شعوركم بعد توقف برنامج سناب شات

[سهم قطري]

مساكم الله بالخير
مثل ماتعرفون حصل خلل مفاجئ في السناب شات والى الآن لم يتم اصلاحه هل لاحظتوا تغيير في حياتكم اليومية وخاصة المدمنين عليه وعن نفسي لاحظت كثير من الناس معاي في الدوام تغيرت حياتهم وصاروا يجلسون معانا مب مثل قبل يتمشون في كل زاوية ويصورون وخاصة الأكل

[qatari911]

بالنسبه لي ولا دريت عنه مع اني اصور المناظر والاكل:shy:
فوجوده والعدم واحد بالنسبه لي

[الحياة الخالدة]

ولا دريت الا منك الحين .. لأني ما استخدمه

[Dana’1]

اي قمت اسجل خروج ودخول واشيك عالتحديث وكررت تسجيل خروج ولا عاد سجل دخول @_@ ههههه
المشكله كانت وحده تنتظر ردي بسرعه :(

ما اقول إلا الله لا يحرمنا من هالبرامج الي تجمعنا بأحبتنا ^_^

[حرف]

اغمي علي من الصدمه زين فيه احد من الشباب يعرف للاسعافات الاولية ولاكان رحت في غمضة عين

[بانغ بانغ]

ايقولون حسين الجسمي مدح البرنامج

[بنت شرق]

والله دريت منك أنه واقف حاله على بالي اعدادات النت فيها غلط لأنه توني فاتحته جديد

[Miss]

صج اني مدمنه
بس والله خذيت راحه منه اليوم

[حرف]

بعد توقف البرنامج
طلع لنا اعضاء قدماء مختفين من مده ههه

[العقل المدمر]

دايما استخدمه بس عادي سحبت عليه وماحسيت فيه

[sweet qatar]

لا مافي أي تغيير

استغربت ليش بعض الاكاونتات تفتح وبعضها لأ

عاد أهم اكاونت عندي شاير من الساعه 9 :(

[الحاقول]

ولا دريت عنه

[بالمرصاد]

ولا دريت عنه
وانا كذلك

[@فهد@]

توني ادري به منك ... لكن فعلا هالبرامج تشغل كثير من الناس ... الله يهدي الجميع لكل خير .. الاتزان في كل شي زين

[البرونزي]

والله ماعرف له ولانزلته و كرهته من اغلب الناس الي قاعده معاي وكنها مب معاي
وبعدين مب فاضي حتى اشوف ناس تهذر بهدف وبدون هدف
افضل الانستقرام والقراءة على هالبرنامج

[بريق الحق]

اتمنى تنقطع كل البرامج حتى ترجع البركة للبيوت

[دايموند]

ماعرف استخدمه لين اليوم حتى الباسورد نسيته !!

[aloosh]

اهل العقول في راحه صراحه
لها درجه مهم ها البرنامج في حياة البعض
ويفتحه اكثر من القرآن

كل وقت وكا نانيه محسبوبه من حياتك الميت يتمنى دقايق بس يرجع يستغفر فيها

[ضوى]

انا شغال عندي تمام

[متواصل]

الواتساب ومللني:telephone:
بعد هذا ماله مكان
ماعندي

[معماري قطري]

حد جرب يهجر التلفون والكمبيوتر يوم؟

[بوخالد911]

اعتبرها فرصة لالتقاط قسطاً من الراحة

[بوخالد911]

حد جرب يهجر التلفون والكمبيوتر يوم؟

هذا ضربٌ من الخيال.
مستحيل الهجران.

[العقل المدمر]

حد جرب يهجر التلفون والكمبيوتر يوم؟

:no: إلام الصدق والهجران
:no: كأنا لم نكن أخوان
:no: علام البعد والنكران
أتدري أنني حيران :weeping:

[توشيبا]

توني اكتشفت اني اهلي ناس طيبين

[.قطر.]

السناب توقف ساعات والكل أصبح في حيره والقرآن الكريم فوق الطاوله يكاد أن يقف سنه ولم يمسكه أحد
انظروا كيف اصبحنا :weeping:

[@فهد@]

السناب توقف ساعات والكل أصبح في حيره والقرآن الكريم فوق الطاوله يكاد أن يقف سنه ولم يمسكه أحد
انظروا كيف اصبحنا :weeping:

الله المستعان ياخوك ...

الغفله شينه ... الله يكفينا شر الغفله وشر انفسنا .. ويردنا اليه ردا جميلا .. بارك الله فيك

[الحياة الخالدة]

حد جرب يهجر التلفون والكمبيوتر يوم؟

الصد و الهجران ماهم بطبعي .. و انتهينا انتهينا انتهينا

يا ابن الحلال قول يهجرون اهلهم ولا يهجرون الجوال و الكمبيوتر

[حرف]

ترى كلنا نفسهم
الناس كلها مدمنه حتى الي في المنتدى مدمنين 24 ساعة موجودين

[.قطر.]

الله المستعان ياخوك ...

الغفله شينه ... الله يكفينا شر الغفله وشر انفسنا .. ويردنا اليه ردا جميلا .. بارك الله فيك

آمين
ويبارك فيك اخوي

:)