** حالات عديدة تشتكي من تزايد نبضات القلب **

[ضوى]

بادخل في الموضوع على طول وبدون مقدمات ، لاحظت في الفترة الاخيرة تزايد مشكلات نبضات القلب الغير مستقرة او النبضات المتسارعة دون اي سبب واضح ، وكذا حاله حوالي واصفين لهم الكونكور اللي هو منظم لضربات القلب ، وحالات صغيرة في السن مهب كبيرة ، أنا شخصيا صادتني الحالة من كم يوم وطلبوا لي الاسعاف ، زوجي نفس الحالة واصروا عليه يلتزم بالكونكور ، صديقة لي اعرفها نفس الحالة وصديقة ثانية نفس الشي ومجموعة لا يتسهان بي من اللي حوالي نفس الشي ، تزايد نبضات القلب وتسارعها وعدم انتظامها ، تعتقدون في تفسير علمي لتزايد هالحالات خلال هالفترة ؟ والا هي مجرد صدفة وعارض صحي وراح لحال سبيله ؟
خلونا نتناقش بهالموضوع وكلا يقول تجاربه اذا له او حق احد من حواليه نتبادل فيه المعلومات والخبرات في هذا الموضوع

شكرا لكم

[دايموند]

شنو الكونكور؟!

انا صادتني هالفتره دوخه وضربات قلب سريعه وقويه ولما فحصت قالوا لي نقص سكر وحديد

[مختلف جداََ]

الضغوطات النفسية ،
الأعصاب المشدودة ،
الحياة المتسارعة بجنون .

في رأيي الشخصي هي السبب و راح تكون السبب في أمراض أخرى بعد.

[مختلف جداََ]

الوالده عندي الله يحفظها
يجيها تسارع نبضات قلب
و تستخدم كونكور

[monatee]

بعيد الشر عنكم

هل جميع اللي صادتهم الحاله مطعمين التطعيمات اللي اطلعت بالسنوات القليله الماضيه ؟

مابغي افتي ،، لكن اغلب اللي حولي ألآحظهم يمرضون اسرع مشاكل صحيه عندهم اكثر

معني معاهم بنفس البيئه والظروف ، لكن امراضي نادرة وان جاني مايطول

فالتفسير الوحيد اللي عندي بسبب التطعيمات ، الله واعلم

كل الي حولي ماخذين التطعيمات الوقائيه اللي اطلعت وانا لا

حتى يوم كنت صغيره بأيام المدرسه تقريبا اغلب التطعيمات اللي يطعمونا اياهم ، انا ماخذتها

اخاف من الابره فكنت اشرد وانخش لين يخلصون ،، حاولوا فيني كذا مره وماخليهم لين خلوني بكيفي وماهتموا

[JN000N]

جذي يمكن
atrial tachycardia

http://watchlearnlive.heart.org/CVML_Player.php?moduleSelect=arrhyt


او جذي
atrial fibrillation

http://watchlearnlive.heart.org/CVML_Player.php?moduleSelect=arrhyt

[ضوى]

شنو الكونكور؟!

انا صادتني هالفتره دوخه وضربات قلب سريعه وقويه ولما فحصت قالوا لي نقص سكر وحديد

حبوب لتنظيم ضربات القلب

الله يشفيج ويعافيج وماعليج شر ان شاء الله

[ايزو]

الكنكور مخفض لضربات القلب وللضغط وليس منظم, وهو دواء امن ان شاء الله والعادة يعطى على جرعات 5مم او 10مم حسب الحالات وتستخدم طول العمر وهناك خطورة من الانقطاع عنه مرة واحدة.

[شمس المغيب]

أنا نفس الشي أعاني من هذي الحالة
بس اتضح إنه من نقص حاد في فيتامين d
ونقص حاد في مخزون الحديد والهيموجلوبين في الدم
بس ماخذت الكونكور
اخذ الفيتامينات بس عل وعسى يرتفع عندي هذا النقص

[قطر خضراء]

تزايد نبضات القلب له أسباب عديدة
أهمها: أولا الضغط النفسي بسبب القلق والتوتر والغضب وأنا دائما أقول أن الزحمة الهائلة التي تشهدها قطر سيكون لها نتائج مهلكة على مدى القصير والطويل
ثانيا نقص كمية الحديد مما يسبب ضعف الدم
وهناك أسباب عديدة أخرى

[شقردي]

انا تصيدني ساعات تسارع في دقات القلب ولكن عندما يترفع السكر معاي والعوامل النفسيه لها دور لكن في مثل هاي الحالات لازم الواحد يعمل كشف مبكر للوقايه

[ضوى]

سبب تسارع نبضاتي كان معلوم بالنسبة لي سبحان الله ، انا منقطعة عن الكافيين قد لي مدة ، ويوم داومت عقب الاجازة اشتهيت النسكافيه وشربت كوبين على فترتين تقريبا اربع ساعات بينهم ، رديت البيت ماني بخير طول اليوم مب انا ، لين بالليل تسارعت نبضات قلبي لاني عارفة شمشكلتي اخذت اسبرين فوار تحت اللسان وحسيت اني احسن وردت مرة ثانية الضربات كلمت ريلي بس عشان يشوف البنت وانا باريح بمكان ثاني ماوعيت الا جايب الاسعاف ، ويوم كشفوا علي طلع الضغط عندي شوي مرتفع وتخطيط القلب كله اوكي مافي اي مشكلة ، ويوم قلت لهم هاي تأثير الكافيين قالي اكيد دام ماعندج هيستوري من قبل لانه الكافيين يسبب زيادةفي نبضات القلب ويعتبر من المنشطات بعد

بس بالفعل بمثل هالحالت الواحد شنهي الخطوات اللي يسويها ، اعرف واحدة فدريتها تم قلبها يطق ومب عارفة شتسوي لين تمت تقرا قران لين نامت وهدت

[ضوى]

الكنكور مخفض لضربات القلب وللضغط وليس منظم, وهو دواء امن ان شاء الله والعادة يعطى على جرعات 5مم او 10مم حسب الحالات وتستخدم طول العمر وهناك خطورة من الانقطاع عنه مرة واحدة.

شكرا للمعلومة ، زوجي ياخذها للضغط فعلا بس ياخذ اثنين ونصف mg

[مرتبش]

اعتقد
خليط من ضغوطات الحياة + شاي وقهوة وبيبسي+ قلة الرياضة + الوزن + الاكل الغير صحي

[معماري قطري]

الله يشفي الجميع .. كثير فيهم السكري مثل ما قريت وارتفاعه مضر ونزوله كذلك .. النزول من علاماته عدم الاتزان وضربات القلب المتسارعة وهنا يجب على الإنسان أكل الفاكهة لأَن سكرياتها سريعة الإمتصاص .. أَسرعها يمكن العنب والمانجا وتقريباً كل الفواكه فيها عدة أنواع من السكريات تختلف اختلاف بسيط ويمتصها الجسم سرعة .. بعضها من توصل المعدة

الارتفاع في الغالب يسبب خمول في ضربات القلب .. والاثنين بالفحص نعرف شلون علاجهم .. وإن شاء الله يوزعون أجهزة القياس بدون وخز ابرة هذي تعطي قراءَة مستمرة طول اليوم بس ما وزعوا للكل ولا سمعت عن حد عنده الا واحد شاري من لندن ويجيب مواد التحليل من هناك والجهاز غالي .. فيه دراسات على جهاز ثاني بالأَشعة الحمراء وهذا مثل الرموت كنترول ينحط وقت الحاجة قرب الاذن ويقيس حتى والواحد يسوق السيارة وبدون ابرة بس ما بدوا يسوقونه للحين وكانوا يبون ناس للتجارب العام في أمريكا

[ضوى]

معماري الابرة اضبط ترا ، الاجهزة للحين مش مثبتة طبيا لذلك ماتشوف لها رواج

[رجل الجزيرة]

عدم تنوع الأكل وعدم أكل الفواكه الوخضراوات وعدم الطلوع للشمس ونقص الحديد والهموقلوبين وعدم المشي والرياضة هي أسباب أمراض العصر.
والله يشفي مرضى المسلمين.

[محاسب]

من تجارب سابقه ......... زيادة ضربات القلب
بسب
الوجبات الغير صحيه والشاي والقهوه
و
قد يصاب بها الأنسان الرياضي في فترات
لكنها عرض رئيسي لمرضى الجهاز الهضمي

[عابر سبيل]

سبب تسارع نبضاتي كان معلوم بالنسبة لي سبحان الله ، انا منقطعة عن الكافيين قد لي مدة ، ويوم داومت عقب الاجازة اشتهيت النسكافيه وشربت كوبين على فترتين تقريبا اربع ساعات بينهم ، رديت البيت ماني بخير طول اليوم مب انا ، لين بالليل تسارعت نبضات قلبي لاني عارفة شمشكلتي اخذت اسبرين فوار تحت اللسان وحسيت اني احسن وردت مرة ثانية الضربات كلمت ريلي بس عشان يشوف البنت وانا باريح بمكان ثاني ماوعيت الا جايب الاسعاف ، ويوم كشفوا علي طلع الضغط عندي شوي مرتفع وتخطيط القلب كله اوكي مافي اي مشكلة ، ويوم قلت لهم هاي تأثير الكافيين قالي اكيد دام ماعندج هيستوري من قبل لانه الكافيين يسبب زيادةفي نبضات القلب ويعتبر من المنشطات بعد

بس بالفعل بمثل هالحالت الواحد شنهي الخطوات اللي يسويها ، اعرف واحدة فدريتها تم قلبها يطق ومب عارفة شتسوي لين تمت تقرا قران لين نامت وهدت


اجر و عافية...
في الصحة و اعتلالها.. اعتقادي هو ان كل واحد غالبا ادرى بنفسه و اسباب الاعراض التي تصيبه..

لكن من ردك هذا..اقول قد يكون لارتفاع تدفق ال"أدرينالين" سبب..


"

فشخصيا ما اعتقد ان كوبين"نسكافيه" فيهما كمية كافيين عالية
تؤدي لهذه الأعراض..

و هنا رابط يشرح اكثر عن الادرينالين و اعراض ارتفاعه و اسبابها
و طرق التخفيف من ذلك

http://www.almrsal.com/post/177532

[لبيبة]

السلام عليم ورحمة الله وبركاته،

سلامتج يا ضوى، والله يكتب لج الشفاء والعافية،

الأسباب كثيرة، لكن ممكن تكون لها علاقة بالغدة الدرقية، هل سويتي فحص لها من قريب؟

الكافيين يعتبر محفز، ولكنه مب مسبب. يعني ممكن يخلي الحالة تزيد لكن مب يكون هو السبب.

الاهم هو الانتظام على كونكور والتقليل من الكافيين اليومي، كوب واحد من القهوة يكفي.

والله يشافيج ويحفظج من كل شر.

[بانغ بانغ]

شوفي دكتور مال كهربة القلب في ارميلة ..... ايسوون فحص ويركبون جهاز الهولتر وايشوفون دقات القلب لمدة يوم

وعقب ايشوفون قراءة الجهاز ... الوالد كانت عنده مواعيد بهالخصوص والحمدلله اموره زينة

ما تشوفون شر

[معماري قطري]

معماري الابرة اضبط ترا ، الاجهزة للحين مش مثبتة طبيا لذلك ماتشوف لها رواج

واحد مركب وتعطيه قراءات صحيحة وعن طريق إبرة يغيرها كل اسبوع وتكون داخل جسمه وملزقة بلزقة خاصة وترسل قراءات لجهاز بالبلوتوث وقراءاته دقيقة

[النهار]

ابتعدي ياضوي عن الملح المكرر الي ينباع في الاسواق استبدليه بالملح الصخري او ملح البحر بدون اي معالجات كيماويه
استبدلي السكر الابيض بسكر البنجر
وطبعا مافي داعي نذكرج بالفاست فود ومشروبات الكولا بجميع انواعها والمعلبات الي ماجفنا خير من وراها
شوفي بعد اسبوع من الاستخدام شرط كثير من الاعراض بتختفى الخفخان الدوخه الزغلله ويحصل تحسن جذري في الصحه

[النهار]

شوفي دكتور مال كهربة القلب في ارميلة ..... ايسوون فحص ويركبون جهاز الهولتر وايشوفون دقات القلب لمدة يوم

وعقب ايشوفون قراءة الجهاز ... الوالد كانت عنده مواعيد بهالخصوص والحمدلله اموره زينة

ما تشوفون شر

ياخوي بانغ انا من اربع سنوات صادني شي غير طبيعي خفخان في القلب كان يجيني فتره بسيطه ويرح تقدر تقول 30 ثانيه
هالمره استمر معاي اكثر من ساعتين رحت الاهلي ماخلو تحليل الا سوه والاشعات اشتغلت وجهد القلب
تنومت 5 ايام في الاخير قالوا لي مافيك شي يمكن ضغوط نفسيه وانا الحمد لله ماعندي اي ضغوط نفسيه

[ضوى]

واحد مركب وتعطيه قراءات صحيحة وعن طريق إبرة يغيرها كل اسبوع وتكون داخل جسمه وملزقة بلزقة خاصة وترسل قراءات لجهاز بالبلوتوث وقراءاته دقيقة

هالجهاز وايد خطر واحنا للحين مارخصناه لانه في خطورة وامكانيه يتلوث مكان للابرة والدم يتلوث ساعتها شبترقع وشبتخلي ، اتذكر حتى يكون في مكان لابرة الانسولين انه مب كل مرة يغززونه

[بانغ بانغ]

الشيخة ما عندك الا تاخذين موعد مع دكتور باتل استشاري القلب ومتخصص في حالات خفقان القلب وهو بيشوفكم وبيحولكم على دكتور نضال مال كهربة القلب للاطمئنان

في ارميلة بس مواعيده وايد صعبة لو اتعرفين حد ايكون زين ...

[بصمة قطرية]

ما تشوفين شر حبيبتي ضوى ..
أنا أعاني من تسارع النبض ..
و الفترة الأخيرة وايد متعبني هالشي
أقل مجهود يزيد النبض يوصل فوق الـ 200
سويت كل الفحوصات إيكو هولتر لمدة يوم ولمدة يومين
و تحاليل دم ..
كل شي سليم الحمدلله ..
بس الهولتر واضح التسارع طول اليوم
و خصوصاً وقت النوم ..
أقول للدكتور ما أتهنى في نومي أحس بضيقة
و مرات يجيني ألم في صدري ..
دكتور وصف لي كونكور ..
و آخر مرة الدكتور اللي في العمادي عطاني ( procoralan ) 5mg
قال لي إخذي الحبة وقت الحاجة
للأمانه .. ما خذتها و لا أفكر آخذها ..
إختي كانت نفسي آخر شي جاتها جلطة
و سوت قسطرة ..

بصراحة خايفة وايد من هالسالفة
من شوي كلمت دكتورة في مستشفى القلب
شرحت لها كل شي قالت بكرة تجيني العيادة ضروري ..

[بصمة قطرية]

الشيخة ما عندك الا تاخذين موعد مع دكتور باتل استشاري القلب ومتخصص في حالات خفقان القلب وهو بيشوفكم وبيحولكم على دكتور نضال مال كهربة القلب للاطمئنان

في ارميلة بس مواعيده وايد صعبة لو اتعرفين حد ايكون زين ...

ارميله ..!!
قصدك مستشفى القلب ..؟

[بانغ بانغ]

ياخوي بانغ انا من اربع سنوات صادني شي غير طبيعي خفخان في القلب كان يجيني فتره بسيطه ويرح تقدر تقول 30 ثانيه
هالمره استمر معاي اكثر من ساعتين رحت الاهلي ماخلو تحليل الا سوه والاشعات اشتغلت وجهد القلب
تنومت 5 ايام في الاخير قالوا لي مافيك شي يمكن ضغوط نفسيه وانا الحمد لله ماعندي اي ضغوط نفسيه

ما تشوف شر يالعميد ... شوف اخر مشاركة لي ان شاء الله اتفيدك

واللي يبغي اي مساعدة في المواعيد اقدر اساعده سواء حضرتك او الاخت ضوى او اي حد محتاج

الله يشافيكم

[بانغ بانغ]

ارميله ..!!
قصدك مستشفى القلب ..؟

اي نعم

[بصمة قطرية]

اي نعم

بكرة ان شاءالله بمرهم ..

[وحيد-الشوق]

اعتقد من المسببات للأمراض في الدوحة الزحمة والحفر والشوارع التعبانه

[الحياة الخالدة]

السلام عليكم و رحمة الله و بركاته
هلا حبيبتي ضوى

بحط الموضوع عن أسباب خفقان القلب بالانجليزي .. بعدين بترجمه لكم


Causes of Heart Palpitations
Many things can cause heart palpitations. In the vast majority of cases, the cause is either related to your heart or is unknown. Non-heart-related causes of palpitations include:

Strong emotions such as anxiety, fear, or stress; palpitations often occur during panic attacks.
Vigorous physical activity
Caffeine, nicotine, alcohol, or illegal street drugs such as cocaine and amphetamines
Medical conditions, including thyroid disease, a low blood sugar level, anemia, low blood pressure, fever, and dehydration
Hormonal changes during menstruation, pregnancy, or the perimenopausal period; sometimes, palpitations during pregnancy are signs of anemia.
Medications, including diet pills, decongestants, asthma inhalers, and some drugs used to prevent arrhythmias (a serious heart rhythm problem) or treat an underactive thyroid
Certain herbal and nutritional supplements
Abnormal electrolyte levels
Some people experience palpitations after eating heavy meals that are rich in carbohydrates, sugar, or fat. Sometimes, eating foods with high levels of monosodium glutamate (MSG), nitrates, or sodium can bring them on.

If you have heart palpitations after eating certain foods, the problem could be food sensitivity. Keeping a food diary can help you identify which foods to avoid.

Palpitations can also be related to underlying heart disease. When they are, palpitations are more likely to represent arrhythmia. Heart conditions associated with palpitations include:

Prior heart attack
Coronary artery disease
Other heart problems such as congestive heart failure, heart valve problems, or heart muscle problems

[Dana’1]

ماتشوفين شر يارب

أنا من شهرين او كثر شوي تقريبا احس قلبي كأنه يهوى(زي لما احد يلعب العالب خطره تنزل من مكان عالي) بس على خفيييييف وبشكل غريب واوقات اغرب ما اعرف اشرحه ب عمري كله ماشفته ولا جاني الا هالكم شهر

الحمدلله على كل حال

[يوسف0]

عدم تنوع الأكل وعدم أكل الفواكه الوخضراوات وعدم الطلوع للشمس ونقص الحديد والهموقلوبين وعدم المشي والرياضة هي أسباب أمراض العصر.
والله يشفي مرضى المسلمين.

:nice:

[بصمة قطرية]

عدم تنوع الأكل وعدم أكل الفواكه الوخضراوات وعدم الطلوع للشمس ونقص الحديد والهموقلوبين وعدم المشي والرياضة هي أسباب أمراض العصر.
والله يشفي مرضى المسلمين.

يومياً آكل فواكه
و السلطة أهم من الوجبة الأساسية
و الحمدلله أمارس الرياضة و المشي ..

[بوحمد1]

هذا الدواء مرسوم عليه قلب وهو جدا ممتاز وفيه منه نوعين العادي والبلاس

ونرجع للقرآن تراه ممتاز لمثل هالمشاكل

الا بذكر الله تطمئن القلوب

[الحياة الخالدة]

أسباب تسارع نبضات أو خفقان القلب :

هناك مسببات كثيرة لخفقان القلب . في معظم الحالات يكون السبب مرتبطاً بالقلب .. أو غير معروف

الأسباب غير المرتبطة بالقلب تتضمن ما يلي :

* الانفعالات القوية : مثل القلق و الخوف و التوتر .. و يحدث الخفقان عادة مع نوبات الهلع
* النشاط البدني العنيف
* الكافيين ، النيكوتين ، الكحول أو المواد اغير مرخصة قانونياً مثل الكوكايين و الامفيتامين
* الحالات المرضية : مثل أمراض الغدة الدرقية ، انخفاض معدل السكر ، فقر الدم ( الانيميا ) ، انخفاض ضغط الدم ، الحمى و الجفاف
* التغيرات الهرمونية خلال الدورة الشهرية ، الحمل أو قبل انقطاع الطمث . و قد يكون الخفقان أثناء الحمل من علامات فقر الدم
* الأدوية : بما فيها حبوب الحمية ، أدوية الرشح ، بخاخات الربو ، و بعض الادوية المستعملة لتنظيم ضربات القلب أو علاج خمول الغدة الدرقية
* بعض الأعشاب و المكملات الغذائية
* اختلال أملاح الجسم

و قد يتعرض البعض لازدياد ضربات القلب بعد تناول وجبات ثقيلة غنية بالكربوهيدرات ، السكريات أو الدهون
و كذلك قد تحدث نتيجة تناول أطعمة غنية ببعض أملاح الصوديوم أو النيترات

أيضاً قد يحدث الخفقان نتيجة الحساسية لبعض انواع الاطعمــــــة

[الخيالة]

الله يشفي الجميع

اختي من كم سنه عندها واهنئ كانوا يقولون لها عندها مشكله في القلب اخر شي يوم راحت سوت فحص في ايطاليا الحمدالله قالوا القلب مافيه شي واهيه بس تحتاج حديد و دم و بس

[الحياة الخالدة]

أما الأسباب المرتبطة بخلل في القلب فتتضمن :

* نوبات قلبية سابقة
* أمراض شرايين القلب
* أمراض القلب الأخرى و منها فشل القلب الاحتقاني ، الصمامات القلبية و أمراض عضلة القلب

إضافة إلى الاضطرابات المصاحبة لاختلال كهربية القلب

[khalid525]

ما تشوفون شر

[ضوى]

اجر و عافية...
في الصحة و اعتلالها.. اعتقادي هو ان كل واحد غالبا ادرى بنفسه و اسباب الاعراض التي تصيبه..

لكن من ردك هذا..اقول قد يكون لارتفاع تدفق ال"أدرينالين" سبب..


"

فشخصيا ما اعتقد ان كوبين"نسكافيه" فيهما كمية كافيين عالية
تؤدي لهذه الأعراض..

و هنا رابط يشرح اكثر عن الادرينالين و اعراض ارتفاعه و اسبابها
و طرق التخفيف من ذلك

http://www.almrsal.com/post/177532

تحليلك قد يكون صحيح

لكن الادرينالين اتوقع يزيد ويسبب خفقان بلحات الرفح والخوف والا أنا غلطانة ؟

بس النسكافيه فعلا سبب لي هالشي والأعراض الانسحابية للكافيين من جسمي كانت معاناة وما ابالغ لو قلت لك شبيهة بالاعراض الانسحابية للمخدرات :weeping:

[ضوى]

كل اللي علق وكانت له تجربة ماتشوفون شر الله يشفيك ويعافيك ويمتعكم بالصحة والعافية

[حمد بن سعد]

12 سنه اعاني منها ولله الحمد والمنه

جميع الفحوصات سليمه وطلع من المعده والحمدالله على كل حال

[qatari911]

نفس الاعراض تجيني وكل الفحوصات يقولون سليم
وعندي طنين بالاذن مكرهني العيشه و والقعده مع اهلي قليله لان اذا طولت في المكان الي فيه صوت احس يكون براسي نفس الصدى
ومع ذالك يقولون الفحوصات سليمه شلون مادري
الله يشفيكم ويعافيكم من الامراض

[بانغ بانغ]

نفس الاعراض تجيني وكل الفحوصات يقولون سليم
وعندي طنين بالاذن مكرهني العيشه و والقعده مع اهلي قليله لان اذا طولت في المكان الي فيه صوت احس يكون براسي نفس الصدى
ومع ذالك يقولون الفحوصات سليمه شلون مادري
الله يشفيكم ويعافيكم من الامراض

الظاهر اتعاني من الجيوب المزمنة ( الجيوب الداخلية ) وانت ماتدري او ماي في الأذن ... شوف دكتور اذن لان يمكن يعمل لك فتحة في الطبلة لو تشخيصه طلع صح

لان نفس الحالة اعاني منها بس مب هالدرجة

ما تشوف شر

[qatari911]

الظاهر اتعاني من الجيوب المزمنة ( الجيوب الداخلية ) وانت ماتدري او ماي في الأذن ... شوف دكتور اذن لان يمكن يعمل لك فتحة في الطبلة لو تشخيصه طلع صح

لان نفس الحالة اعاني منها بس مب هالدرجة

ما تشوف شر

الشر مايجيك يالغالي
ماخليت دكتور الا وجيته حتى الدكتور خالد عبدالهادي
بس كل الفحوصات يقولون سليمه
وانا الاعراض دوخه خصوصا الصبح لما اقوم من النوم لازم اجلس على السرير قبل ما اقوم لان لو قمت بسرعه عادي اطيح على وجهي
وطنين في الاذن
والحمد الله على كل حال

[ضوى]

نفس الاعراض تجيني وكل الفحوصات يقولون سليم
وعندي طنين بالاذن مكرهني العيشه و والقعده مع اهلي قليله لان اذا طولت في المكان الي فيه صوت احس يكون براسي نفس الصدى
ومع ذالك يقولون الفحوصات سليمه شلون مادري
الله يشفيكم ويعافيكم من الامراض

نفس اللي صار لي الضبط ، ورحت لكمال ناجي هو الوحيد اللي قدر يشخص الحالة صح ، طلع عندي هوا محبوس الطبلة مدري شافيها ، سوالي ثقب وركب لي انبوب وبعدها بشهر شال الانبوب والحمد لله اموري كلها طيبة من عقب ذاك اليوم

الله يكتب لك الشفا والصحة والعافية

[ضوى]

الشر مايجيك يالغالي
ماخليت دكتور الا وجيته حتى الدكتور خالد عبدالهادي
بس كل الفحوصات يقولون سليمه
وانا الاعراض دوخه خصوصا الصبح لما اقوم من النوم لازم اجلس على السرير قبل ما اقوم لان لو قمت بسرعه عادي اطيح على وجهي
وطنين في الاذن
والحمد الله على كل حال

نفس اعراضي بالضبط ، احيانا وانا بالمكتب ادوخ واطيح

[qatari911]

نفس اعراضي بالضبط ، احيانا وانا بالمكتب ادوخ واطيح


نفس اللي صار لي الضبط ، ورحت لكمال ناجي هو الوحيد اللي قدر يشخص الحالة صح ، طلع عندي هوا محبوس الطبلة مدري شافيها ، سوالي ثقب وركب لي انبوب وبعدها بشهر شال الانبوب والحمد لله اموري كلها طيبة من عقب ذاك اليوم

الله يكتب لك الشفا والصحة والعافية

جزاج الله خير
كمال ناجي رحت له وفحص وقالي سليم
مادري المشكله وين بالظبط

[هداف]

اخواني وخواتي

موضوع تسارع ضربات القلب او عدم انتظام النبض او تحس مرات بشهقه كان قلبك ينزل في بطنك الخ

اولا ,, احنا نغفل وننسى ان العمر يتقدم بنا وكل اجهزتنا العضويه ايضا تكبر معانا ويتغير نشاطها وطبيعي بو عشرين سنه
مهوب مثل بو اربعين وخمسين ... لذلك اغلب ها الاعراض طبيعيه جدا نتيجة نقص بعض الفيتامينات وخصوصا فيتامين دال
ونقص الحديد المعروف انه يسبب هبوط في ظغط الدم ودوخه واغماء مرات ... ارتفاع السكر يترفع معاه الظغط والعكس صحيح
النشاط الزائد للغده الدرقيه يرفع الظغط ونبضات القلب بل ويسبب حالات نفسيه من العصبيه والحزن والاكتئاب معا طول المده


المهم من كل هذا خذوا الموضوع ببساطه وروح افحص بهدوء وابتعد عن الوسواس والقلق لان .. التوتر والخوف والتفكير = وسواس واكتئاب
وبالتالي نبضات قلبك تزيد وظغطك يرتفع ويكون السبب نفسي وليس عضوي ... وهنا تكمن المشكله !! ؟؟ ابتعدوا عن الخوف واذكروا الله وتعوذوا
من وساوس الشيطان .... واعرف واحد صار فيه نفس الشي عنده خفقان وارتفاع في ظغط الدم والسبب التهاب في الغده الدرقيه لكنه ما فحص على طول
تم يوسوس وخايف من المرض وافكار توديه وتجيبه واكتئب واخرتها راح التهاب الغده ومازال مسيطره عليه الافكار الوسواسيه وزار طبيب نفسي بعد
المواظبه طبعا على الاذكار وقراءة القران وعطاه علاج بسيط عبار عن نص حبه في اليوم ورفيقنا رجع طبيعي وتخلص من الافكار الوسواسيه !


اذكركم ترى التفكير والقلق بالمرض سبب رئيسي لارتفاع ظغط الدم وعدد دقات القلب والارق الخ ... ويصير المرض نفسي بدال ماهو عضوي

[بعيد النظر]

ما عليكم شر ان شاء الله


وانصح الجميع برياضة بسيطة سواء مشي او غيره

[ضوى]

الله يجزيكم خير والله يمن على كل مريض بالشفاء

[الريـــاني 1]

انا اشوف ان الموبايلات والاجهزة الذكية وشبكات الواي فاي ممكن يكون لها دور كبير في هذا الشي لاني صادني هذا الموقف لان الحين الكل ماسك الجهاز 24 ساعة

الله المستعان

[الدوحه1]

نصيحه:
ابتعدوا قد ماتقدرون عن الاجهزه اللي تصدر الاشعه الكهروميغناطيسيه القويه وعالية التردد مثل الموبايل.

[Qt.1]

اعتقد
خليط من ضغوطات الحياة + شاي وقهوة وبيبسي+ قلة الرياضة + الوزن + الاكل الغير صحي

بالضبط اختصرت القصه بكم كلمه ,,