شهادة اتمام البناء والمقاول والاستشاري ؟؟

[سهم عتيج]

السلام عليكم ،، ان شاءالله جميع مرتادي هذا القسم الجميل بخير

الحمدلله اتممنا تقريبا بناء البيت بعد اول تجربة في البناء والمعاناة الكبيرة التي واجهناها مع كل تفاصيل البناء تقريبا

الحمدلله وصلنا الى النهاية وباقي بعض الاشياء البسيطة باذن الله

عندي سؤال

هل استطيع الحصول على شهادة اتمام بناء دون الحصول على تعهد مقاول العظم الذي بنى البيت

لانه حسب الطلبات مطلوب توقيع الاستشاري وشهادة طبق الاصل لسند البيت والمخطط وال سي دي والخرائط

المشكلة ان المقاول يريد ابتزازي ويريد مبلغا من المال وانا اطالبه باضعاف المبلغ الذي يريده لانه لم ينجز الكثير من الاعمال الموكلة له،،

الاستشاري قال لازم اشوف اختبار الخرسانة عشان اوقع على الاوراق

واختبار الخرسانة موجودة عند المقاول الذي يريد ان يبتز

هل استطيع الاستعانة بشركة مستقلة لعمل اختبار الخرسانة ومن ثم الحصول على توقيع الاستشاري؟

وهل هناك طرق اخرى للحصول على شهادة اتمام البناء اسرع ؟

يعطيكم العافية

[مضارب دوسري]

تشتكي عليه فالبلديه
اخوي
واذا كان الموظف متعاون يقدر يسحبه ويخليه يسلمك الاوراق
========
هل كان بينكم ورقة مخالصه بينك وبين المقاول ؟

[مضارب دوسري]

والله ييسر امورك اخوي
والله يجعله منزل مبارك عليك

[$الملياردير$]

اخوي لوتعرف المختبر اللي يسوي فيه اختبار الخرسانه ... اسأل الفورمان ورح عندهم بالاسم او رقم الارض و تطبعهم و أمورك طيبة .... بس انت محتاج توقيعه على النموذج وختمه .... في حال ثاني بسيط انك تشوف اي حد من الربع عنده شركات مقاولات و يحط تعهد شركته ويكمل لك باقي أوراق الإتمام هذا اذا انت متأكد من جوده اعمال الخرسانات عشان ما توهق رفيقك ..... و تقدر تشتكي عليه و هذا اللي انا اشوفه و تخليهم يسحبونه واذا عندك وياه مخالصة ملزم هو استكمال تقديم الأوراق الازمه ... و الله يوفقك

[معماري قطري]

اخوي لوتعرف المختبر اللي يسوي فيه اختبار الخرسانه ... اسأل الفورمان ورح عندهم بالاسم او رقم الارض و تطبعهم و أمورك طيبة .... بس انت محتاج توقيعه على النموذج وختمه .... في حال ثاني بسيط انك تشوف اي حد من الربع عنده شركات مقاولات و يحط تعهد شركته ويكمل لك باقي أوراق الإتمام هذا اذا انت متأكد من جوده اعمال الخرسانات عشان ما توهق رفيقك ..... و تقدر تشتكي عليه و هذا اللي انا اشوفه و تخليهم يسحبونه واذا عندك وياه مخالصة ملزم هو استكمال تقديم الأوراق الازمه ... و الله يوفقك

طلعت خطير يالملياردير وهذا الرأي الأنسب لأمثال هؤلاء المقاولين المبتزين .. أو نخلي حد من مسؤولين البلدية يكلمهم ويعطيهم تهديد قوي ممكن ينفذون اللي عليهم .. أَو حد من الشرطة وألحين أرقامهم 7 أرقام تخرع شوي

والله يوفقك اخوي سهم عتيج وتخلص على خير .. لو الاستشاري متابع صح وواثق من اللي شافه وقت الصب المفروض يطمنك وتكون عنده أوراق ونتائج الاختبارات أول بأول .. وما استبعد يكون متفاهم مع المقاول .. شغلة قذرة ما احبها الكل يتهرب من واجباته .. إِختبار الخرسانة سهل وسريع ويسونه في ثالث اسبوع من الصب وبس حتى يعطيك قوة الضغط .. لو يسون اختبار كيميائي كان بيطلع أدق وأوضح واختبار ثاني ما اعرف ترجمته بالعربي اسمه شير تست .. إحتمال يكون القطع .. هذا مهم حق خرسانة العوارض ( الجسور - الأبيام ) وقرب روؤس الأعمدة .. والإختبار اللي يتم في الموقع slump test هذا لازم يسويه الاستشاري قبل صب الخرسانة وعلى أساسه ممكن يرفض الخرسانة لو كانت ما يعة وانهارت بسرعة أو لو كانت يابسه ويصعب دخولها الفجوات بين الحديد .. أَيام كان بيتي ينبني أوقات اوصل شوي متأخر وقت الصب وكنت أول شيء اركز على هذا الاختبار ويكونون مسوينه ومخلين لي العينة واضحة .. وتبقى المعاينة قبل الصب وأَثناءه وبعده هي من أهم الاختبارات .. قبل الاستشاري يشوف الخشب وقوته ويشوف الحديد وتربيطه وانحناؤه لو مطلوب والبسكوتات وتوزيعها .. أَثناء الصب يركز على الهزاز والصب لكامل السطح في يوم واحد .. ما يصب شوي ويخليه يقول بنكمل بكره .. بعد الصب يشوف رش الماي ويمر أوقات مختلفة يدقق في رطوبة السطح والخيش .. وبعدين ينتبه للشلوخ أول بأول.

[معماري قطري]

صراحة الاستشاري اللي يصبر على المقاول لين يخلص البنيان وبعدين يقول له عطني نتائج الفحوصات هذا ما ينفع استشاري .. شلون كمل البنيان لو فيه خطر وهذي الاختبارات تخلص في دقايق .. مكينة تضغط الخرسانة لين تنكسر وجهاز كمبيوتر يقيس قوة الضغط وقت الانكسار ويسجل القوة كنيوتن / سم المربع أو كيلونيوتن على المتر المربع .. يعني المفروض ما يعطيه الإذن يكمل الا جايب أوراق الاختبار وتكون واصلة للقوة المطلوبة وبعدين يخليه يكمل أو يزيل الشغل المشكوك فيه ويعيد شغله

لو استشاريك اخوي سهم عتيج ما نفعك في هذي النقطة اشتك عليه عند التخطيط لأن هذا تساهل وتلاعب واضح

وللكل يركز على هذي النقطة .. لكل سيارة ردي مكس ناخذ ثلاث عينات ويسجلهم الاستشاري المحترم ويسجل موقع صب هذي الشحنة .. يعني لو صب الشحنة فوق المجلس تسجل هذي عينة شاحنة المجلس .. لو فشلت يعاد بناء المجلس فقط .. والعينات 3 لو وحدة فشلت وثنتين قوتهم مناسبة ناخذ المعدل

بعدين العينات يفترض تبقى في الموقع وتنرش ماي مع خرسانة الموقع حتى تعطينا قراءة تعكس قوة الخرسانة اللي في الموقع

[Azizuk]

الف مبروك على الانتهاء وعقبال ماتنزل في البيت عن قريب ان شاالله

عندك الله يسلمك شركة التيسير عندهم مختبر لفحص الخرسانة ومعتمد من البلدية

يطّلع معاك وياخذ عينة من الخرسانة ويفحصها ويعطك شهادة الاختبار

وشوف لك استشاري هندي او باكستاني أبرك لك من العرب وسؤ معهم عقد جديد

وإذا انت باني البيت على قرض الحكومة بنك التنمية بيسنع لك الاستشاري والمقاول

انا من فترته كنت حاط استشاري ومندوب المقاول يتلاعب مع مهندس عند الاستشاري

طلع يختم على الدفعات ويستلم مني مبلغ كل دفعه اللي هي الزيارة عشان يوقع على الوراق لتنزيل الدفعه

المهم قعدة خمس شهور اطلب من المندوب يكمل لي الموضوع عشان تنزل لي الدفعات والمندوب يواعدني ويخل بوعده

لين انا رحت للبنك وقلت لهم انا متضرر وابيكم تنزلون لي الدفعات لأني محتاجها المهم


قالو لي النظام الحين تغير

لازم تنزل تطبيق في الهاتف الذكي من الإبل ستور

وتسجل في وتدخل وتطلب الدفعات وممكن ترفق صور مراحل كل مرحلة لكل دفعه

ماطولها عليكم طلبت الدفعات

الا البنك متصلي الصبح بدري الا يقولي ماقدر انزل لك الدفعات لأنك الصور ماتكفي ولازم الاستشاري يدخل الموقع ويطلب لك الدفعات

المهم شوي الا استشاري متصل لي يقولي لازم تجيني بسرعة ونتفاهم معاك

رحت له قلت له خير ان شاالله الا يقولي انت لازم تسوي معنا عقد جديد أقول له ليش انا مسوي معاكم عقد ونازله لي كم دفعه من قبل

رد علي قالي والله احنا دورنا في الملفات مافي شي لك عندنا والحين احنا نبي نعدل الموضوع وادفع من جديد ونتنازل عن نص الزيارات

بعدين اكتشفت ان المهندس وعلى النظام القديم كان يختم وياخذ قيمة الزيارات هو ومندوب الشركة

والاستشاري يوم شاف البنك اتصل له ؟؟؟؟ العافية خاف ينسحب منه الترخيص

بنك التنمية الحين اذا شاف استشاري يتلاعب على طول ينسحب منه الترخيص

وقامو يخافون

أسف على الشرح الطويل

موظف البنك يقولي الحين العملية محكومة تكون بعلم العميل والاستشاري

[معماري قطري]

من زمان كانت العملية محكومة إخوي عبدالعزيز بس من فتحوا أبواب للتلاعب وكلٍ فضل الاسترخاء وشل يده استوت لعبات وعلى مستويات كبيرة .. وفي بنيان كبير .. أَبراج ومشاريع بالمليارات وشفنا نتائجها وسوءها .. صيانة دوم والعميل هو اللي يدفع والقضايا تطول

الإستشاري ما حصل العقد ببساطة تحصله متلاعب حتى على صاحب الترخيص مال المكتب وادارة المكتب وبمعرفة البعض منهم .. يسون عقد صوري وما يدخل حسابات المكتب

[وحيد-الشوق]

الله يستر الظاهر حالنا بيكون جذي عقب فتره :(

[سهم عتيج]

تشتكي عليه فالبلديه
اخوي
واذا كان الموظف متعاون يقدر يسحبه ويخليه يسلمك الاوراق
========
هل كان بينكم ورقة مخالصه بينك وبين المقاول ؟

لين الحين ماسوينا مخالصة وشيك الضمان موجود عند الاستشاري وشكلي باتدرج وياه انشاءالله



اخوي لوتعرف المختبر اللي يسوي فيه اختبار الخرسانه ... اسأل الفورمان ورح عندهم بالاسم او رقم الارض و تطبعهم و أمورك طيبة .... بس انت محتاج توقيعه على النموذج وختمه .... في حال ثاني بسيط انك تشوف اي حد من الربع عنده شركات مقاولات و يحط تعهد شركته ويكمل لك باقي أوراق الإتمام هذا اذا انت متأكد من جوده اعمال الخرسانات عشان ما توهق رفيقك ..... و تقدر تشتكي عليه و هذا اللي انا اشوفه و تخليهم يسحبونه واذا عندك وياه مخالصة ملزم هو استكمال تقديم الأوراق الازمه ... و الله يوفقك

للاسف ماعرف اسم المختبر وحتى الاستشاري مايعرف للاسف ،، بس ان شاءالله اذا ماعطاني الاختبار والختم ممكن اسوي اختبار من احدى الشركات ويختمها الاستشاري ان شاءالله
يعطيك العافية

[سهم عتيج]

والله يوفقك اخوي سهم عتيج وتخلص على خير .. لو الاستشاري متابع صح وواثق من اللي شافه وقت الصب المفروض يطمنك وتكون عنده أوراق ونتائج الاختبارات أول بأول .. وما استبعد يكون متفاهم مع المقاول .. شغلة قذرة ما احبها الكل يتهرب من واجباته ..

والله شاقوللك يامعماري.. حاس ان فيه ان بين الاستشاري والمقاول وشكلهم تهاوشوا والحين علاقتهم منقطعة .. المشكلة المقاول مايرد على اي تلفون .. بس بالغلط رد على موظف من موظفي الاستشاري وقال اذا تبون الاختبار تدفعون لي

[سهم عتيج]

الف مبروك على الانتهاء وعقبال ماتنزل في البيت عن قريب ان شاالله

عندك الله يسلمك شركة التيسير عندهم مختبر لفحص الخرسانة ومعتمد من البلدية

يطّلع معاك وياخذ عينة من الخرسانة ويفحصها ويعطك شهادة الاختبار

وشوف لك استشاري هندي او باكستاني أبرك لك من العرب وسؤ معهم عقد جديد

وإذا انت باني البيت على قرض الحكومة بنك التنمية بيسنع لك الاستشاري والمقاول

انا من فترته كنت حاط استشاري ومندوب المقاول يتلاعب مع مهندس عند الاستشاري

طلع يختم على الدفعات ويستلم مني مبلغ كل دفعه اللي هي الزيارة عشان يوقع على الوراق لتنزيل الدفعه

المهم قعدة خمس شهور اطلب من المندوب يكمل لي الموضوع عشان تنزل لي الدفعات والمندوب يواعدني ويخل بوعده

لين انا رحت للبنك وقلت لهم انا متضرر وابيكم تنزلون لي الدفعات لأني محتاجها المهم


قالو لي النظام الحين تغير

لازم تنزل تطبيق في الهاتف الذكي من الإبل ستور

وتسجل في وتدخل وتطلب الدفعات وممكن ترفق صور مراحل كل مرحلة لكل دفعه

ماطولها عليكم طلبت الدفعات

الا البنك متصلي الصبح بدري الا يقولي ماقدر انزل لك الدفعات لأنك الصور ماتكفي ولازم الاستشاري يدخل الموقع ويطلب لك الدفعات

المهم شوي الا استشاري متصل لي يقولي لازم تجيني بسرعة ونتفاهم معاك

رحت له قلت له خير ان شاالله الا يقولي انت لازم تسوي معنا عقد جديد أقول له ليش انا مسوي معاكم عقد ونازله لي كم دفعه من قبل

رد علي قالي والله احنا دورنا في الملفات مافي شي لك عندنا والحين احنا نبي نعدل الموضوع وادفع من جديد ونتنازل عن نص الزيارات

بعدين اكتشفت ان المهندس وعلى النظام القديم كان يختم وياخذ قيمة الزيارات هو ومندوب الشركة

والاستشاري يوم شاف البنك اتصل له ؟؟؟؟ العافية خاف ينسحب منه الترخيص

بنك التنمية الحين اذا شاف استشاري يتلاعب على طول ينسحب منه الترخيص

وقامو يخافون

أسف على الشرح الطويل

موظف البنك يقولي الحين العملية محكومة تكون بعلم العميل والاستشاري

الله يبارك فيك اخوي،، ومشكور على الشرح الدقيق وان شاءالله باخذ هالكلام في الاعتبار


الله يستر الظاهر حالنا بيكون جذي عقب فتره :(

يعطيك العافية والله يعينا جميعا

[مضارب دوسري]

دام شيك الضمان عند الاستشاري
والاستشاري في صفك

بكل بساطه مكالمه وحده ويجيك يزحف على بوزه
وليكن
تعال وقع المخالصه وسلم الاختبارات
واستلم شيك الضمان

الله يوفقك

[بوخالد911]

دام شيك الضمان عند الاستشاري
والاستشاري في صفك

بكل بساطه مكالمه وحده ويجيك يزحف على بوزه
وليكن
تعال وقع المخالصه وسلم الاختبارات
واستلم شيك الضمان

الله يوفقك


المشكلة ان أي شيك مكتوب عليه تاريخ فان صلاحيته بس 6 شهور
وبعده يصبح لا قيمة له
لذلك معظم المقاولين السيئين عارفين هالنقطة. ولما يعطونك الشيك يكتبون التاريخ ويدخلونك بسوالف عشان تلهى

بس بعد اشوف غلطة الاستشاري ان ماعنده نسخة من نتايج المختبر.

[Azizuk]

الحين بنك التنمية مع النظام الجديد اخر دفعة ينزلها لك بعد ماتجيب شهادة إتمام البناء