لو يرجع فيني الزمان ما اركب سخان مركزي

[مضارب دوسري]

السلام عليكم


فعلا لو يرجع فيني الزمان ما اركب سخان مركزي
واركب في كل حمام سخانه

والله عوار راس
وفوق هذا خررررطي وتنتظر بالايام عشان تدمر تحن وتجي تصلح

وتحطه على اقصى حراره وفوق هذا ما يوصل نص حرارة السخان العادي اللي في كل حماما اعزكم الله


اوصي من هو في طور البناء يلغي فكرة السخان المركزي الفاااشله
ويركب في كل حمام سخانه افضل وابرك واريح وسهل التصليح وراحة بال
واذا اختربت ب 200 ريال يشتري جديده ويركبها

والله اريح وافضل

اما المبرد فالصيف ف نعم انصح به لانه من يوم ركبته ما واجهت مشاكل

وياليت اهل الخبره معماري قطري وشموخ دائم
ينصحونا هل من الممكن اني اغير من مركزي الى العادي ولا بيحتاج تكسير كثير ؟؟؟

[الاسطوره]

جزاك الله خير ع النصيحه

والله يكون بعونك شكلك ماقدرت تسبح اليوم وطلعت الحره هنا هههههه


عساك ع ألقوه بومحمد

[بعيد النظر]

عسى الله يعيينك .. في هـ البررررررررررد !
واي شي مركزي فيه بلا !

[مضارب دوسري]

جزاك الله خير ع النصيحه

والله يكون بعونك شكلك ماقدرت تسبح اليوم وطلعت الحره هنا هههههه


عساك ع ألقوه بومحمد

الله يجزاك بمثله
هههههههههه

اي والله تسحبت ف ماااي باااااارد :(

[عاشق العديد]

أي والله يازينه العادي .. يشتغلك مظبوط وان اخترب اقرب بقاله تاخذلك واحد يديد ..

[معماري قطري]

انا مركب مركزي من عند الطيب وبإشراف استشاري جيد ومختص وتم التركيب داخل غرفة خرسانة وطابوق فوق أحد دورات المياه بالضبط .. لي للحين حول 11 سنة ما اشتكيت منها .. مركب سيستم كامل .. الفلتر تمت صيانته مرة بس ونظفوه وحطوا فيه مواد جديدة من رمل وغيره وكانت صيانتهم جيدة وسريعة

المفروض ما دام فيه ضاغط وكل هذي الأُمور النظام كله يكون تحت في غرفة خاصة أو تابع للملحق ما اعتقد في الوقت الحالي فيه ضرورة نعتمد على الجاذبية .. أَولاً لسهولة الصيانة وتقريباً لعدم انقطاع الكهرباء

[معماري قطري]

أحياناً اللي يركب كهربائي عادي أو تابع للمقاول وما يعرف ويلخبط في شيء ويحرق الصخانات والا تركيب تدمر من أفضل ما يكون وباقي الشركات المختصة مثل البحرية وغيرهم

[ya3coub]

غريبة أخوي ياريت اتقولنا عن المبرد ادري خارج الموضوع السموحة.


احنا فالبيت صارله فترة طويلة و مافي اي مشاكل.

و عن ردك في طريقه انك تبند السخان المركزي و البيبات الي موجودة عندك بالحمام تسويلهم اعادة توصيل و Relocating بحين انهم يمرون بالسخانات بس الشكل و الصيانة اخبر قبل كنا نعاني من السخانات الصغيرة و المركزي من ركبناه ولله الحمد من احسن ما يكون

[Azizuk]

في سباكين مايسون الخط الثالث اللي هو التدوير للماي

لازم الماي خط واحد للماي البارد وخطين للماي الحار

هذا غير دينمت التدوير للماي الحار عشان الماي الحار يجي بسرعة

وعندك أسياخ التسخين يمكن تحتاج تبديل لان يترسب عليها ترسبات مع المده بسبة الأملاح

وسعرها بسيط الأسياخ التسخين يمكن 150 الواحد وممكن انت تركبه الموضوع جداً سهل

ركب مضخات التدوير اكبر مع دينمات برشر أقوى شوي لدفع الماي بسرعة مع مراعات قوة الدينمة خوفاً من تفجير البيبات اذا كان البيت قديم

راجع مخطط التوزيع للحمامات يمكن مركب لك سخان واحد والبيت عليه ضغط في استخدام الحمامات في وقت واحد

وتقدر تغلف السخان بمادة عازلة للحرارة زي القصدير ومبطنة تحافظ على حرارة السخان

[Qt.1]

شي غريب ياخوي , انا بعد الحمدالله مركب مركزي من تدمر نفسك بعد والحمدالله ماصادفت اي مشاكل معاه , اتوقع والعلم عندالله ان في خطأ في التركيب !!

[معماري قطري]

شفت اليوم ماي متسرب من السطح وركبت طلع ورق السدرة مسكر صرف المطر اللي لغرفة تانكي المياه وسطح البنتهاوس .. والحمد لله تطمنت على الوضع وصورت شوي صور حق غرفة الخزان والصخانات

هذي صورة لمدخل الغرفة وخليته مفتوح ولو مركب له باب ألمنيوم كان أفضل .. ظللت شوي من فوق بالخشب وما انصح حد يستخدمه الحديد أحسن .. هذا تقطع من الشمس مع إنه مارين بلايوود ماليزي ومن متوسط القوة .. البلجيكي أقوى شيء بس ما اتوقع ينفع للشمس ممكن ينفع لو معزول ومحمي وعن الماي ما فيه مشاكل لكن الشمس تنهيه

http://i.imgur.com/O72UIBj.jpg

هنا نشوف بايب التصريف اللي نازل من سقف غرفة التانكي واللي ينزل عليه جزء من تصريف البنتهاوس والمفروض يتنظف سنوياً .. وهذا البايب ورا البيت وخليته مكشوف الباقي كلهم داخل الحائط .. وصحيح هذي مبالغه ضدها الحين واشوف البايبات خارجية ومكشوفة ومصبوغة ما لها تأَثير كبير في المنظر

http://i.imgur.com/E3xh7hp.jpg

الغرفة مغبرة شوي .. مهم آذكر طولها 4.1 متر وعرضها 2متر وكنت مخطط لثنتين وحدة لكل جهة الاستشاري نصحني بوحدة وسويناها شوي أكبر وكانت كافية .. مسكرة ممر المشي حول السطح لذلك بالإضافة للفتحة الكبيرة ركبت باب ألمنيوم واخترب ما ينفتح كلش لازم الواحد ياخذ لفة كبيرة حول البنتهاوس لكن مخطط اسوي درج حديد للخدمة من تحت لفوق وللطواريء كذلك وبيكون قريب من الغرفة ومن باقي السطح .. باكمل باذن الله وباحول الصالة اللي فوق السطح لغرفة نوم كبيرة مع ملحقاتها

http://i.imgur.com/J3TN1Yn.jpg

هنا نشوف الفلتر الالكتروني مقابلنا والبرشر يمين والتانكي طرفه يسار والمضخات والصخانات .. لوحة الكهرباء يفترض تكون مبتعدة عن الماي عن خطر الالتماس ولو نسوي لها كسرة بالطابوق محمية ومغلقة أفضل ولازم ما تتعرض للشمس

http://i.imgur.com/VDZOZ4I.jpg

إن شاء الله أكون وضحت هذي النقاط البسيطة والمهمة

[بوخالد911]

جاس أشطب بيتي
وبكل حمام بركب صخان
مش مقتنع بفكرة المركزززي

والله يعينك اخوي

[مضارب دوسري]

جاس أشطب بيتي
وبكل حمام بركب صخان
مش مقتنع بفكرة المركزززي

والله يعينك اخوي

بتريح راسك والله

وياك
والله ييسر عليك ان شاء الله

[مضارب دوسري]

جاو الصيانه العصر
مع ان السخان جديد ما كمل سنه

الا طلع الكويل مب شغال
وبدلوه
وصار تمام حاليا

المشكله ان عشان سبب بسيط يوقف كل البيت لانه سخان مركزي

لو ف كل حمام سخانه كان اذا اختربت وحده تستعمل حمام ثاني اعزكم الله

بس شنسوي بشوف له ترتيب خلال سنتين مع اقرب صيانه للبيت بكتسل فكرة سخان مركزي

[مضارب دوسري]

الف شكر لاخواني عزيزوك ومعماري قطري

[مضارب دوسري]

لاحظت من الصور اخوي معماري ان السخانات عندك تفتقد لشي رخييييص ومهممممممم جدااا
وهو الايرث
لتفادي اي التماسات خطره


ليش ما ركبوهم لك !

واير الايرث يا اخواني اللي تشطبون ما يتجاوز قيمته ريال واحيانا يعطونك اياه ببلاش

لازم يكون في كل مكيف واير ايرث
للامان ولسلامة اطفالكم واهل البيت مت شر الالتماسات الكهربائيه
الله يكفينا ويكفيكم شرها

بيض الله وجهه مهندس الكهرباء قطري من الكهرباء والماء
رفض يوقع على كرت الكهرباء لين يشوف واير الايرث في كل سوكت وكل مكيف

وجلسنا نتقهوى لين ركب في كل سوكت وكل سوكت مكيف هذا الواير للامان والسلامه



اما عن مجامع الكهرباء انصحكم ب ماركة eaton
ممتازه عن تجربه وامنه جددا جدا
اي خلل تفصل اوتوماتيكيا
هي ماركه رومانيه

[معماري قطري]

ما ادري شلون لاحظته والوايرات مخفية وهو يجي ثالث مع الوايرين الرئيسيين .. واحتياطات السلامة خصوصاً في الكهرباء عندي قوية وما أتوقع مرت على حول 4 مهندسين كهرباء من بداية المواصفات وتصميم الشبكة لمتابعة الإشراف

انا خبرتي في الكهرباء ضعيفة بس شبه متأكد لأَني خصوصاً في الكهرباء استشرت المختصين وكذلك الانشاء وباقي التخصصات .. كان معقدني موضوع الطرق اللي هو دخول السيارة البيت ودورانها على الدوار والكل قال القطر صغير 3 مهندسين طرق واحد منهم ماستر تصميم طريق وطلع الدوار يلف عليه الكروزر بدون الرجوع ريوس أما اللكزس شوي صعبة

[معماري قطري]

جاو الصيانه العصر
مع ان السخان جديد ما كمل سنه

الا طلع الكويل مب شغال
وبدلوه
وصار تمام حاليا

المشكله ان عشان سبب بسيط يوقف كل البيت لانه سخان مركزي

لو ف كل حمام سخانه كان اذا اختربت وحده تستعمل حمام ثاني اعزكم الله

بس شنسوي بشوف له ترتيب خلال سنتين مع اقرب صيانه للبيت بكتسل فكرة سخان مركزي

صح والله شيء يضايق وودك موجودين يومياً ويجون بسرعة بس أكيد فريق واحد وحق كل شيء

[مضارب دوسري]

ما ادري شلون لاحظته والوايرات مخفية وهو يجي ثالث مع الوايرين الرئيسيين .. واحتياطات السلامة خصوصاً في الكهرباء عندي قوية وما أتوقع مرت على حول 4 مهندسين كهرباء من بداية المواصفات وتصميم الشبكة لمتابعة الإشراف

انا خبرتي في الكهرباء ضعيفة بس شبه متأكد لأَني خصوصاً في الكهرباء استشرت المختصين وكذلك الانشاء وباقي التخصصات .. كان معقدني موضوع الطرق اللي هو دخول السيارة البيت ودورانها على الدوار والكل قال القطر صغير 3 مهندسين طرق واحد منهم ماستر تصميم طريق وطلع الدوار يلف عليه الكروزر بدون الرجوع ريوس أما اللكزس شوي صعبة

لانه فالسخانات يجي خارجي افضل
ويبين

[المهندس عبدالعزيز]

اي شي مركزي تكييف مركزي خزان مركزي ابتعد عنه تكاليف تركيبهم غالية وصيانتهم غالية

كالماكان الشي بسيط تكلفة صيانته اقل

[بوNasser]

جاو الصيانه العصر
مع ان السخان جديد ما كمل سنه

الا طلع الكويل مب شغال
وبدلوه
وصار تمام حاليا

المشكله ان عشان سبب بسيط يوقف كل البيت لانه سخان مركزي

لو ف كل حمام سخانه كان اذا اختربت وحده تستعمل حمام ثاني اعزكم الله

بس شنسوي بشوف له ترتيب خلال سنتين مع اقرب صيانه للبيت بكتسل فكرة سخان مركزي

السلام عليكم ورحمة الله

وضعي نفس وضع الشباب اللي مركبين سخان مركزي، الحمد لله من سنين ما شكينا من شي. والحمد لله مفتكين من السخانات الداخلية ومشاكلها.

انت عندك سخان واحد أو اثنين؟؟

لو كان النظام المركزي عندك فيه سخانين ، يفترض انهم يكملون بعض، حتى لو واحد اخترب الثاني ممكن يعطيك ماي ساخن او حار حسب عدد الحمامات عندك.

انا سويت ملحق فيه حمامين ومطبخ وشبكت معاه حمام السايق وركبت مركزي من تدمر والأمور طيبة ولله الحمد

تدمر قالو لي يكفي سخان واحد 80 او 100 لتر ، بس انا فضلت يكونون سخانين (اظنهم 60 لتر) للواحد. طبعا معاهم مضخة ضغط ومضختين تدوير (يشتغلون بالتناوب) للماي الحار علشان يكون متوفر على طول بدون انتظار

[alhadi4u2]

الله يعينك ياخوي ماتنلام خاصه في هالبرد بس انا مركب مركب مركزي من الطيب من اثني عشر سنه وللحين ماواجهت مشاكل تذكر الحين شغال عندي بس بعد بغيره بالكامل علشان ارتاح للاثني عشر سنه الجايه اذا لنا عمر ههههه

[مضارب دوسري]

هلا اخوي مركب 2
اخنرب واحد وصار يجيني ماي دافي يخلطون مع بعض
حاولت افصل واحد عن الثاني بعد ما يصير لازم اثنينهم يكملون بعض



السلام عليكم ورحمة الله

وضعي نفس وضع الشباب اللي مركبين سخان مركزي، الحمد لله من سنين ما شكينا من شي. والحمد لله مفتكين من السخانات الداخلية ومشاكلها.

انت عندك سخان واحد أو اثنين؟؟

لو كان النظام المركزي عندك فيه سخانين ، يفترض انهم يكملون بعض، حتى لو واحد اخترب الثاني ممكن يعطيك ماي ساخن او حار حسب عدد الحمامات عندك.

انا سويت ملحق فيه حمامين ومطبخ وشبكت معاه حمام السايق وركبت مركزي من تدمر والأمور طيبة ولله الحمد

تدمر قالو لي يكفي سخان واحد 80 او 100 لتر ، بس انا فضلت يكونون سخانين (اظنهم 60 لتر) للواحد. طبعا معاهم مضخة ضغط ومضختين تدوير (يشتغلون بالتناوب) للماي الحار علشان يكون متوفر على طول بدون انتظار

[مضارب دوسري]

الله يعينك ياخوي ماتنلام خاصه في هالبرد بس انا مركب مركب مركزي من الطيب من اثني عشر سنه وللحين ماواجهت مشاكل تذكر الحين شغال عندي بس بعد بغيره بالكامل علشان ارتاح للاثني عشر سنه الجايه اذا لنا عمر ههههه

اي والله هههه
الله يعطيك طولة العمر اخوي

[مضارب دوسري]

اي شي مركزي تكييف مركزي خزان مركزي ابتعد عنه تكاليف تركيبهم غالية وصيانتهم غالية

كالماكان الشي بسيط تكلفة صيانته اقل

بالضبط
هذا الشي النركزي الوحيد اللي ركبته
وتخسفت

يا زين البساطه