هالأبرة وين أحصلها ؟

[أم محمد 90]

السلام عليكم ,,

أبي أخذ ابره فيتامين d لان حسب ما عرفت ان مفعولها اسرع واقوى من الحبوب .. رحت المراكز والعمادي وحمد والاهلي ما الاقي عندهم .

حد يعرف وين عيادة تعطي هالأبرة ..؟

[بريق الحق]

جربي اي صيدليه كبيره ان شاء الله تحصلين
بجوف بسئل بعد

[رذاذ]

العيادات الخارجية والمركز الصحي .. بس لازم قبل تسوين تحليل لجل يوصفها لجل الدكتور ..

[أم محمد 90]

جربي اي صيدليه كبيره ان شاء الله تحصلين
بجوف بسئل بعد

الصيدليات ماعندهم والله سألت . قالوا لي ف العيادات بس العيادات عندنا وايد ماعرف وين اسأل قلت اختصر المشوار واطرح سؤالي هني

[المخفي]

موجودة في المراكز الصحية

الاول تسوين تحليل لفيتامين دال
بعدها اذ ناقص تطلبين من الدكتور ابرة بدل الحبوب

تضرب في العضل :secret:

[بصمة قطرية]

نصيحة من أخت ..
لا تاخذين الإبرة
بترفع فيتامين دال مرة وحدة و بينزل مرة وحدة
ما منها فايدة جربتها و ما فادتني كلش ..
من قال لج مفعولها أقوى من الحبوب ..!!!!
إخذي الحبوب أفضل يرتفع تدريجياً
و لين وصلتي للنسبة المطلوبة تبدين تتخذين الحبة
مرة في الشهر عشان تحافظين على النسبة ..
نصحني دكتوري اللي في البحرين إني ما آخذها ..

[أم محمد 90]

موجودة في المراكز الصحية

الاول تسوين تحليل لفيتامين دال
بعدها اذ ناقص تطلبين من الدكتور ابرة بدل الحبوب

تضرب في العضل :secret:

مو موجوده ابد قالوا لي ان وقفوا اعطائها وماعرف شالاسباب .

[أم محمد 90]

نصيحة من أخت ..
لا تاخذين الإبرة
بترفع فيتامين دال مرة وحدة و بينزل مرة وحدة
ما منها فايدة جربتها و ما فادتني كلش ..
من قال لج مفعولها أقوى من الحبوب ..!!!!
إخذي الحبوب أفضل يرتفع تدريجياً
و لين وصلتي للنسبة المطلوبة تبدين تتخذين الحبة
مرة في الشهر عشان تحافظين على النسبة ..
نصحني دكتوري اللي في البحرين إني ما آخذها ..
امممم مادري بحثي عنها وسؤالي قالوا لي انها ممتازة . انا حاليا اخذ الحبوب وارتفع عندي المعدل بس مشكلتي انساهم احيانا

[المخفي]

مو موجوده ابد قالوا لي ان وقفوا اعطائها وماعرف شالاسباب .

انا ماخذها من شهر ونص مركز الدفنة

[أم محمد 90]

انا ماخذها من شهر ونص مركز الدفنة

والله شي غريب مادري الدكتورة تستهبل علي انا اتبع مركز الدفنة واول امس كنت هناك وعطتني حبوب وقالت وقفنا ابر ..


مادري .. لقيتها ف دبي باخذها من هناك لما اروح اخر الشهر هني مستشفياتنا يطلعون روح وعين الواحد

[شتان]

نصيحه لا تاخذون لحبوب ولا الابره لان كلها هرمونات وخطره على الجسم حبوب الكالسيوم وحبوب فيتامين د من اخطر الادويه دخلوا اليوتيوب وشوفي بلاويهم هاذي كلها تجاره ادويه لاغير لانها ترفع مؤقت فقط

واذا ارتفع الكالسيوم عندنا ينزل فيتامين د لازم تقطعون منتجات الحليب وتشربون منقوع التين يوميا صباحاً على الريق وراح يرتفع فيتامين د

هالمعلومات كلها من الدكتور سام وريم العنزي دخلوا عليهم

[أم محمد 90]

نصيحه لا تاخذون لحبوب ولا الابره لان كلها هرمونات وخطره على الجسم حبوب الكالسيوم وحبوب فيتامين د من اخطر الادويه دخلوا اليوتيوب وشوفي بلاويهم هاذي كلها تجاره ادويه لاغير لانها ترفع مؤقت فقط

واذا ارتفع الكالسيوم عندنا ينزل فيتامين د لازم تقطعون منتجات الحليب وتشربون منقوع التين يوميا صباحاً على الريق وراح يرتفع فيتامين د

هالمعلومات كلها من الدكتور سام وريم العنزي دخلوا عليهم

يزاج الله كل خير , وين الاقي منقوع التين !؟

[لبيبة]

وعليكم السلام ورحمة الله وبركاته،

الإبرة سألت عنها استشاري كبير في حمد أمس، وقال لي بالحرف الواحد: هالابرة وقفت أصرفها للمرضى عندي من سنتين لأنها خطرة جدا، كان في مؤتمر وتم الكشف فيه عن خطورة هالإبرة في أوراق بحثية كثيرة، وأغلب الأطباء بعد هذا المؤتمر ما عادوا يصرفونها، على الرغم من إنها لا زالت موجودة في حمد بس أغلب الأطباء يتجنبون صرفها لخطورتها. وقال إنها تدمر العظام. وليش نعرض المريض لهذه المضاعفات. ونصحني بتناول حبة فيتامين د الاسبوعية 50000 (وحدة دولية)

[ميمّ]

قبل لاتاخذون الحبوب لازم قبلها تسوون فحص معادن عقبها تشوفون شاللجرعه المناسبه لكم ,
لان فيتامين (د) اذا ارتفع يخرب معادن الجسم الباقيه يعني تعالج من شي , تخترب اشياء واجد .!

[رجل الجزيرة]

نصيحه لا تاخذون لحبوب ولا الابره لان كلها هرمونات وخطره على الجسم حبوب الكالسيوم وحبوب فيتامين د من اخطر الادويه دخلوا اليوتيوب وشوفي بلاويهم هاذي كلها تجاره ادويه لاغير لانها ترفع مؤقت فقط

واذا ارتفع الكالسيوم عندنا ينزل فيتامين د لازم تقطعون منتجات الحليب وتشربون منقوع التين يوميا صباحاً على الريق وراح يرتفع فيتامين د

هالمعلومات كلها من الدكتور سام وريم العنزي دخلوا عليهم

أصلا الكالسيوم من مشتقات الحليب القليلة الدسم
ولا يزيد الكالسيوم في الجسم إلا بوجود فيتامين د
تجنبوا الكرك لأنه يمص الكالسيوم.

[وليف الشوق]

جعلها خيره يوم مالقيتي ونصيحه من اخ لاخته لاتاخذينها حتى بوصفه طبيه

[بريق الحق]

ام محمد خلي الشمس تضربج الصبح بعد صلاة الفجر بداية الشروق

[بصمة قطرية]

الإبرة خطرة تجنبوها
لو منها فايدة ما حذرني منها الدكتور
كان عطاني الإبرة لأنه كان معدوم عندي ..
قال لي مستحيل أوصفها لأي مريض
و تحملي تاخذينها إذا رحتي لأي دكتور في قطر ..
حبوب فيتامين دال تنأخذ كورس حبة أسبوعياً لمدة شهر
أو شهرين بعدها المريض يعيد التحليل يتأكد من النسبة
إذا إرتفعت يوقف الحبوب و يبدا ياخذها شهرياً
حبة كل شهر عشان يحافظ على النسبة ..

[أم محمد 90]

أصلا الكالسيوم من مشتقات الحليب القليلة الدسم
ولا يزيد الكالسيوم في الجسم إلا بوجود فيتامين د
تجنبوا الكرك لأنه يمص الكالسيوم.

انا مدمنة كرك :(