الفاتورة أولاً ..!!

[الحياة الخالدة]

السلام عليكم و رحمة الله و بركاته

صبحكم / مساكم الله بالخير

موقف حدث لي بالأمس 💔

الفاتوره أولاً

موقف تكرر معي و مع غيري عدة مرات في مطاعم الوجبات السريعة و في بعض المحلات التجارية و محطات البترول ..

أولاً في المطاعم 👈 يأتي لك بالطلب مع ابتسامة و تحية وداع رائعة تخفي وراءها طمع و سرقة مخطط لها ، تأخذ الكيس و تضعه في السيارة و تذهب و لكن ( أين الفاتورة ) ؟؟
لا توجد فاتورة !!!
قد تتهاون في أن تناديه مرة أخرى بسبب الزحام الذي وراءك أو لضيق الوقت ..
ولكن عندما تنادي الموظف لتسأله أين الفاتورة ؟؟ يأتي الرد سريعاً مع قليلاً من الارتباك ( سوري مع ابتسامة صفراء ) ليذهب و يحضرها لتتكرر المفاجأة أن المبلغ ليس مطابق لما دفعت ..
و قد زاد السعر المدفوع عن سعر الفاتورة !!!

و قد حدثتني إحدى الأخوات عن موقف حدث أمامها في إحدى محطات البترول فقد كان السائق مشغولاً بالهاتف منذ أن وقف في المحطة و حتى إن تحرك مرة أخرى و المحزن أن تتكرر السرقة مرة أخرى فقد طلب الموظف مبلغاً غير المبلغ الحقيقي لأن السائق ما زال مشغولاً بالهاتف و بكل أريحية أعطاه و ذهب ليكمل السائق النوم بالعسل مع هاتفه و يكمل الآخر الإبحار في عالم السرقة ..

و حدثتني أخرى أنها ذهبت الى أحد المجمعات التجارية و قد تكرر معاها الموقف هذا فقد اشترت ما تريد ولكن مسلسل السرقة لم ينتهِ فقد أضافوا لها في الفاتورة أشياء لم تشتريها أصلاً ..

إخواني و أخواتي و كل من يعيش على هذه الأرض الطيبة ..
لا تتهاونوا في طلب الفاتورة و حفظ حقوقكم و من يتهاون في بعض الدراهم و الريالات فأقول لهم تصدقوا بها أفضل من أن تتركوها لمن يريد سرقتكم و هنا لا أدخل في نياتهم فقد يقول قائل قد لا يقصدون ذلك ولكن تكرار نفس الموقف عدة مرات يثير عدة أسئلة فأنا من الممكن أن أدفع للموظف أضعاف المطلوب ولكن برضاي من باب الصدقة أو شكره على حسن معاملته و لكن أن يستغفلني أو يسرقني لا و ألف لا ..
و هنا نتكلم عن بعض المطاعم و بعض الموظفين و ليس الكل .. ولكن أحسست أنه يجب علينا أن نكون أكثر وعياً و إدراكاً و أن نرفع شعار (( الفاتورة أولاً ))

الموضوع بقلم أختي أم سعود

[شبح الصمت]

وعليكم السلام ورحمة الله وبركاته ،،

ااخ يا الحياه ذكرتي موضوع قاهرني له فترة من الزمن
كان في اعلان عن محل يسوي عازل للسيارة باقل السعر ..

شوفي اشلون النصب السريع والذكي واحنا المقصه

يقولك عرض مغري وذلك لاغلاق المحل باقل سعر
طبعاً نفسي راح يقول نص سعر وعازل حراري يتركب برى بـ 2400 وهناك بـ 1000 ريال شيء طيب
بروح اركب

واجلس مع المسؤول وسوالف وضحك طبعاً أهو متمكن من الابتسامة والكلام الحلو والف والدوران

وبعد ما تخلصين ما راح تفكرين في الفاتوره تطلعين من المحل وتنسين انج تاخذين الفاتوره
فرحت وركبت العازل والرجال كلامه طيب وعقب ما طلعت نسيت ماخذ الفاتوره والضمان لعلمي انه هالمحل خلاص راح يصكر يعني مافي فايده اني ارجع له ..


وعقب اتفاجا العازل الي ركبته ما يسوى 300 ريال ضرب علي 700 ريال ..

حسبي الله ونعم الوكيل
اتصلت فيه وكان رده لا اصلي
طبعاً أنا ببلعها واسكت لانه الفاتوره ما خذتها فمقدر اني احاججه بدون دليل

فاقول حسبي الله ونعم الوكيل
نصيحه الفاتوره مستند مهم في الشراء والبيع ..

شكراً الحياه

[غريب الدّار]

مرحبا اختي الحياة ومشكورة على النقل

والله انا مع ان الواحد يشيك ولا يعطي فرصة للتلاعب لايا كان

خصوصا ان الواحد المفروض ع الأقل يعرف كم دفع وكم رجعوا له

مب يدفع ولا يدري كم الفاتورة أصلا !!1

[لما]

الحياه الخالده شكلج هالأيام مودج شوبينج

فانتبهتي لسوالفه

[ya3coub]

خلوها على الله

موقف المحطة امس صار معاي و اكتشفت الي صار و مشيتها

المطاعم السريعه لأن اكون عارف الطلب و عارف كم بدفع اصلن اعد الخردة فقط

هالشي بالدوحة و خارجها و خصوصا مع المطاعم و الأعداد الكبيرة او الي يعزم ناس بالعادة يستغلون هالشي لما يشوفون شباب كل واحد يحلف إلا اهو يدفع الفاتورة يعطيهم الكرت او يشوف المبلغ النهائي بدون التدقيق.


الواحد لازم دايما يقرى و يشوف و يعرف ليش زيادة و على اي ااساس

[بوفاطمه]

صارلي موقف من فترة في محطة البترول ،بعد ماعبيت البترول عطيته المبلغ ،مارجعلي المبلغ ،قلتله وين باقي المبلغ ،قالي جاني واحد قبلك عب بترول وراح وانا كنت مشغول وما اخذت المبلغ من عنده،قلت طيب شو دخلني انا .
على باله بقوله خل الباقي لك .
لا والله خذيت المبلغ ومشيت .
بعد فترة لقيت واحد من الربع قلتله عن الموضوع ،قالي في نفس المحطة صارلي نفس الشي .
الفاتورة اولا .

[المحاميه]

يعطيج العافيه وكلامج عدل

لكن عندي عتب بسيط عليج
بما انج ضربتي امثله من الواقع فليش ماذكرتيلنا اي محطه واي محل واي مطعم؟

عشان مانظلم حد وننتبه بشكل عام وبشكل خاص ف هالمواقع :nice:


يعطيج العافيه

[بوفاطمه]

اشكرج الشيخة الحياة الخالدة على هذا الموضوع .
الكل منا يطلب الفاتورة .
لا هو عيب ولا شي ،حتى وان عزمت ربعي مافيها شي .
حمدلله دائما اطلب الفاتورة واعد المبلغ وانا في المحل .

[قطريه ماركه]

موضوع مهم جداً الله يحفظنا من جشعهم و طمعهم

الموضوع وصلني واتس اب من خالتي ( أم سعود ) :victory:

[ماجد البدر]

حياك ِ الله و بياكِ وام سعود
كذلك
تشكر على هذا الموقف الرئعه ليتنا جميعا هكذا
و الموضوع ذو شجون ولا تنتظروا مسؤل يعمل شي ولا حكومة تتخذ اجراء نحن لابد ان نغيير انفسنا ونحاجج ونستوقفهم على النصف ريال واي مبلغ بدون وجه حق
قد ناخذ المبلغ من هنا ونضعه في صندوق الصدقات من طيب نفس ولكن ياخذ المبلغ استغلالا او استخفاف بعقولنا هذا ما لا نرضاه

حادثه قديمة في مواقف سيارات المطار القديم وطلبت فاترة المواقف ارتبك المحصل وقال لي انتظر قلت له مش مشكله انتظر
مع اني مشغول وتظاهرت انني فاضي

قال بس فيه مشكله في الفاتورة و الكمبيوتر صبر شي

قلت له خذ راحتك

ولم اتحرك من كابينه الا واعطاني الفاترة مختلفة وزايد السعر وختلف عن المطلوب سابقا ويعتذر انه مغلط قلت له انت مش مغلط انت حرامي وصارت بيننا مشاده للاسف لم اكمل الموضوع ولكن بينت له انني على علم بانه سارق ولا يستخف فينا

[ماجد البدر]

موضوع مهم جداً الله يحفظنا من جشعهم و طمعهم

الموضوع وصلني واتس اب من خالتي ( أم سعود ) :victory:

:nice:

[الحياة الخالدة]

يعطيج العافيه وكلامج عدل

لكن عندي عتب بسيط عليج
بما انج ضربتي امثله من الواقع فليش ماذكرتيلنا اي محطه واي محل واي مطعم؟

عشان مانظلم حد وننتبه بشكل عام وبشكل خاص ف هالمواقع :nice:


يعطيج العافيه

معليش يسمحون لي إخواني و خواتي على التخطي
الهدف من الموضوع التنبيه بشكل عام و ليس تحديد أسماء
و هالأمور تصير في كل مكان مو مقتصرة على محطات أو محلات أو مطاعم بحد ذاتها
الحذر واجب

الله يعافيج أختي

[أم محمد 90]

هلا اختي الحياة الخالدة ،، ربي يشهد علي اني داخلة اليوم ابي انزل موضوعين , أولهم عن الفاتورة وسبقتيني الله يجزاج خير والثاني بنزله الحين :

بخصوص الفاتورة ,, انا البس عدسات طبية وفي نوع معين اشتريه وما الاقيه الا بنظارات يتيم

سعر البوكس العادة 175 ريال , من بعد رمضان فرع الستي , افرع المجمعات بشكل عام زادت سعر البوكس 10 ريال ليصبح 185 وقالوا ان من الشركة .

لقيت محل العدسات بمحطة طيبة يبيعهم ويبيع البوكس ب 175 ريال ! ف قمت وخذت 4 بوكسات . جيت دفعت بالبطاقة عطاني وصل المشين مالت البطاقة .

طيب فاتورتي ؟

سالته عن الفاتورة قام طلع دفترة من الكبت بيكتب لي فيه فاتورة باليد وهو عند سيستم وجهاز وضعه كان جدا مريب

قمت عاندت قلت له الحين تسوي لي فاتورة من السيستم وقلت له ليش ماتعطيني فاتورة ماتعرف القانون اول شي الفاتورة قام يتلعثم وايد شكيت فيه ومافهمت سبب تصرفه !


وعقب تميت اتذكر كم محل ادخله مايعطيني فاتورة وادفع على عماي وكنت حابة انوه الناس عن اهمية الفاتورة ولا تتهاونون مع المحلات اللي ماتعطي فاتورة


وشخصيا افضل الفاتورة الالكترونية ما اصدق ان في محلات للحين فواتيرها كتابة ؟

[abu m7md]

تحية لام سعود
بس لله الحمد ماصار لي شي من الي قلتوا

[Riku3]

يوم الخميس شريت من محل فيه تنزيلات في طريق سلوى وكنت مستعجل دفعت وطلعت .. الاحد لاحظت الفاتورة ان بعض الاشياء الي شريتها بسعرها العادي وليس بسعر التنزيلات !! ..

رجعت وخذت فلوسي بس حسيت بالحقد في عيونهم وكل واحد يطالع في الثاني .. وبعد طلبوا ياخذون الفاتورة الاصلية مني علشان الحسابات حسب تبريرهم .. وانا متأكد علشان ما تكون دليل ضدهم لو بغيت اشتكي .

مع اني في العادة حريص في مثل هالامور بس للاسف صرنا نتساهل ونثق في الناس >_< .

[شيخ الديرة]

ولما يوزنون الفواكه والخضرة ويحطون السعر, خذ نظرة سريعة لما تحط الأكياس على حزام الكاشير, لأن يعتمدون على ذاكرتهم برقم كل منتج عند الميزان, وسبحان الذي لا يخطأ.

انا ما كنت منتبه لكن مرة الكاشيرة اكتشفت لما طلع كم كيلو عنب ب 80 ريال او شي, وطلبت من مساعدها يروح يوزن من جديد, 50 ريال فرق بس

[قطر العطاء]

موضوع مهم ومهما قل المبلغ لكن المبدأ مرفوض ، وجب علينا الانتباه وعدم الحياء من مراعاة حقوقنا .

[بوخالد911]

لازم أدقق على الفاتورة
وما علي من كلام الناس

[بانغ بانغ]

مشكلتنا احنا العرب نستصغر الفواتير ولو بمبالغ بسيطة

الاجانب حريصيين على الفاتورة

عن نفسي انا اشيك عالفواتير لسبب واحد ان مابغيهم امغلطيين ومنقصين من شي انا خذته ... اعتبرها حرام وحقهم اما لو ماخذين مني مب مشكلة اسامحهم

[شبح الصمت]

هل يعقل همبرقره بدون شيبس ولا اشياء اخرى

بـ 120 !!!!

:anger1:

[ضوى]

نعم الفاتورة اولا ، وقبل كل شي اعرف مسبقاً السعر قبل لا اشتري اي شي

[Charisma]

الموضوع مهم وسبق وطرحته :

:: النـصـب والأحـتيـال فـي الـفـواتـيـر والـطلـبـات :: (www.qatarshares.com/vb/showthread.php?611245)


مب عيب نهائيا ، ان تطلب الفاتوره ، وتقارن الطلبات بالأسعار.



هل يعقل همبرقره بدون شيبس ولا اشياء اخرى

بـ 120 !!!!

:anger1:


لا بالله لايعقل هههههه ، حتى مع الشبس لايعقل .:anger1:

[شبح الصمت]

الموضوع مهم وسبق وطرحته :

:: النـصـب والأحـتيـال فـي الـفـواتـيـر والـطلـبـات :: (www.qatarshares.com/vb/showthread.php?611245)


مب عيب نهائيا ، ان تطلب الفاتوره ، وتقارن الطلبات بالأسعار.





لا بالله لايعقل هههههه ، حتى مع الشبس لايعقل .:anger1:



بايلوت يعقل والفاتوره عندي ..

صراحة انا كنت عازم رفيجي ههاي يا هاي رفيجي الي ذليته عالعزيمة

خذنا صحنين همبرقر

واحد 42

والثاني بـ 120

يوم جات الفاتوره اسال الموظف شنو ذي بـ 120 وحده والا ثنتين قال لا وحده ..

كماااان اشدعووه

لا صراحة شيء مبالغ فيه والمشكلة اني ما شفت المنيو وطلعنا

بس شكلي برد اليوم باخذ المنيو وبشوف هل هالسعر موجود على هالوجبه والا لا..

وعقب لكل حادث حديث

[JN000N]

الموضوع مهم وسبق وطرحته :

:: النـصـب والأحـتيـال فـي الـفـواتـيـر والـطلـبـات :: (www.qatarshares.com/vb/showthread.php?611245)


مب عيب نهائيا ، ان تطلب الفاتوره ، وتقارن الطلبات بالأسعار.





لا بالله لايعقل هههههه ، حتى مع الشبس لايعقل .:anger1:

عادي مواضيع وايد انطرحت وما زالت تنطرح
المهم كلن ويحط تجربته وافكاره ويدير موضوعه بنفسه :)

[][ الوحيد ][]

بايلوت يعقل والفاتوره عندي ..
صراحة انا كنت عازم رفيجي ههاي يا هاي رفيجي الي ذليته عالعزيمة
خذنا صحنين همبرقر
واحد 42والثاني بـ 120
يوم جات الفاتوره اسال الموظف شنو ذي بـ 120 وحده والا ثنتين قال لا وحده ..
كماااان اشدعووه
لا صراحة شيء مبالغ فيه والمشكلة اني ما شفت المنيو وطلعنا
بس شكلي برد اليوم باخذ المنيو وبشوف هل هالسعر موجود على هالوجبه والا لا..
وعقب لكل حادث حديث

ممكن يكون وااقيوو بيف ,, ومعروف انه غالي :)

[شبح الصمت]

[ الوحيد ][;10267665']ممكن يكون وااقيوو بيف ,, ومعروف انه غالي :)



اشلون يعني واقيوو بيف !!

اشرح لي ..

[][ الوحيد ][]

اشلون يعني واقيوو بيف !!
اشرح لي ..

شرح مبسط من قوقل

هو لحم عجل يتم تربيته في اليابان بطريقة خاصة، ويُعرف حرفياً “بالبقرة اليابانية”، والذي يتم الحصول عليه من سلالات معينة من الماشية التي تنتج نسبة من الدهون الزيتية غير المشبعة. ويعرف لحم الواجو بجودته العالية وثمنه المرتفع، حيث يصل سعر الكيلوغرام منه إلى 300 دولار.

يتم تربية هذا النوع من الماشية في عدة مناطق في اليابان، وهنالك أنواع من لحوم البقر هذه هي: كوبي، ميشيما، ماتسوساكا، أومي، ساندا.

وبسبب وعورة الأراضي الجبلية التي ترعى فيها تلك الماشية في اليابان، فقد أعتمدت تقنيات خاصة لتربيتها وإطعامها، منها العمل على تدليك الماشية لمنع تشنج عضلاتها، أو إضافة مشروب الساكي والنبيذ لنظام تغذيتها ليساعد في عملية الهضم وتحفيز الجوع خلال المواسم الممطرة، وتكون تغذية هذه المواشي بالأساس على الحليب، وذلك بسبب قلة حركتها وعدم إستخدام وتربية العضلات في جسمها، وبدلاً من ذلك تكون الشحوم الصحية في أنسجبتها.

وتربى هذه النوعية من المواشي في كل من أستراليا وكندا والولايات المتحدة مع إعتماد طرق تغذية مشابهة وظروف تحفظ الحيوانات مدللة ولا تسمح لها بالحركة كثيراً، لكن يتم إدخال الحبوب إلى تغذية الماشية الأسترالية لمدة 300-500 يوم قبل إنتاج لحومها، كما يضاف إلى تغذيتها النبيذ الأحمر، وهذا ما سبب عزوف إستهلاك هذا النوع من اللحوم في البلدان المسلمة حول العالم.

[Charisma]

بايلوت يعقل والفاتوره عندي ..

صراحة انا كنت عازم رفيجي ههاي يا هاي رفيجي الي ذليته عالعزيمة

خذنا صحنين همبرقر

واحد 42

والثاني بـ 120

يوم جات الفاتوره اسال الموظف شنو ذي بـ 120 وحده والا ثنتين قال لا وحده ..

كماااان اشدعووه

لا صراحة شيء مبالغ فيه والمشكلة اني ما شفت المنيو وطلعنا

بس شكلي برد اليوم باخذ المنيو وبشوف هل هالسعر موجود على هالوجبه والا لا..

وعقب لكل حادث حديث

طبعا عزمته واستحيت تطلب المينيو وادقق عالفاتوره هههههههه


عندك هالموقع بيفيدك فيه مينيوهات اغلب المطاعم ،


https://www.zomato.com/








عادي مواضيع وايد انطرحت وما زالت تنطرح
المهم كلن ويحط تجربته وافكاره ويدير موضوعه بنفسه :)

اللهم لا اعتراض ، هههه شكرا على التوضيح :rolleyes2:

[شبح الصمت]

ارحم الله والديك ياخوي على الشرح ..

بس فيها نبيذ شالسالفه ياخوي .. !!


وانا اقول امس اشفيني فاصل

[][ الوحيد ][]

ارحم الله والديك ياخوي على الشرح ..
بس فيها نبيذ شالسالفه ياخوي .. !!
وانا اقول امس اشفيني فاصل


اتووووقع و مب متأكد ان النوع المصدر حق الدول المسلمه مافيها نبيذ :rolleyes2:

الا ماقلت لنا وين هالمطعم ؟

[شبح الصمت]

طبعا عزمته واستحيت تطلب المينيو وادقق عالفاتوره هههههههه


عندك هالموقع بيفيدك فيه مينيوهات اغلب المطاعم ،


https://www.zomato.com/







اللهم لا اعتراض ، هههه شكرا على التوضيح :rolleyes2:


لا ما استحيت عادي قلت له شيك سوى نفسه يشيك واعرفه ما اشيك ..

بس مب مشكلة يا بايلوووت بشيك فالموقع واذا طلع السعر غير ..


ما اوصف لك الفرحه الي راح تغمرني صج ..

وشكراً خيووو

[Charisma]

لا ما استحيت عادي قلت له شيك سوى نفسه يشيك واعرفه ما اشيك ..

بس مب مشكلة يا بايلوووت بشيك فالموقع واذا طلع السعر غير ..


ما اوصف لك الفرحه الي راح تغمرني صج ..

وشكراً خيووو

اذا طلع غير ، اعزمني بالباقي ، راضي بمعصرة بوسالم . :shy:

[شبح الصمت]

[ الوحيد ][;10267679']اتووووقع و مب متأكد ان النوع المصدر حق الدول المسلمه مافيها نبيذ :rolleyes2:

الا ماقلت لنا وين هالمطعم ؟



يعني مخصصين لنا نوعيات معينه ..

اصبر علي وبعطيك اسم المطعم ومطعم معروفه عليه ضرب ومضارب ..

[شبح الصمت]

اذا طلع غير ، اعزمني بالباقي ، راضي بمعصرة بوسالم . :shy:



افا عليك انت مكانك مب هالمطعم اوديك اطقع مطعم لو في مطعم داخل طياره بوديك ..


ياخي صدق جاتني فكره يسووون مطعم طائر يعني تبي تتعشى او تتغدى تاخذ لك طيارة وتكون محدده لعدد معين تاخذ فيك جوله حول قطر ..

ياخي اش رايك فيني وانا ابدع واطلع افكار ..

ترى بتحصل ضغط عليها مش طبيعي

الناس ما تصدق مطعم يفتح لو قالوا لهم فالمريخ بيقولون قدام

[][ الوحيد ][]

يعني مخصصين لنا نوعيات معينه ..

اصبر علي وبعطيك اسم المطعم ومطعم معروفه عليه ضرب ومضارب ..


شكلي عرفت المطعم .. و يجيب لك البرقر في كرتون @@ ..

[أم محمد 90]

بايلوت يعقل والفاتوره عندي ..

صراحة انا كنت عازم رفيجي ههاي يا هاي رفيجي الي ذليته عالعزيمة

خذنا صحنين همبرقر

واحد 42

والثاني بـ 120

يوم جات الفاتوره اسال الموظف شنو ذي بـ 120 وحده والا ثنتين قال لا وحده ..

كماااان اشدعووه

لا صراحة شيء مبالغ فيه والمشكلة اني ما شفت المنيو وطلعنا

بس شكلي برد اليوم باخذ المنيو وبشوف هل هالسعر موجود على هالوجبه والا لا..

وعقب لكل حادث حديث

يروحون مطاعم اللاجونا واللؤلؤة ويتحلطمون ع السعر ... :tease:

[شبح الصمت]

[ الوحيد ][;10267701']شكلي عرفت المطعم .. و يجيب لك البرقر في كرتون @@ ..



لا غلط ..

ياخي خلني اتاكد من الشيء الي في بالي ..

وعقب بقولك ..

[شبح الصمت]

يروحون مطاعم اللاجونا واللؤلؤة ويتحلطمون ع السعر ... :tease:



حتى الاماكن الي ذكرتيها الهمبرقر الي فيها ارخص ..

:deal:

[أم محمد 90]

حتى الاماكن الي ذكرتيها الهمبرقره الي فيها ارخص ..

:deal:

شخصيا ما اشوفه رخيص وما ابي اتطرق لموضوع المطاعم والمبالغ الخيالية الباهظة اللي يدفعونها الناس على اكل يلاقون مثله باماكن ثانية ....

انا شخصيا تزعجني جدا فكرة المطاعم اللي هابين فيها العالم ,,, لا لها طعم ولا لون ولا فيها اي ثقافة قطعة خبز فوقها نوتيلا مزينه ف بخار ملون وكم شمعة حوالينها مع دلة قهوة ب 100 وشي اذا مش اكثر نظرا لاني ماروح هالمطاعم ...

احنا بخير ونعمة صحيح الحمدلله ولكن .. الواحد يفكر عدل وين يقط فلوسه وشنو يحط ف بطنة

انا شخصيا احب برغر هارديز شبس وبيبسي كبير وبرغر كبير ولذيذ ب 30 ريال يا بلاش :shy:

[شبح الصمت]

شخصيا ما اشوفه رخيص وما ابي اتطرق لموضوع المطاعم والمبالغ الخيالية الباهظة اللي يدفعونها الناس على اكل يلاقون مثله باماكن ثانية ....

انا شخصيا تزعجني جدا فكرة المطاعم اللي هابين فيها العالم ,,, لا لها طعم ولا لون ولا فيها اي ثقافة قطعة خبز فوقها نوتيلا مزينه ف بخار ملون وكم شمعة حوالينها مع دلة قهوة ب 100 وشي اذا مش اكثر نظرا لاني ماروح هالمطاعم ...

احنا بخير ونعمة صحيح الحمدلله ولكن .. الواحد يفكر عدل وين يقط فلوسه وشنو يحط ف بطنة

انا شخصيا احب برغر هارديز شبس وبيبسي كبير وبرغر كبير ولذيذ ب 30 ريال يا بلاش :shy:



صادقه يام محمد ..

[غريب الدّار]

يروحون مطاعم اللاجونا واللؤلؤة ويتحلطمون ع السعر ... :tease:

تبون الصراحة ياجماعة ؟

انا مع راي اختي ام محمد 100%

واسمح لي ياشبح

لان معظم الشكاوى (او خلنا نقول 90 % ) تقريبا من الشكاوى كلها على هالنوعية من المطاعم
اللي أسعارها أصلا عالية

المفروض :
قبل لاتطلب تكون شايف المنيو وعارف انت كم بتدفع قبل لا تدفع
الا قبل ماتطلب بعد

وبهالطريقة تكون عارف اللي لك واللي عليك

هاذي نقطة

النقطة الثانية :
لو نص مطاعم الدوحة تبيع وجبة معينة بعشر ريال

وانا فتحت لي مطعم فيمكان راقي او من ضمن سلسلة مطاعم راقية او عالمية وصرت ابيع الوجبة نفسها بخمسين

هل تلومني وتقول غالي؟

وش جابك عندي؟

المطاعم تارسة البلاد

معظم المطاعم الغالية اخوي شبح أسعارها ترى ماتكون على أساس الاكل بس

لا

على أساس :
المكان
درجة المطعم (يعني مطعم عالمي مثلا او مطعم راقي)


يعني عوامل ثانية انت تعرفها

اللي يبي الرخيص موجود

واللي يبي الغالي موجود

واعتقد الكل عارف ان انخفاض السعر مايعني ابدا رداءة الاكل
وارتفاع السعر مايعني ابدا جودة الاكل

بل بالعكس
والمسألة نسبية في النهاية وتخضع للاذواق
ولولا اختلاف الاذواق لبارت السلع

ولكل شرّاي بضاعة وسوقي

المسامحة طولت شوي


وبالتوفيق

[بشائر]

موضوع مهم اختي الحياة ..

صارت معاي مرة كنت في مجمع في السد تسوقنا وقعدنا نتغدا وكانت الفاتورة زايدة 100 ريال فتفاجأت !
وعادة مانتبه كثير لهالشغلة لكن ذاك اليوم مادري شلون انتبهت ! وطبعا اعتذر وبين أنه أخطأ .. شدعوة خطأ بمية ريال؟ !
ومن بعدها قمت أهتم بمتابعة الفواتير ..
المهم إني حتى لو عجزانة أتظاهر بالاهتمام وآخذها حتى مالت الجمعية قدامهم يعني إني بدقق وأول ماوصل السيارة أقطها :)
أهم شي يحسون إننا مصحصحين لهم :cool:

المشكلة قمت ألاحظ بعض اليهال هالأيام يحاسب الكاشير وماياخذ الباقي !! باعتباراها ريالات أو خمسات !! يقول له مابي ويروح !!
آخر مرة ناديت الاصبي وعصبت عليه قلت له خذ فلوسك ! ورد وخذاها.. الله يهديهم ويصلحهم .
وعلى قولة المثل : المال السايب يعلم السرئة :)