شكراً لإدارة سوق واقف الوكرة ..

[بصمة قطرية]

بسم الله الرحمن الرحيم
السلام عليكم و رحمة الله و بركاته

( من لا يشكر الناس لا يشكر الله ) ..

إدارة سوق واقف الوكرة ..
ألف شكر على منع الشيش ..
من فترة قدمت شكوى ووصلها شخص جزاه الله
ألف خير لإدارة السوق ..
والحمدلله إنهم قرروا منع الشيش ..
منع نهائي ..
قرار رائع و يشكرون عليه ..
طبعاً مش أنا الوحيدة اللي قدمت شكوى و ملاحظة بهالخصوص
أكيد غيري بعد تكلموا عن الشيش ..


اليوم ..
كنت في السوق و ضايقني وايد ( المدخنين )
اللي مش معتبرين في حد
يدخنون في المطاعم ..
و في الممشى ..
يعني مطعم من المطاعم صاحب المطعم يقول
مش من حقي أمنعهم من التدخين ..
بحجة إن المكان مفتوح ..!!
و اللي ينضرون من ريحة السجاير
و الأطفال ..
المهم ..
مدير إدارة السوق
كان موجود و بلغته هالملاحظة
و قال لاحظنا هالشي بصراحة ..
الله يجزاه ألف خير ..
كان يتمشى و يشوف الوضع شلون ..
و إن شاءالله ننتظر قرار المنع قريب ..

عذراً يالمدخنين ..
لا تزعلون مني ..

[توشيبا]

الله يجزاه كل خير بو سيف على منعه للشيشه في السوق

[A-Alansari]

ياليت يمنعونها في الدوله مع الزقاير الي ماوراها الا امراض وريحه خياس

[بانغ بانغ]

في كذا قهوة بدت اترجع الشيشة في كتارا

وحتى في الوكرة .... تراهم منع مؤقت ليس الا

يعني مافي قانون واضح ... اجتهادات فردية ومنع شخصي يمكن

وبعدين في ستين قهوة لو ايخصصون كم وحدة للشيشة في زاوية بعيدة ....

[وحيد-الشوق]

امس كنت في سوق الوكرة خطوة موفقة منهم منع الشيش اتمنى من المسؤولين أيضاً منع الدراجات والسكوترات والجهاز البايخ الي ينرفز بوتايرين امس 2 دعموا اخوي !!!!! منظر غير حضاري هذا سوق مب حديقة حتى اللؤلؤة امس دشيتها وطلعت يهال وايد ويلعبون جنهم في الكورنيش !!!!

والي اتمناه مراقبة بعض اسعار المقاهي صراحه اشياء وايد ماتسوى وغالية هل يعقل همبرجر بحجم برجر المعصره ب49 ريال في كوفي شوب كومباني والايجار 1000 ريال يمكن

حتى كافية التسعينات وافل مع ايس كريم ماغنوم من الدكان ب35 ريال في بروكسل كنا ناخذه 2 او 1.5 يورو وطعمه احلى من اهنيه بمليون مره ويلومون الواحد يدفع في ستاربكس 25 ريال في قلاص قهوة يبه ذاك محل عالمي مب شغلات من دكاكين وتقصون علينا

[بصمة قطرية]

الله يجزاه كل خير بو سيف على منعه للشيشه في السوق

جزاه الله خير ..

[بصمة قطرية]

ياليت يمنعونها في الدوله مع الزقاير الي ماوراها الا امراض وريحه خياس

أي والله ..
يا ليت يمنعونها من كل مكان ..
خصوصاً عند مداخل المستشفيات و المجمعات ..
اللي بيدخن في بيته و لا سيارته ..

[بصمة قطرية]

في كذا قهوة بدت اترجع الشيشة في كتارا

وحتى في الوكرة .... تراهم منع مؤقت ليس الا

يعني مافي قانون واضح ... اجتهادات فردية ومنع شخصي يمكن

وبعدين في ستين قهوة لو ايخصصون كم وحدة للشيشة في زاوية بعيدة ....

في الوكرة أبداً ما في شيشة ..
من قال منع مؤقت ..!!!!

لا زوايا و لا شي
اللي يبي يروح شيشة ..
خلوا السوق نظيف من هالأشياء ..

[بصمة قطرية]

امس كنت في سوق الوكرة خطوة موفقة منهم منع الشيش اتمنى من المسؤولين أيضاً منع الدراجات والسكوترات والجهاز البايخ الي ينرفز بوتايرين امس 2 دعموا اخوي !!!!! منظر غير حضاري هذا سوق مب حديقة حتى اللؤلؤة امس دشيتها وطلعت يهال وايد ويلعبون جنهم في الكورنيش !!!!

والي اتمناه مراقبة بعض اسعار المقاهي صراحه اشياء وايد ماتسوى وغالية هل يعقل همبرجر بحجم برجر المعصره ب49 ريال في كوفي شوب كومباني والايجار 1000 ريال يمكن

حتى كافية التسعينات وافل مع ايس كريم ماغنوم من الدكان ب35 ريال في بروكسل كنا ناخذه 2 او 1.5 يورو وطعمه احلى من اهنيه بمليون مره ويلومون الواحد يدفع في ستاربكس 25 ريال في قلاص قهوة يبه ذاك محل عالمي مب شغلات من دكاكين وتقصون علينا

صادق أخوي وحيد في سالفة السكوترات و الدراجات ..
يعيقون الحركة وايد و يدعمون العالم ..
دعموني أمس ثلاث مرات ..
و دعموا الحامل اللي معاي ..
منظرهم كأنهم في حديقة من كثرتهم ..!!!

[العفراء]

عييب انهم يكسرون التعليمات ويدخنون بالاماكن الممنوعه المفروض يتغرمووون لو بدبي جان من زمااان مغرمييينهم

[بصمة قطرية]

عييب انهم يكسرون التعليمات ويدخنون بالاماكن الممنوعه المفروض يتغرمووون لو بدبي جان من زمااان مغرمييينهم

لو في عقوبات صارمة كان ما كسروا التعليمات ..
من أمن العقوبة أساء الأدب ..

[مختلف جداََ]

المكان مفتوح ، ليش يمنعونه


بعدين هو تشجيع للسياحة يعني مصدر دخل

[حرف]

هالسوق خساير على الفاضي
انا جيته ماشفت الامباني على التراث القديم ودواعيس ومحلات ردئيه المنتجات
لو الدوله مستغله هالمكان بشي منه فايده يكون افضل

[مختلف جداََ]

اللي مستغرب منه حديقة بوظلوف في الشمال

أمس كنت هناك مع اليهال.

يا ناس حديقة عائلية والناس في منهم جايبين شيشه !!!!!!

[مرتبش]

في اللاوجونا مول.. فاتحين مطاعم خارجية وقعدات حلوة.. لكنها منتجع للشيشة والمدخنين للاسف.. الريحة مغطية على كل شي.. ومناظر اللي يشيشون تثير الاشمئزاز..للاسف مكان جميل لكنه كالعادة لم يتم الحفاظ عليه

[العقل المدمر]

ياليت يمنعونها في الدوله مع الزقاير الي ماوراها الا امراض وريحه خياس


ياليييييييييت :weeping:

[معماري قطري]

آذكر الشيش في شوارع العرب في ألمانيا كلها داخلية واللي يحرق رئته هو حر فيها .. شوي ريحة تطلع بس والشارع مفتوح .. المفروض الشيشة شيشة والمطعم والقهوة العادية بدون شيشة .. هذي الإدارات التعيسة اللي تبي تكسب من الكل وتشجعها القوانين التعيسة اللي ما تهمها مصلحة الكل

[مواقف النجادة]

اشكر المسئولين على المنع و أتمنى انه يكون دائم ..
ما حد شجع و نشر الشيشة في قطر الا ادارات سوق واقف حسبي الله عليهم ..
أتمنى ان لا يكون هناك تراجع عن القرار العودة الى ترويج الممارسات الضارة بالصحة و الغريبة عن قطر من اجل مزاج شخصي لبعض الأفراد ..

[بصمة قطرية]

المكان مفتوح ، ليش يمنعونه


بعدين هو تشجيع للسياحة يعني مصدر دخل
المشكلة إن المكان مفتوح ..!
لو مسكر محد بيتكلم
كيفهم يحكرون نفسهم دام المكان مخصص للشيشة ..
هل الأجانب معتمدين على الشيشة كمصدر دخل
و شيء يتعلق بالسياحة ..!!!

[بصمة قطرية]

هالسوق خساير على الفاضي
انا جيته ماشفت الامباني على التراث القديم ودواعيس ومحلات ردئيه المنتجات
لو الدوله مستغله هالمكان بشي منه فايده يكون افضل

التصميم حلو مبني على الطراز القديم ..
المحلات متنوعه ..
صحيح بضايعهم غالية مقارنة بالإيجار البسيط ..!!
المكان الحلو المطاعم اللي طالة على البحر
و الممشى ..

[بصمة قطرية]

اللي مستغرب منه حديقة بوظلوف في الشمال

أمس كنت هناك مع اليهال.

يا ناس حديقة عائلية والناس في منهم جايبين شيشه !!!!!!

المفروض منع الشيشة و التدخين من كل الأماكن العامة ..
اللي يبي يشيش يروح شيشة ..
و اللي بيدخن في سيارته و بيته ..

[بصمة قطرية]

في اللاوجونا مول.. فاتحين مطاعم خارجية وقعدات حلوة.. لكنها منتجع للشيشة والمدخنين للاسف.. الريحة مغطية على كل شي.. ومناظر اللي يشيشون تثير الاشمئزاز..للاسف مكان جميل لكنه كالعادة لم يتم الحفاظ عليه


صادق والله خربوا أماكن كثيرة بالشيش و التدخين ..!!!
نتمنى المنع نهائي و في كل مكان ..
خلهم يسوون شيشة في كل مكان كل مجمع و كل سوق
بس تكون مسكرة ..

[بصمة قطرية]

ياليييييييييت :weeping:


مثل ما منعوها من سوق واقف الوكرة
إن شاءالله يمنعونها من باقي الأماكن ..
نتأمل خير ..

[بصمة قطرية]

آذكر الشيش في شوارع العرب في ألمانيا كلها داخلية واللي يحرق رئته هو حر فيها .. شوي ريحة تطلع بس والشارع مفتوح .. المفروض الشيشة شيشة والمطعم والقهوة العادية بدون شيشة .. هذي الإدارات التعيسة اللي تبي تكسب من الكل وتشجعها القوانين التعيسة اللي ما تهمها مصلحة الكل

عدل كلامك
المطعم مطعم و الشيشة شيشة ..
يعني لما أدخل مطعم من حقي إني أقعد في جو صحي
بعيد عن التلوث بالشيشة و التدخين ..
و مب من حقي أدخل شيشة و أنتقد لأن هالمكان مخصص للشيشة ..

[بصمة قطرية]

اشكر المسئولين على المنع و أتمنى انه يكون دائم ..
ما حد شجع و نشر الشيشة في قطر الا ادارات سوق واقف حسبي الله عليهم ..
أتمنى ان لا يكون هناك تراجع عن القرار العودة الى ترويج الممارسات الضارة بالصحة و الغريبة عن قطر من اجل مزاج شخصي لبعض الأفراد ..

يستاهلون الشكر ..
و نتمنى يكون المنع دائم ..
نتمنى من الجهة المسؤولة تمنع الشيشة و التدخين
من كل المجمعات و الأسواق و الأماكن المفتوحة ..

[شيخ الديرة]

بسم الله الرحمن الرحيم
السلام عليكم و رحمة الله و بركاته

( من لا يشكر الناس لا يشكر الله ) ..

إدارة سوق واقف الوكرة ..
ألف شكر على منع الشيش ..
من فترة قدمت شكوى ووصلها شخص جزاه الله
ألف خير لإدارة السوق ..
والحمدلله إنهم قرروا منع الشيش ..
منع نهائي ..
قرار رائع و يشكرون عليه ..
طبعاً مش أنا الوحيدة اللي قدمت شكوى و ملاحظة بهالخصوص
أكيد غيري بعد تكلموا عن الشيش ..


اليوم ..
كنت في السوق و ضايقني وايد ( المدخنين )
اللي مش معتبرين في حد
يدخنون في المطاعم ..
و في الممشى ..
يعني مطعم من المطاعم صاحب المطعم يقول
مش من حقي أمنعهم من التدخين ..
بحجة إن المكان مفتوح ..!!
و اللي ينضرون من ريحة السجاير
و الأطفال ..
المهم ..
مدير إدارة السوق
كان موجود و بلغته هالملاحظة
و قال لاحظنا هالشي بصراحة ..
الله يجزاه ألف خير ..
كان يتمشى و يشوف الوضع شلون ..
و إن شاءالله ننتظر قرار المنع قريب ..

عذراً يالمدخنين ..
لا تزعلون مني ..

كفو يا بصمة, أحلى شكوى وأحلى خبر
نحتاج ألف مثلك, من جماعة بلسانهم, وليس جماعة بقلوبهم
نتمنى ان يفهم واقف الدوحة ما يجرى في واقف الوكرة

لا تعتذري للمدخنين, وخلهم يزعلون, لو هم صاحين كان زعلوا على نفسهم وعوايلهم

[شيخ الديرة]

في اللاوجونا مول.. فاتحين مطاعم خارجية وقعدات حلوة.. لكنها منتجع للشيشة والمدخنين للاسف.. الريحة مغطية على كل شي.. ومناظر اللي يشيشون تثير الاشمئزاز..للاسف مكان جميل لكنه كالعادة لم يتم الحفاظ عليه

وزارة الصحة يجب ان تنظر في ترخيصات هذه المحلات, وعدم تجديدها في حالة مخالفتهم للقانون ( الرابط هنا (http://www.almeezan.qa/LawView.aspx?opt&LawID=176&language=ar))

المادة 10 -
تاريخ بدء العمل: 06/10/2002

يحظر التدخين في الأماكن العامة المغلقة التالية:
1- وسائل المواصلات العامة.
2- المدارس ومراكز التعليم والتدريب والجامعات والمستشفيات والمراكز الصحية، وغيرها من المؤسسات التعليمية والمنشآت الصحية.
3- الوزارات والأجهزة الحكومية الأخرى، والهيئات والمؤسسات العامة، والأندية الرياضية، ومقار الجمعيات والمحال العامة، وداخل المصاعد، ودور السينما والمسرح.
4- المنشآت الصناعية، ومراكز التسوق التجارية.
5- المطاعم، والمحال الأخرى التي تبيع الطعام أو الشراب للجمهور.
ويجوز بقرار من وزير الصحة العامة، بعد اعتماد مجلس الوزراء، إضافة أي أماكن أخرى يحظر فيها التدخين.
واستثناءً من الحظر المذكور يجوز تخصيص أماكن محكمة الغلق للتدخين في الجهات المنصوص عليها في البنود (1)، (2)، (3)، (4) من هذه المادة، أما في المطاعم والمحال الأخرى المنصوص عليها في البند (5)، فيجوز أن تكون الأماكن المخصصة للمدخنين غير مغلقة تماماً.

[راعي الكورفت]

سوق واقف الوكره
مكان جميل
وهادئ
وفيه البحر الجميل
والهواء النقي الممتلئ بالاوكسجين
وعندما اتمشى بالسوق يراودني احساس وكأنني اتمشى على شواطئ جزر المالديف
سوق الوكره مكان جميل
ستجدون فيه البساطه والصفاء والنقاء

[امل الحياه]

جزاك الله خير واتمني يكون قانون بالمنع نهائي في اسواق واقف حتى السياح والضيوف من الدوله المجاوره انتقدو ظاهرة التشيش بسوق واقف

[عاشق العديد]

أتمنى بعد تقدمون شكوى ع الشاحنات وع مصانع الغاز وع السيارات بشكل عام لانه تضر الصحه ومن اهم أسباب السرطان ..

[المحاميه]

انا عندي سؤال

عادي الناس تدخن ف الحدايق والكورنيش؟

عادي ولا لا؟؟

[شيخ الديرة]

انا عندي سؤال

عادي الناس تدخن ف الحدايق والكورنيش؟

عادي ولا لا؟؟
"عادي" كلمة غير مفهومة في هذا السياق والسؤال.
عادي شرعاً ام أخلاقاً ام صحةً ام قانوناً ام ماذا بالضبط ؟

[بشائر]

جزاك الله خير حبيبتي بصمة .. والحمد لله أن صوتك وصل .. والدنيا للحين بخير ..
كثر الله من أمثالك ياغالية .. والف شكر لإدارة سوق واقف على تعاونها وتجاوبها .

[المحاميه]

"عادي" كلمة غير مفهومة في هذا السياق والسؤال.
عادي شرعاً ام أخلاقاً ام صحةً ام قانوناً ام ماذا بالضبط ؟

قانونا طبعا

[شيخ الديرة]

أما في المطاعم ...... فيجوز أن تكون الأماكن المخصصة للمدخنين غير مغلقة تماماً.

يعني هاذي الجهة للمدخنين وهاذي للغير، والدخان ياخذ راحته في الانتقال اينما يشاء

[شيخ الديرة]

قانونا طبعا

الكورنيش مكان عام غير مغلق، يسمح

[.قطر.]

وعليكم السلام ورحمه الله وبركاته
احسن شي سووه :victory:
والله انحكرنا من ريحة الدخان والشيشه الواحد يبي يشم هوا نظيف ومنعش وهم كانوا يخربون عليه :anger1:

[محمد2]

اصلا هالمطاعم وهالاسواق قايمة عالشيش
اذا تبونهم يخسرون ويسكرون هالقهاوي والمطاعم خلهم يمنعون الشيش

[شيخ الديرة]

اصلا هالمطاعم وهالاسواق قايمة عالشيش
اذا تبونهم يخسرون ويسكرون هالقهاوي والمطاعم خلهم يمنعون الشيش

والله انهم يربحون ألاف, ولكن المستشفيات وأجور العلاج في الخارج من أمراض التدخين تكلف المليارات, أراها تجارة خاسرة كما هي الأن.

[دايموند]

تم منع الشيشه في سوق الوكره التراثي. تقريبا اكثر من 3 شهور

[بصمة قطرية]

كفو يا بصمة, أحلى شكوى وأحلى خبر
نحتاج ألف مثلك, من جماعة بلسانهم, وليس جماعة بقلوبهم
نتمنى ان يفهم واقف الدوحة ما يجرى في واقف الوكرة

لا تعتذري للمدخنين, وخلهم يزعلون, لو هم صاحين كان زعلوا على نفسهم وعوايلهم
كفوك الطيب أخوي ..
الأشياء اللي نقدر ننكرها بلساننا
و نقدر نفدم شكوى ليش نتأخر ..!!
يمكن شكوى وحدة تغير شي كبير
و نكون بذلك قدمنا شي يرجع بالفايدة
على المجتمع ..
المشكلة المدخن ما يعرف مدى الضرر و الأذى
اللي ممكن يتعرض له غيره من مجرد إستنشاقه
لدخان السجاير ..

[بصمة قطرية]

وزارة الصحة يجب ان تنظر في ترخيصات هذه المحلات, وعدم تجديدها في حالة مخالفتهم للقانون ( الرابط هنا (http://www.almeezan.qa/LawView.aspx?opt&LawID=176&language=ar))

المادة 10 -
تاريخ بدء العمل: 06/10/2002

يحظر التدخين في الأماكن العامة المغلقة التالية:
1- وسائل المواصلات العامة.
2- المدارس ومراكز التعليم والتدريب والجامعات والمستشفيات والمراكز الصحية، وغيرها من المؤسسات التعليمية والمنشآت الصحية.
3- الوزارات والأجهزة الحكومية الأخرى، والهيئات والمؤسسات العامة، والأندية الرياضية، ومقار الجمعيات والمحال العامة، وداخل المصاعد، ودور السينما والمسرح.
4- المنشآت الصناعية، ومراكز التسوق التجارية.
5- المطاعم، والمحال الأخرى التي تبيع الطعام أو الشراب للجمهور.
ويجوز بقرار من وزير الصحة العامة، بعد اعتماد مجلس الوزراء، إضافة أي أماكن أخرى يحظر فيها التدخين.
واستثناءً من الحظر المذكور يجوز تخصيص أماكن محكمة الغلق للتدخين في الجهات المنصوص عليها في البنود (1)، (2)، (3)، (4) من هذه المادة، أما في المطاعم والمحال الأخرى المنصوص عليها في البند (5)، فيجوز أن تكون الأماكن المخصصة للمدخنين غير مغلقة تماماً.

تسلم على الإضافة أخوي
جزاك الله خير ..

[بصمة قطرية]

سوق واقف الوكره
مكان جميل
وهادئ
وفيه البحر الجميل
والهواء النقي الممتلئ بالاوكسجين
وعندما اتمشى بالسوق يراودني احساس وكأنني اتمشى على شواطئ جزر المالديف
سوق الوكره مكان جميل
ستجدون فيه البساطه والصفاء والنقاء

فعلاً المكان جميل
يكفي إن الممشى و المطاعم على البحر ..
المقروض الهواء يكون نقي ..

[بصمة قطرية]

جزاك الله خير واتمني يكون قانون بالمنع نهائي في اسواق واقف حتى السياح والضيوف من الدوله المجاوره انتقدو ظاهرة التشيش بسوق واقف

أجمعين إن شاءالله ..
يقولون قرار المنع صار له ثلاث شهور
و إن شاءالله يلحقه قرار منع التدخين
و الفال لسوق واقف الدوحة ..
معلم سياحي غير حضاري و غير صحي ..
الشيش خربت و الكل قاعد ينتقد وجود
الشيشة في أشهر معلم سياحي ..
يا مسؤولين اللي يبي الشيشة يعرف أماكنها
يروح لها ..

[بصمة قطرية]

أتمنى بعد تقدمون شكوى ع الشاحنات وع مصانع الغاز وع السيارات بشكل عام لانه تضر الصحه ومن اهم أسباب السرطان ..

بصورة عامة ملوثات الجو كثيرة ..
مادري هل إنت تتطنز في ردك
و لا من صجك ..!!!!
عموماً اللي نقدر عليه بنسويه ..

[بصمة قطرية]

جزاك الله خير حبيبتي بصمة .. والحمد لله أن صوتك وصل .. والدنيا للحين بخير ..
كثر الله من أمثالك ياغالية .. والف شكر لإدارة سوق واقف على تعاونها وتجاوبها .

الله يجزانا وياج كل خير حبيبتي ..
و شكراً من الأعماق لإدارة سوق واقف الوكرة ..

[بصمة قطرية]

وعليكم السلام ورحمه الله وبركاته
احسن شي سووه :victory:
والله انحكرنا من ريحة الدخان والشيشه الواحد يبي يشم هوا نظيف ومنعش وهم كانوا يخربون عليه :anger1:
إي والله انهم يخربون المكان بالدخان
الحمدلله على قرار المنع ..

[بصمة قطرية]

اصلا هالمطاعم وهالاسواق قايمة عالشيش
اذا تبونهم يخسرون ويسكرون هالقهاوي والمطاعم خلهم يمنعون الشيش


والله انهم يربحون ألاف, ولكن المستشفيات وأجور العلاج في الخارج من أمراض التدخين تكلف المليارات, أراها تجارة خاسرة كما هي الأن.

ما قصر أخوي شيخ الديرة
رد على كلامك ..
و رده يكفي ..
أعتقد الصحة و العافية أهم من الربح ..

[بصمة قطرية]

تم منع الشيشه في سوق الوكره التراثي. تقريبا اكثر من 3 شهور

شي طيب الحمدلله ..
من زمان ما رحت ..

[العرابي]

انا الصراحه ادخن

في مطار دبي يوجد جهه للمدخنين

بحثت عن جهه للتدخين في مطار الدوحه وماحصلت

[بومحمد المطاوعه]

ابررررك الساعات

وعسى سوق واقف بعد

لان صج السوق صاير

وكررررر محششييين والعياذ بالله