هل تفضل التسوّق لوحدك ؟

[العفراء]

من المواقف الصعبه لما نروح نتسوق و نبا نتشرا اللي بخاطرنا بس يكون معانا حد يحاول يفرض رايه و ذوقه علينا و يمكن يكون شي بخاطر اي واحد منا ياخذه لكن بسبة ذوق اللي معاه يغير رايه وما ياخذه او انه يجامل اللي معاه و ياخذ على ذوقهم مع انه مش مقتنع بذوقهم بس شو بنسوي لو فرضوا رايهم علينا

فهل مريتوا بمثل هالمواقف و هل هالشي يخليكم تفضلون التسوق بروووحكم علشان محد يعكر مزاجكم و يخرب ذوووقكم بالاختيارات اللي تشوفونها تليق عليكم سوا بالملابس او الاحذيه عزكم الله او الشنط و الخ ،،،

[A-Alansari]

انا ماحب اتسوق مع احد

لازم بروحي عشان ارتاح واخذ الي يعجبني بدون مايأثر علي احد

والشباب بشكل عام مايحبون يتسوقون يعني لو خذت احد معاي اكثر من نص ساعه بيقولي يالله خلصنا ملل ههههه

[العنيده]

بنفسي اريح .. لاني جربت اروح مع حد بالنهايه 4 اكياس بدون مااخذ اللي ابيه :rolleyes2:
الا اذا ابي اخذ راي حد ممكن :omen2:

[أم محمد 90]

افضل التسوق بنفسي . اذا حد معاي وايد اغير رايي واحيانا اشتري شي ما ابيه او شي لما ارد البيت اشوف نفسي مو مقتنعة فيه
بس التسوق مع امي غير غير غير احب اخذ رايها ودايما لما اخذ شي هي تنصحني فيه ما اتحسف لان احسها تعرف الافضل علي ولي.

[عثرة جواد]

كلش ماحب اروح بروحي مع ربعي بس لي شخصيتي الي ذوقي

الي ماحب احد يشاركني فية وحتى لو ف رائ وعجبني ممكن اخذه


عساج ع القوة

[عابر سبيل]

على حسب السبب الدافع للتسوق..
فإن كان التسوق لحاجة ماسة او شي من هالقبيل..
فالتسوق الفردي هو السبيل الناجع..

أما ان كان التسوق "رفاهية" او لتكرار شي املكه بالاصل..
فهنا..يكون لاضاعة المزيد من الوقت في البحث المضني..
سبب وجيه لاصطحاب(او مصاحبة) اخرين..

و في الاول و الاخير..
مشاوير السوق تسبب لي بالعموم
ضيق تنفس و اختناق و ضجر..

لذا اتعجب دائما ممن يجد متعته في مراتع "الشياطين"🙃

[بانغ بانغ]

اعرف واحد من الربع الله يشفيه ما يتسوق الا لازم معاه حد اما انا او حد من ربعه وايجرجرنا من بيوتنا احيانا عشان انروح معاه ..


لان مسكين يعاني من عمى الوان ... ايشوف كل شي رصاصي

[شموخ دائم]

,

,

مرحبا


شكرا على الموضوع


مجرد التسوق والتمشيه لوحدي هو بحد ذاته متعه خاصه اذا التسوق يكون بدون شي محدد
الي يعجبني اوقف اشوفه هو تمشيه وهو تسوق

ولكن
في بعض الاشياء نحتاج ( راي ) ومشوره في بعض الامور الي صعب الاختيار فيها
لذلك استنجد بشخص
اتشاور معه وبعدها القرار يكون اسهل

فيني طبيعه أي شي اشتريه اطلب من البائع يشيل الكرتونه ماحب الكراتين نهائيا والغلاف والنايلون
اخليه يشيل كل شي عنه ويتركه بالكيس لحاله
عمري ما دخلت كرتونه معاي البيت حتى لو شي صغير زي عطر او موبايل اخذه بدون كرتونه

,

,

[Miss]

مريت مريت يا عفراء بهالمواقف :cry2:
ما يخلون حد يشتري اللي يبيه :cry2:
فيه اماكن اي محتاجه حد معاي
وفيه اماكن مابيهم معاي خير شر :(

[دايموند]

عاده يا اتسوق بروحي يا مع ريلي..

[بعيد النظر]

اعرف واحد من الربع الله يشفيه ما يتسوق الا لازم معاه حد اما انا او حد من ربعه وايجرجرنا من بيوتنا احيانا عشان انروح معاه ..


لان مسكين يعاني من عمى الوان ... ايشوف كل شي رصاصي


هههههههههههههههههههههههههههههههههههههههههههههه
هاي حالتي قبببل ايام الدراسة .. وقبل الزواج @@


الحين الامور احسن شوي ..
واحب اخلص اموري بروحي لاني سرييييييييييع
وما احب احد يعطلني

[بصمة قطرية]

أحب أكون بروحي
آخذ اللي أبيه و أطلع ..
ما أحب حد يجيرني آخذ شي
اللي يعجبني آخذه بدون تردد ..
ما أحب أطول و ألف محلات وايده ..
اتملل في المجمعات ..
و مرات أروح مع إختي ..

[السيف5]

عادي ماتفرق معاي

بس الافضل يكون مع صديق للتشاور احيانا

اللي بيقول من كثر مااتسوق اكثره تمشي

[معماري قطري]

طلعتوا فلوسكم وايد .. انا من سنتين ما تسوقت

[بومحمد المطاوعه]

السلام عليكم ورحمه الله وبركاته
موضوع طيب

الصراحه انا عن نفسي على حسب
الغرض الي بشتريه

وأكثر التسوق

اكون مع ام عيالي
او ربعي

وحزات بروحي*

على حسب الموووود

[العقل المدمر]

احب اتسوق بنفسي ومستحيل اشتري شي مع حد
الا لو كنت متاكدة اني ابيه وداخلة المحل بس عشانه
ومستحيل اشتري الشي من اول مايدش فخاطري
لازم ارجع البيت وافكر واشوف كم عندي وعندي بديل او لا
اذا خلاص وايد فخاطري ارجع له واذا حسيت ان عادي اكون وفرت
وغالبا ماحب اخذ راي حد الا لو صج احترت اصور الشي واطلع
واستشير هلي وربعي بالصور لين افكر وارجع المحل مرة ثانية
بس صج طريقتي ممكن تكون متعبة لكنها وايد توفر علي
خصوصا ان اغلب الاشيا نشتريها لانها تعجبنا مب لان محتاجينها

[بشائر]

ماحب حد يزعجني وانا أتسوق .. وعموما ماروح السوق إلا لشيء أحتاجه وأعرف المكان اللي أبيه ووين ألقاه
آخذ حاجتي وأطلع وما أطول .. ما أداني أتمشى في المجمعات ومالي حاجة ..

[العفراء]

انا ماحب اتسوق مع احد

لازم بروحي عشان ارتاح واخذ الي يعجبني بدون مايأثر علي احد

والشباب بشكل عام مايحبون يتسوقون يعني لو خذت احد معاي اكثر من نص ساعه بيقولي يالله خلصنا ملل ههههه

انا مع هالفككره ان الانسان يتسوق بروووحه
و ربعك غريبيين اونهم يملون المفروض ما تشلهم وياك عن يمللون بك

[العفراء]

بنفسي اريح .. لاني جربت اروح مع حد بالنهايه 4 اكياس بدون مااخذ اللي ابيه :rolleyes2:
الا اذا ابي اخذ راي حد ممكن :omen2:


و هذي هي المشكله اختيه العنيده

انهم يجبرونا ناخذ اشيا و نكتشف عقب انها ما تناسب ذوقنا

علشان جذا اريح اني اتسوق بروحي

[دايموند]

طلعتوا فلوسكم وايد .. انا من سنتين ما تسوقت

يالزطي...:tease:

[العرابي]

التسوق لوحدك ممل وتتسرع في اتخاذ القرار اكيد تحتاج شريك معك تستشيره ولا خاب من استشار

[Qtr37]

امممم
بصراحة
ممكن اتسوق بروحي لاني سريعه في اتخاذ القرار لاني اروح وانا عارفه ايش ابي،، او اروح مع امي و خواتي استمتع معاهم
لكن
ما احب اتسوق مع زوجي!! لازم يكرهني في اللي ابي اشتريه!!!!!!!!!!!