__ فضفضـــة تجــــارية ___

[نَقــوَه]

السلام عليكم ورحمة الله وبركاته


مرحبا بالجميع


ودي اسولف واياكم وافضفض يا زوار السوق ويازباين ويا تجار

تجربتي في فترة بسيطة وانا في البيت كونت عندي ملاحظات وايد حبيت افرد لها هذي الصفحة

وأبي أراءكم وتعليقاتكم ومتابعتكم طبعاً





ارجو من الادارة ماتنقل الموضوع لاي قسم ثاني لان كلها راح تكون من السوق ولأهل السوق

وحي الله من ياء

[نَقــوَه]

نبتدي بأول سالفة وهي حلم الكثيرين بعمل مصدر رزق ثاني وعينهم على القوانين والبلدية ووزارة الاقتصاد والغلا وازمة البترول وهجوم روسيا على سوريا وباقي احداث الاخبار في العالم ...... ويتم يكبرها في راسه لاهو اللي اشتغل ولاهو اللي ريح راسه
التجارة اسهل بوايد من كل هالخرابيط اللي مامنها الا عوار الراس

https://pbs.twimg.com/media/CU_Kw94WoAAu6DS.jpg:large

[Bin Hood]

بداية جيدة ومشجعة

في انتظار طرح عميق وكلام غير مكرر

[قطر العطاء]

ننتظر الباقي

[نَقــوَه]

Bin Hood و قطر العطار

حياكم الله والله يقدرني أكون عند حسن ظنكم

[نَقــوَه]

وايد يسألون.. انا عندي فلوس ما عندي فكرة مشروع


البداية ماتحتاج حد يفكر عني ويجيب لي فكرة ..
البداية تعتمد عليك انت..
اي شي انت تحبه وفاهم فيه عدل واتحب انك تستزيد فيه اما تقرا عنه او تزور اماكنه او صار عندك خبره فيه
هو افضل مجال انك تشتغل فيه وتسوي لك بزنس.

لان ان خذيت فكرة من غيرك علشان تشتغل فيها .. مع اول مشكلة ماراح تفهمها عشان تحلها
لكن الشي اللي تفهم فيه بيكون شي عادي عندك تعرف اسراره او طريقته وتتعامل معاه بسهوله.


كل واحد يبي يبتدي بزنس يراجع نفسه هو شيحب..
حتى لو كنت في هالدنيا ماتحب الا الفلفل العلوب:nice: بعد تقدر تسوي فيه بزنس.. مثل تاجر كويتي يسوي انواع مخللات وانواع معبوج لانواع فلفل.. منها نوع درجة قوة الفلفل مليون وحدة .. وعليه اقبال ماشالله

ولا تنسون الله كتب رزق كل واحد منا .. وعلينا ناخذ الاسباب .

[نَقــوَه]

التجارة مب معناتها انك تحصل فلوس وبس
او انك تصير غني وعندك حلال وخير وبس


التجارة معناتها انك تسعى وتسعى وتسعى في الارض في كل الاتجاهات واحيانا في كل الاوقات وبكل الطرق
علشان تحقق هدف انت تسعى له وقاعد تحاول وتحاول وتبذل مجهود كبير علشان تنفذه...
والفلوس اللي تحصل في النهاية هي تحصيل حاصل لنجاح عمل خططت له وسعيت له بكل امكانياتك.
بعدها يصير الحصول على المال عملية آلية .. والترتيب والعمل من اجل النجاح هو الهدف الحقيقي مب العمل من أجل المال.
لذلك ما ينجح أصحاب الاعمال اللي يبون بس مصدر دخل اضافي. يفشلون بسرعة من هالسبب.

[نَقــوَه]

تعودنا ان احنا نشتري الاغراض ما نفكر او نسال شلون يسوونها ويرتبونها لين توصل على رف المحل للبيع
ممكن يكون الغرض بسيط وايد لكنه شغلته طويلة وتبذل مجهود كبير فيها ... مجهود ممتع ولذيذ يجدد حياتك ويزيدك حماس

الناس ترقد انت تنتظر متى تطلع الشمس علشان تروح حق هالمكان او انك تكلم فلان وكل يوم على هالحال... بس هالحال يتطلب انك تآمن بالفكرة التي تحلم فيها حتى لو ظنيت ان محد مهتم لها او المنتج اللي تسعى له من يبيه ماله سوق . الناس تحترم صاحب الفكرة المقتنع فيها ومؤمن فيها .. ولو عايوه الناس كلهم يتم هو مقتنع بفكرته وواثق انه في يوم بنفذها .


من عجايب التجارة وبما انك تسعى بحماس وكل من مكان لي مكان وأنت تأسس مشروعك الله يبارك في كل جهودك اذا انت مراضيه بعبادتك واللي كنت تظن انه ممكن يتحقق عقب سنه الله يطوي لك الوقت .. والظروف ويخليه يتحقق لك في 4 شهور اذا سعيت بنفسك وما اعتمدت على غيرك.

وهذا الشي جربته بنفسي اللي كنت اقول ان مثلا المشاركة في معرض ما قدر عليها الا عقب 3 سنين الله عطاني اياها خلال سنة واشياء وايد تتكرر معاي بنفس الطريقة.. لازم الواحد اللي يبي يبتدي مشروع يكون طموح ومتفائل ومستعد يصيد أي فرصة ويغتنمها بس يكون جاهز ينقض عليها.. والتوفيق من الله .



هاااه أكمل ؟

[جبر ال جبر]

عساك ع القوه لكن في كل مشروع لازم يكون الواحد نبيهه وحريص مايغامر وكل مازادات فرصه الربح تزيد معاها المخاطره يعني نعرف انه التجاره اسهل من سوالف الورق ولتخطيط وعدم القلق اذا كان راس مالك مثلا 5000 ريال وهذا الي اتوقع انت تقصده ولكن اذا كان 500 مليون شرايك مايحتاج دراسه وورق وتحسب الف حساب لكل خطوه!!!!
كلامك في البدايه جميل ولكن بعدين صار انشائي ونظري جامد وفلسفه النظريات سهله بالكلام ولكن في السوق ماتاكل عيش يجب عدم خلط الاوراق والكلام بالعموميات في الاخير اصبت بموضوع التوفيق كله من عندالله وعامل الوقت جدا مهم في تكوين الثروه واذا الله طوى عنك الوقت ف بتكون فرصتك اكبر وفي حديث والله لا اعلم صحته هل مسنده ضعيف او هو حديث صحيح لرسول صلى الله عليه وسلم يليت اذا كنت غلطان حد يصححلي لاني سمعت انه نسب لنبي صلى الله عليه وسلم انه قال تسع اعشار الرزق في التجارة

[بـن عدوان]

موضوع جدا مميز وانا متابع

[نَقــوَه]

عساك ع القوه لكن في كل مشروع لازم يكون الواحد نبيهه وحريص مايغامر وكل مازادات فرصه الربح تزيد معاها المخاطره يعني نعرف انه التجاره اسهل من سوالف الورق ولتخطيط وعدم القلق اذا كان راس مالك مثلا 5000 ريال وهذا الي اتوقع انت تقصده ولكن اذا كان 500 مليون شرايك مايحتاج دراسه وورق وتحسب الف حساب لكل خطوه!!!!
كلامك في البدايه جميل ولكن بعدين صار انشائي ونظري جامد وفلسفه النظريات سهله بالكلام ولكن في السوق ماتاكل عيش يجب عدم خلط الاوراق والكلام بالعموميات في الاخير اصبت بموضوع التوفيق كله من عندالله وعامل الوقت جدا مهم في تكوين الثروه واذا الله طوى عنك الوقت ف بتكون فرصتك اكبر وفي حديث والله لا اعلم صحته هل مسنده ضعيف او هو حديث صحيح لرسول صلى الله عليه وسلم يليت اذا كنت غلطان حد يصححلي لاني سمعت انه نسب لنبي صلى الله عليه وسلم انه قال تسع اعشار الرزق في التجارة



يقويك الشيخ



في هذا الموضوع انا اكتب عن تجربتي السابقة في التجارة براس مال كان اقصاه 300 الف ريال والحمدلله حققت ربح طيب. ماعرف النظريات ولا الفلسفات اللي قلت عنها . ان قريت كانت عن تجارب التجار السعوديين وشلون تطورو وقريت بالانجليزي في امور تعبئة وتغليف وبعض الخلفيات في كل شغله اشتغلها. لي اليوم ما طلع التاجر القطري اللي يتكلم عن التجارة وعن الفرص الموجودة وشلون يقدر القطري يستفيد منها وللحين ماشفنا حد كتب وفاد غيره باللي يعرفه . ماشوف اني تكلمت وخلطت أمور .. انا كنت اتكلم عن مباديء عامة ممكن أي تاجر ناجح يقولها لان قالها غيري تجار كبار . سامحوني اذا تكلمت بشكل عام .. هذا اللي عندي تجربة على قدي .. صححوا لي .. اذا اخطيت وضيفوا على كلامي لو نقص علشان الكل يستفيد واعتبروا هالشي زكاة علمكم.

المبالغ الكبيرة مثلك عارف يستوي لها دراسة جدوى يندفع فيها مبلغ وقدره والتاجر الجريء لازم يحسب كل خطوه يخطيها علشان يتخذ القرار المناسب ولو فيه أي خطوره يأمن نفسه من المخاطر قدر الامكان. التخطيط لابد منه ودراسات الجدوى جزء من التخطيط . حتى لو المبلغ صغير يحتاج يعرف في شنو يصرفه وذيه بعد نوع من التخطيط ... الزبدة ان التخطيط مطلوب مب منقود.

خلك وايانا متابع وزاد الله من زاد

[نَقــوَه]

موضوع جدا مميز وانا متابع

حياك الله أخوي تسعدني متابعتك

[نَقــوَه]

من باب التنويع .. بحط روابط لمواضيع بعض التجار يتكلمون فيها عن تجاربهم ..
تجارب مفيده تزيد الثقة بالنفس والحماس للشغل

http://www.qatarshares.com/vb/showthread.php?274123-رحلتى-من-الفقر-الى-الغنى

[الدوحه1]

عندي فكرة مشروع هو الاول من نوعه في قطر.
بعد الاستفسار اتضح ان المشروع يتطلب موافقة جهتين, جهه وافقت والجهه الثانيه علقت على الطلب "يحفظ" ؟؟؟؟

يعني المشروع محتاج واسطه قويه !!!

[جبر ال جبر]

انا كان عندي مشروع سياره ايسكريم جواله وادور بين الفرجان نفس مالت لندن ومش ايسكريمات عاديه انواع خاصه جدا ولذيذه ومافي نفسها كلش بقطر واتفقت مع شريك كويتي بالموضوع كامل قالو لا ممنوع ومستحيل يصير هالشي قلت لهم زين بتكون ثابته في الكورنيش نفس القديمه قالو بعد لا بعد كم شهر الا باص برغري يجوب الدوحه !!!!
زين وين الممنوع وهذا مايصير ولا السالفه ناس وناس

[بـن عدوان]

جبر اخوي كلامك صح، محتاج واسطة قوية او انك تشوف لك واحد قوي تدخل شريك معاه وتعطيه نسبه وهو عليه يمشي الامور

بس هاي مب معناته انه البيبان تصكرت، لازال هناك فرص يقدر الواحد يسويها وهاي قصد اخونا نقوه

[بـن عدوان]

يقويك الشيخ



في هذا الموضوع انا اكتب عن تجربتي السابقة في التجارة براس مال كان اقصاه 300 الف ريال والحمدلله حققت ربح طيب. ماعرف النظريات ولا الفلسفات اللي قلت عنها . ان قريت كانت عن تجارب التجار السعوديين وشلون تطورو وقريت بالانجليزي في امور تعبئة وتغليف وبعض الخلفيات في كل شغله اشتغلها. لي اليوم ما طلع التاجر القطري اللي يتكلم عن التجارة وعن الفرص الموجودة وشلون يقدر القطري يستفيد منها وللحين ماشفنا حد كتب وفاد غيره باللي يعرفه . ماشوف اني تكلمت وخلطت أمور .. انا كنت اتكلم عن مباديء عامة ممكن أي تاجر ناجح يقولها لان قالها غيري تجار كبار . سامحوني اذا تكلمت بشكل عام .. هذا اللي عندي تجربة على قدي .. صححوا لي .. اذا اخطيت وضيفوا على كلامي لو نقص علشان الكل يستفيد واعتبروا هالشي زكاة علمكم.

المبالغ الكبيرة مثلك عارف يستوي لها دراسة جدوى يندفع فيها مبلغ وقدره والتاجر الجريء لازم يحسب كل خطوه يخطيها علشان يتخذ القرار المناسب ولو فيه أي خطوره يأمن نفسه من المخاطر قدر الامكان. التخطيط لابد منه ودراسات الجدوى جزء من التخطيط . حتى لو المبلغ صغير يحتاج يعرف في شنو يصرفه وذيه بعد نوع من التخطيط ... الزبدة ان التخطيط مطلوب مب منقود.

خلك وايانا متابع وزاد الله من زاد

اتفق معاك بقوة في اللون المحدد

انا اشوف ماشاءالله اخواننا السعوديين يتشاركون فيما بينهم، هني العكس محد يتكلم !

[Bin Hood]

نقوه

طرح جميل قرأت بعض السطور

ان شاء الله راح اشارك في وقت لاحق

[نَقــوَه]

عندي فكرة مشروع هو الاول من نوعه في قطر.
بعد الاستفسار اتضح ان المشروع يتطلب موافقة جهتين, جهه وافقت والجهه الثانيه علقت على الطلب "يحفظ" ؟؟؟؟

يعني المشروع محتاج واسطه قويه !!!






انا كان عندي مشروع سياره ايسكريم جواله وادور بين الفرجان نفس مالت لندن ومش ايسكريمات عاديه انواع خاصه جدا ولذيذه ومافي نفسها كلش بقطر واتفقت مع شريك كويتي بالموضوع كامل قالو لا ممنوع ومستحيل يصير هالشي قلت لهم زين بتكون ثابته في الكورنيش نفس القديمه قالو بعد لا بعد كم شهر الا باص برغري يجوب الدوحه !!!!
زين وين الممنوع وهذا مايصير ولا السالفه ناس وناس


جبر اخوي كلامك صح، محتاج واسطة قوية او انك تشوف لك واحد قوي تدخل شريك معاه وتعطيه نسبه وهو عليه يمشي الامور

بس هاي مب معناته انه البيبان تصكرت، لازال هناك فرص يقدر الواحد يسويها وهاي قصد اخونا نقوه




علمتني التجارة ان لا زم يكون فيه بدائل بحيث اني اضمن الشغل على طول وماقعد حاطة يدي على خدي.
يعني لما ينرفض الموضوع أكيد فيه اسباب من واحد لي ستين سبب .. مانعرف وشي .. خير والا شر .. والتاجر الناجح دايما يكون متفائل ويقول لعله خير .. نحاول مرة ثانية بطريقة ثانية وباسلوب ثاني . اما اني اقدم مرة ثانية واتحايل في الموضوع دام البلد فيها الواسطة قوية ، يمكن تتغير الظروف في صالحك من تغيير شخص او قانون او الله ييسر امورك ياللي كنت انت بنفس عارف انه مب ماشي لكن الله يمشيه لك بارادته .


هذا اللي انا اشوفه بشكل شخصي لو كنت في مثل حالتكم ماراح اوقف عند فكرة وحده .. بحط لي بدائل وكل خيار بيكون له اكشن بلان أ و ب .
بسعى وبحاول وماراح اوقف عند اول عقبة . الفرص ومجالات الاستثمار في قطر وايد وايد وايد .. وبتعب وانا اقول وايد من جذيه لازم نكون مستعدين لأي فرصة تجينا أو احنا نروح لها.

[نَقــوَه]

اتفق معاك بقوة في اللون المحدد

انا اشوف ماشاءالله اخواننا السعوديين يتشاركون فيما بينهم، هني العكس محد يتكلم !



بعد فيه مشكلة عندنا .. كتجار قطريين صغار

انا الحين عندي منتج اجيبه من برا من النوع الغالي جداً .. ابي اسوقه لزباينه الفعليين اللي هم الفنادق مثلاً
وانا كونت نفسي وعلمت نفسي من الصفر وكل يوم اتعلم فيه شي جديد ، تدري وين المشكلة ؟ المشكلة الوحيدة اتوقعها وسبب الرفض بتكون لأني قطرية .. القطريين كزباين وتجار له حسبة ثانية عند المتنفذين من غير القطرين وبعض القطريين مايقبلون التسويق من القطريين وخاصة الكبار في السن .. احنا ما نقنعهم .. لكن وحدة من الحلول ان القى مندوب شاطر شاطر يقدر يسوقها لي عندهم بدون رشوة هذي ضريبة لما يكون الاجانب هم اصحاب القرار في بلادك . عندي امل ان شاءالله اني اقدر اوصل للي ابيه بتوفيق الله وبالحلال بدون رشاوي وواسطات .. بس احتاج يدلني الطريق وبتوكل على الله.

[نَقــوَه]

نقوه

طرح جميل قرأت بعض السطور

ان شاء الله راح اشارك في وقت لاحق


حياك الله أخوي وشكرا على المتابعة
في انتظار مشاركاتك

[نَقــوَه]

http://40.media.tumblr.com/e18adde7abb11f431876b2b78158bd76/tumblr_nfelpx8GaZ1qlrgllo1_500.jpg