالضمان ..
وحيد-الشوق
02-12-2015, 07:08 PM
هلا أخوي وحيد الشوق
رايي الشخصي : الساعة الأولى

بس عاد تاخذها مستعملة والا جديدة مادري .. و بالمبارك مقدماً

[أنا بعد اميل للاولى اكثر والثانية بعد عاجبتني

QUOTE=QtrGate;10263608]اشترها جديدة من سوق الحرة في المطار[/QUOTE]

عندك فكره عن الاسعار هل ارخص ولا نفس الشيء ؟


الثنتين حلوين أخوي ..
بالنسبة لجديدة و لا مستعملة
روح سوق الذهب و شوف المستعملات
في بعضهم كأنهم مش ملبوسبين و بالضمان ..

رحت سوق الذهب بس ترددت اشتري منهم لقيت السوده ب22 الف بس بدون علبه وضمان بس محل الصالحي يقولي روح افحصها في الوكيل واذا في اي شيء ارد لك فلوسك

هل في معين تنصحوني فيه ؟ لأنه الوكيل مايخصم حتى ريال :)
أم محمد 90
03-12-2015, 12:54 PM
انصحك تاخذها من المطار :) بتوفر مبلغ حلو (لان ارخص)



وف نظري الثانية احلى / الاولى احس متداول منها التقليد وايد ^.^
للصبر اخر
03-12-2015, 01:36 PM
لو عندك حد بلندن او البحرين
خل يشوفها لك بالمطار

والثنتيين حلوين ماشاء الله
وحيد-الشوق
03-12-2015, 08:19 PM
انصحك تاخذها من المطار :) بتوفر مبلغ حلو (لان ارخص)



وف نظري الثانية احلى / الاولى احس متداول منها التقليد وايد ^.^

خذت السوده من الوكيل ب28800 (فرق عن المانيا 3500 حالياً مع سعر الصرف )سوق الذهب الاسعار فرق 3000 او 4000 والضمان مخلص شفت سعرها في اوروبا 7300 قبل التاكس فري


لو عندك حد بلندن او البحرين
خل يشوفها لك بالمطار

والثنتيين حلوين ماشاء الله

لندن اعتقد سعرها غالي هناك وترى وكيلنا في الدوحه اسعاره مقاربة للخارج حالياً
U Welcome
03-12-2015, 09:52 PM
تبي نصيحتي
خذ لك ساعة أبل
ووفر 90% من المبلغ اللي راح تدفعه.....

الساعات التقليدية في طريقها للإنقراض
وحيد-الشوق
03-12-2015, 11:11 PM
تبي نصيحتي
خذ لك ساعة أبل
ووفر 90% من المبلغ اللي راح تدفعه.....

الساعات التقليدية في طريقها للإنقراض

كنت اقول نفس هذا الكلام بس مستحيل تنقرض والله أعلم مع اني من عشاق الالكترونيات وابل لكن ساعة ابل مادخلت مزاجي عن تجربه
بصمة قطرية
03-12-2015, 11:14 PM
تبي نصيحتي
خذ لك ساعة أبل
ووفر 90% من المبلغ اللي راح تدفعه.....

الساعات التقليدية في طريقها للإنقراض
مستحيل تنقرض ..
لو في طريقها للإنقراض بتنزل الأسعار ..
الموديلات الجديدة غالية ..
كل بضاعة و لها مشتري
بالنسبة لي رولكس ما تتقارن بأي براند ثاني ..
و في ناس ما يحبونها ..
السمسمه
04-12-2015, 12:18 AM
والله اشوف الساعه الثانيه احلى ،،
وشفت في تركيا في مجمع تجاري معروف في محل للساعات الرولكس فقط مع الضمان الساعه الثانيه رخيصه وااايد غير تكسي فري المشكله خذت نفسها في الدوحه قبل روح تركيا فرق في السعر اكثر 5000 ريال نصيحه شوفها في تركيا وقارن بعد اذا تغير سعرها هاي الفتره الله العالم ،،،
وحيد-الشوق
04-12-2015, 09:11 AM
مستحيل تنقرض ..
لو في طريقها للإنقراض بتنزل الأسعار ..
الموديلات الجديدة غالية ..
كل بضاعة و لها مشتري
بالنسبة لي رولكس ما تتقارن بأي براند ثاني ..
و في ناس ما يحبونها ..

سبحان الله قبل سنين كنت اكره شيء اسمه رولكس لكن بعد مالبستها كتجربه اعجبتني وايد وأول ساعة رولكس تدش قلبي كانت date just 2 طوق ذهب ومينا الماس بس الحين خذت السوده بفضل الله تعالى


والله اشوف الساعه الثانيه احلى ،،
وشفت في تركيا في مجمع تجاري معروف في محل للساعات الرولكس فقط مع الضمان الساعه الثانيه رخيصه وااايد غير تكسي فري المشكله خذت نفسها في الدوحه قبل روح تركيا فرق في السعر اكثر 5000 ريال نصيحه شوفها في تركيا وقارن بعد اذا تغير سعرها هاي الفتره الله العالم ،،،

خذت السوده ولله الحمد من الوكيل فيتفي ون ايست الثانية بعد عده تجارب اكتشفت انها احلى والاولى الزرقه والسوده عقب كم لبسه تحس بتملل منها في ساعات تفرق صراحه في السعر مثلا في المانيا مدينة دوسلدورف بالتحديد الdate just 2 طوق ذهب ابيض 7800 يورو مع خصم المدير لين 7400 والتاكس فري يعطيك اياه في المحل وبالضبط كان 1073 يورو بس بشرط تختم من الجمارك وانت راجع بلادك وتقط الفاتورة في صندوق واذا ماختمت ولارجعت لهم فاتورة التاكس خلال 21 يوم بيخصمون عليك من الفيزا لأنهم مسوين بلوك على مبلغ الاسترجاع الي تاخذه كاش من المحل >> (خدمة ممتازة من المحل صراحه وهو الوحيد من ضمن المحلات) المهم طلع سعرها الصافي 26 الف ريال فرق عن الدوحة 5000 ريال والسوده مايعطونك خصم عليها في اوروبا ابداً وسعرها 7300 صحيح في فرق 3000 ريال لكن وين بسافر وبحجز طيارة وفندق وغيره

معلومة سعرها في مطار حمد امس 27300 ريال الفرق 1500 ريال
جبر ال جبر
04-12-2015, 01:57 PM
ابتعد عن الذهب بارك الله فيك لانه حرام ،،،، اما بنسبه للرولكس من احلى الساعات بس هالنوع مايعجبني احسه سبورت اكثر حلاته الكلاسك العاديه وخذ مستعمل نظيف ويكون ماستخدم وايد بتوفر تقريبا من 30-50% من قيمه الساعه الاصليه وعقب لبعتها خسارتك بسيطه او قد تربح فيها وتشتري غيرها خصوصا اذا انت من النوع الي يحب يبدل في الساعات
السمسمه
05-12-2015, 12:42 AM
وحيد الشوق
حسبته في تركيا ظهرت لي 18الف ريال وشي ماتذكر بالضبط ولا غير التكس فري استغربت انا ولد عمي من السعر شوف الفرق شلون وفي محل للرولكس فقط لو في ساعات ثانيه يمكن اشك شوي انها تقليد ،،تبينت الساعه اصليه ،،،
وحيد-الشوق
06-12-2015, 05:33 PM
ابتعد عن الذهب بارك الله فيك لانه حرام ،،،، اما بنسبه للرولكس من احلى الساعات بس هالنوع مايعجبني احسه سبورت اكثر حلاته الكلاسك العاديه وخذ مستعمل نظيف ويكون ماستخدم وايد بتوفر تقريبا من 30-50% من قيمه الساعه الاصليه وعقب لبعتها خسارتك بسيطه او قد تربح فيها وتشتري غيرها خصوصا اذا انت من النوع الي يحب يبدل في الساعات

دورت عالمستعمل في سوق الذهب يومين تعبت ارخص وحده لقيتها فرق 8000 وبدون ضمان وعلبة والباقي فرق 3000 تقريباً بس في انواع كانت اسعارها تفرق صراحه فوق ال5000 بالنسبة للذهب الأبيض ابن عثيمين رحمه الله محلل لبسه ويقول انه مب ذهب والذهب يكون احمر والله اعلم هو اكيد بخسر فيها اذا جيت ابيعها لكن الحمدلله على كل حال والخسارة خسارة الروح والصحة ومافي شيء دايم في هالدنيا

شكراً لتواجدك :)


وحيد الشوق
حسبته في تركيا ظهرت لي 18الف ريال وشي ماتذكر بالضبط ولا غير التكس فري استغربت انا ولد عمي من السعر شوف الفرق شلون وفي محل للرولكس فقط لو في ساعات ثانيه يمكن اشك شوي انها تقليد ،،تبينت الساعه اصليه ،،،

لاتجلطني ياخوي 18 الف :( :( بس يجوز يمكن شفت نوع ثاني لأن هالنوع اسعاره ثابته وقبل كانت اغلى بعد وفي اوروبا ممكن يعطيك خصم لكن عالسب مارين والgmt مافي أمل

شكراً لتواجدك
السمسمه
06-12-2015, 06:32 PM
الله يحفظك من الجلطه والله خليتني اشك في نفسي بس ولد عمي قالي والله ارخص من الدوحه وقارنت انا بنفسي ،،،
وقتلك اخوي وحيد الشوق في التعليق السابق لي احتمال ارتفعت الاسعار ،،،
اتمنى الي في تركيا حاليا يشوف السعر للمقارنه ويعلق هنااا،،،
للعلم انا شاهدت السعر من سنه ونص تقريبا ،،،يمكن ارتفعت في هذا الوقت ،،،،
وحيد-الشوق
10-12-2015, 04:00 PM
الله يحفظك من الجلطه والله خليتني اشك في نفسي بس ولد عمي قالي والله ارخص من الدوحه وقارنت انا بنفسي ،،،
وقتلك اخوي وحيد الشوق في التعليق السابق لي احتمال ارتفعت الاسعار ،،،
اتمنى الي في تركيا حاليا يشوف السعر للمقارنه ويعلق هنااا،،،
للعلم انا شاهدت السعر من سنه ونص تقريبا ،،،يمكن ارتفعت في هذا الوقت ،،،،

قاعد ادور من اعرفه في تركيا ودي اعرف الاسعار هناك كم بالتحديد والي يبي يشتري من الدوحة ياخذ من مطار حمد وعندي رقم شخص مصري ممكن يفيدكم بالاسعار :)