موضوع تكييف فلتي الجديدة .. دكتات ؟ سنترال ؟

[asulaiti]

لقد بدأت الان في عملية الاستعداد لبناء فلتي ،، وبدأت معها بوادر التفكير والحيرة في موضوع اختيار المناسب من حيث التكييف والديكور وتجهيز المطابخ ... الخ

اعلم الموضوع قد طرح مسبقا في المنتدى .. ولكن تجديده في موضوع جديد اعتقد سيكون مفيداً للجميع ..

بالنسبة لمكيفات السبليت .. تم التأكد من أنواع محددة اثبتت سمعتها وجدارتها من خلال تجارب الأعضاء ..
جري - متسوبيشي - جنرال - فوجي .. وغيرهم من الماركات المشهورة .. وطبعاً الأغلبية يرى أن الكومبريسر يكون بستن أفضل ..

الآن نود التطرق بشكل أكبر لموضوع تكيف الدكت .. اللي الماكينة تركب الله يعزكم في الحمام .. وتوزع الدكتات في غرفة النوم وغرفة الملابس ..
في نوع اللي هو التكييف المركزي الكامل .. وهي ماكينة وحده وتوزع للبيت كله .. وهو الأغلى ..

من خلال تجاربكم ومعلوماتكم ؟
أفضل شركات تكييف المنازل بواسطة الدكتات .. ماهي ؟

في حد جرب Gree نوع الدكتات ؟
التجارب معظمها كانت في السبليت لهذه الماركة وهو ممتاز جداً .. لكن ما سمعت عن حد ركب تكييف دكتات من جري ..
ولهذا السبب طرحت السؤال .. واذا النصيحة بالابتعاد عن هذه الماركة لهذا النوع من التكييف ..
ما الشركة التي تنصح بها ؟؟

أيضاً .. هناك مكيفات يطلق عليها الكاسيت .. وهي التي يتم تركيبها في السقف وتدفع الهواء من أربع جهات ..
شركة جري سعرهم ممتاز .. لكن ما سمعت حد جربهم .. أنا أفكر أركبهم عندي في الصالات والمجلس ..
لسعرهم المعقول مقارنة بالدكتات .. ولكن لا أعرف ماهي مشاكلهم أو عيوبهم ..

أنا الان بدأت في زيارة هذه الشركات لأخد عروض الاسعار .. بالفعل زرت حتى الان شركتين لمتسوبيشي .. وشركة المناعي ... وشركة جري كذلك ..
اعطيتهم الخرائط وبانتظار عروض الاسعار ..

وحتى وقت وصول الاسعار أتمنى أن اسمع منكم اجابات حول الأسئلة أعلاه ..
والشكر موصول مقدماً للجميع ..

[معماري قطري]

الله يوفقك صج صعبة الإختيارات

انا باقول لك لو انا مكانك بكل أمانة .. لأني عارف تصميمك وعارف ( تقريباً ) مشاكل التكييف وباقي التشطيبات

بالنسبة للتكييف باختار دكت سبلت لغرف النوم وباطلب تكون المكينة في غرفة الملابس وباسوي غرف الملابس النوع المغلق بباب والمفتوح من داخل وحتى باركب أبواب قوية وبربلات حتى يكون الصوت ما ينسمع كلش .. للحمام باخلي فتحة تهوئة من فوق يدخل منها هواء الغرفة البارد ويطلع مع الشفط للخارج وباخلي الشفاط يشتغل تماتيك مع فتح الباب .. وحتى إنارة الحمام الرئيسية تماتيك مع سبوتات بتحكم منفصل ويدوي لوقت السباحة ومع اضاءَة تجميلية

باسوي عازل حراري قوي ومناسب أَما بسلابات السيبوريكس وتحتها الواح الفوم أو بالحجر الميكانيك وفي الفراغ فوم .. إختيار النوعية المناسبة للتكييف يعتمد على السمعة والمواصفات ودرجة الهدوء اللي ابيها .. يمكن انا مقتنع أَكثر بالسبلت العادي والمعلق في السقف وخايف من شغل الدكتات ولو انترست غبار وقصة تنظيفها حتى لو البيت معزول زين لكن لغرف النوم نحتاج الهدوء والدكت سبلت من أَكثر الأنواع هدوءاً

الله يوفقك وتخلص تصميمك وبنيانك بدون تعب وبتوفيق

[Azizuk]

انا واحد من اللي جرب وركب مكيفات الدكت

بس لأحد الان ماخلص البيت بعدني في التشطيب

بس بصراحه تلعوزت مع أهل الجبس وأهل التكيف

كل واحد يماطل مع الثاني

الشي اللي ابي أقول له بالنسبة للوحدة الداخلية معظم الشركات تأخذ صيني

بس الأهم شي الوحدة الخارجية هو الكمبرسر قلب المكيف

يعتمد حجم قياس بايب المكيف من شركة الى شركة

معظم الشركات حجم المكيف 3 طن يتركب بايب 3/4 والبايب الثاني مقاس غير

الا مكيفات الامريكية وخاصة مكيف ترين مقاساته غير وبايباته تجي مستقيمة صعب ثنيها ولازم تتلحم لان كل بايب يجي خمسه متر طول ويتلحم بوصلات حتى توصل الى موقع المكيف

المهم مابي أعور رأسك هناك أمور كثيرة تتعلق بمشاكل توصيل البيبات في الحوائط والتوصيل الكهربائي

ولازم مراعات وصلة الكهرباء اذا التكيف من اربع طن وطالع لازم يكون 3 فيز للوحدة الخارجية

في أمور كثيرة تتعلق باختيار نوع التكيف

عندك جسور ساقطه عندك فتحات وحجم تهوية الوحدة الداخلية

انا انصحك قبل ماتبتدي في البنيان لازم تراعي جميع الأمور وإلا راح تتعب

اذا تبي نصيحتي ارجع للمهندس يعمل حساب ارتفاع البيت ويعمل لك حساب فتحات وممرات الدكتات مع التنسيق مع راعي الديكور

اهم شي الجسور الساقطة تقلبها تكون مخفيه عشان ماتكون عائق في طريق الدكتات

والشي الثاني مهم مهم جداً ارتفاع البيت انا انصحك تخلي ارتفاع البيت 4 ونص وإذا تقدر خله 5 متر ارتفاع من الارض لين السقف

لان مع الديكور راح تنزل 90 سنتيميتر يعني متر راح يروح عليك

انا ارتفاع بيتي 4.10 وبعد الديكور والتبليط بينزل وايد عندي السقف

على العموم الكلام يطول في موضوع الدكت والمركزي

بس نصيحه خل الدكتات من ماده الصاج مهب الفوم المغلف

وإذا حاب تجي تشوف شغل البيت عندي حياك في اي وقت لتفادي مشاكل التكيف

عني انا مركب مكيفات صيني من شركة الدرويش ميديا ( ام دي في ) هفي ديوتي

وشركة جري عندهم مكيفات الوحدة الداخلية والخارجية نفس اللي عند الدرويش

تقدر تزور معرضهم اللي في بدايت طريق سلوى وتشوف مكيف الدكت راكب وتشوف تبريدة

صدعتك بامور التكيف ومشاكلها

[معماري قطري]

ما قصرت يا بو سعود بالعكس إنت خبرتك في التكييف كبيرة وتنورنا بكل المشاكل لأَنك تمر فيها في الوقت الحالي .. إخونا السليطي من الشباب اللي عرفتهم من بدايات التصميم ومتابع معاه للآن وما شاء الله عليه مهتم ويتابع صح .. شرس مع الاستشاريين شكل استشاريه بيتعب وايد وتعجبني هذي النوعية من الملاك اللي يحبون يعرفون كل صغيرة وكبيرة.

اللي يحب يستفيد من الإستشاريين المفروض ياخذ الملاحظات بصدر رحب ويناقشها صح ويحلها أَول بأَول مب بس يصمم وخلاص المشكلة الكبيرة تكون في تنسيق هذي الأُمور .. وبعضهم فاهم يقول لك انا حدود دراستي هذي بس مثل هؤلاء من الاستشاريين المفروض يسجلون كل هذا مبدئياً في العقد حتى ما يظلمون نفسهم ولا يظلمون العميل

[Azizuk]

اخوي معماري المكاتب الاستشارية خلاص هم يشوفون راعي الفيلا وإلا شي بالنسبة للمشاريع الكبيرة

انت في نظره تعور راْسه بس يبي منك قيمة الزيارة حتى لو مايطلع للموقع

هو ينظر حق الإشراف على القصور والأبراج والمشاريع الكبيرة

اما صاحب الفيلا تعتبر له أتعاب المكتب ومصاريفهم المالية لا اكثر وإلا اقل

بس بعد التشديد عليهم بيتسنعون والقوانين الجديدة مالت قانون العمل بتضبط المحلات والتجار شوي والتلاعب عندهم

[معماري قطري]

الله يوفق إن شاء الله نشوف مهنية أكثر .. شغلة كبيرة أو صغيرة المفروض لها قوانين ومحددات وتتبعها مراقبة وعقوبات

[asulaiti]

الأخوة الكرام .. بوسعود ومعماري قطري .. الله يجزيكم كل خير على المداخلات القيمة جداً والتي سيستفيد منها أي شخص داخل في مشروع بناء ..



بالنسبة للتكييف باختار دكت سبلت لغرف النوم وباطلب تكون المكينة في غرفة الملابس
ليش في غرفة الملابس ؟؟
العادة يركبونها في الحمام .. ويقولون أفضل تكون هناك !



للحمام باخلي فتحة تهوئة من فوق يدخل منها هواء الغرفة البارد ويطلع مع الشفط للخارج وباخلي الشفاط يشتغل تماتيك مع فتح الباببالنسبة لعملية دخول الهواء البارد للحمام .. شرايك في فكرة فتحات شتر في الباب نفسه .. تكون موجودة في الأسفل؟ شفتها وايد في كذا مكان .. واحس انها عملية ..
وفكرة الشفاط يشتغل آلياً مع فتحة الباب فكرة رائعة .. لكن أنا فكرت .. بل قررت أن تشغيل وإطفاء مروحة الشفط يكون من داخل الحمام .. إما بمفتاح سويتش عادي بدل مايكون خارج الحمام يكون داخله .. أو عن طريق مفتاح حبل معلق بالسقف .. تسحبه مرة تشتغل المروحة .. تسحبه مرة ثانية تطفي المروحة .. يمكن أأمن من سوتيش معلق بالحائط يصيده ماي بالخطأ ولا شيء .. بينما الكهرباء فوق في السقف أأمن .. أنا شفتها في شقة سكنتها مرة في شمال بريطانيا .. الحبل نازل من السقف أول ما تدخل الحمام .. تسحبه تشتغل المروحة .. واحيانا تحتاج لأن تطفي المروحة وانت داخل الحمام .. فمافي داعي تفتح الباب وتمد يدك وتبند المروحة ... الخ ... لكن ما أدري عن توفر هذه المفاتيح في الدوحة ..



وخايف من شغل الدكتات ولو انترست غبار وقصة تنظيفها حتى لو البيت معزول زين هذه النقطة ماجات على بالي .. فعلاً .. شلون تنظف الدكتات هذه ؟ أو ليش تنترس غبار ؟ مالها فلاتر مثلاً ؟؟

[asulaiti]

الشي اللي ابي أقول له بالنسبة للوحدة الداخلية معظم الشركات تأخذ صيني

بس الأهم شي الوحدة الخارجية هو الكمبرسر قلب المكيف

والله ياخوي بوسعود هذا الواقع للأسف .. المنتجات الصينية غزت أسواق العالم بشكل غير طبيعي .. مع أن توجد منتجات ذات جودة ممتازة .. لكن نادراً ما تجدها في السوق ..
تجدها بكثرة في الاسواق الاوروبية .. لكن في اسواقنا العربية صعب وجودها ولا اعرف ليش ..
اللي صار أن البداية تم استيراد النوعيات الرديئة بسبب سعرها المتدني .. وفي الاخير عمره الافتراضي قصير جداً .. وشوي شوي بدأنا نفقد الثقة في منتجات
هذا البلد ... لدرجة كل ماتسمع اسمها يطرى على بالك على طول ردائة المنتج ..
لكن الله المستعان .. تضطر احيانا القبول بها ..



ولازم مراعات وصلة الكهرباء اذا التكيف من اربع طن وطالع لازم يكون 3 فيز للوحدة الخارجية

أنا حالياً الخرائط مصممة على أنه التكييف يكون سبيلت حائط .. وحسب كلام المهندس أن لو حبيت اركب دكتات سبيلت ماعندي مشكلة ..
فهل اطلب منه مراعاة ذلك في خرائط الكهرباء ؟؟ أم الشركة التي سأتعاقد معها ستقوم هي بالمهمة ؟




في أمور كثيرة تتعلق باختيار نوع التكيف

عندك جسور ساقطه عندك فتحات وحجم تهوية الوحدة الداخلية

انا انصحك قبل ماتبتدي في البنيان لازم تراعي جميع الأمور وإلا راح تتعب

اذا تبي نصيحتي ارجع للمهندس يعمل حساب ارتفاع البيت ويعمل لك حساب فتحات وممرات الدكتات مع التنسيق مع راعي الديكور

اهم شي الجسور الساقطة تقلبها تكون مخفيه عشان ماتكون عائق في طريق الدكتات

هل تقصد أن أقول بتصميم الجسور بشكل عرضي حتى لا تتعارض مع الدكتات ؟
أنا ارتفاع بيتي الطابق الاول 4.20 م .. لو افترضنا وجود جسور كم بتكون نازلة من السقف ؟
وفي حالة تم وضع الدكتات .. ألا يمكن تمريرها أسفل الجسور ؟ وإذا صعبة .. كم يصفى لي من الارضية للسقف بعد وضع الدكتات أسفل الجسور؟

شاكر لك اخوي بوسعود مرة ثانية على مداخلتك القيمة ..

[بوخالد911]

الله يسهل عليك.

[Azizuk]

نعم اخوي السليطي

بالنسبة للكهرباء لازم تراعي حجم الواير ونوع الفيز للمكيف اللي راح تركبه

مثل ماقلت لك مكيفات سعة 4 طن وطالع لازم تكون الكهرباء الوحدة الخارجية 3 فيز

والوحدة الداخلية عادي

وبنسبة للارتفاعات عندك ممتازة بس لو تقدر ترفع انصحك انك ترفع على حسب موديل الجبس والديكورات اللي عندك وحجم الشبابيك اذا كانت بطول ارتفاع حائط الصالة

في أمور كثيرة لازم تراعيها قبل ما تبدأ البنيان او تتفاداها اثناء البنيان زي ماحصل معاي

عندك الجسور الساقطة تتراوح على حسب عرض وطول المكان

انا عندي عامود في الصالة غيرت مكانه مترين كبر حجم الجسر الساقط من 70 سنتيمتر الى 80 والعرض من 30 سنتيمتر الى 40

لان لازم بين كل 8 متر عامود وجسر ساقط

او اذا اذا تقدر تغير نظام خرسانة الأسقف البيت كله انصحك تغيرها الى فلات سلاب

تفتك من جميع الجسور الساقطة وتشكل على كيفك حجم الغرف وتوفر في كمية الحديد وسمك الخرسانة

نظام الفلات سلاب يستخدم للقصور والأبراج والعمارات

وتجيك سمك الخرسانة تقريباً ماتزيد عن 25 سنتيمتر وتفتك من شي اسمه جسر ساقط وإلا انك تقلب الجسر على فوق او انك تخفي الجسر

في أمور احنا مانعرفها والمهندس الإنشائي والاستشاري يعرفونها بس مايقول لك عليها

تخيل لو تخلي سمك الخرسانة من 36 سنتيمتر الى 20 سنتيمتر كم بتوفر من كمية حديد مستخدم وكمية خرسانة

في فرق كبير في السعر

شوف العمارات تجيك مفتوحة بس اعمده من غير جسور ساقطة وتقدر تتحكم في حجم الغرفة وتمرر الدكتات من غير عائق في طريقك

انا عندي في البيت عَصّب بين درج البيت ومكان ألفت نازل في نص مستوى الدرج بين الاستراحة الاولى لدرج والاستراحة الثانية نازل متر غير الجسر الساقط من اعلى سقف الغرفة اللي خلف الدرج وألفت

مثل ماقلت وراح أردد وأقول في أمور كثيرة تطلع لك اثناء البنيان بالإمكان انك تتفادها قبل

نصيحتي لك انك اذا ناوي تركب مكيفات نظام الدكت سوى كان سمي مركزي او مركزي

ارجع للمهندس إللى خطط لك البيت حتى لو تدفع زيادة احسن لك عشان تتفادى المشاكل من تكسر فتحات الدكتات ونظام الكهرباء وغير وغير من مشاكل

هذا غير ان الارتفاع عليك راح ينزل مع حجم الدكت وشكل الجبس والديكور اللي راح تختاره

انا مريت في أمور كثيرة ومشاكل مع التعديل صحيح سويت اللي انا ابي والحمدالله الأمور طيبه

بس بعد أحب انصح غيري عشان مايطيح نفس المشاكل اللي انا صارت عندي

كان مهندس اللي يخطط لي البيت يقولي معليش في أمور انت تقدر تتفاهم مع المقاول ويسوي لك اللي تبيه

بس في المقابل المقاول بيسوي شي وبيساعدك بس بعد بتطلع لك أشياء مب بالحسبان

عندك ممر بيبات الغاز النحاس للمكيف وين بتمر لو تغير اثناء التركيب تتفاجاء الكهربائي حاط بين البلاستيك قبل الصب في مكان تروح تبي تشبكه في الدور الثاني يطّلع لك ان في شباك وإلا عامود وإلا اي شي يعيق مرور البايب

من جذي انصحك صارت معاي في كذا مكان والحمدالله أوجدنا حل للمشكلة

وان شاالله الله يسهل لك امورك

صحيح أني أطول بالشرح وانا أسف على الايطالة

ولأكن لتعم الفايدة للمقبلين على البنيان

هذا غير الأخطاء الإملائية وكيفية التعبير في الموضوع

[معماري قطري]

الأخوة الكرام .. بوسعود ومعماري قطري .. الله يجزيكم كل خير على المداخلات القيمة جداً والتي سيستفيد منها أي شخص داخل في مشروع بناء ..



ليش في غرفة الملابس ؟؟
العادة يركبونها في الحمام .. ويقولون أفضل تكون هناك !

يمكن تكون شوي صعبة التطبيق صح .. خصوصاً الغرفة ذي خاصة ووقت الصيانة أسهل دخول الحمام من دخولها والشغل فيها .. ولو فيه تكثف رطوبة وتسريب في الحمام طبعاً أَهون .. وبعدين ذي مكينة الهواء ينشفط من جانب من الغرفة ويدخل من جانب ثاني

طلعت متسرع ما فكرت صح


بالنسبة لعملية دخول الهواء البارد للحمام .. شرايك في فكرة فتحات شتر في الباب نفسه .. تكون موجودة في الأسفل؟ شفتها وايد في كذا مكان .. واحس انها عملية ..
وفكرة الشفاط يشتغل آلياً مع فتحة الباب فكرة رائعة .. لكن أنا فكرت .. بل قررت أن تشغيل وإطفاء مروحة الشفط يكون من داخل الحمام .. إما بمفتاح سويتش عادي بدل مايكون خارج الحمام يكون داخله .. أو عن طريق مفتاح حبل معلق بالسقف .. تسحبه مرة تشتغل المروحة .. تسحبه مرة ثانية تطفي المروحة .. يمكن أأمن من سوتيش معلق بالحائط يصيده ماي بالخطأ ولا شيء .. بينما الكهرباء فوق في السقف أأمن .. أنا شفتها في شقة سكنتها مرة في شمال بريطانيا .. الحبل نازل من السقف أول ما تدخل الحمام .. تسحبه تشتغل المروحة .. واحيانا تحتاج لأن تطفي المروحة وانت داخل الحمام .. فمافي داعي تفتح الباب وتمد يدك وتبند المروحة ... الخ ... لكن ما أدري عن توفر هذه المفاتيح في الدوحة ..


هذه النقطة ماجات على بالي .. فعلاً .. شلون تنظف الدكتات هذه ؟ أو ليش تنترس غبار ؟ مالها فلاتر مثلاً ؟؟

لها فلاتر أكيد بس تحتاج تنظيف بعد كم سنة .. في مكاتبنا مرة نظفوها الا الفتحات تطلع صوت جنه صوت بيجو 504 موديل 1960 وكله يمشي في الحصى وخربوا السيلوتكس ولا وحدة راكبة صح

البيت اللي سكنت فيه في أمريكا كان فيه فلتر قوي ويتغير كل فترة ومتوفر في كل مكان حتى في الوول مارت

عن المروحة تقريباً كلهم فيهم خيار الخيط وهو عملي حتى اكسبلير بس كثير ما يركبونه والفتحات في الباب سهلة وتمشي الحال لكن اللي فوق أجمل وعملية أكثر وأحلى تكون صوب غرفة الملابس يعني الهواء يدخل من فتحات في باب غرفة الملابس ويبردها تبريد معقول وبعدين يدخل تكرم الحمام ويطلع مع الشفط .. انا مسوي هشكل في حمام وارتحت منه وبعضهم مسوي الفتحة اللي تحت بس اشتكوا منها العيال ما توفر لهم خصوصية مثل لو الباب قطعة وحدة بدون فتحات .. وأحسن تسوي فتحة التهوئة أثناء البنيان وأنواع تغطية شكثر متوفرة في السوق تعطيك شكل حلو

[معماري قطري]

حتى يوم جاوا يسون صيانة للتكييف حطوا سائل تعقيم في الوحدة الداخلية ضد البكتيريا والطحالب .. اللي عندنا بعضهم ينشرون بكتيريا من يدخلون البيت

[asulaiti]

بارك الله فيك يا بوسعود على الرد السريع .. وشكراً جزيلاً على رسالتك الخاصة التي وصلتني ..



اذا تقدر تغير نظام خرسانة الأسقف البيت كله انصحك تغيرها الى فلات سلاب

تفتك من جميع الجسور الساقطة وتشكل على كيفك حجم الغرف وتوفر في كمية الحديد وسمك الخرسانة

نظام الفلات سلاب يستخدم للقصور والأبراج والعمارات

وتجيك سمك الخرسانة تقريباً ماتزيد عن 25 سنتيمتر وتفتك من شي اسمه جسر ساقط وإلا انك تقلب الجسر على فوق او انك تخفي الجسر

هذه راح أسأل فيها المهندس في موعدنا القادم .. لكن هل نظام الفلات سلاب يحتاج لمهندسين مختصين لتصميمها والاشراف على تركيبها ؟




عندك ممر بيبات الغاز النحاس للمكيف وين بتمر لو تغير اثناء التركيب تتفاجاء الكهربائي حاط بين البلاستيك قبل الصب في مكان تروح تبي تشبكه في الدور الثاني يطّلع لك ان في شباك وإلا عامود وإلا اي شي يعيق مرور البايب

هذه فعلاً صارت حق واحد من الربع .. ونسيتها انا .. زين انك ذكرتي الله يذكرك بالشهادة .. باطلب من المهندس مراجعة الخرائط وفحص رسومات بايبات الغاز بحيث لا تتعارض مع النوافذ أو العواميد ..




صحيح أني أطول بالشرح وانا أسف على الايطالة

ولأكن لتعم الفايدة للمقبلين على البنيان

بالعكس اخوي .. السرد الوافي للنصايح والارشادات مطلوبة .. بل أنا استمتع بقراءة ردك واحاول اسجل هذه الملاحظات لكي اتفادها ..
عسى الله يوفقك اخوي وتكمل بيتك بأسرع وقت وبأقل الأخطاء .. وبيت مبارك إن شاء الله

[asulaiti]

عن المروحة تقريباً كلهم فيهم خيار الخيط وهو عملي حتى اكسبلير بس كثير ما يركبونه والفتحات في الباب سهلة وتمشي الحال لكن اللي فوق أجمل وعملية أكثر وأحلى تكون صوب غرفة الملابس يعني الهواء يدخل من فتحات في باب غرفة الملابس ويبردها تبريد معقول وبعدين يدخل تكرم الحمام ويطلع مع الشفط .. انا مسوي هشكل في حمام وارتحت منه وبعضهم مسوي الفتحة اللي تحت بس اشتكوا منها العيال ما توفر لهم خصوصية مثل لو الباب قطعة وحدة بدون فتحات .. وأحسن تسوي فتحة التهوئة أثناء البنيان وأنواع تغطية شكثر متوفرة في السوق تعطيك شكل حلو
انا ما قصدت المراوح اللي يتم تثبيتها في الحائط .. أو وسط زجاج الشباك .. أنا مراوح الشفط ناوي تكون مخفية لها فتحتات فوق في السقف .. مثل الفنادق .. لكن تكلمت عن مفتاح تشغيل هذه المراوح .. اللي عادة تكون خارج الحمام .. وانا ابغي اخليها داخل الحمام .. فاذا راح تشكل خطورة لا قدر الله يجي ماي على المفتاح .. فتذكرت الشقة اللي في ويلز ببريطانيا .. كانت المراوح عبارة عن فتحات في السقف .. وزر تشغيلها حبل متدلي بالقرب من مدخل الحمام .. عجبتني الفكرة ففكرت بتطبيقها في البيت .. أو اتكفي بمفتاح جنب باب الحمام بس من داخل الحمام وليس خارجه ... اذا لاتوجد خطورة في ذلك ..

على فكرة .. اعتقد احنا الدولة الوحيدة في العالم اللي مانعين ساكتات أو مفتاح الإضاءة يكون داخل الحمام !!
لأني كل ما سافرت .. حتى دول الخليج .. الاحظ في بعض الحمامات تشغيل الاضاءة والمراوح تكون داخل الحمام !!

[معماري قطري]

انا ما قصدت المراوح اللي يتم تثبيتها في الحائط .. أو وسط زجاج الشباك .. أنا مراوح الشفط ناوي تكون مخفية لها فتحتات فوق في السقف .. مثل الفنادق .. لكن تكلمت عن مفتاح تشغيل هذه المراوح .. اللي عادة تكون خارج الحمام .. وانا ابغي اخليها داخل الحمام .. فاذا راح تشكل خطورة لا قدر الله يجي ماي على المفتاح .. فتذكرت الشقة اللي في ويلز ببريطانيا .. كانت المراوح عبارة عن فتحات في السقف .. وزر تشغيلها حبل متدلي بالقرب من مدخل الحمام .. عجبتني الفكرة ففكرت بتطبيقها في البيت .. أو اتكفي بمفتاح جنب باب الحمام بس من داخل الحمام وليس خارجه ... اذا لاتوجد خطورة في ذلك ..

على فكرة .. اعتقد احنا الدولة الوحيدة في العالم اللي مانعين ساكتات أو مفتاح الإضاءة يكون داخل الحمام !!
لأني كل ما سافرت .. حتى دول الخليج .. الاحظ في بعض الحمامات تشغيل الاضاءة والمراوح تكون داخل الحمام !!

بيقولون لك كهربتنا قوية .. انا مركب في الرئيسي وحاط بعد واير اكستنشن وبس لو شغلت كم شيء تطفى كهربة الحمام

بخصوص الفلات سلاب سهلة واتذكر سوينا مشروع حق مبنى بأعمدة طوال ومدفون تحت الأرض وسقفه يوقفون عليه سيارات بهذا النظام .. بس لو تطلبني اسوي تصميم سترآكشر الحين باقول لك مئدرش .. يبي له مراجع واعادة برمجة حق المخ المصدي .. المهندس اللي قلت لك عنه هذي لعبته بالحاسبة بسهولة يقدر يسوي لك .. وعلى فكرة انا مبرمج له الحاسبة اتش بي الجديدة على وقتها سنة 1993.

بعض المهندسين يبالغون في الأوزان فتطلع الخرسانة ثقيلة وكلها أبيام ويحتدون علشان يعادلون وزنها يكبرون الأعمدة والأساسات وانت يالمالك اللي تدفع مع إن ألحين برامج الحسابات الهندسية متوفرة وسهلة .. حتى توفر تحتاج تقديراتك للأوزان تكون معقولة ولا مبالغ فيها وحساباتك حسب طرق توفر فيها بعد .. وعيبنا احنا ابتعدنا عن هذي الشغلة ولا كنا بنستمر فيها وبنحفظ طرق التصميم وبتكون الحسابات سهلة

[Azizuk]

شوف اخوي السليطي

الحين لو تروح للمهندس وتقول له ابيك تغير الخرائط بيتكدر وبيتغير ويها وخاصة اذا بتقول له ابيك تسوي لي الخرسانة فلات سلاب

مادري ليش يتضايق لمكتب وحس انك تبي تعدل وتغير

بس تقدر ترص عليه وتقول له لا أنا ابي أغير في الخرائط حتى لو ادفع قيمة التغير وتراجع خطوة خطوة الخرائط

هو يبي يقنعك ان لا اللي انا سويت لك هذا قوي احسن من الافلات سلاب وان الصوت ماتسمعة لما حد يمشي فوق

عااااد انت رد عليه وقول له اول شي الأبراج والعمارات والقصور مب أقوى من بيتي

وبعدين الصوت راح يجي في الجبس تقريباً مب اقل من 80 سنتيمتر نزول مع الدكتات

يعني ماراح تسمع الصوت

انا صارت معاي يوم قلت له هالكلام شنو رد على قال لي انت ماطلبت فلات سلاب من الاول

عااااد انا هالمعلومه متى عرفتها يوم جاو يصبون الدور الاول الا يقول لي الحداد انت ليش ماسويت فلات سلاب

كان وفرت كمية حديد وخرسانة اقل بواجد

انت بيتك في كمية حديد تكفي عمارة 8 ادوار

وان انا توني مخلص قصر بسمك خرسانة 20 سنتيمتر وكمية حديد اقل من بيتك

وكانت لي زيارة للمهندس وفتحت معاه الموضوع هني قال لي انت ماطلبت وانا رديت عليه قلت له من المهندس انا وإلا انت من الفاهم شغله عيل ليش انا جايك

خلها على الله والله احنا أهل قطر ماعندنا ثقافة في البناء والتصنيع وقلوبنا طيبه كله نفكر الناس قلوبها طيبه مثلنا


بس نصيحه مني لا تشتري او توقع مع شركة تصنيع مطابخ الا اخر شي ماعليك الا تروح المحلات وتاخذ فكرة وشنو مخيلتك يكون شكل مطبخك وشنو احتياجاتك

انا كيلو قلبي العقود اللي وقعتها معاهم تخيل انا دافع قيمة المطبخ بالكامل باقي بس 10% وانا ماركبت بلاط المطبخ وهم يوم جيتهم أقول لهم ابي تعطوني سكتش للمطبخ

عشان يتوافق مع الديكور قال لو لي اول تدفع مبلغ عشان نسوي لك الخرائط

بعد مدفعت 4 شهور قالو لي تعال لان احنا اخر السنة ادفع بعد لنا دفعه وإلا راح يزيد عليك المبلغ
رحت ودفعت لهم دفعه

بعدها ب 6 شهور قالو لي تعال ادفع باقي المبلغ وإلا راح تروح عليك البضاعة لان راح تخلص من المخزون

ودفعت لهم قلت في خاطري انا الغلطان أني وقعت معاهم وانا لين الحين ماحفرت الأساسات.

من جذي مابي غيري يطيح في معمعة هالخمه اصحاب المحلات والخافي اعظم مع هالمحلات

بس الحين صرت فطين شوي ماجيب شي الا على طول لازم يكون متوفر في المخازن مهب بالطلب

والشي الثاني اشتري الشي وعلى طول يجي البيت يتركب

انا في قلبي حره على اصحاب المحلات وطريقة استفزازهم للعميل ويحطونك قدام الامر الواقع

ياتدفع يا تروح عليك البضاعة

اخس شي لما يبيعك البضاعة ويقول لك بعدين والله خلصت مادري شلون ماكانت مسجلة في السستم

عااااد انت هنئ تعال دور مره ثانية

احسن شي لا تشتري الا وانت متاكد انا البضاعة موجوده في المخزن حتى لو يكلفك تروح المخزن

انا بعض الشركات والله دخلت على العمال وأدور في مخازنهم اطلع كذبهم

[بن غيث]

معماري .. المكاتب تبالغ في الاوزان عن قصد
لان هذه لعبة يلعبونها على الملاك وقت عرض الخرائط
على شركات المقاولات بيعطونك اسعار مرتفعة ..
يجيك المكتب الهندسي يقولك عندي شركة مقاولات ارخص من بره .. ويعطيك سعر فعلا اقل في المتر ب 200 ريال او اكثر
لانه ينقص من حساباته في التسليح والخرسانة
هذه غير عمولته من شركات المقاولات

[معماري قطري]

شوف اخوي السليطي

الحين لو تروح للمهندس وتقول له ابيك تغير الخرائط بيتكدر وبيتغير ويها وخاصة اذا بتقول له ابيك تسوي لي الخرسانة فلات سلاب

مادري ليش يتضايق لمكتب وحس انك تبي تعدل وتغير

بس تقدر ترص عليه وتقول له لا أنا ابي أغير في الخرائط حتى لو ادفع قيمة التغير وتراجع خطوة خطوة الخرائط

هو يبي يقنعك ان لا اللي انا سويت لك هذا قوي احسن من الافلات سلاب وان الصوت ماتسمعة لما حد يمشي فوق

عااااد انت رد عليه وقول له اول شي الأبراج والعمارات والقصور مب أقوى من بيتي

وبعدين الصوت راح يجي في الجبس تقريباً مب اقل من 80 سنتيمتر نزول مع الدكتات

يعني ماراح تسمع الصوت

انا صارت معاي يوم قلت له هالكلام شنو رد على قال لي انت ماطلبت فلات سلاب من الاول

عااااد انا هالمعلومه متى عرفتها يوم جاو يصبون الدور الاول الا يقول لي الحداد انت ليش ماسويت فلات سلاب

كان وفرت كمية حديد وخرسانة اقل بواجد

انت بيتك في كمية حديد تكفي عمارة 8 ادوار

وان انا توني مخلص قصر بسمك خرسانة 20 سنتيمتر وكمية حديد اقل من بيتك

وكانت لي زيارة للمهندس وفتحت معاه الموضوع هني قال لي انت ماطلبت وانا رديت عليه قلت له من المهندس انا وإلا انت من الفاهم شغله عيل ليش انا جايك

خلها على الله والله احنا أهل قطر ماعندنا ثقافة في البناء والتصنيع وقلوبنا طيبه كله نفكر الناس قلوبها طيبه مثلنا


بس نصيحه مني لا تشتري او توقع مع شركة تصنيع مطابخ الا اخر شي ماعليك الا تروح المحلات وتاخذ فكرة وشنو مخيلتك يكون شكل مطبخك وشنو احتياجاتك

انا كيلو قلبي العقود اللي وقعتها معاهم تخيل انا دافع قيمة المطبخ بالكامل باقي بس 10% وانا ماركبت بلاط المطبخ وهم يوم جيتهم أقول لهم ابي تعطوني سكتش للمطبخ

عشان يتوافق مع الديكور قال لو لي اول تدفع مبلغ عشان نسوي لك الخرائط

بعد مدفعت 4 شهور قالو لي تعال لان احنا اخر السنة ادفع بعد لنا دفعه وإلا راح يزيد عليك المبلغ
رحت ودفعت لهم دفعه

بعدها ب 6 شهور قالو لي تعال ادفع باقي المبلغ وإلا راح تروح عليك البضاعة لان راح تخلص من المخزون

ودفعت لهم قلت في خاطري انا الغلطان أني وقعت معاهم وانا لين الحين ماحفرت الأساسات.

من جذي مابي غيري يطيح في معمعة هالخمه اصحاب المحلات والخافي اعظم مع هالمحلات

بس الحين صرت فطين شوي ماجيب شي الا على طول لازم يكون متوفر في المخازن مهب بالطلب

والشي الثاني اشتري الشي وعلى طول يجي البيت يتركب

انا في قلبي حره على اصحاب المحلات وطريقة استفزازهم للعميل ويحطونك قدام الامر الواقع

ياتدفع يا تروح عليك البضاعة

اخس شي لما يبيعك البضاعة ويقول لك بعدين والله خلصت مادري شلون ماكانت مسجلة في السستم

عااااد انت هنئ تعال دور مره ثانية

احسن شي لا تشتري الا وانت متاكد انا البضاعة موجوده في المخزن حتى لو يكلفك تروح المخزن

انا بعض الشركات والله دخلت على العمال وأدور في مخازنهم اطلع كذبهم

انا عكسك يا بو سعود توفقت في طيبين من كل الجهات .. مشكلتنا سوقنا اعتفس بعد الأيام الزينة ذيك .. صج تهاوشت مورد كبير وشرشحت فيه جدام عياله بس كان الوضع غصب وعذروني عياله لأَنهم عارفين المشكلة وعارفين إن معاي حق .. شبيب وعلي العطية تأَخرت عليهم حول سنة وقالوا لي بضاعتك لو تنباع الحين بتربح فيها ضعف اللي دفعته لأَن الأَسعار غلت من المنتجين .. اللي سوى لي ثلاث مطابخ كان رجال دين وشيبه من الخوري الله يذكره بالخير .. يمكن كان مطابخي آخر مطابخ يركبهم وسكر .. قلت له على رخص أسعارك بتخسر ويا ليت كلامي طلع غلط.

[معماري قطري]

معماري .. المكاتب تبالغ في الاوزان عن قصد
لان هذه لعبة يلعبونها على الملاك وقت عرض الخرائط
على شركات المقاولات بيعطونك اسعار مرتفعة ..
يجيك المكتب الهندسي يقولك عندي شركة مقاولات ارخص من بره .. ويعطيك سعر فعلا اقل في المتر ب 200 ريال او اكثر
لانه ينقص من حساباته في التسليح والخرسانة
هذه غير عمولته من شركات المقاولات

عارف هالشيء وانصح بالانتباه له .. وأي حد ينوي يبني يروح لمهندس انشائي جيد يتأكد من الكميات والحديد ويقلل قد ما يقدر .. بعدها يخلي الخرايط دوم معاه ويشيك هو وقت الصب .. بعض المقاولين حتى يركبون حديد ويشيلون منه قبل الصب ومحد يدري وقت الفجر مثلاً .. وبعضهم يقللون في الأحجام .. مثال صبيات الأسقف لو مساحتها 400 متر مربع وقلل هو في السمك 5 سم بس يطلع عنده 20 متر مكعب .. واحسبها في دورين وشيل شوي من الأساسات هذا اللي قال عنه ذاك حنكسب دهب ورز

إخواني اللي ينتبه لين راح يشيك على القواعد يشوف كم حجمها في المخططات ويقارن الواقع يخلي الاستشاري يعرف إنه فاهم وكذلك المقاول .. وللصبيات يقيس عمق الصبية في الطرف بتدخيل متر لقاع الخشب وبعدين يطلب منهم عمل خط يوضح شكثر بتنملي الخرسانة داخل الفورمات الخشب .. ويطلب شهادات الفحص أول بأول ولو عنده نشاط مب خسران شيء لو خذ عينة وداها مختبر البلدية وشاف كم قوتها وحاول يطلب لها فحص كيميائي يشوف شكثر فيها أملاح.

انا احاول اثقف الجميع حتى ما يلعبون علينا اللي يسمون نفسهم مهندسين واللي يساعدونهم من اللي جالسين على كراسي وعيونهم مغمضة عن شيصير والله يوفق الجميع.

[معماري قطري]

صاحب الموضوع شوف الخاص عندي لك طلب بسيط

[asulaiti]

المعذرة اخوي معماري .. رسائل الخاص وصلت للحد الأقصى فلم اعد اتمكن من استقبال الرسائل ..

الان حذفت بعض الرسائل تقدر ترسل لي اخوي ...

[معماري قطري]

معذور يا اخوي طرشت الرسالة

[asulaiti]

في حد جرب مكيفات الكاسيت من عند Gree ؟؟

اللي نفس هذه:

95716

كيف تبريدهم ومدى أدائها ؟

[asulaiti]

شركة جري كذلك عندهم مكيفات جديدة صديقة للبيئة على قولتهم .. أو موفرة للطاقة بنسبة 40% ..
في حد جربهم ؟
هل هم نفس جودة المكيفات السابقة ؟

[Azizuk]

ماشالله عليك اخوي السليطي

الصراحة رجعت نشاط وحيوية هالقسم بمشاركاتك

والا جات فترة هالقسم ميت

كان في أعضاء ممتازين في الشرح والمشاركات بس مادري وين اختفو

اظاهر طفشو من كثر تكرار المواضيع

وأتمنى ان يكون هناك قسم ثابت يتحدث عن اساسيات البناء

في جميع مراحل البناء من عملية التخطيط على الورق حتى اخر مرحله في البناء

من غير مشاركات الاعضاء يقتصر الموضوع على شخص واحد يقوم على شرح جميع المراحل

[qtr432]

Gree شركة طيبه وخاصة اغلب المقبلين على البناء اتجاههم على هذي الشركة بالتحديد

وعن نفسي مكيفات المنزل لدي كلها جنرال، لكن احد الغرف مكيفها Gree اسبلت طنين ممتاز الصراحه ونوعه جديد ومثل ماقلت صديق للبيئة.

ولدي احد الاصدقاء مركب الكاسيت ويمدحه ولكن اتوقع ما عندهم اقل من ثلاثه طن ممكن تأكد منهم.

مع ملاحظة ان بايب النحاس لديهم خمسه متر وما زاد عن ذلك يضاف مبلغ 75 ريال عن كل متر. وومكن تم التعديل على ذلك الاخير بالاضافه او الالغاء، فلابد من معرفة التفاصيل وقراءة العقد جيدا قبل التوقيع لانه هناك شرط اخر ناسي ما هو.

[معماري قطري]

اسئل عن درجة الصوت وكم بالديسيبل وقارن بينهم .. والثلاثة طن قوي وخرابه أقل خصوصاً للمساحات الكبيرة .. فوجتسو شفت منهم مربعين ونوع يجي مستطيل ويدفع جهتين ونوع جهة وحدة في ألمانيا وكلهم معلقين وشكلهم وايد حلو ما ادري اذا فيه عندنا وكيل لهم

[asulaiti]

اسئل عن درجة الصوت وكم بالديسيبل وقارن بينهم ..

أعتقد لازم يكون مذكور في الكاتلوج ...
بارجع للكاتلوج واشوف المعلومات .. لكن ماعندي خبرة في درجة الديسيبل المناسبة ..
أي متى يكون هذه الدرجة مناسبة وعندما تزيد تسمع الصوت قوي أو مزعج قليلاً ..

فعلاً هذا أمر مهم جداً .. خصوصاً لغرف النوم ..

أنا في موضوع الغسالات وبعض الأجهزة الأخرى .. أحاول معرفة عدد النجوم التي حصل عليها المنتج من هيئة قياسية أوروبية ..
كلما زادت عدد النجمات .. كلما يعني أن هذا المنتج موفر للطاقة والاستهلاك وصديق للبيئة ... الخ

وأعتقد أن الفكرة سيتم تطبيقها على المكيفات قريباً ..

[معماري قطري]

الديسيبل مقياس لدرجة الصوت والمفروض يكونون صريحين ويسجلونه على سرعات مختلفة .. والمبيعات عندنا هالأُمور الفنية الأساسية البسيطة ما يعرفونها بعدين لو المكينة فوق لها صوت معين داخل صوتها غير

سويت بحث وحصلت لك هذي المعلومات عن الديسيبل المناسب وكل ما قل كلما كان الصوت مريح .. ولو حطيت عازل زين بتشغل التكييف على أقل سرعة والصوت بيكون هادي عندك .. لاحظ عزل الجدران والدرايش يعني تقليل قوة الصوت من برا

http://www.noisequest.psu.edu/noisebasics-basics.html

[asulaiti]

بالنسبة لموضوع تكييف المنزل بالدكت سبيلت ... الدكتات تجي نوعين ..
نوع معدن مصنوع من مادة الصاج ..
ونوع من فلين اعتقد مغطى بفوم أو اسفنج .. وهو أخف وأقل تكلفة ..

بعض مسؤولي التسويق في شركات المكيفات التي قمت بزيارتها .. نصحوا باستخدام الأخير ..
لأنه مخصص للمنازل .. أو تم اعتماده للمنازل لأنه كافي لها ..
بينما الصاج غالباً ما يستخدم في المجمعات والمولات والمصانع ... الخ ..

لذا من تجاربكم .. أيهما أفضل ؟

[معماري قطري]

انا ذكرت سالفتي قبل مع فني تصليح مكيفات في أمريكا قال لي المعدن وايد أفضل والفلين بديل رخيص

[Azizuk]

بالنسبة لموضوع تكييف المنزل بالدكت سبيلت ... الدكتات تجي نوعين ..
نوع معدن مصنوع من مادة الصاج ..
ونوع من فلين اعتقد مغطى بفوم أو اسفنج .. وهو أخف وأقل تكلفة ..

بعض مسؤولي التسويق في شركات المكيفات التي قمت بزيارتها .. نصحوا باستخدام الأخير ..
لأنه مخصص للمنازل .. أو تم اعتماده للمنازل لأنه كافي لها ..
بينما الصاج غالباً ما يستخدم في المجمعات والمولات والمصانع ... الخ ..

لذا من تجاربكم .. أيهما أفضل ؟


انا اخالفك الرأي تماماً وأخالف مسؤولين التسويق

الصاج أصح صحياً من الفلين وخاصه في للمنازل

ممكن في المجمعات التجارية يستخدم وبعض الأماكن الاخرا قليلة الاستخدام

بس منزل راح تسكن في وغرفة نوم تنام فيها طول الوقت ماانصح يستخدم فيها الفوم دكت

سبق ونزلت موضوع عن الفوم دكت لو ينجرح ألفين يتطاير منه مادة الفلين

ومادة الفلين مادة سامة مع طول الاستنشاق وتسبب أمراض مزمنة

ألفين سهل جداً عامل الجبس يخدشه ويسكره لك وانت ماتدري ان مخدوش

خذ قطعه من فلين الدكت واشخطها بمفتاح وإلا بأداة حاده راح يتنجرح بسرعة وانفخ عليها بتشوف شلون يتطاير الفلين كأنه غبره

المسوقين يسوقون المادة الدكت المصنوعة من ألفين لانها اسهل وأسرع في عمليه التصنيع والتركيب وارخص وغي متبَعه في التركيب بسبب خفت وزنها

وعشان مايعطيك سعر غالي وتشرد منه يفضّل وينصح بالفلين

انا اكتشفت لما تروح تشتري اي سلعه ويعرف راعي المحل انك فاهم يتغير معاك ويكون حثر في كل كلمة ونقاش تدخل معها ويعطيك الزين

اسألني عنهم اصحاب المحلات مجربهم عدل

[asulaiti]

معماري قطري وبوسعود ..

الله يجزيكم خير على الإفادة ...

[معماري قطري]

انا ما ادري ليش كله اقول حق نفسي يا زين السبلت بس الدكت سبلت الزين فيه الهدوء

[asulaiti]

الهدوء ويخليك بعد تحلم أحلام سعيدة !!

[asulaiti]

الصراحة أنا فكرت بالدكت سبيلت من تجربتي في الفنادق .. راحة وهدوء وتحس البراد منتشر في أنحاء الغرفة بشكل جميل ..
وقومة الصبح غير مع مكيف الدكت سبيلت .. السبيلت العادي كم مرة أقوم ألاقي نفسي ناقز لي عرج في رقبتي !!

السبيلت العادي .. صوت للهواء .. مرات الواحد ينزعج من ضربة البرودة في جسمه وهو نايم ..
اذا غيرت مكان السرير .. بعيد عن المكيف .. ممكن يكون حل لا باس فيه .. بس احياناً تجد المكيف يبرد ناحية معينة ..
وناحية أخرى تقل برودته شوي ..

لذا فكرت أن الدكت سبيلت هو الأنسب لي أنا شخصياً ،، بالرغم من ارتفاع تكلفته .. لكنه الحل لي ولأهلي ..