مشكلة الوزن الثابت ..!!!

[بصمة قطرية]

بسم الله الرحمن الرحيم
السلام عليكم و رحمة الله و بركاته

أتمنى حد يساعدني في هالموضوع ..
مسألة الوزن الثابت اللي مب راضي ينزل
يعني وقف عند حد معين ..
اتبعت كسر الدايت
و سويت كل شي مافي فايدة ..!!
لدرجة إني رحت لدكتور و قلت له عن هالشي
للأمانة الدكتور كان شوي و يقول لي انتي جاية تستهبلين .. :(
أنا من صجي متضايقة و مب عارفة السبب ..!!
أراقب السعرات الحرارية وأمارس الرياضة ..

يا ليت اللي عنده فكرة يفيدني ..
شاكرة لكل من بيشارك في الموضوع ..
تحياتي ،،

[بريق الحق]

الرقم مايهم
يمكن كمية الماي عندج كبيره لانه اصعب شي التخلص الماي يحتاج دايت خاص البوتاسيم يساعد على التخلص من الماي الزايد
في بعض المكملات تساعد ممكن اطرحها مثل cla عن تجربه ممتاز وهو مكمل طبيعي

[بن غيث]

احتمال .. وجود نقص في فيتامينات
.. نقص في الكرات البيضاء ...
يجب اجراء فحص شامل للدم والغدد

[بعيد النظر]

السلام عليكم ..

من اكبر المشاكل هو ثبات الوزن يبيله صبر ..
ومراجعة اللي تاكلينه بشكل دقيق !

لان شي من اللي الاشيا اللي تاكلينه هو اللي ثبت الوزن ..
وعادي يكون شي سخيييييييف وتافه !


صارتلي قبل شهرين وثبت وزني وينيييييت
مجهود اكبر واكل اقل لكنه ثابت لمدة 20 يوووم

يوم قطعته طحت 3 كيلو ف اسبوع !

[المهندس عبدالعزيز]

1-عدد السعرات الحرارية اللي تاخذينها اكثر من المطلوب
2-غيري روتين الاكل والرياضة

[Dana’1]

أتمنى لك التوفيق ،،
بس لفت نظري ما كتبتي عن الدكتور،،بعض الدكاتره يحرون ويقللون من شعور إلي قدامهم حتى شعوره بالألم يستخفون فيه وعادي يقول توهم أو نفسي بكل بساطه لأنه فاشل،،وبس تروحين للطبيب الفاهم صح يطلع علتك ويعطيك العلاج وتصيرين مثل الفل
والله المستعان

[why me]

الشغله الاولى , انواع الدايتات مثل دايت التمر واللبن مثلاً , او دايت الفواكه , وغيرها , مضره
لكن انصح فيها في حال بتستخدمينها لفتره بسيطه ماتتجاوز اسبوع الى عشر ايام بالكثير ,خصوصا للاشخاص الي يواجهون ثبات فالوزن.
ثبات الوزن بعض الاحيان يستمر شهر شهرين واكثر خصوصا للاشخاص الي باديين دايت من فتره طويله نسبياً ونزلو وزن محترم.

دايت الفواكه بتستانسين عليه لانه بعد ثلاث ايام من بدايته يعطي نضاره للبشره وينظف جسمك من داخل ومفعوله سريع جداً
يستخدمونه البعض في حال كان عندهم مناسبه قريبه ويبون نتيجه سريعه.

لكن لاتستخدمينه لاكثر من اسبوع واذا بغيتي تمدينها شوي لاتتجاوزين العشر ايام.
بعد عشر ايام من استخدامه يبدا الجسم يتاثر بفقدانه لبعض المواد الضروريه للجسم مثل البروتين وبعض الفيتامينات.

بجانب هالدايت غيري الرياضه الي تمارسينها , تمارسين مشي سريع ؟ اقلبيه لنط الحبل , هاللعبه تحرق في ربع ساعه كمية سعرات كبيرة جداً تتفوق عالجري حتى.
كل يوم لو تقدرين تكملين ربع ساعه نط حبل بالاضافه لنص ساعه hiit بتتفاجئين بالنتيجه خلال اسبوع الى عشر ايام بالكثير , لاتاخذين راحه خلال هالعشر ايام ابد.

وبعدها ارجعي من ناحية التغذيه للدايت الطبيعي لكن لاترجعين لرياضتك القديمه , كملي مع الرياضه الجديده.
اي نوع من الرياضه بعد ثمان اسابيع يتطلب توقف عنها لفتره معينه لان تاثيره على جسمك وعلى حرق الدهون يقل كثير.

[بصمة قطرية]

الرقم مايهم
يمكن كمية الماي عندج كبيره لانه اصعب شي التخلص الماي يحتاج دايت خاص البوتاسيم يساعد على التخلص من الماي الزايد
في بعض المكملات تساعد ممكن اطرحها مثل cla عن تجربه ممتاز وهو مكمل طبيعي
كلامك صحيح أخوي بريق ..
الزيادة في كمية السوائل
نتيجة علاجات كنت آخذها سنين طويلة
صار لي ثلاث سنين تقريباً موقفة عنها ..
يا ليت تفيدني ..

[بصمة قطرية]

احتمال .. وجود نقص في فيتامينات
.. نقص في الكرات البيضاء ...
يجب اجراء فحص شامل للدم والغدد

أنا شاكه في هالشي
و أتوقع في خلل في الهرمونات
أو نقص فيتامينات ..
سويت الفحص بكرة إن شاءالله بشوف النتيجة ..

[بصمة قطرية]

السلام عليكم ..

من اكبر المشاكل هو ثبات الوزن يبيله صبر ..
ومراجعة اللي تاكلينه بشكل دقيق !

لان شي من اللي الاشيا اللي تاكلينه هو اللي ثبت الوزن ..
وعادي يكون شي سخيييييييف وتافه !


صارتلي قبل شهرين وثبت وزني وينيييييت
مجهود اكبر واكل اقل لكنه ثابت لمدة 20 يوووم

يوم قطعته طحت 3 كيلو ف اسبوع !

و عليكم السلام و الرحمة

أكلي صحي و السعرات الحرارية قليلة جداً
و أحاول أنوع ما أثبت على أكل معين
و أكثر شي وجبتين في اليوم ..
أخصائية التغذية مستغربة إن وزني ثابت صار له شهور ..
بالرغم من إني ضعفت وايد ..
مادري وين الخلل .. :(

[المحاميه]

هذي اصعب مرحله

الكل يعاني منها

لان فالبدايه الوزن ينزل عقب خلاص يثبت ..

اللي اعرفه اذا كنتي مثلا تمشين قبل نص ساعه الحن لازم ساعه وهكذا


والله يعين ويوفق ..

[asulaiti]

أذكر مرة قريت موضوع من زمان .. مو متأكد من النت أو من مجلة .. عن الوزن الزائد وعمل الرجيم ... الخ
هي عبارة عن مقابلة صحفية تقريباً .. يقول هذا الدكتور .. أو العالم ماني متذكر الصراحة ..
أن الجسم يكون متعود على نمط غذائي معين .. ووزن معين معتاد عليه الجسم .. فعندما يبدأ الإنسان عمل الرجيم فهو يفاجأ الجسم بتغير النمط الغذائي له ..

فيقوم الجسم بمقاومة هذا التغيير ... ويحارب هذا التحول المفاجئ بالنسبه له ويدافع عن الحالة التي عليه الآن .. ويصمد لمدة قد تزيد عن اسبوعين .. عند بعض الأشخاص ..
لذا تجد البعض بعد بدء الرجيم باسبوع يحاول يفحص الوزن يجد أنه لم يتغير شيء .. أو قد يكون نقص كيلو أو كيلوين فقط .. بالرغم من قسوة الرجيم الذي اتبعه .. فالكثير منهم يصاب بالاحباط هنا ..
ويتوقف عن الاستمرار في هذا الرجيم (يقول في نفسه ... الحين مخفف الاكل صار لي اسبوع ما أكل إلا دايت أو أكل خفيف ومانزلت ولا كيلو واحد !! أو نزلت نص كيلو بس !!
لا يا عمي ليش معذب نفسي ... يا مره - ينادي زوجته - حطي لي البرياني خليني أتغدى ... وهو توه ماكل الغدا الدايت !! )

ولكن ... مع الاصرار والااستمرار في الرجيم هنا تبدأ دفاعات الجسم تنهار - على كلام الموجود في المقابلة - وهنا يبدأ وزن الشخص بالنزول الفعلي .. وتختلف المدة من شخص إلى شخص ..
ومن فرد متبع نمط معين إلى فرد آخر نمطه غير .. هذه غير الأمور الأخرى التي تدخل في نقص الفيتامينات أو الهرمونات ... الخ

لذا .. فعند عمل الرجيم .. يجب الصبر على الرجيم فترة .. قد تكون فترة طويلة في نظر الانسان .. لكنها قصيرة جدا جدا في عمره .. ولكن سيجني ثمار هذا العمل بالتأكيد ..

على فكرة .. أنا جربت هذه العملية وفعلاً رأيتها .. وبدأت في إنقاص وزني بعد الصمود .. وبعد العشرة كيلو تقريباً توقفت عن الرجيم بدون ما أدري ..
وشوي شوي رجع وزني السابق وكاني ما سويت شي .. هجمة مرتدة من الجسم !! في آخر الدقايق وقلب النتيجة لصالحه !!
وخرجت أنا من البطولة !!

[المحاميه]

و عليكم السلام و الرحمة

أكلي صحي و السعرات الحرارية قليلة جداً
و أحاول أنوع ما أثبت على أكل معين
و أكثر شي وجبتين في اليوم ..
أخصائية التغذية مستغربة إن وزني ثابت صار له شهور ..
بالرغم من إني ضعفت وايد ..
مادري وين الخلل .. :(

وجبتين فاليوم؟ شوي

لازم خمس صغار

[بصمة قطرية]

1-عدد السعرات الحرارية اللي تاخذينها اكثر من المطلوب
2-غيري روتين الاكل والرياضة


السعرات الحرارية عادية ما تجاوزت الحد المطلوب
أراقبها و أعرف كميتها قبل لا آخذها ..
التمارين الرياضية فادتني واااايد
و بنت عضل لأن بإختصار إتبعت تمارين الشد
خلال شهر تغيرت القياسات و نسبة العضل كبيرة ..

[بصمة قطرية]

أتمنى لك التوفيق ،،
بس لفت نظري ما كتبتي عن الدكتور،،بعض الدكاتره يحرون ويقللون من شعور إلي قدامهم حتى شعوره بالألم يستخفون فيه وعادي يقول توهم أو نفسي بكل بساطه لأنه فاشل،،وبس تروحين للطبيب الفاهم صح يطلع علتك ويعطيك العلاج وتصيرين مثل الفل
والله المستعان

وياج يارب حبيبتي ديور ..
الدكتور تضايق مني يقول لي انتي ليش مب مقتنعه
و راضية بجسمج ..
الزيادة اللي عندج لا تذكر ..
و مش. معترف بقياسات كتلة الجسم
يقول ما اعترف فيها و لا اعتبرها صحيحة و مهمة ..
يقول. لي قعدي شوي برع و شوفي المرضى اللي يجوني
يعانون من سمنه مفرطة و مساكين ..
قلت له افهمني يا دكتور ..
أنا أبي اعرف ليش ثبات الوزن
سويت كل شي و ما في فايدة ..
سوى لي تحاليل ..

[بصمة قطرية]

الشغله الاولى , انواع الدايتات مثل دايت التمر واللبن مثلاً , او دايت الفواكه , وغيرها , مضره
لكن انصح فيها في حال بتستخدمينها لفتره بسيطه ماتتجاوز اسبوع الى عشر ايام بالكثير ,خصوصا للاشخاص الي يواجهون ثبات فالوزن.
ثبات الوزن بعض الاحيان يستمر شهر شهرين واكثر خصوصا للاشخاص الي باديين دايت من فتره طويله نسبياً ونزلو وزن محترم.

دايت الفواكه بتستانسين عليه لانه بعد ثلاث ايام من بدايته يعطي نضاره للبشره وينظف جسمك من داخل ومفعوله سريع جداً
يستخدمونه البعض في حال كان عندهم مناسبه قريبه ويبون نتيجه سريعه.

لكن لاتستخدمينه لاكثر من اسبوع واذا بغيتي تمدينها شوي لاتتجاوزين العشر ايام.
بعد عشر ايام من استخدامه يبدا الجسم يتاثر بفقدانه لبعض المواد الضروريه للجسم مثل البروتين وبعض الفيتامينات.

بجانب هالدايت غيري الرياضه الي تمارسينها , تمارسين مشي سريع ؟ اقلبيه لنط الحبل , هاللعبه تحرق في ربع ساعه كمية سعرات كبيرة جداً تتفوق عالجري حتى.
كل يوم لو تقدرين تكملين ربع ساعه نط حبل بالاضافه لنص ساعه hiit بتتفاجئين بالنتيجه خلال اسبوع الى عشر ايام بالكثير , لاتاخذين راحه خلال هالعشر ايام ابد.

وبعدها ارجعي من ناحية التغذيه للدايت الطبيعي لكن لاترجعين لرياضتك القديمه , كملي مع الرياضه الجديده.
اي نوع من الرياضه بعد ثمان اسابيع يتطلب توقف عنها لفتره معينه لان تاثيره على جسمك وعلى حرق الدهون يقل كثير.

شلون دايت الفواكه
أنا من عشاق الفواكه :)
الرياضة اللي أمارسها على أساس إنها شد
بنت لي عضل ..!!
و مابي أستمر محتاجة أغيرها ..

[بصمة قطرية]

وجبتين فاليوم؟ شوي

لازم خمس صغار

وجبتين و احسهم وايد :(
أنا أكلي بسيط طول عمري جذي ..

[why me]

شلون دايت الفواكه
أنا من عشاق الفواكه :)
الرياضة اللي أمارسها على أساس إنها شد
بنت لي عضل ..!!
و مابي أستمر محتاجة أغيرها ..

ابحثي عنها فقووقل , والرياضه استخدمي الي قلتلك , عشر ايام ولاشي , وبتشوفين نتيجه طيبه باذن الله

[بعيد النظر]

و عليكم السلام و الرحمة

أكلي صحي و السعرات الحرارية قليلة جداً
و أحاول أنوع ما أثبت على أكل معين
و أكثر شي وجبتين في اليوم ..
أخصائية التغذية مستغربة إن وزني ثابت صار له شهور ..
بالرغم من إني ضعفت وايد ..
مادري وين الخلل .. :(


اتوقع والعالم الله ان وجبتين كلللش ما تكفي ..
ثاني شي كم سناك بين هـ الوجبات وش ترتيبهم ؟
الجسم يحتاج اكل بشكل دايم .. حتى لو وجبة صغييييييييرة !

تاكلين خبز اسمر ؟ عيش ابيض ؟ بطاط ؟
شنو نوع الكارب اللي تستخدمينه ؟ ومتى تاكلينه ؟


تقولين تمارسين تمارين شد ؟ تلعبين كاريدو عقبه ولا ؟


وبعد هاي كله .. ممكن مثل ما انذكر تسوين رجيم الفواكة ..
3 ايام بسسس .. تكسرين فيها الروتين .. وتردين عادي على جدولج !

[بصمة قطرية]

ابحثي عنها فقووقل , والرياضه استخدمي الي قلتلك , عشر ايام ولاشي , وبتشوفين نتيجه طيبه باذن الله

إن شاءالله
ألف شكر أخوي | إختي ..

[Riku3]

الدكاترة عندنا اكثرهم ماعندهم سالفة ومالهم في هالسوالف .. لازم طبيب رياضي يفهم ..

انا كنت اعاني من هالمشكلة ولكن بالعكس وانا ازيد وزني مب تخسيس الوزن ..

الاهم هو نوع الاكل وكمية الكارب والدهون .. وايضاً نوع ومدة الرياضة ..

غيري الوجبات بشكل شهري وزيدي مدة الرياضة او قسميها على مرتين في اليوم .. مره كارديو فقط ومره كارديو وتمارين اوزان وحركة .

اهم شي لا تشوفين الوزن كثر ما تشوفين تغيير الجسم .. لان ببعض الاحيان نسبة الدهون تقل بس العضل يزيد وهذا المطلوب حتى لو الوزن ثابت .

انا ضد اي رجيم يقتصر على نوع واحد من الوجبات .. الجسم يحتاج الاكل لا تبخلين على نفسج بس اهم شي عدم المبالغه والتمارين بجدية .... وضروري ما يكون في اي يوم للغش !! .. او تقولين الجمعه يوم مفتوح لان هذا يخرب شغل شهر مب بس اسبوع @_@ .

[بصمة قطرية]

اتوقع والعالم الله ان وجبتين كلللش ما تكفي ..
ثاني شي كم سناك بين هـ الوجبات وش ترتيبهم ؟
الجسم يحتاج اكل بشكل دايم .. حتى لو وجبة صغييييييييرة !

تاكلين خبز اسمر ؟ عيش ابيض ؟ بطاط ؟
شنو نوع الكارب اللي تستخدمينه ؟ ومتى تاكلينه ؟


تقولين تمارسين تمارين شد ؟ تلعبين كاريدو عقبه ولا ؟


وبعد هاي كله .. ممكن مثل ما انذكر تسوين رجيم الفواكة ..
3 ايام بسسس .. تكسرين فيها الروتين .. وتردين عادي على جدولج !
بين الوجبات فواكه في الغالب موز ..
و لا شاي أخضر ..
أكلي جداً بسيط و متوقعه الهيموجلوبين نزل أكثر ..
صدقني آخر همي الأكل ..
أمارس كل أنواع التمارين
وشايفة نتيجة ممتازة من التمارين الحمدلله
يعني تماريني صحيحة ..
بس المشكلة الوزن اللي حالف ما ينرل :(
بجرب رجيم الفواكه ..
مشكور اخوي. ما قصرت ..

[بصمة قطرية]

الدكاترة عندنا اكثرهم ماعندهم سالفة ومالهم في هالسوالف .. لازم طبيب رياضي يفهم ..

انا كنت اعاني من هالمشكلة ولكن بالعكس وانا ازيد وزني مب تخسيس الوزن ..

الاهم هو نوع الاكل وكمية الكارب والدهون .. وايضاً نوع ومدة الرياضة ..

غيري الوجبات بشكل شهري وزيدي مدة الرياضة او قسميها على مرتين في اليوم .. مره كارديو فقط ومره كارديو وتمارين اوزان وحركة .

اهم شي لا تشوفين الوزن كثر ما تشوفين تغيير الجسم .. لان ببعض الاحيان نسبة الدهون تقل بس العضل يزيد وهذا المطلوب حتى لو الوزن ثابت .

انا ضد اي رجيم يقتصر على نوع واحد من الوجبات .. الجسم يحتاج الاكل لا تبخلين على نفسج بس اهم شي عدم المبالغه والتمارين بجدية .... وضروري ما يكون في اي يوم للغش !! .. او تقولين الجمعه يوم مفتوح لان هذا يخرب شغل شهر مب بس اسبوع @_@ .
صدقت والله
كان باقي شوي و أصيح أمس :(
لا ويقول لي ليش محبطة و مكتئبة ..!
قلت له لإنك بإختصار مش عارف إني تعبانه وايد
بسبب هالموضوع و جيت تقارن لي أصحاب الأوران
الثقيلة و أنا أختلف عنهم و أعاني من سالفة
ثبات الوزن و متأكدة في سبب ..



بالضبط هاي اللي حاصل معاي
أشوف نتيجة من التمارين وواضحة جداً
كمية العضل زادت وايد عن قبل
و الدهون الحمدلله باقي خمسة كيلو ..
أرجع و أقول أبي وزني ينزل :(

[Chanel]

فيه دكتوره كويتيه برامجها لدايت حلوه تسالينها وترد على السناب اذا بغيتيها خبريني

[بعيد النظر]

بين الوجبات فواكه في الغالب موز ..
و لا شاي أخضر ..
أكلي جداً بسيط و متوقعه الهيموجلوبين نزل أكثر ..
صدقني آخر همي الأكل ..
أمارس كل أنواع التمارين
وشايفة نتيجة ممتازة من التمارين الحمدلله
يعني تماريني صحيحة ..
بس المشكلة الوزن اللي حالف ما ينرل :(
بجرب رجيم الفواكه ..
مشكور اخوي. ما قصرت ..

ما ابغي اتفلسف علييج .. بس الاكل اهم من التمارين بوايد !

الموز ممكن عقب التمرين غيرها ما انصحج
وخصوصا اذا سناكج كان موز بس !!

لان الموزة فيها كمية سكر وكارب عالية

الشاي الاخضر .. في دراسة يديدة تقول كثرة شربه .. يزيد الوزن
ونصحو بـ كوبين لي 3 ماكسمم .. وبعد الاكل بساعة ..


ع العموم موفقة

[Saoud_]

95672

الBMI ماتعتمدين عليه

مثل ماتشوفين بالصوره البنتين نفس الطول ونفس الوزن ونفس ال BMI

لكن اللي عاليمين جسمها ارتب وانحف لانه العضل وزنه ثقيل مقارنه بالشحم ومع ذلك شكلها انحف
اللي عاليسار مليانه وقياساتها نفس اللي عاليمين
95673

لاتعتمدين عالوزن في تحديد مستوى اللياقه البدنيه انا عن نفسي اركز عال Fat percent عشان اوصل لمستوى اللياقه المطلوب

[بصمة قطرية]

فيه دكتوره كويتيه برامجها لدايت حلوه تسالينها وترد على السناب اذا بغيتيها خبريني

عطيني خليني اشوفها ..
مع اني للأمانه مب محتاجة دايت ..
بالعكس محتاجة أزيد في أكلي ..

[بصمة قطرية]

ما ابغي اتفلسف علييج .. بس الاكل اهم من التمارين بوايد !

الموز ممكن عقب التمرين غيرها ما انصحج
وخصوصا اذا سناكج كان موز بس !!

لان الموزة فيها كمية سكر وكارب عالية

الشاي الاخضر .. في دراسة يديدة تقول كثرة شربه .. يزيد الوزن
ونصحو بـ كوبين لي 3 ماكسمم .. وبعد الاكل بساعة ..


ع العموم موفقة

موزه في اليوم
بس وقتها مش بعد التمارين
إذا حسيت بجوع آخذها ..
و الشاي الأخضر كوب في اليوم
و أحياناً أشرب شاي أبيض ..
متأكدة الخلل مش في أكلي ..

مشكور أخوي جزاك الله خير ..

[مرتبش]

السلام عليكم
بسيطة ان شالله.. اولا يبدو انك مقللة الاكل اكثر من اللازم وهذا مايساعد في نزول الوزن.. امر اخر انك ضعفتي بس الوزن ثابت وهذا ممكن الحدوث اذا اكتسبتي عضل وهذا سبب قول الدكتور انه مايعترف بمؤشر كتلة الجسم او حتى الميزان بكبره.
المهم الان مراجعة شاملة لكميات الاكل ومقدار الرياضة وفالك التوفيق